https://www.facebook.com/1420152218248404/

Guðs vitund

Home
Iceland
Hafnarfjörður
Guðs vitund

Eva Karen Axelsdóttir
Hálparmiðill, Heilari & Andlegur ráðgjafi
[email protected]
gsm: 847-7757 Við erum öll einstök og höfum jafnan rétt á því að líða vel.

Frá árinu 2014 hef ég lagt kapp á að hjálpa einstaklingum í öllu sem tengist andlegri og líkamlegri heilsu, að efla og styrkja sjálfið.

Ég vann lengi vel sem lífsstílsráðgjafi í fullu starfi, er menntuð Reiki heilari og Dáleiðslutæknir auk þess sem ég hef síðastliðin ár verið að vinna með innsæi og ráðgjöf. Ég blanda gjarnan aðferðum saman sem ég tel henta hverjum og einum.
Ég vinn með börnum sem

og fullorðnum, en sjálf er ég 6 barna móðir með börn á aldrinum 9-22 ára sem hafa notið góðs af heilunaraðferðum mínum og núvitund. Að fá tækifæri til að aðstoða fólk í daglegu lífi eru forréttindi. Á persónulegan hátt tengist ég hverjum einstakling fyrir sig við úrlausn áskorana sem viðkomandi stendur frammi fyrir. Mitt aðalmarkmið er að opna huga og hjarta fólks og leiða áfram á rétta braut með að finna sinn tilgang í þessu kapphlaupi sem við köllum lífið.

03/09/2026

Margt er fundið löngu áður en það er skilið...

Allt mitt líf hef ég elskað allt og alla frá hjartanu, algerlega óhindrað. Ég fann minn tilgang í því að elska, hjálpa og styðja við bak annarra án þess að biðja um eitthvað í staðinn en furðaði mig oft á því hversvegna sá kærleikur sem ég gaf öðrum væri ekki endurgoldinn.
Ég horfði á sjálfa mig í speglinum, svo ólíka öllum öðrum og ég spurði Guð hreint út: hver er tilgangurinn með þessu öllu? Svarið kom ekki alveg strax.

Ég upplifði eins og heimurinn væri að prófa mig á einhvern hátt, að kanna hversu verðug ég væri.

Afhverju ætti ég að leggja á mig að elska aðra og fá ekkert í staðinn?
Ég gerði það samt - án svarsins frá Guði.

Eftir andlegu vakninguna mína og mikla sjálfsvinnu í yfir áratug kom svarið til mín eins skýrt og það getur orðið.

Ég hef lifað svarinu allan tímann.

Allt mitt líf hef ég elskað eins og Guð elskar, ekki vitandi að hann væri mín uppspretta. Ég er jafn ósýnileg og Guð, en þó elskar fólk Guð án þess að sjá hann, með þögult þakklæti í hans garð án þess að endilega þekkja hans nærveru.
Ég þekki hans nærveru, hún yfirgaf mig aldrei.
Egóið mitt er það sem þurfti sönnun, Guð þarf hana ekki. Hann bara ER, ekki þurfandi neitt í staðinn fyrir þann kærleika sem hann svo frjálslega gefur af sér.
Ég þarf ekkert í staðinn ❤️💫

29/08/2026

29.ágúst 2026
Nærandi samskipti og mikilvægi þess að tilheyra.

Uppruni okkar er eining/ein heild og því kemur það ekki á óvart að sem mannverur sé það okkur eðlilegt að vera partur af heild og að hafa í kringum okkur fólk sem þykir vænt um okkur, vill okkur vel og styður okkur í lífsins sálargöngu.
Nærandi samskipti eru okkur mjög mikilvæg, það tengir okkur saman á hátt sem minnir okkur á uppruna okkar og tengir hjörtu okkar saman.
Upplifunin af því að tilheyra er eflaust það sem flestir óska sér í heimi þar sem fólk hefur verið gjarnt á að dæma og sundra. Við komum ekki hingað til þess, við komum til að sameinast í kærleika, umburðarlyndi og hamingju.

