Dr.Fatima د فاطمه حبيب فرج

21/07/2026

سوپاس و پێزانینی زۆرم بۆت هەیە هبە خانی گوڵ
قسەکانت زۆر کاریگەر بوون و جێگای شانازین بۆ من.
هیچ شتێک بۆ من لەوە خۆشتر و گرنگتر نییە کە ببینم تۆ و کۆرپە ئازیزەکەت تەندروست و سەلامەتن. ئەمە گەورەترین پاداشتە بۆ ماندووبوونەکانم. ئەو بەرپرسیارێتییەی تۆ باسی دەکەیت، تەنها جێبەجێکردنی ئەرکی پزیشکی و سوێندی من بووە بەرامبەر بە پاراستنی ژیانی دایک و کۆرپەلە.
هیوادارم خۆت و کۆرپەکەت، هەمیشە تەندروست باش و دڵخۆش بن زۆر سوپاس بۆ ئەم متمانە و ووتە بەنرخانەت، کە هەمیشە هاندەرم دەبن بۆ بەردەوامبوون لە خزمەتکردنی هاونیشتمانیانی خۆم.❤️
دفاطمە حبیب

19/07/2026

سڵاو دایکان و باوکانی ئایندە! ✨
لە دەوروبەرماندا زۆر قسە و باسی جیاواز دەبیستین دەربارەی دووگیانی، بەڵام زۆربەیان تەنیا باوەڕی چەوتن (خورافیات) و بنەمایەکی زانستییان نییە. با سەیری ٣ باوترین هەڵەی دووگیانی بکەین:
❌١. "شێوەی سک دەریدەخات کۆرپەکە کوڕە یان کچ" 👶
باوەڕەکە: ئەگەر سکەکە بەرەو سەرەوە و بەرز بێت کچە، ئەگەر نزم و بەرەو پێش بێت کوڕە.
✅ڕاستییەکە: شێوەی سک هیچ پەیوەندییەکی بە ڕەگەزی منداڵەوە نییە! شێوەی سک تەنیا بەهۆی بەهێزیی ماسولکەکانی سک، شێوازی وەستانی منداڵەکە، و پێکهاتەی جەستەی دایکەکەوە دیاری دەکرێت. تەنیا سۆنەر (ئەڵتراسۆند) ڕاستییەکە دەزانێت.
❌٢. "دایکی دووگیان دەبێت لە جیاتی دوو کەس نان بخوات" 🍽️
باوەڕەکە: چونکە منداڵێک لە سکتدایە، دەبێت بڕی خواردنەکەت دوو هێندە بکەیت.
✅ڕاستییەکە: ئەمە دەبێتە هۆی کێشەی زۆر و شەکرەی دووگیانی. لە ڕاستیدا، لە سێ مانگی یەکەمدا پێویستت بە هیچ کالۆرییەکی زیادە نییە، و لە مانگەکانی دواییشدا تەنیا پێویستت بە ٣٠٠ بۆ ٤٥٠ کالۆری زیادەیە (هاوسەنگە بە ژەمێکی سووکی تەندروست، نەک ژەمێکی تەواو). چۆنیەتی خواردنەکە گرنگە نەک چەندیەتیەکە.
❌٣. "سۆنەر (ئەڵتراسۆند) زیانی هەیە بۆ منداڵەکە" ⚡
✅باوەڕەکە: تیشکی سۆنەر مەترسی بۆ سەر کۆرپەکە دروست دەکات.
ڕاستییەکە: سۆنەر تیشکی زیانبەخش (وەک تیشکی ئێکس) بەکارناهێنێت، بەڵکو بە شەپۆلی دەنگی (Ultrasound) کاردەکات کە تەواو بێزیانە بۆ دایک و منداڵەکە کاتێک لەلایەن پزیشکەوە بە شێوازی دروست بەکاربێت.

‎دفاتمە حبیب
‎پسپۆری ژنان و مناڵبوون
‎کلار ، ناوبازاڕ ،نزیکی بەخشین
07748201284

07/07/2026

گرنگی ڤیتامین D3 لە کاتی دووگیانیدا

بۆ کۆرپەلە: 👼🏽یارمەتیدەرە لە گەشەکردنی دروستی ئێسک، ددان، مێشک، و ڕێگریکردن لە کەمبوونەوەی کێشی لەکاتی
لەدایکبووندا.

بۆ دایکەکە: 🤰ئێسکەکانی بەهێز دەکات، سیستەمی بەرگری چالاک دەکات، و مەزاجی دەپارێزێت لە خەمۆکی دوای لەدایکبوون.
کەمکردنەوەی مەترسییەکان: ئەگەری تووشبوون بە بەرزبوونەوەی پەستانی خوێن (پری ئیکلەمپسیا)، شەکرەی
دووگیانی، و لەدایکبوونی پێشوەختە کەم دەکاتەوە.

