Mental ráðgjöf

15/08/2026

„Voðalega er hún Anna orðin erfið.“

En áður en við tölum meira UM Önnu, ættum við kannski að tala VIÐ hana?

Ný grein Helenu á Vísi um samskipti, geðheilsu og ábyrgð okkar allra á að stíga inn. Lestu hana hér 👇

Fram undan er Gulur september. Á vinnustöðum verða hengdar upp gular slaufur, birt falleg skilaboð um geðrækt og jafnvel boðið upp á gula köku með kaffinu. Allt gott og blessað. En áður en við pöntum kökuna skulum við aðeins tala um hana Önnu.

13/08/2026

Í tilefni af Gulum september bjóðum við hjá Mental upp á nýtt, lifandi og gagnvirkt samtal fyrir vinnustaði:

VIÐ BERUM ÖLL ÁBYRGÐ Á AÐ STÍGA INN
Samskipti, geðheilsa og hugrökk samtöl á vinnustað

Við skoðum hvernig líðan og samskipti fléttast saman, af hverju við veigrum okkur við erfiðum samtölum og hvernig við getum sýnt umhyggju, sett mörk og stigið inn þegar á þarf að halda.

Erindið tekur um 50 mínútur, er ætlað öllu starfsfólki og hentar vel yfir morgunkaffinu, í hádeginu, í lok vinnudags eða sem hluti af starfsdegi.

Markmiðið er ekki bara að veita fræðslu. Markmiðið er að hefja samtal sem heldur áfram inni á vinnustaðnum eftir að við förum.

Kíktu hér inn: https://mentalradgjof.is/blog/vid-berum-oll-abyrgd til að tryggja þínum vinnustað pláss í september.

07/08/2026

06/08/2026

Hjá Mental höfum við lengi klórað okkur í kollinum yfir því hversu lengi hægt er að tala UM samstarfsfélaga áður en nokkrum dettur í hug að tala VIÐ viðkomandi.

Af hverju ætli það sé?
....meira eftir helgi 💛

23/07/2026

Í morgun mætti Helena í Ísland í bítið til Simma og Heimis og ræddi um pælingar sínar sem hafa vakið mikla athygli síðustu daga á samfélagsmiðlum.

Ekki um fótbolta sem slíkan heldur um það sem Mohamed Salah, Jude Bellingham, Erling Haaland og fleiri ungir knattspyrnumenn virðast standa fyrir. Nýja tegund af karlmennsku þar sem styrkur, hlýja, vinátta, berskjöldun og metnaður fara saman.

Viðtalið var bæði skemmtilegt og einlægt. Heimir sagði meðal annars frá því að hann tilheyrði kynslóð karla sem ólst upp við að sýna ekki mikið af tilfinningum. Helena viðurkenndi að eitt af markmiðum morgunsins hefði því eiginlega verið að fá Heimi til að gráta. Það tókst reyndar ekki alveg. 😊

En undir léttum tón lá alvarleg pæling.

Þegar fyrirmyndir eins og Salah, Jude og Haaland sýna að það sé í lagi að vera metnaðarfullur, sterkur og um leið mjúkur og tilfinningaríkur, hafa þeir áhrif sem ná langt út fyrir íþróttirnar. Þeir hjálpa heilli kynslóð drengja og ungra manna að endurskilgreina hvað styrkur er.

Og það er samtal sem á ekki aðeins heima á fótboltavellinum heldur líka á heimilum, í skólum og ekki síst á vinnustöðum.

Takk fyrir gott spjall, Simmi og Heimir.

https://www.visir.is/k/f5d24317-51f8-4571-bfaf-583e1ed9df0f-1784796557816/mjuki-karlmadurinn-er-kominn-i-3.0-utgafu

01/07/2026

Vissir þú að til að stuðla að markvissum forvörnum gegn einelti, áreitni og ofbeldi, þá er mikilvægt að vera með slíka fræðslu á a.m.k. tveggja ára fresti?

Vissir þú að með rafrænni lausn Mental í EKKO fræðslu, þá gefst einnig dýrmæt innsýn inn í upplifun starfsfólks af stöðu mála og þar með gefst einstakt tækifæri til enn markvissara forvarnarstarfs?

Hvernig væri að byrja sterkt í haust og efla bæði stjórnendur og starfsfólk?

Sjáðu meira hér: https://mentalradgjof.is/course/ekko

09/03/2026

Innsæið segir okkur nánast alltaf sannleikannlöngu áður en orð eru sögð. 👀

Við finnum þegar orkan breytist eða samstarfsfélaga líður illa. En hvað gerum við þá? Oftast þegjum við af ótta við að segja eitthvað vitlaust eða vonum að einhver annar taki samtalið.

Raunin er sú að við erum oft fyrstu viðbragðsaðilarnir á vinnustaðnum. Sálræn fyrsta hjálp snýst ekki um að vera sérfræðingur, heldur um að:

✅ Taka eftir merkjunum.
✅ Þora að spyrja.
✅ Hlusta án dóma.

Við hjá Mental ráðgjöf höfum opnað fyrir stutt örerindi um sálræna fyrstu hjálp þar sem Helena okkar fer yfir þessa mikilvægu færni. Erindið er öllum opið og aðgengilegt á vefnum okkar.

Munum: Þögnin getur verið hættulegri en samtalið sjálft. 💬

Sjáðu örerindið hér: https://mentalradgjof.is/blog/orerindi-sfh

25/02/2026

Við hjá Mental ráðgjöf höfum farið mjög mikinn í umræðu um viðverustjórnun undanfarið. Skrifað, rætt, frætt og á stundum ögrað. Og við ætlum ekki að hætta.

