Heilbrigðisstofnun Suðurlands

05/08/2026

Starfsfólk HSU í Vestmannaeyjum stóð vaktina yfir Þjóðhátíð sem fyrr og tryggði öryggi gesta og íbúa með auknum viðbúnaði, öflugri mönnun og góðu samstarfi við viðbragðsaðila.

Um helgina komu um 95 einstaklingar á heilsugæsluna og 52 leituðu í sjúkraskýlið. Þar tókst að sinna langflestum sem þangað komu og aðeins örfáir þurftu að fara áfram á heilsugæsluna yfir nóttina.

Á hverjum degi fór fram stöðufundur með fulltrúum heilsugæslu, sjúkradeildar, lögreglu, sjúkraflutninga, ÍBV, gæslu og sálgæsluteymis. Þar var farið yfir stöðu mála, lærdóm liðins sólarhrings og það sem mætti bæta til að tryggja sem best öryggi og þjónustu.

Þórunn Pálsdóttir er hjúkrunarfræðingur í Vestmannaeyjum. Hún var ein af þeim sem undirbjó og hélt utan um starfsemina á heilsugæslunni um helgina.

„Það er alltaf sérstök stemning sem fylgir því að vinna á Þjóðhátíð. Flestir eru í góðu skapi og allir leggja sig fram um að gera sitt besta. Við sem erum að vinna erum jafnframt mörg að undirbúa hátíðina með okkar fjölskyldum og mörg sinna einnig öðrum verkefnum fyrir ÍBV yfir helgina. Þegar helgin er að baki eru því flestir orðnir þreyttir, en jafnframt stoltir af góðu samstarfi og vel unnu verki“.

Við viljum þakka öllu starfsfólki, samstarfsaðilum og viðbragðsaðilum fyrir sitt ómetanlegt framlag til Þjóðhátíðar 2026. Sjáumst í Dalnum að ári!

02/08/2026

Þau troða kannski ekki upp á stóra sviðinu í Herjólfsdal en eru stjörnur helgarinnar í okkar augum og algjörlega ómissandi hluti af Þjóðhátíð! 💙

01/08/2026

Flúðir um Versló!

Traust starfsfólk HSU er alltaf á vaktinni.
Eigið góða helgi og farið varlega 💙

31/07/2026

Þjóðhátíð er hafin og við erum tilbúin!

Heilbrigðisstofnun Suðurlands í Vestmannaeyjum verður á vaktinni allan sólarhringinn yfir Þjóðhátíð.

Starfsfólk okkar verður vel merkt alla helgina á eyjunni og sjúkraflutningar með öflugan viðbúnað. Bráðamóttaka verður opin á heilsugæslunni á sjúkrahúsinu allan sólarhringinn og þá verða hjúkrunarfræðingar með viðveru í Herjólfsdal í sjúkraskýlinu frá kl 20-8 að morgni.

Njótið Þjóðhátíðarinnar, passið vel upp á ykkur og hvert annað – við sjáum um hitt

17/07/2026

,,Þetta er mikil viðurkenning á okkar mikilvæga starfi og kemur þetta framlag til með að efla það enn frekar með tækja og búnaðarkaupum. Fyrir hönd heimahjúkrunar segjum við STÓRT TAKK.”

6.732.729 krónur söfnuðust í styrktarleik milli karlaliða Selfoss og Árborgar í 16-liða úrslitum í Gatorade-bikarnum í fótbolta í síðustu viku. Þeir Aron Fannar Birgisson, leikmaður Selfoss og Þorsteinn Daníel Þorsteinsson, leikmaður Árborgar, færðu heimahjúkrun HSU á Selfo...

22/06/2026

Fósturgreiningardeild á Selfossi tók í notkun nýtt sónartæki, líkt og eru í noktun á Landspítala.

Með nýja tækinu framkvæmum við áfram 12 vikna sónarskoðanir, 20 vikna sónarskoðanir og vaxtarsónar, en bætt myndgæði gera skoðanir enn nákvæmari fyrir bæði verðandi foreldra og starfsfólk.

Í dag er samþætt líkindamat (hnakkaþykktarmæling) áfram framkvæmt á Landspítala. Í náinni framtíð verður hins vegar farið að bjóða upp á NIPT-próf í staðinn, sem opnar jafnframt möguleika á að veita þá þjónustu hér á Selfossi.

