Embætti landlæknis

02/07/2026

https://island.is/s/landlaeknir/frett/baett-frambod-boluefna-fyrir-fullordna

Á undanförnum vikum hafa tvö bóluefni verið markaðssett á Íslandi ætluð fullorðnum í áhættuhópum, vegna ristils annars vegar og pneumókokkasýkinga hins vegar.

02/07/2026

👉 Götusýningin Skissum sýklalyfjaónæmi opnaði nýlega í Austurstræti í Reykjavík og stendur fram í ágúst.
Myndband um sýninguna: https://youtu.be/MruEpgP0Vlo
Frétt um sýninguna á vef embættis landlæknis:
https://island.is/s/landlaeknir/frett/goetusyningin-skissum-syklalyfjaonaemi-opnar-i-austurstraeti
🇪🇺

30/06/2026

📌 Ný skýringar- og kennslumyndbönd sem sýna hvernig bakteríur geta borist á milli einstaklinga og umhverfis.

Nú eru aðgengileg þrjú ný skýringar- og kennslumyndbönd sem fjalla á einfaldan og myndrænan hátt um þá ósýnilegu áskorun sem felst í að rjúfa smitleiðir og útbreiðslu baktería og mikilvægi sýkingavarna í heilbrigðisþjónustu.

30/06/2026

✨ Nú er fjórum af tuttugu og s*x aðgerðum í Aðgerðaáætlun til að fækka sjálfsvígum á Íslandi 2025 – 2030 lokið. Þar á meðal er innleiðing nýrra ráðlegginga um ábyrga umfjöllun fjölmiðla um sjálfsvíg og fræðsla til fjölmiðlafólks og háskóla sem kenna blaðamennsku og fjölmiðlafræði.

✨ Ábyrg umfjöllun um sjálfsvíg getur skipt sköpum – hún getur aukið þekkingu, dregið úr fordómum og hvatt fólk til að leita sér aðstoðar þegar á þarf að halda.

✨ Þetta er mikilvægt skref í að efla sjálfsvígsforvarnir og styðja við upplýsta og örugga umræðu um geðheilsu og sjálfsvíg.

🔗 https://island.is/s/landlaeknir/frett/adgerdaaaetlun-til-ad-faekka-sjalfsvigum-fjorum-adgerdum-lokid

25/06/2026

📣 Nýjar skýrslur um skimun fyrir brjósta- og leghálskrabbameini árið 2025 sýna jákvæða þróun.

📊 Þátttaka í skimun fyrir brjóstakrabbameini jókst verulega milli ára og mældist 65% árið 2025.

📊 Þátttaka í skimun fyrir leghálskrabbameini jókst einnig en um 70% kvenna tóku þátt árið 2025.

💟 Aukin þátttaka í skimun getur skipt sköpum fyrir snemmbæra greiningu og bættar horfur. Við hvetjum konur til að nýta sér boð um skimun þegar þau berast.

🔗 https://island.is/s/landlaeknir/frett/arsskyrslur-um-skimun-fyrir-leghals-og-brjostakrabbameini-2025

24/06/2026

📌 Nýtt tölublað Talnabrunns sýnir að þróun andlegrar heilsu og líðanar fullorðinna hefur að mörgu leyti farið versnandi undanfarinn áratug.

🌿 Streita og einmanaleiki hafa aukist, dregið hefur úr hamingju og færri, sérstaklega yngri aldurshópar og þau sem búa við fjárhagserfiðleika, meta andlega heilsu sína góða. Niðurstöðurnar undirstrika mikilvægi þess að efla geðrækt í samfélaginu, draga úr ójöfnuði og tryggja öllum jafnt aðgengi að geðheilbrigðisþjónustu.

🌿 Geðheilsa er samfélagslegt verkefni sem snertir okkur öll.

🔗 https://island.is/s/landlaeknir/frett/talnabrunnur-5-toelublad-2026

22/06/2026

👉 Júníblað Farsóttafrétta er komið út. Þar er meðal annars fjallað um ný sóttvarnalög, hugtaki um bráða ógn við lýðheilsu og herferðina Skissum sýklalyfjaónæmi.

Í Farsóttafréttum sóttvarnalæknis að þessu sinni er fjallað um nýja heildstæða löggjöf um sóttvarnir sem var samþykkt á Alþingi í vor og tekur gildi 1. september næstkomandi.

18/06/2026

Á dögunum færðum við Hugleiki Dagssyni útprentuð eintök af Skissum sýklalyfjaónæmis (e. Sketching AMR). Eintökunum hefur einnig verið dreift víða, meðal annars á bókasöfn, dýralæknastofur, listasöfn og heilbrigðis- og menntastofnanir.

Mánudaginn 22. júní opnar formlega götusýning með sömu listaverkum á Austurstræti. Verið hjartanlega velkomin!

11/06/2026

Sóttvarnalæknir hefur gefið út Ársskýrslu sóttvarna fyrir árið 2025.