Sjálfsrækt

Sjálfsrækt Gefðu þér tíma fyrir Sjálfsrækt.

Í Sjálfsrækt lærirðu að hlúa að þér andlega og líkamlega og vera til staðar fyrir þig. Þú lærir að hlusta á líkamann, heyra hvaða skilaboð hann sendir þér og mæta þér þar sem þú ert á þann hátt sem þjónar þér hverju sinni.

07/08/2026

Svo glaðar að vera byrjaðar aftur eftir sumarfrí💖

Það sem skiptir mestu máli fyrir heilsuna okkar er sjaldnast eitt stórt átak. Það sem skiptir mestu máli er að finna lei...
07/08/2026

Það sem skiptir mestu máli fyrir heilsuna okkar er sjaldnast eitt stórt átak. Það sem skiptir mestu máli er að finna leið sem við getum haldið áfram með.

Þess vegna höfum við byggt upp áskriftarleiðina okkar.

Með áskrift færðu aðgang að öllum opnum tímum í stundatöflunni og getur valið það sem hentar þér hverju sinni. Sumir dagar kalla á slökun og mýkt, aðrir á liðleika, styrk eða jafnvel rólega hreyfingu. Markmiðið er að gera það einfalt að mæta aftur og aftur.

Auk þess fylgja áskriftinni ýmis fríðindi:
🤍 Gjafapoki þegar þú byrjar (ef áskrift er keypt fyrir 15.september)
🤍 Aðgangur að netefni frá Sjálfsrækt.
🤍 Afsláttur af Vivo Barefoot skóm hjá Eirberg.
🤍 Afsláttur af völdum viðburðum og námskeiðum.

Ef þú ert að leita að leið sem hjálpar þér að byggja upp góðar venjur til lengri tíma, þá teljum við áskriftina vera besta kostinn.

Og ef þú ert að stíga fyrstu skrefin hjá okkur mælum við sérstaklega með Byrjaðu hér ,námskeiði sem gefur þér góða og örugga byrjun inn í Sjálfsrækt.

Við hlökkum til að taka á móti þér í haust. 🤍

Orð skipta máli. Þau móta hvernig við hugsum og hvernig við tölum um hlutina. Ég er sérstaklega hrifin af orðinu sjálfsr...
06/08/2026

Orð skipta máli. Þau móta hvernig við hugsum og hvernig við tölum um hlutina. Ég er sérstaklega hrifin af orðinu sjálfsrækt.

Það er fallegt og jákvætt að leggja rækt við eitthvað, að stuðla að vexti og að hlúa að því sem skiptir okkur máli og það gerum við á margvíslegan hátt. Við leggjum rækt við börnin okkar, ræktum garðinn okkar og hlúum að því sem okkur þykir mikilvægt. Til þess að geta hlúð vel að öðrum þurfum við að leggja rækt við okkur sjálf. Þegar við gerum það aukast líkurnar á að við lifum við betri heilsu, meiri vellíðan og aukin lífsgæði. Það fallega við sjálfsrækt er að hún felur ekki í sér að eitthvað sé ekki nógu gott, ófullkomið eða bilað. Hún byggir á þeirri hugsun að það sem við viljum að dafni þurfi athygli, umhyggju og tíma….

Til þess að kerfið okkar virki sem best og okkur líði vel þarf líkaminn að upplifa öryggi en ekki vera stöðugt í viðbragðsstöðu……

Þetta er sjálfsrækt. Við getum ekki þvingað plöntu til að vaxa, en við getum skapað henni góð skilyrði. Á sama hátt getum við ekki neytt taugakerfið til að vera rólegt eða líkamann til að líða vel, en við getum skapað þær aðstæður sem gera honum kleift að finna öryggi, jafnvægi, orku og vellíðan og þar með er sjálfsrækt ekki viðleitni til að laga okkur, heldur dagleg umhyggja og iðkun sem gerir okkur kleift að lifa betur.

👉 Lestu allan pistilinn hér
https://www.sjalfsraekt.is/frodleikur/

🍂 Haustið er að koma og við erum fullar tilhlökkunar!Frá og með 18. ágúst tekur ný hausttímatafla Sjálfsræktar gildi og ...
05/08/2026

🍂 Haustið er að koma og við erum fullar tilhlökkunar!