Við fögnum þessari mikilvægu uppfærslu á búnaði og þjónustu fyrir þungaðar konur á Suðurlandi.

22/06/2026

„Árangur verkefnis af þessari stærðargráðu byggist á því að margir aðilar vinni að sameiginlegu markmiði. Bergmál er gott dæmi um hvernig samvinna, fagmennska og góður undirbúningur geta skilað öruggum og vel heppnuðum viðburði á einum merkasta stað landsins."

Við tökum undir orð lögreglunnar en viðburður á Suðurlandi af þessari stærðargráðu gerist ekki án aðkomu sjúkraflutningamanna og heilbrigðisstarfsfólks, hvort sem um er að ræða viðbragð á vettvangi eða starfsfólk á bráðamóttöku.

Enn sem áður erum við ofboðslega stolt af starfsfólki okkar á HSU.

19/06/2026

Ljósmyndari HSU fór á stjá á dögunum og greip starfsfólk á Selfossi að störfum.
Fjölbreytt og ómetanleg störf eru unnin innan veggja okkar á öllum starfsstöðvum á hverjum degi.

12/06/2026

Með aukinni umferð um Þjóðveginn yfir sumarið skipta sjúkraflutningar HSU og bráðaviðbragð sköpum. Starfsfólk HSU á Kirkjubæjarklaustri vinnur vel saman og sinnir mikilvægri þjónustu á svæðinu.

“Hér fáum við að gera meira í krefjandi aðstæðum og öðlumst mikla starfsreynslu. Það er góður stuðningur á milli vakta og ef maður er óviss í aðstæðum er maður ófeiminn að spyrja,” segir María Ösp Árnadóttir sjúkraflutningamaður á Kirkjubæjarklaustri.

Allur búnaður er eins í öllum sjúkraflutningabílum í umdæminu svo starfsfólk í bráðaviðbragði fer reiðubúið með bestu mögulegu tólin í öll útköll. María segir einnig að það sé gríðarlegt öryggi að vinna sem sjúkraflutningamaður á þessu svæði og starfsfólk er alltaf reiðubúið að leggja sitt af mörkum og aðstoða, þó einstaklingar séu ekki á vakt þegar útköll eru.

Það er mikilvægt að halda reynslu til að glata ekki kjarkinum í starfi.

09/06/2026

Áríðandi staðreyndir um hjúkrunarrými á Selfossi.

Gert er ráð fyrir að um mitt næsta ár hefjist fyrsti áfangi framkvæmda við endurbætur og viðbyggingu húsnæðis Heilbrigðisstofnunar Suðurlands á Selfossi. Af fyrstu frétt um málið mátti skilja að lokun 20 hjúkrunarrýma væri yfirvofandi, sem er ekki rétt.

Þegar nær dregur lokun Ljósheima, verður hætt að taka við nýjum íbúum inn á hjúkrunardeildina þegar rými losna. Þegar rekstri deildarinnar verður svo hætt um mitt næsta ár verður íbúunum sem þar búa boðinn flutningur á annað hjúkrunarheimili á svæðinu.

Stjórnendur og starfsfólk HSU leggja metnað sinn í vandaðan undirbúning fyrir lokun Ljósheima að ári þannig að sem minnst rask verði á högum íbúa hjúkrunardeildarinnar og aðstandenda þeirra. Enginn þarf að óttast að vera skilinn frá maka sínum eða gert að flytja á hjúkrunarheimili um langan veg fjarri sinni heimabyggð.

Þrátt fyrir lokun Ljósheima mun hjúkrunarrýmum ekki fækka á Suðurlandi, um mitt næsta ár verður opnað nýtt hjúkrunarheimili Áss í Hveragerði. Um tíma var forgangur Landspítala að rýmum á Móbergi sem ekki er lengur fyrir hendi. Móberg mun því nýtast íbúum Suðurlands í auknum mæli.

Sagt hefur verið frá því í fréttum RÚV að fyrir dyrum standi að loka hjúkrunardeildunum Fossheimum og Ljósheimum við Heilbrigðisstofnun Suðurlands á Selfossi. Af fyrstu frétt um málið mátti skilja að lokun 20 hjúkrunarrýma væri yfirvofandi, sem er ekki rétt. Heilbrigðisráð...