07/08/2026
Tónskáldið Jón Leifs átti frumvkæði að því að höfundaréttarsamtökin STEF voru stofnuð þann 31. janúar 1948. Við sama tilefni var stofnfundur Tónskáldafélag Íslands.
Viðstaddir voru Jón Leifs, Páll Ísólfsson, Dr. Hallgrímur Helgason, Helgi Pálsson, Sigurður Þórðarson, Árni Thorsteinsson, Jón Nordal, Karl O. Runólfsson, Jón Þórarinsson og Björgvin Guðmundsson.
Nafngift félagsins mun hafa komið frá Dr. Hallgrími, fullt heiti var „Samband tónskálda og eigenda flutningsréttar“ – og var STEF skammstöfun þess.
Jón var formaður STEFs árin 1948-1950 og 1952-1968. Til gamans má geta að Nótnaveita Tónlistarmiðstöðar veitir nú 20% afslátt af verkum Jóns, í tilefni af því að hann var valinn tónskáld mánaðarins. Í umsögn segir: "Jón Leifs (1899–1968) er eitt áhrifamesta tónskáld Íslands og brautryðjandi í íslensku tónlistarlífi. Verk hans sækja innblástur í íslenska náttúru, þjóðlagahefð og fornbókmenntir og bera með sér kraftmikinn og einkennandi hljóðheim sem hefur á síðari árum vakið sívaxandi alþjóðlega athygli.
Jón er líklega þekktastur fyrir stór hljómsveitarverk sín, en hér beinum við kastljósinu að kór- og píanótónlist hans. Skoðaðu úrval nótna eftir Jón Leifs og kynntu þér tónlist eins merkasta tónskálds þjóðarinnar."
Hér má finna safn Nótnaveitunnar að verkumJóns:
https://shop.icelandmusic.is/sofn/jon-leifs
