07/09/2026
تخيل تدخل تشتري حذاء(تكرمون)… وتطلع من المحل معرض لاشعاع! هذا الي صار لفترة طويلة من الزمن 😳
بين الأربعينيات والخمسينيات، جانت محلات الأحذية بأمريكا وأوروبا تستخدم جهاز اسمه Shoe-Fitting Fluoroscope
جهاز أشعة كامل داخل محل الاحذية نفسه!
الفكرة انك بعدما تلبس الحذاء الجديد، تروح تحط رجلك بهذا الجهاز، وتشوف بنفسك، أنت واهلك وابو المحل، عظام القدم مالتك داخل الحذاء مباشرة على الشاشة، علمود تتأكدون إنه قياس الحذاء صحيح
المشكلة ما جان اكو أي حماية إشعاعية لكل الموجودين، والموظف اللي يشغل الجهاز يتعرض للاشعاع عشرات المرات باليوم، والزبائن (خصوصاً الأطفال اللي جانوا يحبون يشوفون عظام قدمهم) يدخلون ويعرضون نفسهم لاشعاع بدون أي داعي طبي حقيقي
بس مع تطور الفهم العلمي لمخاطر التعرض التراكمي للإشعاع، توقفت هذي الممارسة تدريجياً بكل دول العالم
واليوم، أي تصوير بالأشعة لازم الة مبرر طبي واضح، وجرعة محسوبة بدقة، وبدلات حماية للمريض والكادر الطبي — وهذا بالضبط الي أطبّقه بشغلي
هم تعرفون أي ممارسة طبية قديمة ثانية متوقفة اليوم؟ جاوبوني بالتعليقات 👇
تابعوني .hayder.shaaban لقصص وحقائق طبية ما يعرفها أغلب الناس
#نجف #عظام
