Rótin

11/06/2026

Halldóra R. Guðmundsdóttir, forstöðukona í Konukoti, var í viðtali í þættinum Segðu mér í morgun og ræddi þar um Konukot.

Gestir úr öllum kimum þjóðfélagsins deila sögu sinni með hlustendum. Umsjón: Sigurlaug M. Jónasdóttir.

08/06/2026

Fjallað var um Konukot í fréttum Sýnar í kvöld og rætt við framkvæmdastýru Rótarinnar sem sagði m.a. að: „Í staðinn fyrir að skrímslavæða jaðarsettar konur, [ætti] að horfa á hvaða kerfisbreytingar við getum gert til að bæta samfélagið.“
Í fréttinni hefur misfarist tölfræði um komur viðbragðsaðila í Konukot þar sem segir að lögregla hafi komið tvisvar á staðinn síðan Konukot flutti í Ármúla. Rétt er að eftir flutning hefur komum viðbragðsaðila fækkað verulega, eða um tæplega 70%, en það eru samt um 5 komur á mánuði sem langfæstar hafa nokkur áhrif á nágranna starfseminnar.
Rótin hefur sent leiðréttingu á Sýn.

Bæta ætti þjónustu við konur sem leita sér aðstoðar í Konukoti í Ármúla fremur en að skrímslavæða þær í fjölmiðlum. Þetta segir framkvæmdastjóri Rótarinnar sem segir fréttaflutning af meintu ófremdarástandi í götunni ekki standast skoðun.

07/06/2026

Rótin sendi í dag athugasemd á DV vegna fréttaflutnings af Konukoti og bað miðilinn m.a. að taka út berskjaldandi myndir af gestum Konukots. Það hefur nú verið gert en félagið telur að athugasemdin og greinargerð með henni eigi erindi við almenning. Þar segir m.a.: "Eftir flutning Konukots í Ármúla, sem er fyrst og fremst fyrirtækjahverfi, virðist umræðan hafa tekið á sig annan svip. Þar mæta konurnar ekki aðeins almennum áhyggjum nágranna heldur einnig hagsmunum fyrirtækja sem hafa fjárhagslegt og faglegt bolmagn til að reka umfangsmikla lögfræðilega og opinbera baráttu gegn staðsetningu úrræðisins. Það skapar augljóst valdójafnvægi. Annars vegar eru heimilislausar konur margar með flóknar þjónustuþarfir og takmarkaða möguleika til að verja eigin hagsmuni í opinberri umræðu og hins vegar eru rekstraraðilar og eigendur fasteigna með gott aðgengi að lögfræðingum, sérfræðiskýrslum og fjölmiðlum."

Rótin sendi eftirfarandi athugasemd ásamt greinargerð til DV vegna umfjöllunar um Konukot. Myndir sem voru mjög berskjaldandi fyrir gesti Konukots voru fjarlægðar úr fréttinni skömmu eftir að Rótin sendi athugasemdina. Við teljum eigi að síður gagnlegt að birta athugasmemd Rótarinn...

29/05/2026

Rótin, Matthildarsamtökin og skaðaminnkandi verkefni Rauða krossins sendu erindi á heilbrigðisráðherra í mars og hvöttu hana til að beita sér fyrir þessum umbótum án tafar þannig að aðgengi að ópíóíðalyfjameðferð verði í samræmi við mannréttindi, bestu viðmið um skaðaminnkandi þjónustu og þá stefnu sem stjórnvöld hafa sjálf sett fram.
Einnig voru lagðar til eftirfarandi umbætur, m.a. með hliðsjón þeirri stefnumótun sem þegar hefur verið sett fram af hálfu stjórnvalda:
1. Raunverulegt lágþröskuldaaðgengi að ópíóíðalyfjameðferð yrði tryggt: komugjöld felld niður og aðgengi bætt,
2. Samfella og fjölbreytni í þjónustuleiðum yrði styrkt í samræmi við markmið um aukna samfellu.
3. Fagleg viðmið og gagnasöfnun yrði elfd, samræmi við markmið um aukin gæði og fagmennsku.
4. Þekking og alþjóðlegt samstarf yrði styrkt, til að styðja við þróun gagnreyndrar skaðaminnkandi þjónustu á Íslandi og samræmi við áherslur um aukna þekkingu.

Matthildur - samtök um skaðaminnkun Frú Ragnheiður - Skaðaminnkun Rauði krossinn

Eftirfarandi erindi var sent á Ölmu Möller, heilbrigðisráðherra, hinn 16. mars 2026. Erindið var sent í kjölfar erindis Rótarinnar um niðurfellingu komugjalda í ópíóíðalyfjameðferð frá 20. febrúar en með þátttöku fleiði félaga í skaðaminnkunarþjónustu. Ágæti heilbrig...

28/05/2026

Hér er efni úr söguhorninu um vímuefnakerfið sem hefur verið ríkjandi á íslandi síðan um 1980. Skrif Hildigunnar Ólafsdóttur, félagsfræðings, um meðferðarkerfið frá árunum í kringum 1990 eru svo áhugaverð. Hún skrifaði doktorsritgerð um AA-samtökin á Íslandi og engin hafa greint kerfið betur en hún. Ritgerðin er aðgengileg á netinu. Greinin sem þessi texti er úr er frá árinu 1990 og birtist í tímariti Geðverndar.

19/05/2026

Árleg ráðstefna FEANTSA - evrópskra samtaka sem vinna gegn heimilisleysi - stendur nú yfir í Varsjá í Póllandi.
Halldóra, forstöðukona í Konukoti, og Kristín, framkvæmdastjóri Rótarinnar, sitja FEANTSA forum og Kristín var kosin í stjórn FEANTSA áfram til næstu þriggja ára.

15/05/2026

Vegna handvammar hjá Rótinni fékk Sósíalistaflokkurinn ekki spurningu Rótarinnar um rekstrarform Konukots. Við fengum svar frá þeim í dag. Við biðjumst afsökunar á þessu, takk fyrir svarið.

15/05/2026

15/05/2026

Rótin sendi þessa spurningu á öll framboð til borgarstjórnar í Reykjavík:
Munuð þið styðja áfram núverandi rekstrarform á þjónustu við heimilislausar konur í Konukoti?

06/05/2026

Aðalfundur Rótarinnar verður haldinn þriðjudaginn 12. maí, kl. 16.30, í Kvennaheimilinu að Hallveigarstöðum, Túngötu 14, 101 Reykjavík.
Þátttakendur eru vinsamlega beðnir að skrá sig á aðalfundinn. Á sama eyðublaði er hægt að skrá framboð til trúnaðarstarfa, að þessu sinni er kosið um tvö sæti í ráðinu.
Á dagskrá eru hefðbundin aðalfundarstörf sbr. lög félagsins.
Athygli er vakin á því að tillögur um lagabreytingar skal leggja fram til ráðs a.m.k. fimm dögum fyrir aðalfund, eða eigi síðar en 8. maí.

Aðalfundur Rótarinnar verður haldinn miðvikudaginn 12. maí, kl. 16.30, í Kvennaheimilinu að Hallveigarstöðum, Túngötu 14, 101 Reykjavík. Tillögur og ályktanir skulu berast á netfang [email protected], eigi síðar en 5. maí. Þátttakendur eru vinsamlega beðnir að skrá sig á aðalfu...