📌 تێبینی گرنگ: بڕی پێشنیارکراو بە گشتی 600-800 IU یە، بەڵام پێویستە پێش بەکارهێنانی، پشکنین بکەیت و ڕاوێژ بە پزیشکی پسپۆڕ بکەیت بۆ دیاریکردنی ژەمی گونجاو.

دفاتمە حبیب
پسپۆری ژنان و مناڵبوون
کلار ، ناوبازاڕ ،نزیکی بەخشین
07748201284☎️

28/06/2026

هۆکارەکانی کەمبوونی💧 ئاوی دەوری کۆرپەلە (Oligohydramnios):
‎ کێشەی کیسەی ئاو: دڕان یان دزەکردنی ئاوی دەوروبەری کۆرپەلە (باوترین هۆکارە).
‎ کێشەی وێڵاش : کەمبوونەوەی خوێن و خۆراک بۆ کۆرپەلە بەهۆی بەرزبوونی پەستانی خوێنی دایک یان تێپەڕبوونی ماوەی دووگیانی (سەروو ٤٢ هەفتە).
‎ کێشەی کۆرپەلە: گەشەنەکردنی گورچیلەکان، گیرانی ڕێڕەوی میزی کۆرپەلە، یان دواکەوتنی گەشەی گشتی (چونکە میزی کۆرپەلە سەرچاوەی سەرەکی ئاوەکەیە).
‎ هۆکاری دایک و دەرمان: وشکبوونەوەی توندی جەستەی دایک، یان بەکارهێنانی هەندێک دەرمانی وەک پرۆفین و دەرمانی پەستانی خوێن.

‎چۆن دەزانرێت؟ لە ڕێگەی سۆنەرەوە،
کاتێک پێوەری شلەکە (AFI) کەمتر بێت لە ٥ سانتیمەتر.

‎دفاتمە حبیب
‎پسپۆری ژنان و مناڵبوون
‎کلار ، ناوبازاڕ ،نزیکی بەخشین
07748201284

26/06/2026

زۆربوونی 💧ئاوی دەوروبەری کۆرپەلە وهۆکارەکانی:

زۆری ئاوی دەوروبەری کۆرپەلە لە کاتی دووگیانیدا. ئەمەش بەهۆی تێکچوونی هاوسەنگی نێوان قوتدان و میزکردنی کۆرپەلەکەوە ڕوودەدات.
لە نزیکەی ٥٠٪ بۆ ٦٠٪ی حاڵەتەکاندا هۆکارەکەی نادیارە و مەترسی نییە. بەڵام هۆکارە سەرەکییە ناسراوەکان ئەمانەن:
شەکرەی دایک: بەرزبوونی شەکری خوێنی دایک وا لە کۆرپەلە دەکات زیاتر میز بکات.
کێشەی پێکهاتەیی کۆرپەلە: وەک گیرانی سورێنچک یان گەدە، و کێشە دەمارییەکان کە ڕێگری لە کۆرپەلەکە دەکەن شلەکە قوت بدات.
دووگیانی دوانە (TTTS): نایەکسانی لە دابەشبوونی خوێن لە نێوان دوانەکاندا.
کەمخوێنی یان سستبوونی دڵی کۆرپەلە: دەبێتە هۆی کۆبوونەوەی شلەی زیادە.
کێشەی کرۆمۆسۆمی: وەک کۆنیشانەی داون یان ئێدواردز.
دفاطمە حبیب
پسپۆری ژنان و مناڵبوون
كلار-تەنیشت دەرمانخانەی دارۆ
07748201284

20/06/2026

خانمان دوای مناڵبوون چۆن ئاگایان لە تەندروستی خۆیان بێت ؟ @

17/06/2026

بۆ ئاگاداری چارەخوازانی بەڕێز

14/06/2026

چەند نیشانەیەکی مەترسیدار دوای مناڵبوون

29/05/2026

بەڕێزان لە ڕۆژی یەکشەممە وە (د فاطمە حبیب )لە كلينيك ئامادە دەبێت بۆ پێشوازیکردن لە چارەخوازان

‎نود إعلامكم بأن الدكتورة فاطمة ستكون متواجدة في العيادة يوم الأحد لإستقبال المراجعات
العنوان: كلار ,داخل سوق ،قرب مجمع بخشين
07748201284☎️

Obstetrician and gynecologist
دکتۆرا (بۆرد )لە نەخۆشییەکانی ژنان و مناڵبوون

26/05/2026

جەژنی قوربانتان پیرۆز...