Af hverju?
Af því málið er brýnt.
Fjarvera er raunveruleg.
Hún kostar.
Hún vegur þungt í litlum teymum.
Og tortryggni virkar ekki.

Vandinn liggur sjaldnast í:
✖️ „svörtum sauðum“
✖️ leti
✖️ „nýju kynslóðinni“....eins og haldið hefur verið fram.

Heldur miklu frekar í:
• óskýrri viðverustefnu
• skorti á snemmtækum inngripum
• stjórnendum sem forðast og hreinlega óttast samtöl
• vöntun á raunverulegri eftirfylgni

Þau fyrirtæki sem gera þetta vel:
✔️ Bera kennsl á mynstur (t.d. Bradford)
✔️ Sinna reglulegum innlitum til starfsfólks
✔️ Taka viðverusamtöl snemma
✔️ Fylgja málum eftir
Og það er hér sem þetta klikkar iðulega!

Allt of fá fyrirtæki hafa sett fram skýr viðmið um inngrip, skýrar kröfur til stjórnenda, raunverulegar leiðbeiningar og enn færri hafa þjálfað stjórnendur til að gera þetta vel og af festu.

Þess vegna verða samtölin:
Of sein. Of mjúk. Of hörð. Eða eru bara ekki tekin.

Og undir þessu öllu er fólk.
Fólk sem líður alls konar.
Fólk sem þarf skýrleika, ekki tortryggni.
Fólk sem þarf samtal, ekki þögn.
Og er svo bara kallað svartir sauðir!

Hilja okkar útbjó ótrúlega vönduð og hagnýt leiðarljós um viðverustjórnun, skýr, mannleg og tilbúin til notkunar.

Hér er gjöf frá okkur til ykkar:
👉 https://mentalradgjof.is/moli-vidverustjornun

Taktu utan af henni. Notaðu hana. Deildu henni að vild.

20/02/2026

Undanfarið hefur umræðan um veikindafjarveru tekið á sig nýjan tón. Tón þar sem starfsfólk er kallað „svartir sauðir“ og rætt er um misnotkun og dvínandi vinnusiðferði.

Sú umræða er á villigötum.

Veikindafjarvera er raunveruleg áskorun. Hún kostar tíma, orku og fjármagn. En tortryggni leysir hana ekki. Hún grefur undan trausti og smitar út frá sér.

Siðferðisvæðing vandans dregur athyglina frá því sem raunverulega skiptir máli: stjórnendaháttum, álagi, vinnuskipulagi og þeirri menningu sem mótar viðveru.

Ef við ætlum að ná árangri þurfum við:
– gögn í stað getgátna
– greiningu á mynstrum í stað stimplunar einstaklinga
– skýran ramma, regluleg samtöl, snemmtæk inngrip og markvissar forvarnir
– stjórnendur sem taka ábyrgð á stjórnarháttum og vinnustaðamenningu

Veikindafjarvera er ekki siðferðisvandi. Hún er leiðtogamál. Og hún er líklega eitt stærsta viðfangsefni íslenskra stjórnenda um þessar mundir.

Hilja skrifar um þetta í nýrri grein á Vísi

Undanfarið hefur verið talað um starfsfólk sem „svarta sauði“ í tengslum við aukna veikindafjarveru á vinnustöðum. Að starfsfólk misnoti réttindi sín. Að þau taki veikindadaga af því þau megi það.

12/02/2026

Framsýni - hugrekki - forysta

Viska - stéttarfélag stígur hér risastórt og mikilvægt skref.

Með því að ráðast í heildstæða námslínu fyrir trúnaðarmenn, í samstarfi við okkur hjá Mental ráðgjöf, er Viska að senda skýr skilaboð:

👉 hlutverk trúnaðarmanna skiptir máli
👉 sálfélagslegt öryggi á vinnustöðum er ekki aukaatriði
👉 og forvarnir, færni og fagmennska eru lykillinn að sjálfbærum vinnumarkaði

Undanfarin ár hefur hlutverk trúnaðarmanna vaxið hratt og hljóðlega. Þau eru oft fyrsti viðkomustaður fólks í vanlíðan, í erfiðum samskiptum, álagi eða flóknum aðstæðum. Samt hefur fræðsla, rammi og stuðningur ekki alltaf haldið í við raunveruleikann.

Og það er hér sem Viska sýnir einstaka framsýni.

Í stað þess að líta á þetta sem einstaka fræðslu eða eina vinnustofu hefur Viska valið að:
• byggja markvisst upp færni trúnaðarmanna á þessu sviði
• skapa sameiginlegan faglegan ramma
• styrkja trúnaðarmenn í mörkum, fyrstu viðbrögðum og ábyrgð
• og leggja grunn að sterkara og öruggara trúnaðarmannakerfi til framtíðar

Þetta er ekki lítið skref. Það er risastórt.

Við erum ótrúlega þakklát fyrir traustið og stolt af því að fá að fara þessa vegferð með Visku, stéttarfélagi sem þorir svo sannarlega að horfa fram á veginn og fjárfesta í fólki, menningu og heilbrigðum vinnustöðum.

Viska og Mental ráðgjöf hafa gert með sér samkomulag um þróun heildstæðrar námslínu fyrir trúnaðarmenn. Námslínan er hluti af markvissri uppbyggingu á hlutverki trúnaðarmanna og sameinar staðbundnar vinnustofur, rafræna fræðslu og hagnýta verkefnavinnu.