Hjónabandssæla á Norðurlandi

17/02/2025

22/11/2022

Við höfum öll séð allar Facebook og Instagram færslurnar um hina takmarkalausu hamingju við að eignast barn. Allir svífa um á bleiku skýi og að lífið gæti alls ekki verið betra. Reyndin er samt sú, að eignast barn getur líka verið erfitt og í senn svo ótrúlega mikil breyting á lífinu. Sumir foreldrar upplifa daglega alsælu, meðan aðrir spyrja sig; af hverju er ég ekki bara súper glöð/glaður alla daga“? Hjá konum er það oft vegna þess að líkaminn hefur tekið miklum breytingum, samband hennar við makann hefur breyst og þessi aukna ábyrgð og tilfinningarússibani getur verið yfirþyrmandi. Hjá makanum snýr meðganga og fæðing barnsins oft um þennan vanmátt sem er eðlilegt að upplifa. Makinn er í farþegasætinu á meðgöngunni sem og í fæðingunni sjálfri og síðar brjóstagjöfinni en á sama tíma er þessi sterka ábyrgðartilfinning til staðar, og jafnvel svo margt annað nýtt sem makinn þarf að takast á við. Dínamíkin í sambandinu hefur tekið miklum breytingum og það er fullkomlega eðlilegt en ekki alltaf auðvelt.
Það getur verið heilmikið álag á parasambandið að eignast barn og þá fyrir báða foreldra. Við erum uppfull af allskonar hugmyndum um hvernig þetta á að vera og hvernig okkur á að líða, það sem við lærðum í okkar uppeldi, samskipti okkar við vini og fjölskyldu (eða afskiptasemi þeirra) og svo áhrif samfélagsmiðla. Svo ég bið ykkur kæru foreldrar, að gefa ykkur séns, anda inn og út - það er eðlilegt að upplifa allskonar í hinu nýja hlutverki.

02/11/2022

Nánd í samböndum, hvað er það?

Í mínum samtölum við pör hef ég komist að því að skilningur fólks á nánd er mjög ólík. Í huga margra karlmanna kemur kynlíf upp í hugann þegar nánd er rædd en konur, hins vegar, skilgreina nánd oft sem koss, knús og samtal. Sannleikurinn er sá að nánd er allt hér að ofan og meira til. Stutt falleg skilaboð í símann, koss á kinn við matargerð og/eða geggjað kynlíf. Ég upplifi samt stundum að fólk eigi erfitt með að sýna nánd, hvort sem það eru falleg orð í garð makans eða samtal um að aðilanum þyki makinn sexí og langi til að stunda kynlíf með honum/henni. Hvernig ætli standi á því? Er fólk feimið eða óttast það vandræðaheit og jafnvel viðbrögð makans við því sem er sagt og gert? Oft á tíðum er það reyndin og stundum er reyndin sú að báðum aðilum í sambandinu langar til að gera og segja meira.. en gera það ekki. Ég legg mikið upp úr því, í minni meðferðarvinnu með pör, að fólk noti orðin sín. Án orða þá er parið statt í þægindarammanum – því það er stundum þægilegra að nota ekki orðin sín og ræða ekki hlutina eða takast á við þá. Það veldur því samt að parið er ekki að ná að hámarka hamingju sína – sem gæti jafnvel verið auðveldara en fólk heldur. Meiri nánd jafngildir meiri hamingju og fleiri orð hjálpa!

25/02/2022

Siggi og hans betri helmingur vita hvað þau syngja

Þau Siggi og Lísa hafa verið saman í 45 ár og komist yfir hinar ýmsu hindranir í sinni sambandstíð. Þau segja að þar skipti gagnkvæmt traust og samskipti miklu máli. Þá segjast þau einnig hafa leitað sér aðstoðar fyrir mörgum árum og það hafi skilað miklum árangri.

17/02/2022

Að leyfa sér að tjá ást til maka síns og líka taka erfiðu samtölin.