Lífið færir okkur sannarlega lexíur, upplifanir, áföll og allt þar á milli sem fyllir bakpokann okkar af þunga sem síðar þarf að grisja til úr.
Í gegnum lífið kemur fólk og fer og eins og árstíðirnar tekur lífið okkar stöðugum breytingum fram á við hvort sem okkur líkar það betur eða verr. Hlutir í kringum okkur breytast, fólkið í kringum okkur breytist í takt og það sem eitt sinn er á vissan hátt þróast smátt og smátt. Allt okkur í hag.
Á tímabilum í lífinu gerum við tilraunir til að halda fast í það sem er, ekki vitandi það að það sem við höldum að sé okkur fyrir bestu er það engan veginn.
Með tímanum lærum við að þekkja sannleikann um lífið og tilgang þess, við lærum á okkur sjálf og hver við erum og það sem eftir stendur er strípaða útgáfan af sjálfinu/sálinni sem elskar lífið og finnur tilgang í öllum litlu hlutunum sem áður virtust tilgangslausir, samhliða því að sjá fegurðina í hverri sál sem á vegi okkar verður - því sú sál er eilífur partur af mér og uppruna okkar allra.

Ég er að eilífu þakklát fyrir mitt ferðalag, eins erfitt, krefjandi og ótrúlegt það hefur verið. Ég er þakklát fyrir sálirnar sem á vegi mínum hafa verið og þær sálir sem Guð færir mér á silfurfati þegar ég þarf mest á því að halda 🥰❤️💫

19/08/2026

Í dag 19.ágúst er krafturinn í orkunni engu líkur. Mikill núandi kraftur sem hefur skipt um áherslur milli klukkustunda í dag.

Líkamleg einkenni hafa verið mestmegnis í höfðinu sem hefur valdið bæði þrýstingi, miklum innri og ytri hita, að finnast margt yfirþyrmandi (þar á meðal skortur á þolinmæði, pirringur og erfiðar tilfinningar), bæði magasvæði og hjartastöð hafa upplifað hreyfingar og ónot sem margir gætu túlkað sem kvíða ásamt mikilli þreytu sem kemur skyndilega og fer fram á mikla hvíld. Mikil þörf á að vökva sig vel og halda að sér söltum og steinefnum. Ekki ólíklegt að matarlyst minnki og ógleði sé til staðar.

Tíðnin er óhjákvæmilega að hækka sem er jákvætt þrátt fyrir þessi hvimleiðu einkenni.
Hlúðu vel að sjálfri/sjálfum þér ❤️💫

07/08/2026

Til þess að breyta einhverju í lífinu er brýn þörf á sjálfsmeðvitund. Spurningar líkt og "Hver er ég?" "Hvers vegna er ég hérna?" og "Hver er minn tilgangur?" eru spurningar sem við þurfum að spyrja okkur sjálf til þess að leiða okkur að uppgötvun um hver við í raun erum.
Margir burðast með erfiðleika og vanlíðan og festast í óstöðvandi hringekju í lífinu þar sem engin meðvitund um sjálfið er til staðar og afraksturinn er að fólk verður fórnarlamb aðstæðna sem það heldur að það geti aldrei breytt.

Ómeðvituð manneskja viðheldur vanda sínum án þess að skilja afhverju á meðan meðvituð manneskja sér munstrið og brýtur það upp.
Við sköpum okkar eigin veruleika með hugsunum, sjálfstali og orðaskiptum við aðra.
Ef þú aðeins vissir hversu megnug/ur þú ert!

Inni í þér er Guðs ljós sem býður þess að þú takir eftir sér, þetta sama ljós þráir ekkert heitara en að elska og vera elskuð/elskaður, að allir hafi það gott á öllum sviðum lífsins og að í heiminum öllum ríki hamingja, vellíðan og samstaða. Þessi sami Guðs neisti er hér til að upplifa og læra að verða betri í dag en í gær.

