Heilsulausnir

30/09/2026

Frí fræðsla um nikótín fyrir alla 8. bekki í Reykjavík

Verkefnið okkar er farið af stað og fyrstu fræðslurnar hafa gengið virkilega vel!

Markmiðið er að ná til allra nemenda í 8. bekk í Reykjavík með fræðslu um nikótín og áhrif þess. Við ræðum meðal annars um áhrif nikótíns á líkamann og heilann, hvernig fíkn myndast, nikótínpúða, sígarettur og rafrettur ásamt því hvernig markaðssetning og samfélagsmiðlar geta haft áhrif á viðhorf ungs fólks.

Það sem hefur staðið mest upp úr eru krakkarnir sjálfir. Þau eru áhugasöm, klár og óhrædd við að spyrja góðra spurninga. Umræðurnar hafa verið virkilega skemmtilegar og sýna vel hversu mikilvægt það er að skapa vettvang þar sem ungt fólk fær gagnreyndar upplýsingar og getur rætt þessi mál opinskátt.

Verkefnið er samstarfsverkefni Heilsulausna, Krabbameinsfélags höfuðborgarsvæðisins og Reykjavíkurborgar og er fræðslan skólunum að kostnaðarlausu.

Við hjá Heilsulausnum erum mjög ánægð með að fá að leggja okkar af mörkum í forvörnum og fá tækifæri til að hitta unga fólkið á þessum mikilvæga tímapunkti. 💚

Við vonum svo sannarlega að þetta sé aðeins byrjunin og að verkefnið geti í framhaldinu náð til ungmenna um allt land.

23/09/2026

Viltu losna við nikótínið?

Fáðu ókeypis nikótínráðgjöf hjá Heilsugæslunni.

📞 Í síma 1700
💻 Rafræn ráðgjöf

Einfalt, aðgengilegt og þér að kostnaðarlausu.

Vilt þú hætta að nota tóbak eða reykja? Kynntu þér hvaða aðferðir eru í boði og veldu leið sem hentar þér. Á Heilsuveru finnur þú gagnleg ráð í baráttunni.

27/08/2026

Haustið markar ákveðin tímamót á mörgum vinnustöðum

Sumarið er að baki, starfsfólk snýr aftur úr fríum og verkefnin fara aftur á fullt.

Þetta er góður tími til að huga að skipulagningu vetrarins og ekki síst að heilsu og vellíðan starfsfólks.

Hvernig væri að halda Heilsuviku?
Heilsuvika er skemmtileg leið til að setja heilsu og vellíðan í forgrunn.

Hún þarf hvorki að vera flókin né eins hjá öllum fyrirtækjum heldur er hægt að sníða hana að starfsfólkinu, vinnuumhverfinu og þörfum hvers vinnustaðar. Það gæti verið í formi heilsufarsmælinga, fræðslu eða reglulegra heilsutengdra viðburða yfir árið.

Þegar vinnustaður tekur frá tíma til að huga að heilsu starfsfólks sendir það líka mikilvæg skilaboð: okkur er annt um fólkið okkar.

Að finna að vinnustaðurinn hugsi um heilsu og líðan starfsfólks getur stuðlað að aukinni vellíðan og starfsánægju.

Hjá Heilsulausnum bjóðum við meðal annars upp á:

• Blóðþrýstingsmælingar
• Blóðsykurs- og blóðfitumælingar
• Hjartarit
• Heyrnarmælingar
• Skimun fyrir kvíða, depurð og streitu+svefnheilsu
• Einstaklingsmiðaða heilsuráðgjöf

En fyrir okkur snúast heilsufarsmælingar ekki eingöngu um tölurnar. Við viljum líka gefa hverjum einstaklingi tíma og einstaklingsmiðaða ráðgjöf.

Hvernig hefur þú það? Hvernig sefur þú? Er eitthvað sem þú hefur áhyggjur af eða vilt ræða?

Stundum getur það eitt að fá tíma og óskipta athygli til að ræða eigin heilsu skipt miklu máli.

Viltu vita hvað gæti hentað þínum vinnustað?

Sendu okkur línu og við finnum með ykkur lausn sem hentar starfsfólkinu og vinnuumhverfinu.

Heilsulausnir bjóða upp á ráðgjöf og fræðslu frá hjúkrunarfræðingum. Við sérhæfum okkur í svefn, lífsstíl, sjálfsmynd, og fleiri málefnum sem snúa að heilsu og vellíðan.

