Sjúkraþjálfun Selfoss

18/05/2026

Herdís er sjúkraþjálfari og ein af eigendum stofunnar. Hún er fædd á Selfossi og alin upp í gróðurhúsum í Laugarási í Biskupstungum. Hún er þriggja barna móðir, á mann og eina kisu. Áhugamálin eru samvera með fjölskyldunni, hreyfing, ferðalög, syngja með kórnum sínum, hljóðbækur og dunda í garðinum sínum. Áhugasvið hennar eru almenn sjúkraþjálfun, öldrunarsjúkraþjálfun bæklunarsjúkraþjálfun og stoðkerfissjúkraþjálfun

14/04/2026

Birgitta Ýr Sævarsdóttir starfar sem móttökuritari í Sjúkraþjálfun Selfoss. Hún er hjartað í hópnum og sú sem stjórnar öllu dagsdaglega. Hún er tveggja barna móðir og er Dalamaður, einnig mikill dani í sér, en hún er einmitt uppalin í Búðardal og Odense í Danmörku. Áhugamál hennar eru dýr, crossfit, lestur, gott sjónvarpsefni, verja tíma í sumarbústaðnum sínum og að sjálfsögðu að verja tíma með fjölskyldunni. Hún er með stúdentspróf og menntaður Landbrugsassistent.

17/02/2026

Aldís kírópraktor verður með fræðslu um bakverki fimmtudaginn 26. febrúar

Þá er loksins komið að áður auglýstum fyrirlestri!

Ég verð með fyrirlestur um bakverki þar sem við förum vel yfir eðli og ástæður bakverkja og kíkjum á ýmis bjargráð.

Markmiðið er að dýpka skilning á því sem er að gerast í bakinu og leiðbeina með ýmsa þætti sem snúa að hreyfingu og daglegu lífi. Einnig verður tækifæri fyrir spurningar og vangaveltur.

Fyrirlesturinn ætti að nýtast öllum þeim sem eru að glíma við bakverki en líka þeim sem vinna með fólki með bakverki eins og td. þjálfarar sem vilja verða öruggari í að nálgast þjálfun hjá bakveikum.

Fyrirlesturinn er ókeypis en skráning er nauðsynleg hjá [email protected]

Hlakka til að taka á móti ykkur!

22/12/2025

Starfsfólk Sjúkraþjálfunar Selfoss óskar ykkur gleðilegra jóla og farsældar á komandi ári. Þökkum fyrir árið sem er að líða.