Lára ∞ Móar

Home
Iceland
Reykjavík
Lára ∞ Móar

Lára 🌱 Móar bjóða upp á rými vitundar í gegnum iðkun & sköpun.

10/08/2026

Velkomin á möntrukvöld í Lífspekifélaginu þann 20. ágúst kl. 20:00.

Eftir útgáfu plötunnar MÖNTRUR langar mig að bjóða okkur að koma saman á ný. Að fagna tónlistinni, ferðalaginu sem við höfum gengið saman og þeirri samveru sem hefur yljað okkur í gegnum árin.

Það skiptir engu máli hvort þú hefur komið áður eða ert að stíga inn í þetta rými í fyrsta sinn. Þú ert hjartanlega velkomin, velkominn eða velkomið.

Í þetta sinn verður hljómsveitin í nýjum búningi þar sem hlýir strengjatónar fá að leiða kvöldið áfram.

Hljómsveit kvöldsins:

Lára Rúnars – harmonium og gítar
Arnar Gíslason – slagverk
Þórdís Gerður Jónsdóttir – selló
Chrissie Telma Guðmundsdóttir – fiðla

Við hefjum kvöldið á bolla af seremóníal kakói frá Perú og leyfum okkur síðan að sökkva inn í möntrur, tónlist og sameiginlega nærveru.

Miðverð: 6.900.-
Skráning fer fram í gegnum [email protected].

Við hlökkum innilega til að vera með ykkur aftur.

Lára & co 🤍

08/08/2026

Skráning fer fram í gegnum [email protected] ♥️

Hjartanlega velkomnar í sumarævintýri með konum í náttúrunni sunnudaginn 9.ágúst ❤️

Nú er tíminn til þess að fara út að leika, endurtengjast náttúrunni og nærast í fegurð íslenska sumarsins.

María & Lára munu leiða förina um náttúruparadís í Hvalfirði með töfrum og kröftum landsins.

Hér verður rýmið og tíminn til þess að:

☀️ Tengjast landinu, náttúrunni, jörðinni & sjálfri sér.

☀️ Liggja í mosanum og finna ilminn af lynginu.

☀️ Baða sig í fossinum.

☀️ Að anda að sér ferska loftinu.

☀️ Finna frelsið.

☀️ Liggja í móanum hugleiða, hlusta.

☀️ Opna hjartað & vera hér.

Við munum bjóða upp á ilmandi 100% hreinan kakóbolla, hugleiðslu, villt jóga nidra, létta gönguferð um fagra náttúru, fossadýfu / náttúrubað, opnun raddarinnar, mjúka hreyfingu í mosanum. Konuhringur, deiling & hlustun.

Viltu vera með? ❤️

Skráning hér: [email protected]
Nánari upplýsingar sendast við skráningu.
Verð: 7.900 kr.

Ef þú hefur einhverjar spurningar þá er velkomið að heyra í okkur!

Við hlökkum til að sjá þig ❤️

Konur í Náttúrunni, María Carrasco, Lára Rúnarsdóttir.

………………………..

LÁRA er jógakennari, tónlistarkona & kynjafræðingur með menntun í sjamanisma & höfuðbeina- & spjaldhryggsjöfnun.
MARÍA er dansari, sjúkraþjálfari, jóga nidra kennari & doula. María elskar að halda rými fyrir fólk að dýpka tengslin við sig sjálft, náttúruna & lífið sjálft.

KONUR Í NÁTTÚRUNNI er lifandi viðburðaröð sem slær í takt við árstíðir og náttúru landsins: serimóníur, ævintýri úti í móa, í nánd við jörðina og fossana, svitahof og sjóböð, nærandi samvera með konum og ræktun innri tengingar, frelsis og sambandsins við jörðina.
Hugmyndin kviknaði árið 2022 hjá Maríu Carrasco og Láru Rúnarsdóttur, og síðan þá hafa þær haldið fjölbreytta viðburði, ævintýri og námskeið fyrir konur í náttúrunni.

NÁTTÚRAN sem við sækjum heim er aðal meðalið, í henni býr allt. El

01/08/2026

Ég er hér. Að stikna.

Dóttir mín spyr:
„Mamma, ertu að gráta?“

„Nei, elskan. Mér er bara svo heitt. Þetta eru svitatár.“

Útsýnið er fagurt.

Höfnin. Hafið. Sólbrúnir, fáklæddir líkamar á vindsængum.

Tré og plöntur í sínu náttúrulega umhverfi. Sömu tegundir og við geymum í litlum pottum inni í upphituðum stofum.

Drumbrauðar steinbyggingar með pastelituðum gluggakörmum. Rauðar rósir. Bleikar rósir. Dúfur sem purra. Franskur söngur. Hvítvín með klaka. Samtöl og samvera með mínu allra uppáhalds fólki.

Ég kæli mig í hafinu og hugsa um svalan íslenskan sumarkoss. Létta rigningu á hvirfilinn. Skógarilminn sem ég ætla einn daginn að hanna ilm úr, svo ég geti tekið hann með mér hvert sem er.

Svo hvíli ég mig á sólbekk. Drekk í mig hitann og drekk mikið vatn.

Les nýjustu bók Bergþóru Snæbjörnsdóttur, KUSK, sem skapar ákveðið dýpi í annars einföldu strandlífi í Suður-Frakklandi.

Systralag heima með konum í náttúrunni innan seilingar. Fyrsta athöfnin sem ég leiði í þrjá mánuði.