03/03/2026

Nýjustu tölur úr Íslensku æskulýðsrannsókninni:

Hversu marga daga (ef nokkra) hefur þú reykt sígarettur síðustu 30 daga?

Hlutfall sem velur svarmöguleikana „1-2 daga“,„3-5 daga“,„6-9 daga“,„10-19 daga“,„20-29 daga“ eða „30 daga“

8.bekkur 1%
9.bekkur 2%
10.bekkur 3%

Hversu marga daga (ef nokkra) hefur þú notað nikótínpúða síðustu 30 daga?

Hlutfall sem velur svarmöguleikana „1-2 daga“,„3-5 daga“,„6-9 daga“,„10-19 daga“,„20-29 daga“ eða „30 daga

9.bekkur 3%
10.bekkur 7% (8% strákar 6% stelpur)

Hversu marga daga (ef nokkra) hefur þú notað rafrettur (veip) um ævina?

Hlutfall sem velur svarmöguleikana „1-2 daga“,„3-5 daga“,„6-9 daga“,„10-19 daga“,„20-29 daga“ eða „30 daga

6.bekkur 0.7%
7.bekkur 2%
8.bekkur 3%
9:bekkur 6%
10.bekkur 10%

Hversu marga daga (ef nokkra) hefur þú drukkið áfengi síðustu 30 daga?

Hlutfall sem velur svarmöguleikana „1-2 daga“,„3-5 daga“,„6-9 daga“,„10-19 daga“,„20-29 daga“ eða „30 daga.

6.bekkur 2%
7.bekkur 2%
8.bekkur 3%
9.bekkur 4%
10.bekkur 8%

28/01/2026

Er heilsuvika framundan?

Að bjóða starfsmönnum upp á heilsueflingu á vinnustað hefur góð áhrif á starfsánægju og getur eflt heilsustefnu viðkomandi fyrirtækis.

Flest fyrirtæki á Íslandi standa frammi fyrir áskorunum tengdum veikindum, fjarvistum og því að viðhalda heilsu og vellíðan starfsmanna. Þetta hefur ekki aðeins áhrif á starfsumhverfið heldur einnig verulegan fjárhagslegan kostnað.

Fyrirbyggjandi heilsuverkefni geta skilað allt að 15,7 milljóna króna sparnaði árlega, auk aukinnar starfsánægju og betri heilsu.

Við hjá Heilsulausnum sérhæfum okkur í að mæla, fræða og veita persónulega heilsufarsráðgjöf á vinnustöðum. Starfsmenn fá sitt eigið heilsukort og fyrirtæki geta fengið greinargóða samantekt með áhættumati og aðgerðaáætlun án persónugreinanlegra upplýsinga.

Þjónustan okkar felur meðal annars í sér:

• Heilsufarsmælingar (m.a blóðþrýstingur, blóðsykur, kólesteról, hjartarit og ráðgjöf hvað varðar svefn, hreyfingu og andlega líðan)
• Skýrslu fyrir stjórnendur með ráðleggingum og aðgerðaáætlun
• Fræðslu um svefn, streitu, hreyfingu, hjartaheilsu og fleira
• Árlegar bólusetningar og skyndihjálparnámskeið
• Trúnaðarlæknisþjónustu eftir þörfum

Heilbrigður vinnustaður er ekki kostnaður hann er fjárfesting.

Endilega hafðu samband ef þú vilt vita meira um lausnir fyrir þitt fyrirtæki

Fáðu faglegar heilsufarsmælingar sem gefa yfirsýn yfir blóðþrýsting, blóðsykur, blóðfitur og aðra þætti sem skipta máli fyrir heilsuna.

22/01/2026

Við hjá Heilsulausnum sérhæfum okkur í að mæla, fræða og veita persónulega heilsufarsráðgjöf á vinnustaðnum. Starfsmenn fá sitt eigið heilsukort með niðurstöðum.

Rannsóknir sýna að fyrirbyggjandi heilsuverkefni skila bæði sparnaði og aukinni starfsánægju. Fyrirtæki sem fjárfesta í slíkum úrræðum sjá sjaldnast eftir því – því ávinningurinn birtist bæði í hagræðingu og sterkari liðsheild.

Allar frekari upplýsingar hér https://www.heilsulausnir.is/vinnusta%C3%B0ir

eða á [email protected]

Heilsulausnir bjóða upp á fræðslu, bólusetningar og heilsufarsmælingar fyrir vinnustaði sem vilja efla heilsu starfsmanna.