عيادة الدكتور محمد عادل محمود للامراض النفسية والعصبية

  • Home
  • Iraq
  • Kerkuk
  • عيادة الدكتور محمد عادل محمود للامراض النفسية والعصبية

عيادة الدكتور محمد عادل محمود للامراض النفسية والعصبية عيادة الدكتور محمد عادل محمود
اختصاصي في الامراض النف?

20/08/2026

النقاش العميق اللي كاعد اناقشة ويه الطفل اللي جاي من المستقبل 😅

موضوع النقاش جان عن اعراض التوحد اللي تصير قبل عمر السنة من حياة الطفل !؟
معقولة !
اي والله معقولة
التفاصيل تشوفوه بهل فديو

الدكتور
محمد عادل محمود
اختصاصي الامراض النفسية والعصبية

03/08/2026

العادات الصحية للنوم تفيد كثير من الحالات قبل ماتبدون بالحبوب المنومة اللي تاخذوها بدون وصفات الطبيب
هاي الخطوات البسيطة كافية مرات بمعالجة الارق
تنظيم اوقات النوم
تقليل الكافيين ومشتقاته( جماعة كلاصات ايس لاتيه ومشروبات الطاقة التعيسة)
العشاء الخفيف
الحمام الدافي (خصوصا بالشتاء)
ابتعاد من الشاشات وخصوصا الاخبار السلبية مال هالفترة
قراءة كتاب ممل
جعل السرير المكان الوحيد للنوم ( نبرمج الدماغ انو فقط من نحتاج النوم نروح للسرير )
اذا جربتو هالطرق ومفادت عدكم اهنا تكدرون تراجعونا نكدر نكتب بعض العلاجات البسيطة اللي رح تساعدكم على النوم ( اكيد مو مخدرة ولا مدمنة )

الدكتور
محمد عادل محمود
اختصاصي الامراض النفسية والعصبية

22/07/2026

احنة كشعب العراقي شنسوي اول ما يطير النوم من عينا؟؟
ناخذ فاليوم لو ميلاتونين جلي حسب مايوصفوها الناس لو منومات انواع اشكال مثل الجرزات
تره اكبر غلط هذا الشي!
النوم هي وظيفة فسيولوجية بالجسم حاله حال النفس والاكل والشرب اذا صارت بيها مشكلة لازم تحل السبب اللي يسوي هلمشكلة!
اعراض الارق ذكرتها بالفديو وحلها مو راسا حبوب المنومه !

الدكتور
محمد عادل محمود
اختصاص الامراض النفسية والعصبية

الاهل : دكتور الحجي عمره ٨٥ سنة وكام يخربط فجاةاني : شون يعني يخربط شيسوي؟الاهل : كام ميعرفنا منو وينسى هو منو ووينه وها...
18/07/2026

الاهل : دكتور الحجي عمره ٨٥ سنة وكام يخربط فجاة
اني : شون يعني يخربط شيسوي؟
الاهل : كام ميعرفنا منو وينسى هو منو ووينه وهاي الحالة بس بليل تصير وهو ليله صار نهار ونهاره صار ليل
اني : الحجي مسوي عمليات شي قبل او ياخذ ادوية ؟؟
الاهل : اي دكتور ياخذ ادوية وجبنا العلاجات ويانا وهو مقعد ميكدر يمشي
اني : الحجي صاير عندة حالة نفسية نسميها هذيان وهاي بسبب كثرة العلاجات الدوائية وميحتاج نكتبله اي دواء تراجعون طبيب باطنية واحد فقط وهو يرتب انواع مضادات السكر والضغط ويحاول يقلل منها قدر الامكان
الاهل : دكتور ماتكتبله شي؟
اني : حاليا لا لكن اذا استمرت الاعراض ووره مارتبتو العلاجات واخذتو بتعليماتي مثلاا نحجيله يوميا عن يومه ونذكره بالتاريخ ونقلل الضوضاء والهوسةً وان شاءالله اموره تمام

الحالة كانت
Delerium induced by over medications

الدكتور
محمد عادل محمود
اختصاصي الامراض النفسية والعصبية

وهاي ايد الحجية بعد تقريبا اربعة اشهر من العلاجالوسواس القهري ازعج شي بالنسبة للشخص بس النا كان شي تحدي نكدر نعالجها لو ...
06/07/2026

وهاي ايد الحجية بعد تقريبا اربعة اشهر من العلاج
الوسواس القهري ازعج شي بالنسبة للشخص بس النا كان شي تحدي نكدر نعالجها لو لا
طبعا بهيج اعمار العلاج السلوكي المعرفي يكون صعب لان حجية جبيرة بالعمر ومالها واهس تسوي اي تمرين عدا الشغلات البسيطة اللي انطيتها
استخدمت اكثر من نوع من الادوية بمختلف اليات العمل وتعاونو اهل الحجية ويايه والحمدالله ايدها رجعت شباب 😅

الدكتور
محمد عادل محمود
اختصاص الامراض النفسية والعصبية

03/07/2026

تاخر النطق علاجه مو اوميغا ثري وبيض البلبل واختلاط بالاطفال والخ من الامور عير العلمية
تاخر النطق لازم نشخص السبب اللي يخلي الطفل يتاخر بالكلام وبعدين نعالج السبب
مجتبى ماكان يتكلم غير كم كلمة بسيطة وماسجلوه بالمدرسة بسبب هالشي
الحمدالله والفصل لله وللعلم والطب اللي يخلينا تستخدمه لعلاج هيج مشكلة كبيرة
هسه اموره كلها تمام وبالمدرسة وناجح والقادم احسن
لاننسى دور الاهل المهم جدا بالمتابعة والتواصل المستمر ويايه

