Dr Sarkawt Khoshnaw دکتۆر سەرکەوت خۆشناو

08/07/2026

گرێی سیەکان و وەرگرتنی نموونە (Biopsy): هەڵبژاردنی باشترین ڕێگا

بۆ گرێی سییەکان، وەرگرتنی نموونە لە ڕێگەی دەرزی لە ژێر ئیرشادی سی تی سکان (CT-guided needle biopsy) زۆرجار سادەترین و گونجاوترین بژاردەیە. ئەم پرۆسەیە لەژێر بەنجی موضعي ئەنجام ئەدرێت و ئەتوانێت بە سەلامەتی بگاتە زۆرێك لە گرێیەکان.

پێویستە بزانین کە هەناوبینیی سییەکان (Bronchoscopy) و سۆنەری ناوخۆیی سییەکان (EBUS) دوو تەکنیکی گرنگن بۆ وەرگرتنی نموونە، بەڵام بۆ هەموو نەخۆشێک باشترین و یەکەمین بژاردە نین. ئەوان زیاتر بۆ ئەو گرێیانە بەکاردێن کە بە دەرزی ناتوانین بە ئاسانی پێیان بگەین، بۆ نموونە ئەو گرێیانەی لە ناوەڕاستی (بۆرییەکانی هەوا)دان، یان لیمفەگرێیەکانی ناوەڕاستی سنگ (Mediastinal) و دەوروبەری سییەکان (Hilar). ئەنجامدانی ئەو دوو پڕۆسەیە زۆرجار پێویستی بە هێورکەرەوە (Sedation) ئەبێت، وە لە هەندێك حاڵەتیش پێویستیان بە بەنجی گشتی (General anesthesia) ئەبێت.

بۆیە پێش ئەوەی بچیتە ژێر باری هەر بژاردەیەك کە خراوەتە بەردەمت، بیر لەوە بکەرەوە کە ڕای پزیشکێکی پسپۆڕی شێرپەنجە (Oncologist) وەربگریت. چونکە هەڵسەنگاندنی هەمەلایەنە (Multidisciplinary assessment) یارمەتیدەر ئەبێت بۆ دڵنیابوونەوە لەوەی کە ئەو پرۆسەیەی لە هه‌نگاوی یەکەمدا بۆت ئەنجام ئەدرێت، باشترین بژاردەیە. ئەمە ڕێگری ئەکات لە ئەنجامدانی پرۆسەی ناپێویست و لە دواکەوتنی چارەسەر.

دکتۆر سەرکەوت خۆشناو
پزیشکی ڕاوێژکار بۆ چارەسەری گرێ و نەخۆشیەکانی شێرپەنجە (بەریتانیا)
پرۆفیسۆری یاریدەدەر لە نەخۆشیەکانی شێرپەنجە

MRCP(UK), FRCP, MRCP SCE in Medical Oncology (UK), MSc and PhD in Oncology (UK), MSc in Medical Education (UKH), MRCP PACES Examiner

02/07/2026

ڕێنمایی پزیشکی

نیشانەکانی شێرپەنجەی کیسی زەرداو چین؟
Gallbladder cancer

لەسەرەتاوە، لەوانەیە شێرپەنجەی کیسی زەرداو هیچ نیشانەیەك دروست نەکات.

ئەو نیشانانەی کە لە قۆناغەکانی دواتر لەوانەیە دەربکەون:

* ئازارێکی بەردەوام لە بەشی سەرەوەی لای ڕاستی سك
* زەردوویی
* دڵتێکچوون و هێڵنجدان
* دابەزینی کێش

خاڵی مەترسیدار ئەوەیە کە نیشانە سەرەتاییەکانی ئەو شێرپەنجەیە نزیکن لە نیشانەکانی بوونی بەردی زەرداو یان هەوکردنی زەرداو.

ڕێنمایی/ لەبەر ئەوەی زوو دەستنیشانکردنی ئەو شێرپەنجەیە کلیلی سەرکەوتنە لە پڕۆسەی چارەسەرکردن، هەر کەسێك ئەو نیشانانەی هەست پێکرد با زوو داوای یارمەتی پزیشکی بکات.