Lífið er skólinn sem kennir okkur allt sem okkar sál vildi læra og erfiðar lífsreynslur okkar móta okkur á hátt sem við sjáum ekki þegar við erum ómeðvituð og sofandi fyrir lexíunum. Ekkert er óvart.
Líf þitt getur tekið 360° breytingum hvenær sem er, en það er þitt að ákveða hvenær.
Þín vegferð er einstök ❤️💫

05/08/2026

Orkubreytingar 5.ágúst

Frá því í morgun hefur orkan sem streymir inn til jarðar aukið styrk sinn enn frekar svo um munar.
Gera má ráð fyrir því að hún haldi áfram að aukast í styrk fram að Lionsgate þann 8.ágúst.
Þessi umbreytingarorka knýr margt upp á yfirborðið og einkenni líkt og höfuðverkur og ógleði eru algeng einkenni sem fylgja þegar líkami okkar aðlagar sig. Aukin þreyta og þungi í neðri útlimum einnig.

Ef þú ert að eiga erfitt og telur þig þarfnast hjálpar tilfinningalega/andlega, sendu mér línu ❤️

01/08/2026

1.ágúst 2026 - Taugakerfið talar við þig alla daga.

Þetta er til þín: "Nú er tíminn til að stíga skref tilbaka, takmarka allan óþarfa, fækka skyldum, minnka álag og kynnast því hver þú í raun og veru ert og afhverju taugakerfið þitt þessa dagana er að hækka röddina og fara fram á það að þú hlustir"

Þú þarft að læra inná hvernig taugakerfi þitt talar við þig ALLA DAGA, ekki bara þegar þú "hefur tíma".

Taugakerfið okkar sýnir okkur svart á hvítu hvar við höfum hunsað skilaboð þess og farið fram úr okkur svo um munar alltof lengi.
Í áranna rás hefur okkur verið hampað fyrir að vera dugleg því meira sem við "gerum" en á meðan gleymdist aðalatriðið: Að fá að vera - án þess að gera! Svefn gefur þér ekki hvíld frá yfirspenntu taugakerfi, að slaka á yfir sjónvarpinu slakar ekki á taugakerfinu, ein útlandaferð í sumarfríinu slakar ekki á taugakerfinu.

Öll áföll, lífsreynslur sem reyndu á, allir erfiðleikar sem við höfum upplifað á ævinni tengjast beint inn á taugakerfið þar sem taugakerfið þitt geymir allar upplýsingar úr lífi þínu. Nú er sá tími þar sem þessar upplýsingar vilja sýna sig, tilfinningar vilja losna, orka vill hreyfast og þú ÞARFT að skoða sjálfa/n þig og hvar þú stendur.
Mikilvægi þess að hægja á hefur aldrei verið meira sem og þörfin á jarðtengingu í náttúrunni 🌿

24/07/2026

Innkomandi orka síðustu 2 sólarhringa er mjög mikil, kraftmikil og hröð, hún gengur í bylgjum og hefur virkilega óþægileg líkamleg áhrif. Þessi orka spólar upp taugakerfið en á sama tíma fer hún fram á mikla hvíld. Passaðu að fara ekki framúr sjálfri/sjálfum þér.
Þeir sem eru næmir finna meira fyrir þessum hreyfingum á orkunni en þó er ekki útilokað að þeir sem ónæmari eru upplifi líka einkenni líkt og þreytu, höfuðseyðing og nennuleysi. Börn sem alla jafna hafa mikla orku gætu þurft meiri svefn og almenna hvíld.

Umbreytingar hafa verið og eru að eiga sér stað og við mannfólkið erum í miðju þessarra umbreytinga enda er uppistaða okkar allra orka. Við erum andlegar verur í líkama og andlega vegferðin er mjög líkamlegt ferli. Því lengra sem þú ferð í andlegri vinnu og vexti þeim mun líkamlegri verður hún.