Frá og með 18. ágúst tekur ný hausttímatafla Sjálfsræktar gildi og við getum varla beðið eftir að taka á móti ykkur aftur, bæði ykkur sem hafið verið með okkur áður og öllum þeim sem langar að stíga sín fyrstu skref í Sjálfsrækt💛

Fram að 18. ágúst verðum við með aðeins léttari tímatöflu en allir tímar eru sýnilegir inni á Abler, svo endilega kíkið þar ef þið viljið byrja að mæta.

Haustið verður fullt af skemmtilegum tímum í salnum okkar, námskeiðum og nærandi viðburðum.

Ef þú ætlar að gera eitthvað sérstaklega gott fyrir þig í vetur, þá mælum við með að skoða mánaðarlega áskrift. Hún gefur þér aðgang að öllum opnum tímum og ýmsum fríðindum, meðal annars:

✨ Gjafapoka við skráningu
✨ Aðgang að netefni frá Sjálfsrækt
✨ Afslætti í völdum verslunum
✨ Afslætti af ákveðnum viðburðum og námskeiðum Sjálfsræktar

Ef þú ert ný/r hjá okkur eða vilt byrja á traustum grunni, þá er Byrjaðu hér frábær leið inn í samfélagið okkar. Þar færðu rólegt og öruggt start, kynnist hugmyndafræði og tímum Sjálfsræktar og finnur hvernig þú getur byggt upp góðar venjur sem endast.

Við hlökkum til að sjá gömul andlit, kynnast nýjum og fara með ykkur inn í enn eitt haustið fullt af góðri hreyfingu, slökun og góðri samveru. 💛

Byrjaðu hér: https://www.abler.io/shop/sjalfsraekt/1/product/Q2x1YlNlcnZpY2U6NjA2MzU=

Komdu í áskrift:
https://www.abler.io/shop/sjalfsraekt/1/product/Q2x1YlNlcnZpY2U6MTA3MTk=

Sjáumst í Sjálfsrækt!

Haustönn er framundan og því fylgir:🍂Ný rútína🍂Nýtt tímabil🍂Ný tækifæri til að hugsa vel um sigKannski langar þig að:✅So...
28/07/2026

Haustönn er framundan og því fylgir:

🍂Ný rútína
🍂Nýtt tímabil
🍂Ný tækifæri til að hugsa vel um sig

Kannski langar þig að:
✅Sofa betur
✅Finna meiri orku
✅Hreyfa þig án þess að keyra þig út
✅Treysta líkamanum þínum betur
✅Eða einfaldlega skapa meiri ró í annasömum hversdegi

Það gerist sjaldnast á einni viku EN það getur byrjað með einni ákvörðun 🙌

Í Sjálfsrækt leggjum við áherslu á hreyfingu sem byggir upp, hvíld sem endurnærir og samfélag sem styður við þig á leiðinni.

Við hlökkum til að taka á móti þér í haust 💛

👉 Skráning á haustönn er hafin. Ef þú ert ekki viss um hvar þú átt að byrja skaltu senda okkur skilaboð – við hjálpum þér að finna leið sem hentar þér.

🌿 Byrjaðu hér er fullkominn inngangur að Sjálfsrækt.Á fjórum vikum kynnistu því hvernig við vinnum, kynnist aðferðafræði...
23/07/2026

🌿 Byrjaðu hér er fullkominn inngangur að Sjálfsrækt.

Á fjórum vikum kynnistu því hvernig við vinnum, kynnist aðferðafræðinni okkar og færð að prófa ólíka tíma eins og Liðleika og styrk, Jóga Vellíðan, Jóga Nidra og Bolta og bandvefslosun.

💚 Þú lærir að hlusta betur á líkamann, byggir upp öryggi í hreyfingu og finnur hvað hentar þér best.
Á meðan á námskeiðinu stendur færðu líka aðgang að öllum opnum tímum hjá okkur, þannig að þú getur kynnst stöðinni og fundið þína leið.

✨ Þú þarft enga reynslu og þarft ekki að vera í formi. Þú þarft bara að mæta eins og þú ert.

Við vonum að þetta verði upphafið að ferðalagi þar sem hreyfing, hvíld og vellíðan verða eðlilegur hluti af lífinu.

👉 Skráning er hafin. Við hlökkum til að taka á móti þér.

Það er merkilegt hvað við leggjum miklar væntingar á sumarið. Við bíðum eftir því mánuðum saman. Þá verður loksins tími....
19/07/2026

Það er merkilegt hvað við leggjum miklar væntingar á sumarið. Við bíðum eftir því mánuðum saman. Þá verður loksins tími. Tími til að hvíla sig, hitta fólkið sitt, fara í gönguferðir, lesa bókina sem hefur legið á náttborðinu og njóta þess að dagarnir eru lengri.