Í samtölum mínum við pör verð ég oft vör við að fólk heldur aftur að sér í samskiptum við makann sinn. Fólk þorir stundum ekki að sýna ást og nánd að hættu við að upplifa höfnun eða vandræðaleg augnablik, fólk þorir oft ekki heldur að eiga erfið samtöl sem geta tekið á báða einstaklinganna. Stundum eigum við erfitt með að berskjalda okkur gangavart makanum og tjá okkur á þann hátt sem gerir okkur nánari, það getur komið í veg fyrir að við fáum það mesta út úr sambandinu og þann stuðning sem við þurfum hjá maka okkar. Við erum öll ólík, erum alin upp á mismundandi hátt og því getur ólík upplifun okkar á samskiptum og/eða skortur á samskiptum staðið í vegi fyrir á að við getum náð hámarksgleði og hamingju með makanum okkar! Því er fólk oft í fullri vinnu við að velta því fyrir sér hvað makinn er að hugsa og jafnvel í hálfu starfshlutfalli við að senda hugsanir til makans, með von um að þær hugsanir skili sér. Í mínu starfi sem meðferðaraðili sé ég mörg dæmi þess að fólk leyfir sér ekki að ræða tilfinningar og eru því stundum að burðast með hluti úr sambandinu, sem eru kannski ekkert stórmál í upphafi en verða það á endanum, því þau eru ekki rædd. Því verður oft um einhverskonar snjóboltaáhrif að ræða og parið upplifir vandamálin sem óyfirstíganleg og íhugar jafnvel skilnað.
Störf okkar sem vinna með pörum fela oft í sér einhvers konar túlkaþjónustu – þ.e. við hjálpum fólki að skilja hvort annað, með því að aðstoða þau við að tjá sig og umfram allt átta sig betur á tilfinningum sínum og viðbrögðum sínum í samskiptum við makann. Oft þarf ekki mikið til að sambandið batni og hamingja einstaklinganna aukist. Þar að auki þarf ekki að vera einhver stórvægilegur vandi til staðar til að pör leiti sér aðstoðar, fólki hættir nefnilega til að líta svo á að það sé að nálgast endastöð í sambandinu ef þau telja þörf fyrir parameðferð. Það er þá hægt að líkja því við að fólk fer ekki til tannlæknis fyrr en allar tennurnar eru dottnar úr. Hvenær förum við til tannlæknis? Þegar við fáum tannpínu eða jafnvel áður en við fáum tannpínu, til að viðhalda góðri tannheilsu. Það er eins með parasambandið, oft þarf smá aðstoð frá fagaðila til að takast á við vandamálin, og jafnvel koma í veg fyrir þau. Að leita sér aðstoðar í sambandinu er styrkur, ekki veikleiki og getur haft fyrirbyggjandi áhrif, leitt til meiri hamingju og gleði. Aukin þekking og innsýn á tilfinningum þínum og maka þíns eykur oftast nánd og samstöðu í sambandinu.

Guðrún Kristín Blöndal, veiti para- og fjölskyldumeðferð hjá Sálfræðiþjónustu Norðurlands, hægt er að panta tíma í síma 865-6675 eða [email protected]

Hjóna- og parameðferð hjá STRANDGÖTU - sálfræði-& fjölskyldumeðferð.

15/05/2021

Þetta er nefnilega ekki svo galið! Okkur hættir til að byrgja hluti inni og forðast það að vera ósammála við maka okkar og sleppa því að "taka slaginn". Stundum er bara hollt að takast á ;) á heilbrigðan hátt a.m.k !

https://www.facebook.com/29092950651/posts/10165293733890652/

When we avoid arguing, we miss the opportunity to help our relationship improve — without arguments there is no progress. Here’s how we can embrace conflict *and* resolve it, from psych…

26/04/2021

Þetta er grein sem vert er að lesa :)

Stutta svarið er við þessari spurningu er: Já, mjög líklega. Í það minnsta ef eitthvað er að marka einhverja lengstu rannsókn sem framkvæmd hefur verið á þróun heilsu og hamingju fólks.

26/04/2021

Kristín með puttan á púlsinum, þetta er eitthvað sem við í parameðferðinni könnumst við, oft verða til vandamál sem taka mikið pláss og valda vandræðum en eru svo kannski bara eitthvað smotterí sem auðvelt er að laga!

Kristín Tómasdóttir fjölskyldumeðferðarfræðingur svarar spurningum lesenda um málefni er varða fjölskylduna, börnin og ástina í Fjölskylduhorni DV. Að þessu sinni svarar Kristín spurningu lesanda sem hefur áhyggjur af rifrildum við makann. Sæl Kristín. Ég og kærastan mín hö...