دکتۆر سەرکەوت خۆشناو

پزیشکی ڕاوێژکار بۆ چارەسەری گرێ و نەخۆشیەکانی شێرپەنجە (بەریتانیا)
پڕۆفیسۆری یاریدەدەر لە نەخۆشیەکانی شێرپەنجە

📞 بۆ وەرگرتنی کاتێکی گونجاو بۆ ڕاوێژی پزیشکی، پەیوەندی بە سکرتێرەکەمانەوە بکەن (مۆبایل، ڤایبەر، واتسئەپ): 07507483830

----------

17/06/2026

نیشانەکانی شێرپەنجەی گون (سرطان الخصية)

ئەو نەخۆشانەی شێپرنجەکەیان تەنها لە گونە و بڵاو نەبۆتەوە بۆ هیچ شوێنێکی دیکەی لەشیان، باوترین نیشانە بریتیە لە بوونی گرێیەکی بێ ژان لە یەکێك لە گونەکان. لە هەندێك نەخۆش لەوانەیە ژانێك یان قوڕساییەك لە بەشی خوارەوەی زگ هەستی پێ بکرێت.

ئەو نەخۆشانەی کە شێرپەنجەکەیان تەشەنەی کردووە و بڵاو بۆتەوە، بەپێی شوێنی بڵاو بوونەوەکە نیشانەی تریان لێ بەدیار ئەکەون، بۆ نموونە:

* ئەگەر شێرپەنجەکە بچێتە گرێ لیمفاویەکانی نزیك دیواری پشتەوەی زگ: لەوانەیە ببێتە هۆی پشت ئێشە، یان هەندێك جار گرێ لیمفاویەکان ئەوەندە گەورە ئەبن کە بە دەست هەستیان پێ ئەکرێت لە کاتی پشکنینێکی سادەی زگ، یان لەوانەیە لایەکی زگ بە چاو ببیندرێت کە ئەستوورترە (ئەو شوێنەی کە گرێیەکەی لە ژێرە).

* هەندێك جار شێرپەنجەکە لەوانەیە بچێتە گرێ لیمفاویەکانی سەرووی ئێسکی چەڵەمە و وەکو گرێیەك لە مل هەستی پێ بکرێت.

* ئەگەر شێرپەنجەکە بچێتە ناو سیەکان یان گرێ لیمفاویەکانی ناو قەفەسەی سنگ، لەوانەیە نەخۆشەکە ئەو نیشانانەی بۆ دروست ببن: کۆخە، سنگ ئێشە، نەفەس تەنگی یان خوێن هێنانەوە لە کاتی کۆخین.

* ئەگەر نەخۆشیەکە زۆر بە لاشەدا بڵاو ببێتەوە، لەوانەیە ببێتە هۆی کەم بوونی شەهیەی خواردن، بوونی هێڵنج، یان دابەزینێکی بەرچاوی کێش (کەمکردنی زیاتر لە پێنج کیلۆ لە ماوەی چەند مانگێکی کەم، بەبێ ئەوەی نەخۆشەکە هەوڵی دابەزینی کێشی دابێت).

* نزیکەی پێنج لە سەدی ئەو نەخۆشانەی شێرپەنجەی گونیان هەیە، مەمکیان گەورە ئەبێت (بەهۆی دەردانی هۆڕمۆنێکی تایبەت).

جگە لە شێرپەنجەی گون، نەخۆشی تریش لەوانەیە ئەو نیشانانە دروست بکەن. بەڵام ئەگەر کەسێك یەکێك یان زیاتر لەو نیشانانەی سەرەوەی هەبن، ئەوا پێویستە حالەتەکەی هەڵسەنگاندنی بۆ بکرێت، چونکە لەوانەیە ھۆکارەکەی شێرپەنجەی گون بێت.

دکتۆر سەرکەوت خۆشناو

پزیشکی ڕاوێژکار بۆ چارەسەری گرێ و نەخۆشیەکانی شێرپەنجە (بەریتانیا)

پڕۆفیسۆری یاریدەدەر (کۆلێژی پزیشکی / زانکۆی کوردستان- هەولێر)

ژمارەی سکرتێر (مۆبایل، ڤایبەر، واتسئەپ):
07507483830

----------

10/02/2026

12/01/2026

MRCP(UK) PACES Examiner

پایەیەکیدی لە پەیژەی زانستی پزیشکی سەرکەوتین. وەستان و بێ جووڵەیی هەڵبژاردە نیە.

