Neyðarlínan 112

05/08/2026

Það finnast enn fordómar í samfélaginu og það eru ekki allir jafn heppnir varðandi viðbrögð frá fjölskyldu, vinum og fólki almennt í nærumhverfi. Hræðsla við einangrun eða jafnvel útskúfun getur valdið því að hinsegin einstaklingur leiti sér ekki hjálpar af ótta við hvernig aðrir munu bregðast við.

Þessi hindrun getur vaxið ef að:

Einstaklingur hefur ekki komið fram opinberlega sem hinsegin.
Einstaklingurinn tilheyrir trúarlegu samfélagi.
Einstaklingurinn er í kúgandi heimilisumhverfi.

Mikilvægt er að muna að lögreglan, heilsugæslur, Landspítalinn og aðrir aðilar sem þú getur leitað til eru allir bundnir þagnarskyldu og þú getur farið til þeirra og fengið aðstoð

Ofbeldi er aldrei ásættanlegt og það er ávallt aðstoð að fá!

04/08/2026

Það styttist í almyrkva á sólu og nú er gott að leggja lokahönd á undirbúning.

Á meðfylgjandi plakati má sjá nokkur atriði sem vert er að hafa í huga!

Þessar upplýsingar og fleiri má nálgast á upplýsingagátt stjórnvalda um almyrkvan https://island.is/v/almyrkvi-2026

23/07/2026

112 er neyðarnúmerið á Íslandi. Ef þú átt í vandræðum með að ná sambandi við það beint eru til nokkrar aðrar leiðir til að fá hjálp.

Hringja í síma 5990112. Vistaðu þetta númer á símanum þínum. Athugaðu að staðsetningarupplýsingar fylgja ekki með þegar hringt er í þetta númer.

112 Iceland appið eða netspjallið á 112.is gefa beint samband við neyðarvörð í gegnum nettengingu. Þessar leiðir koma staðsetningarupplýsingum til skila til neyðarvarða og þú getur sent myndir.

Þú getur hjálpað okkur með því að láta öll vita.

Nánari upplýsingar: https://www.112.is/mikilvaegar-upplysingar-vardandi-simtol-i-112

------------------------------------

112 is the main emergency number in Iceland. If you experience difficulty reaching that number there are a few alternatives to get help in an emergency:

You can make emergency calls directly through +35459901112. Save this number on your phone. Please note that location information is not transmitted if you use this number.

112 Iceland app and online chat. You can reach emergency services via text messaging through a data connection. Location information will be transmitted with your messages and you can also send photos. The app can be found in your app stores or you can bookmark this link on your phone: https://www.112.is/en/chat

You can help us by spreading the message.

https://www.112.is/en/important-information-regarding-calls-to-112

01/07/2026

Neyðarlínan sendir Landhelgisgæsla Íslands/Icelandic Coast Guard bestu afmæliskveðjur, með kæru þakklæti fyrir frábært samstarf. Megi gæfa fylgja störfum Landhelgisgæslunnar um alla framtíð.

04/06/2026

Það hefur líklega ekki farið fram hjá neinum að nú gengur yfir bylgja svika SMS sem rétt er að vara við. Skilaboðin eru látin líta út fyrir að koma frá umferðarlögreglu og fólki bent á að greiða sekt með því að smella á hlekk í skilaboðunum. Eins og í öðrum svikapóstum er gefin upp stuttur fyrirvari til að greiða sektina og er það eitt af merkjum þess að um svik er að ræða.
Hafi einhver fallið fyrir þessum skilaboðum er viðkomandi bent á að hafa strax samband við viðskiptabankann sinn til að takmarka tjón sitt.
Tilkynna svo málið til lögreglu á

Þegar þrjótar blekkja og svíkja pening af fólki, kúga það eða áreita á netinu kallast það netglæpur. Netsvik og stafræn brot eru sífellt að færast í aukana og ...

26/05/2026

Að gefnu tilefni minnum við á þessi mikilvægu skilaboð frá samstarfsfólki okkar hjá Slökkvilið höfuðborgarsvæðisins bs.

Með hækkandi sól þá eykst notkun rafmagnshlaupahjóla - hugum vel að hleðslu þeirra 👇👇

11/05/2026

Vilt þú starfa þar sem hver mínúta skiptir máli?

Við hjá Neyðarlínunni leitum að öflugum neyðarvörðum í 100% starf til að sinna svörun fyrir neyðarnúmerið 112, netspjalli og virkjun viðeigandi viðbragðsaðila um land allt.

Starfið er krefjandi, ábyrgðarmikið og afar gefandi

Ef þú hefur sterka þjónustulund, heldur ró þinni undir álagi og vilt vinna með frábærum hópi fólks þá viljum við heyra frá þér.

Neyðarlínan óskar eftir að ráða neyðarverði til að annast svörun fyrir neyðarnúmerið 112 ásamt netspjalli, greina erindi, leiðbeina og virkja viðeigandi viðbragðsaðila. Boðið er upp á krefjandi, ábyrgðarmikið en jafnframt gefandi framtíðarstarf í traustu vinnu umhverfi. ...

04/05/2026

Í dag er alþjóðlegur dagur slökkviliðsmanna og kvenna. Við óskum þeim öllum til hamingju með daginn og vonum að þau þurfi sem allra minnst að gera í dag sem aðra daga.

29/04/2026

Við vekjum athygli á hópslysaæfingu sem haldinn verður á Suðurnesjum laugardaginn 2. maí. Gera má ráð fyrir aukinn umferð viðbragðsaðila og lokunum á sumum svæðum.

Æfingar eru mikilvægar til að samstilla alla viðbragðsaðila þannig að þegar að raun atburðir verða þá gangi allt hratt og vel fyrir sig.

🚑 Hópslysaæfing – Laugardaginn 2. maí 2026
Viðbragðsaðilar á Suðurnesjum standa fyrir umfangsmikilli hópslysaæfingu í Reykjanesbæ næstkomandi laugardag. Af því tilefni gætu íbúar orðið varir við aukna umferð viðbragðsaðila á svæðinu, auk tímabundinna lokana við Gróf, Ægisgötu og Keflavíkurhöfn. Æfingin hefst kl. 11:00 og lýkur um 14:00.
Til þess að æfingin endurspegli raunverulegar aðstæður sem best verður hluti hennar framkvæmdur í og við Heilbrigðisstofnun Suðurnesja (HSS). Af þeim sökum má búast við fjölda viðbragðsaðila á HSS og á nærliggjandi svæðum á meðan æfingunni stendur.
Við biðjumst velvirðingar á því ónæði sem kann að skapast og þökkum íbúum fyrir skilninginn.

22/04/2026

Við tökum undir ábendingu félaga okkar hjá Brunavarnir Stykkishólms og nágrennis - þar sem þurrt er í lofti víða um land er nauðsynlegt að fara varlega með eld í kringum gróður. Lítill neisti verður auðveldlega að stóru báli.

Elsku öll förum varlega og kveikjum ekki í því núna er gróðurinn þurr og eldfimur og verður líklega næstu daga og vikur.