En svo kemur sumarfríið og stundum finnst mér eins og við setjum á okkur nýja tegund af pressu. Við viljum nýta góða veðrið, fara í ferðalög, hitta vini og fjölskyldu, laga pallinn og komast í fjallgönguna sem við höfum talað um síðan í fyrravor. Ef við eigum börn viljum við líka skapa minningar og gefa þeim sumar sem þau muna eftir.

Ég er hér engin undantekning. Ég verð spennt fyrir öllu sem mig langar að gera og áður en ég veit af er stór hluti frísins orðinn að verkefnalista. Skemmtilegum verkefnalista, en verkefnalista engu að síður.

Þetta er svolítið kaldhæðnislegt og eiginlega smá skondið. Við bíðum eftir fríinu til að hægja á okkur en tökum svo sama taktinn með okkur inn í það. Líkaminn er kominn í frí en hugurinn heldur áfram að skipuleggja, skipta niður dögunum og passa að ekkert fari til spillis.

Ég velti því stundum fyrir mér hvort það sé einmitt þetta sem gerir það að verkum að sumarið virðist líða svo hratt. Við segjum svo oft að tíminn fljúgi. En hvað ef hann gerir það ekki? Hvað ef við erum stundum bara svo upptekin af því að komast í gegnum allt sem við ætluðum okkur að við gleymum að vera þar sem við erum?

Lestu allan pistilinn hèr
https://www.sjalfsraekt.is/frodleikur/

16/07/2026

Hvenær lékst þú þér síðast í hreyfingu?

Það er svo auðvelt að gleyma því að hreyfing má vera skemmtileg.

Að flæða á milli hreyfinga. Prufa eitthvað nýtt. Snúa sér, skríða, hanga, halda jafnvægi og finna hvernig líkaminn vinnur.

Þegar hreyfingin verður skemmtileg langar manni yfirleitt að gera meira af henni. Hún verður einfaldlega hluti af lífinu.

Þessi tegund af hreyfingu sem við gerum í Sjálfsrækt krefst þess að þú sért á staðnum. Þú hugsar, finnur, hreyfir þig og færð jafnvel að hlæja aðeins á leiðinni.

Hreyfing á ekki alltaf að líða eins og verkefni. Hún má líka vekja forvitni og minna þig á hvað líkaminn er ótrúlega fær.

💚 Það er eitthvað sem við þurfum flest aðeins meira af.

Líkaminn sendir okkur skilaboð á hverjum degi.Stundum skýr, stundum hljóðlát.🪵 Stirðleiki 🪵 Þreyta 🪵 Spenna í öxlunum 🪵 ...
14/07/2026

Líkaminn sendir okkur skilaboð á hverjum degi.

Stundum skýr, stundum hljóðlát.

🪵 Stirðleiki
🪵 Þreyta
🪵 Spenna í öxlunum
🪵 Höfuðverkur
🪵 Óróleiki

Þetta þýðir ekki endilega að eitthvað sé að en það getur verið leið líkamans til að segja að hann þurfi meiri athygli, meiri hvíld eða aðra nálgun en hingað til.

Við erum oft fljót að leita lausna.
Nýrrar æfingar eða meðferðar, einhvers sem plástrar vandamálið í skamma stund.
En við gleymum stundum að staldra við og spyrja: Hvað er líkaminn minn að reyna að segja mér?

Í Sjálfsrækt vinnum við mikið með það sem við köllum losun.

Ekki vegna þess að við teljum að einn bolti eða ein teygja leysi allan vanda.

Heldur vegna þess að þegar við gefum líkamanum tíma, athygli og réttu hreyfinguna tekst honum oft sjálfum að sleppa spennu sem hefur byggst upp með tímanum.

Við getum ekki alltaf stjórnað því sem lífið færir okkur. En við getum lært að hlusta betur á líkamann og bregðast við honum af meiri mildi.

Stundum byrjar breytingin ekki á því að gera meira. Heldur á því að hlusta betur. 💛

👉 Hvar finnur þú oftast fyrir spennu í líkamanum?

Address

Brekkugata 3
Akureyri
600

Website

Alerts

Be the first to know and let us send you an email when Sjálfsrækt posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Sjálfsrækt:

Shortcuts

Share

Category