لەگەر ئەو کۆمەڵە پزیشکە، کە ڕاوێژکارن لە بەریتانیا، وە (ممتحن-Examiner)ن لە تاقیکردنەوەی کۆتایی ئەندام بوون لە کۆلێژی شاهانەی پزیشکان (MRCP PACES Exam)، بانگهێشت کراین لۆ تاقیکردنەوەی PACES کە لە عەمانی پایتەختی ئوردن ئەنجام درا، ئەوان وەکو ممتحن، لۆ منیش وەکو ڕاهێنان… دوای ئامادەبوونم لە تاقیکردنەوەکە و رازیبوونیان لە کارامەییم وەکو ممتحنێکی تازە، لە کۆلێژی ناوبراو بڕیار درا ببمە ممتحن لە تاقیکردنەوەکانی داهاتوو (MRCP PACES Examiner).

ئەو تاقیکردەوەیە ئەگەر بەهێزترین نەبێت یەکێکە لە بەهێزترین تاقیکردنەوە سەریریەکان لەهەموو جیهان، هەم لە ڕووی تەرتیب وە هەم لە دیققەت لە هەڵسەنگاندنی شارەزایی و کارزانی ئەو پزیشکانەی دەیانەوێت لە بەشە هەناویەکان کار بکەن.

بوونم بە ممتحن لەو تاقیکردنەوەیە، هەنگاوێکی گرنگە لە بەرەوپێشچوونم لە ڕووی میهەنی و ئەکادیمیەوە.

05/01/2026

شێرپەنجەی منداڵدان
باوترین شێرپەنجەی کۆئەندامی زاوزێی ژنانە، کە لە خانەکانی ناوپۆشی منداڵدان (ئێندۆمێتریەم) دروست ئەبێت.

زۆر جار ئەو شێرپەنجەیە لە قۆناغە سەرەتاییەکان دەستنیشان ئەکرێت و بەسەرکەوتوویی چارەسەر ئەکرێت. زۆرتر لەو ئافرەتانە ئەبیندرێت کە تەمەنیان لە پەنجاو پێنج ساڵ زیاترە.

یەکێك لە نیشانە باوەکانی، خوێن‌ هاتنی نائاساییە، وەکو بینینی خوێن لە ئافرەتێك کە سوڕی مانگانەی وەستاوە. یان خوێن هاتن لە نێوان دوو سوڕ لەو ئافرەتانەی کە هێشتا سووڕی مانگانەیان ماوە. هەر خوێن‌ هاتنێکی نائاسایی باشترە زوو بپشکنرێت، چونکە ئەو شێرپەنجەیە تا زووتر دەستنیشان بکرێت، چارەسەری ئاسانتر ئەبێت.

Dr Sarkawt Khoshnaw
Consultant and Assistant Professor of Medical Oncology

MBChB, MSc Medical Education (UKH), MSc Oncology (UK), PhD Oncology (UK), MRCP(UK), MRCP SCE Medical Oncology, FRCP

31/12/2025

🎗️ڕێکارەکانی دوای چارەسەری شێرپەنجەی مەمك

✔️پاش ئەوەی نەخۆشەکە گرێ شێرپەنجەییەکەی دەرهێندرا و چارەسەرە پێویستەکانی دوای نەشتەرگەری وەرگرتن، کاتی ئەوەیە چاودێری بکرێت.

✔️ئەو نەخۆشانەی شێرپەنجەکەیان لە قۆناغە سەرەتاییەکاندا بووە، پاش تەواوبوونی چارەسەر ئەچنە دۆخی پاکبوون لە شێرپەنجە (cancer free). زۆربەی ئەو ئافرەتانە نەخۆشیەکەیان ناگەڕێتەوە، بەڵام لە هەندێکیان ئەگەڕێتەوە؛ بۆیە پێویستە نەخۆشەکە لە دوو ساڵی یەکەمی پاش چارەسەر هەر سێ مانگ جارێك ببیندرێتەوە. دوای ئەوە ژمارەی سەردانەکان بە تێپەڕ بوونی کات کەم ئەکرێتەوە.

Dr Sarkawt Khoshnaw
Consultant and Assistant Professor of Medical Oncology

MBChB, MSc Medical Education (UKH), MSc Oncology (UK), PhD Oncology (UK), MRCP(UK), MRCP SCE Medical Oncology, FRCP