Mörk, hjúkrunarheimili

20/08/2026

Það var kátt á hjalla í Mörk í gær þegar sumarhátíðin var hjá okkur.

Tvíund hélt uppi stemmingunni, bornar voru fram frábærar veitingar frá eldhúsinu og svo vöktu poppvélin, andlitsmálarinn og svokallaður blaðrari verðskuldaða athygli.🥰

18/08/2026

Þegar það er sól og blíða úti þá færir iðjuþjálfunin iðulega starfsemina út á stétt. Það er skjólgott hér á bakvið hjúkrunarheimilið og notalegt að sitja í góðu veðri. 🥰

27/07/2026

Fjölmargir lögðu leið sína á opið hús á afmælisdegi Áss í gær þegar gefinn var kostur á að skoða nýja hjúkrunarheimilið sem er að rísa.

Gestum var boðið upp á kaffi og kleinur og fengu leiðsögn um þetta glæsilega heimili sem stefnan er að opna í febrúar á næsta ári.

22/07/2026

20/07/2026

Þegar regnið bylur á rúðum og sólin lætur ekki á sér kræla þá er um að gera að nota hugmyndaflugið og glæða hversdaginn tilbreytingu.

Það er nákvæmlega það sem starfsfólkið á þriðju hæð gerði og bauð upp á fallega skreyttan vanillupróteinhristing í kaffitímanum.

16/07/2026

Mörk hjúkrunarheimili leitar að iðjuþjálfa til starfa.

Um er að ræða fjölbreytt og lifandi starf fyrir einstakling sem býr yfir sjálfstæði, frumkvæði og góðum samskiptahæfileikum. Í starfinu felst m.a. mat á færni eintaklinga og persónumiðuð þjálfun sem miðar að því að efla athafnir daglegs lífs. Jafnframt felur starfið í sér þátttöku í þverfaglegu samstarfi, skráningu og skipulagningu þjónustu, auk þróunar á starfi iðjuþjálfa í Mörk.

Helstu verkefni og ábyrgð:

Sérhæfð ráðgjöf
Einstaklingmiðuð íhlutun og þjálfun
Þátttaka í hópastarfi
Þátttaka í RAI mati og skráningu
Þáttaka í þverfaglegu samstarfi
Notkun hjálpartækja, umsjón og kennsla
Fræðsla til annara starfsmanna sem og heimilismanna
Hæfniskröfur:

Viðurkennt háskólanám í iðjuþjálfun
Íslenskt starfsleyfi sem iðjuþjálfi
Faglegur metnaður og frumkvæði í starfi
Góðir samskiptahæfileikar og jákvæðni
Greitt er eftir kjarasamningi Iðjuþjálfafélags Íslands og Samtaka fyrirtækja í velferðarþjónustu.

Á Grundarheimilunum er unnið samkvæmt Eden hugmyndafræðinni. Þar vinnur stór og samheldinn hópur starfsmanna að því að hlúa að öldruðum af alúð.

Vellíðan, virðing og vinátta eru höfð að leiðarljósi í samskiptum og lögð er áhersla á góðan vinnuanda, sjálfstæð vinnubrögð og heimilislegt umhverfi.

Með umsókn skal fylgja ferilskrá og kynningarbréf. Öll kyn eru hvött til að sækja um starfið.

Starfshlutfall er samkomulagsatriði.

Nánari upplýsingar um starfið veitir:

Theodóra Theodórsdóttir mannauðsstjóri, [email protected]

Við hlökkum til að heyra frá þér!

https://jobs.50skills.com/grund-as-mork/

15/07/2026

Þau eittu svo sannarlega tilbreytingu hér í Mörk krakkar úr vinnuskóla Reykjavíkur sem komu til okkar og spiluðu fyrir heimilisfólk.

Það var þungbúið svo flestir horfðu út um gluggann á þessa hressu krakka en nokkrir fóru út.
Hópurinn fer víða og gleður gesti og gangandi með lúðrasveitarhljómum. Frábær heimsókn. Takk fyrir komuna.

23/06/2026

Við á Grundarheimilunum eru stolt að segja frá því að við áttum fimm fulltrúa við útskriftina hjá Háskólanum á Akureyri um síðustu helgi.👏👏👏👏👏

Hasthika Lankathilaka starfsmaður á Grund og Maria Florinda Da Silva Abranja starfsmaður á hjúkrunardeildinni í Ási luku grunndiplómu í fagnámi fyrir starfandi sjúkraliða með sérhæfingu í öldrunar- og heimahjúkrun.

Ragnhildur Rún Vilmundardóttir brautskráðist með BS gráðu í iðjuþjálfunarfræðum.

Fanney Björg Karlsdóttir og Guðrún Lilja Jóhannsdóttir brautskráðust með viðbótardiplómu í ráðgjöf í málefnum fólks með heilabilun.

Við óskum þeim hjartanlega til hamingju. 🥰

19/06/2026

Stundum eru nokkrar blöðrur og frauðplast allt sem þarf til að fá góða hreyfingu, gera daginn skemmtilegan og bregða á leik. 🎈

María sjúkraþjálfari hér í Mörk fór um húsið og bauð upp á hreyfingu dagsins með þessum hætti. Allir skemmtu sér konunglega. 🥰

17/06/2026

Við fengum eftirminnilega heimsókn nýlega þegar lambið Kári kom í heimsókn í vinnuna með henni Ósk Reynisdóttur. Lambið býr á Hraðastöðum í Mosfellsdal en þar er lítill húsdýragarður.🐑

Lambið er svo sannarlega mannelskt og hefur ekkert á móti faðmlögum og knúsi og það fékk svo sannarlega nóg af því hjá heimilisfólkinu.🥰

Andlit ljómuðu og það er öruggt að margir eiga eftir að rifja upp lengi vel þessa dásamlegu heimsókn.❤️