Efling - sjúkraþjálfun ehf.

29/08/2026

RÍKIÐ LEGGUR KOMUGJÖLD Á SJÚKRAÞJÁLFUN

Frá og með 1. september 2026 munu komugjöld verða lögð á þjónustu sjúkraþjálfara sem starfa skv. samningum við Sjúkratryggingar Íslands. Sjúkraþjálfurum er gert að innheimta þessi komugjöld við hverja komu viðskiptavina sinna. Þetta er gert samkvæmt reglugerðarbreytingu frá Heilbrigðisráðherra. Þessi komugjöld falla utan greiðsluþátttökukerfis heilbrigðisþjónustunnar og eru alltaf sama upphæð óháð tímafjölda eða lengd meðferðar.

Þessi hækkun rennur ekki til sjúkraþjálfara heldur hins opinbera og er þannig verið að draga úr kostnaðarþátttöku hins opinbera varðandi sjúkraþjálfun.

Við höfum fengið mjög litlar upplýsingar um útfærslu á þessari framkvæmd og bendum þeim sem óska eftir frekari upplýsingum að hafa samband við Sjúkratryggingar Íslands.

26/08/2026

Hóptímarnir okkar eru að hefjast.

03/07/2026

Starfsfólki Eflingar er margt til lista lagt. Tveir sjúkraþjálfarar okkar að slá í gegn í uppistandi ásamt félögum sínum. Troðfullt hefur verið á sýningar þeirra og fólk hefur þurft frá að hverfa enda frábær skemmtun. Vel gert👏👏👏

Það er ekki á hverjum degi sem tveir sjúkraþjálfarar, sem vinna á sama vinnustað, uppgötva að þeir hafi, hvor í sínu horni, verið að velta fyrir sér uppistandi árum saman.

Hlekkur á frétt í fyrstu ummælum.

18/05/2026

Stefán Ólafsson, sjúkraþjálfari hjá Eflingu sjúkraþjálfun, flutti erindi á Degi sjúkraþjálfunar 8. maí s.l.
Erindið bar heitið "Lífeðlisfræðileg örvun á bein og liði" og fjallaði um nýja tækni í notkun á púlseruðum rafsegulbylgjum til að örva gróanda í beinum og hraða bata eftir beinmarsáverka og aðgerðir á liðum. Einnig fór hann yfir klíníska reynslu af þessari tækni.
Efling er komin í samstarf við ítalska tæknifyrirtækið Igea Medical sem er leiðandi á þessu sviði.

01/05/2026

01/05/2026

Við þökkum góðar kveðjur í tilefni af 30 ára afmæli Eflingar. Vikan er búin að vera viðburðarík og skemmtileg en tveir frábærir nemar í sjúkraþjálfun hafa verið hjá okkur undanfarið í verknámi. Síðan komu nemendur úr vöðvafræði í VMA í heimsókn og fengu kynningu á starfseminni og náminu frá sjúkraþjálfunarnemunum okkar.
Við látum nokkrar myndir fylgja með frá gærdeginum.

30/04/2026

Efling sjúkraþjálfun er 30 ára um þessar mundir og í tilefni af þessum tímamótum bjóðum við skjólstæðingum upp á tertu í dag. Einnig tökum við í notkun nýja og endurbætta heimasíðu: eflingehf.is Við þökkum viðskiptavinum traustið og starfsfólki fyrir fagmennsku og metnað í gegnum árin. Án ykkar værum við ekki það sem við erum í dag. Hlökkum til næstu 30 ára með ykkur.
Https://www.eflingehf.is@

Fagleg sjúkraþjálfun á Akureyri í 30 ár. Endurhæfing, stoðkerfisefling og kvennasjúkraþjálfun. Krónan Hafnarstræti 97 og Kaupangi við Mýrarveg.

28/04/2026

Tvö spennandi námskeið hefjast um miðjan maí í salnum okkar í Hafnarstræti 97, 4. hæð. Annars vegar byrjendanámskeið í jóga fyrir konur og hins vegar styrktartímar þar sem lögð er áhersla á að auka styrk og hreyfistjórn í kjarna líkamans (bol/miðju). Kennari er Monika Bartoncová en hún er jógakennari og einkaþjálfari.

26/04/2026

Um síðastliðna helgi sótti Stefán Ólafsson sjúkraþjálfari hjá Eflingu ráðstefnu FIFA Isokinetic Medical group í Aþenu. Er þessi ráðstefna að jafnaði ein stærsta sinnar tegundar í heiminum, þar sem fjallað er um íþróttameiðsli og endurhæfingu. Það er ágætlega við hæfi þar sem Efling er 30 ára á þessu ári, að tveir af stofnendum Eflingar þeir Stefán og Einar Einarsson, hafi verið saman að bæta við sig þekkingu.