Lánsöm að fá að ferðast frá einni upplifun til annarrar. Frá einni djúpnæringu til þeirrar næstu. Frá strönd Miðjarðarhafsins inn í hráa íslenska náttúru.

27/07/2026

Lífið er ein stórfurðuleg skemmtileg mótsögn.

Ekki línulegt.

Heldur hringlaga.

Eða sporöskjulaga.

Kannski óendanlegur spírall.

Á köflum algjört kaos.

Á köflum stórkostlega fagurt.

Sérhver reynsla á sinn eigin sporbaug.

Ég kem aftur og aftur að sama stað.

En aldrei sem sama manneskjan.

Ný og ævaforn á sama tíma.

22/07/2026

Ég týni tímanum milli trjánna.
Í skóginum á ég heima.

Samt bara í birtu, því ég er svo myrkfælin.

Skógurinn nærir sjónskyn mitt með formum, áferð, lögun, blæbrigðum og grænni litapallettu.

Hann nærir heyrnarskyn mitt þegar vindurinn, í sínu dagsformi, leikur við greinar, lauf og barr. Og þegar fuglarnir ákveða að taka undir.

Hann nærir lyktarskyn mitt þar sem ég finn sífellt betur sérkenni ólíkra trjátegunda. Hver dagur á sinn einstaka ilm. Og ekkert jafnast á við skóg eftir rigningu.

Það hægist á önduninni og hreint loft fyllir lungun.

Rannsóknir sýna nú það sem fólk hefur lengi fundið í eigin líkama: að skógurinn gefur ríkulega af sér.

Að taugakerfið geti róast, kortisól og blóðþrýstingur lækkað, virkni ónæmiskerfisins aukist. Regluleg samvera við náttúruna tengist einnig aukinni vellíðan, betri einbeitingu og minni streitu, kvíða og þunglyndiseinkennum.

Við þurfum ekkert að gera. Bara dvelja. Vera. Og gefa okkur tíma til að taka á móti því sem skógurinn gefur og vekur innra með okkur.

🪵🌱

20/07/2026

Mér finnst föt oft asnaleg, ekki alveg passa utan um líkamann minn. Og stundum finnst mér húðin ekki passa utan um það sem ég upplifi innra með mér.

Samt finnst mér gott að vera í líkama.

Að anda honum. Hreyfa hann. Skynja snertingu, faðmlag og nánd. Finna næmið krauma undir bringubeininu og áhrif fegurðar seitla alla leið fram í fingurgómana.

Ég elska lyktina að vori. Öspin í rigningu er mitt uppáhald. Ilminn þegar Arnar er að elda eitthvað gott í eldhúsinu.

Líkaminn minn verður líka vinur minn þegar ég týni mér of djúpt í eigin huga. Að skynja hann leiðir mig aftur heim.

En ég hef upplifað líkamsskömm síðan ég stóð fyrir framan spegil á Víðimel, 11 ára gömul stelpa í líkama konu. Brjóstin allt of stór fyrir 11 ára. Það var í fyrsta sinn sem mér fannst líkami minn of stór.

Síðan þá hefur innri upplifun mín og spegilmyndin sjaldan farið saman. Mér finnst erfitt að elska margt sem ég sé í speglinum.

Ég finn ástina frekar þegar ég skynja líkamann en þegar ég horfi á hann.

Og ég held að vandamálið sé ekki bara mitt.

Það er fátt í samfélaginu sem kennir konu að elska sig. Enn minna kennir konu yfir fertugu, með stækkandi kvið og lifaðan líkama, að horfa á sig með mildi.

Á fertugsafmælinu mínu færði algóritminn mér auglýsingar um fitusog, fitufrystingu, hrukkukrem og andlitsjóga í afmælisgjöf.

Kvenleikinn er afskaplega þröngur samfélagslegur búningur. Hann er heftandi, hann krefst aðhalds og takmarkar öndun og frelsi.

Undanfarið hef ég verið að mála líkama minn á striga.

Og það merkilega er að þegar hann lendir á striganum get ég elskað það sem ég sé.

Kannski þarf ég bara meiri fjarlægð til að sjá fegurðina í hólum og hæðum, árfarvegum og hrauni, fjöllum og skógum líkamans. Að sjá hann sem það lifaða náttúrufyrirbæri sem hann er.

❤️

16/07/2026

Möntruplatan er komin út. Tekin upp live í Fríkirkjunni þann 20. maí af Friðriki Helgasyni.

8 frumsamin lög við helga texta, nýja texta & Hvíldu í þögninni textann eftir Þórð Arnarson.

Hljómsveitin besta:
Arnar Gíslason á slagverk
Þorbjörn Sigurðsson á hljómborð
Guðni Finnsson á bassa
Birkir Rafn Gíslason á gítar

Og síðan fallegustu Móalingarnir í sal að syngja með hjartanu.

Hljóðblöndun og hljóðjöfnun:
Arnar Guðjónsson

Mynd á umslagi:
Kristín Pétursdóttir

Takk öll fyrir samstarfið. Og takk öll fyrir að hlusta.

♥️
Lára

Address

Bolholt 4, 2. Hæð
Reykjavík
105

Telephone

+3546609436

Website

http://www.moarstudio.is/

Alerts

Be the first to know and let us send you an email when Lára ∞ Móar posts news and promotions. Your email address will not be used for any other purpose, and you can unsubscribe at any time.

Want your practice to be the top-listed Clinic in Reykjavík?