الدكتور
محمد عادل محمود
اختصاصي الامراض النفسية والعصبية

الحالة المميزة هي كالاتي : الهذيان مابعد العمليات الجراحيةهي حالة ذهنية ونفسية تصير مابعد العمليات الجراحية الكبرى خصوصا...
02/07/2026

الحالة المميزة هي كالاتي :
الهذيان مابعد العمليات الجراحية
هي حالة ذهنية ونفسية تصير مابعد العمليات الجراحية الكبرى خصوصا عمليات الكسور والقلب واللي تصير بالكبار بالسن وتتوضح على شكل مشاكل وخربطة بالقابليات الذهنية والمعرفية واضطربات النوم

التشخيص يكون سريريا عن طريق اخذ التااريخ المرضي وبعض الاسالة اللي تكون موجهة للشخص ومنها نكدر نشخص الحالة

العلاج يكون دوائي وبعض الارشادات للاهل

الدكتور
محمد عادل محمود
اختصاص الامراض النفسية والعصبية

#يوميات العيادةاضطراب الهلع
21/06/2026

#يوميات العيادة
اضطراب الهلع

# قصص ويوميات من حالات العيادة
17/06/2026

# قصص ويوميات من حالات العيادة

اخر التحديثات طبيا وعلميا ونفسيا بخصوص اضطراب طيف التوحد في الاطفال منقولة من صفحة استاذتنا د. زينب علي سليم اختصاص دقيق...
23/05/2026

اخر التحديثات طبيا وعلميا ونفسيا بخصوص اضطراب طيف التوحد في الاطفال منقولة من صفحة استاذتنا د. زينب علي سليم اختصاص دقيق الطب النفسي للاطفال والمراهقين

السلام عليكم....تكثر الأسئلة حول العلاج الدوائي للتوحد...
لايوجد لحد الآن علاج دوائي أمن معترف به من قبل منظمة الصحة العالمية ومنظمة الغذاء والدواء الأميركية ولا يسمح باستخدام اي علاج دوائي شافي الاضطراب لحد الآن..

مراجعة التداخلات الموجودة حالياً....

١...التدريب اليومي المكثف ..يجب على الاهل تدريب طفلهم على الاقل ٥ساعات يوميا للحصول على أفضل النتائج.. بالإضافة إلى ذلك تدريب المراكز والجلسات الفردية ويجب التنسيق بين المركز والبيت...

٢...حالات معينة مثل الهيجان الشديد والعنف وايذاء النفس او الاخرين او الحركات التكرارية التي تعيق التدريب يجوز استخدام مضادات الدوبامين تحت اشراف الطبيب النفسي المختص..والمتدرب على الطب النفسي للأطفال والمراهقين.ولفترة محددة وجرعة محددة حسب الحالة

٣... إذا الطفل يعاني من فرط الحركة وتشتت الإنتباه يجوز استخدام ادوية محددة وجرع محددة من قبل الطبيب النفسي المختص والمتدرب على الطب النفسي للأطفال والمراهقين... ولفترة محدوده وجرعة محددة حسب الحالة

٤... اضطرابات النوم والشهية والامساك... ايضا حسب الحالة.. واعتماد علاج سلوكي اولا

٥...الصرع...علاج دوائي من قبل طبيب متخصص جملة العصبية للأطفال...

٦...توجد طرق علاج غير مثبته وممنوعة في الدول المتطورة...وتشمل..ادوية سحب المعادن...العلاج المناعي الوريدي...غرف الأوكسجين...ادوية الجهاز الهضمي للتحكم بالبكتريا...والحمية الغذائية... الفيتامينات والمعادن الزائدة التي تعطى لسنوات وبجرع عالية....

٧...يمكن استخدام الاوميكا ٣ لفترة محددة لاتزيد عن ٣شهور...كذلك بعض الفيتامينات مثل فيتامين ب٦وسي..وغيرها مرة واحدة فقط إذا يوجد نقص...ودون تكرار لانه يودي الى تسمم بالفيتامينات...

٨....توجد دراسات حاليا على بعض الادوية مثل الأنسولين وغيره لكنها قيد البحث في الدول المتطورة في مختبرات خاصة ويتم اختبارها على الحيوانات اولا وليس البشر.....

٩...طرق علاجية اخرى تساعد على تكييف الطفل للبيئة ليعيش حياة افضل مثل العلاج بالموسيقى والعلاج الحسي والعلاج بالحيوانات مثل ركوب الخيل الذي قد يزيد من تعاطف الشخص ويقلل الحركات التكرارية...العلاج بالدولفين والكلاب....وهذه طرق ليست مثبته لكنها قد تنفع

١٠...العلاج بالسباحة...الرقص...اليوكا...الهرولة....فنون القتال..مثل الجودو...تزيد الاندفاع الاجتماعي والاختلاط...ايضا ليست مثبته لكنها قد تنفع..

الصحة والعافية للجميع

Address

كركوك, شارع الاطباء
Kerkuk

Opening Hours

Monday 15:00 - 20:00
Tuesday 15:00 - 20:00
Wednesday 15:00 - 20:00
Thursday 15:00 - 20:00
Saturday 15:00 - 20:00
Sunday 15:00 - 20:00

Telephone

+9647709217011

Website

Alerts

Be the first to know and let us send you an email when عيادة الدكتور محمد عادل محمود للامراض النفسية والعصبية posts news and promotions. Your email address will not be used for any other purpose, and you can unsubscribe at any time.

Shortcuts

Share

Category