27/08/2026
کۆنتڕۆڵنەکردنی شەکرە و مەترسیی شکان
پەیوەندیی نێوان ئاستی شەکرە و تەندروستیی ئێسکەکان 🩸🦴
کاتێک باسی شەکرە دەکەین، زۆربەی خەڵک تەنها بیر لە کێشەی چاو، گورچیلە یان دڵ دەکەنەوە. بەڵام ئایا دەزانیت نەخۆشیی شەکرە (بەتایبەت کاتێک بەردەوام بەرز بێت) یەکێکە لە دوژمنە شاراوەکانی ئێسکەکانت؟
پزیشکانی ئێسک و شکاوی بەردەوام جەخت لەسەر کۆنتڕۆڵکردنی ئاستی شەکرەی خوێن دەکەنەوە، چونکە بەرزبوونەوەی بەردەوامی شەکرە بە دوو ڕێگەی سەرەکی مەترسیی شکان زیاد دەکات:
لاوازکردنی پێکهاتە و چڕیی ئێسک (Bone Quality)
تێکدانی دروستبوونی ئێسک: شەکرەی بەرز کارپێکردنی خانە دروستکەرەکانی ئێسک (Osteoblasts) تەمبەڵ دەکات و پرۆسەی نوێبوونەوەی ئێسک خاو دەکاتەوە.
▫️پوکانەوەی ئێسک: نەخۆشانی شەکرە (چ جۆری 1 یان جۆری 2) زیاتر لە کەسانی ئاسایی تووشی پووکانەوەی ئێسک (Osteoporosis) دەبن.
▫️کەمبوونەوەی کوالێتیی ئێسک: تەنانەت ئەگەر چڕیی ئێسکەکەش بە دیاریکراوی ئاسایی بنوێنێت، شەکرەی بەرز پێکهاتەی بەستەرەکانی کۆلاجين لە ناو ئێسکدا تێکدەدات و ئێسکەکە بەئاسانی شەق دەبات یان دەشکێت.
▫️زیادبوونی ئەگەری کەوتن (Risk of Falls)
شەکرەی بەرز دەبێتە هۆی بێهێزکردنی دەمارەکانی قاچ (Neuropathy) و کەمبوونەوەی بینایی. ئەمەش وا دەکات کەسەکە نەتوانێت هاوسەنگیی جەستەی بپارێزێت و بە ئاسانی بکەوێت، کە ئەنجامەکەی شکاوی حەوز، ڕان، یان مەچەک دەبێت.
🔻ئامۆژگاری بۆ کەسانی تووشبوو بە شەکرە:
کۆنتڕۆڵکردنی شەکرە (HBA1C): ڕاگرتنی ئاستی شەکرە لە سنووری ئاساییدا، باشترین بەرگرییە بۆ ئێسکەکانت.
پشکنینی چڕیی ئێسک (DEXA Scan): ئەگەر تەمەنت لەسەرەوەیە یان ماوەیەکی درێژە شەکرەت هەیە، ڕاوێژ لەگەڵ پزیشکی پسپۆڕ بکه بۆ ئەنجامدانی ئەم پشکنینە.
وەرگرتنی کالسیۆم و ڤیتامین D: بەپێی ڕێنمایی پزیشک بۆ بەهێزکردنی ئێسکەکانت بەکاریانبێنە.
💡
ئێسکێکی تەندروست پێویستی بە جەستەیەکی هاوسەنگە. کۆنتڕۆڵکردنی شەکرە، هەنگاوی یەکەمە بۆ دووربوون لە نەشتەرگەریی شکاوی!
———
دکتۆر {حسن محی الدین رشید }
پسپۆڕی نەخۆشی و نەشتەرگەریەکانی ئێسک و شکاوی و جومگە و فەقەرات و ڕۆمانتیزم و پێکانی وەرزشی.
لە کلینیکی پزیشکی دێراو لە خزمەت چارەخوازان داین
📍ڕانیە - شەقامی پزیشکان - تەلاری پزیشکی دێراو - بەرامبەر مزگەوتی ناجیەخان
ژمارەی کلینیکی د.حسن محی الدین رشید
📞 0750 883 2859 - 0771 413 9090