Ég er ekki að segja þetta til að hræða neinn heldur til að upplýsa. Guð gefur okkur aldrei meira en við ráðum við en það munu koma tímar (ef þeir eru ekki hér nú þegar í þínu lífi) þar sem þú efast um eigin styrk og efast um eigin getu til að takast á við það sem þér er fært 💫 Allir munu upplifa sterkar og mikilvægar breytingar í sínu lífi á mismunandi tímum, andlega, líkamlega og tilfinningalega og því finnst mér mikilvægt að koma þessu á framfæri, sér í lagi í dag þegar ég finn hversu mikill hraðinn er að verða.
Við þurfum öll á hvort öðru að halda ❤️

20/07/2026

Síðustu vikur hefur fókusinn verið á solar plexus orkustöðina ☯️♀️
Sterkar og krefjandi tilfinningar líkt og reiði og gremja hafa komið upp sem og hræðsla, sektarkennd og djúpstæður ótti við mistök og höfnun. Sjálfsvirðið á alltaf undir högg í þessum umbreytingum og það getur aukið á þungann.
Það er margfalt erfiðara að halda þunganum en að sleppa honum. Að halda þunganum veldur þér sársauka, lamandi þreytu og orkuleysi ásamt miklu vonleysi fyrir lífinu. Fortíðin vill kveðja þig og biður þig að leggja gömul spil frá þér þar sem næsta gjöf bíður þín 💫
Sýndu sjálfri þér ást og umhyggju, þú ert í mikilvægu ferli og þú verður að setja sjálfa þig í fyrsta sæti.
Þú kemst ekki hjá því, þar sem þú ert lykillinn! 🔑❤️

08/07/2026

Í kyrrðinni finnur þú hver þú ert - ekki í hraðanum sem samfélagið reynir að stýra þér í.

Hraði samfélagsins er ekki gerður fyrir okkur og hann gerir okkur blind.
Í hraðanum náum við ekki að hægja nógu mikið á til að finna okkur sjálf. Okkar heilaga sjálf.
Hraðinn er orðinn að vana með öllum gildrum sem þar eru. Síminn, sjónvarpið, samfélagsmiðlar eða aðrar fíknir sem erfitt er að slaufa viðhalda þér í stanslausri spennu og í spennu viðheldur þú og skapar jafnvel fleiri vandamál ásamt því að forðast þína nauðsynlegu innri vinnu. Ekkert okkar er undanskilið þeirri vinnu.

Til að finna okkur sjálf þurfum við kyrrðina, ró og tíma til að vera engum háð, hlusta á okkar innri rödd og fara í gegnum lög af tilfinningum og líðan sem þarfnast úrlausnar.

Í kyrrðinni erum við skapandi og hugmyndir flæða, þar finnum við svör við spurningum innra með okkur sem enginn annar getur svarað fyrir okkur. Í kyrrðinni tengjumst við æðri mætti, taugakerfi okkar róar sig sem orsakast í friðsæld, nægjusemi og innri hamingju sem ekkert hið ytra getur nokkurn tímann fært þér.

Í hraðanum erum við í algerri andstæðu, skelin af okkur sjálfum, of upptekin í gildrum lífsins til að skilja hvað lífið fjallar í raun um. Alltaf þreytt, alltaf stressuð, aldrei tími fyrir sjálfið.

Ef þú hefur hugrekki til, skoðaðu hvar þú og þitt innra er staðsett í dag. Hvert krefst þitt innra að þú farir næst? Er kyrrð þar? 🌌💫❤️

05/07/2026

Einstaka daga gleymi ég sjálfri mér.
Ég sýni öðrum meiri kærleika og gef öðrum meiri tíma en ég gef mér sjálfri. Uppskera þess er sú að ég fer að leita eftir fyllingu frá öðrum til að bæta fyrir það sem ég hef gefið of mikið af.
Þessi sjálfhelda er eigin sköpun, það er ekki í hlutverki annarra að laga mig. Ég er vakandi fyrir þeirri vinnu sem sjálfið krefst af mér. Ég sé skýrt hvar ég hef ekki gefið mér þann tíma eða rými sem ég þarf til að hlaða eigið batterí og hvaða leiðir henta minni hleðslu best 💫✨️

Address

Hafnarfjörður

Website

facebook.com

Alerts

Be the first to know and let us send you an email when Guðs vitund posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Guðs vitund:

Want your practice to be the top-listed Clinic in Hafnarfjörður?