Samar Sadeddin Qualityland

29/10/2026

غيّرت Lot الكواشف، شغّلت الـ QC، طلع ضمن المدى… واعتمدت اللوت؟ 🤔

مش دايماً هاد كافي.
أحياناً الكنترول بيطلع مقبول، ونتائج المرضى تكون انزاحت بدون ما تنتبه.

جهّزنالك نشرة مجانية فيها الخطوات كاملة، من استلام اللوت لحد اعتماده، مع أخطاء شائعة ونموذج توثيق جاهز للطباعة 📄

👇 اكتب «كواشف» بالتعليقات وبتوصلك النشرة على الخاص

28/10/2026

قاعدة R-4s… لما الفرق يصير كبير! 📊

تخيّل بنفس الـ run: مستوى الكنترول الأول طالع فوق +2SD، والمستوى الثاني نازل تحت -2SD 😳
يعني الفرق بينهم تجاوز 4SD… وهون لازم نوقف ❌

🔴 القرار: رفض الـ run

💡 ليش؟
لأن هالنمط غالبًا بيدل على خطأ عشوائي (Random Error)، مش انحراف ثابت بالجهاز.

🔍 شو نفحص؟
✔️ مشاكل السحب (Pipetting)
✔️ فقاعات هوا بالعينة أو الكاشف
✔️ انسداد أو مشكلة بالماصّة
✔️ خلط أو تبديل بين مستويات الكنترول
✔️ تحضير الكنترول (Reconstitution) والخلط الجيد

⚠️ انتبه: قاعدة R-4s بتنطبق داخل نفس الـ run فقط، مش بين runs مختلفة.

الجودة مش رقم بنسجّله… الجودة قرار صحيح بالوقت الصح ✅

شو أكثر سبب واجهته لما طلعتلك R-4s؟ احكيلنا بالتعليقات 👇

MedicalLaboratory LabQC مختبرات_طبية ضبط_الجودة جودة_المختبر

23/10/2026

• 🤔 سلسلة وين الغلط؟
• في مختبرنا اليوم، كل شيء يبدو مثالياً للوهلة الأولى! شاشة الكمبيوتر تعرض مخطط جودة داخلي (IQC) مستقر وممتاز، والفني يمارس عمله بهدوء. لكن لو دققنا في تقرير الـ (External Quality Assessment - EQA) الموجود على الطاولة، رح نكتشف كارثة صامتة ومخالفة صريحة لمعايير الجودة! 🚨
• عينكم ميزانكم.. اقرأوا التقرير الموجود على الطاولة وتفاصيله، وحاولوا تكتشفوا الخلل.
• ⬅️ اسحبوا الشاشة لليسار لتسمعوا الحل بصوتي، وقصة حقيقية واجهتها كمقيمة آيزو 15189 بتخص نفس هالمشكلة

20/10/2026

نقطة وحدة طلعت برّا الـ 3SD؟ 🚨
هون ما في "خلّينا نستنى نشوف" 😅

هاي قاعدة 1-3s من قواعد Westgard:
قراءة كنترول وحدة برّا +3SD أو -3SD = رفض الـ run.

ليش نقطة وحدة بتكفي؟
لأنه احتمال إنها تطلع برّا الـ 3SD بالصدفة صغير كثير (تقريبًا 3 من كل 1000 قراءة). فإذا طلعت، غالبًا في مشكلة حقيقية.

🔍 السبب غالبًا خطأ عشوائي (Random Error)، مثل:
✔ فقاعة هوا بالعيّنة أو بالكاشف
✔ خطأ بالسحب أو بالماصّة
✔ كنترول مش محضّر أو مش مخلوط صح
✔ عطل مفاجئ بالجهاز
وأحيانًا بيكون خطأ منتظم كبير، فلا تستبعده.

🛑 شو بنعمل؟
✔ نوقف إصدار نتائج المرضى من هاد الـ run
✔ ندوّر على السبب ونصلّحه
✔ نعيد الكنترول بعد التصليح، مش قبل
✔ نراجع نتائج المرضى من آخر كنترول مقبول
✔ نوثّق كل إشي عملناه

💡 تذكّر: إعادة الكنترول لحد ما "يزبط" مش حل. لما الكنترول يعدّي الـ 3SD، هو عم يحكيلك إنه في إشي لازم ينحل.

صار معك 1-3s؟ شو كان السبب؟ احكيلنا بالتعليقات 👇

📌 للاستفسار عن برنامج Q PATH راسلونا على الواتساب عالرقم 00962780989081

#الكنترول WestgardRules LeveyJennings QualityControl MedicalLaboratory LabQuality ISO15189

18/10/2026

هل بتعتقد إننا لما نعمل QC يوميًا يعني صار عنا نظام إدارة جودة متكامل؟ 🧪💙
جهزتلكم PDF مجاني من Quality Land Academy 📘✨
دليل مبسّط يوضح كيف ضبط الجودة هو جزء من منظومة أكبر، وشو اللبنات الأساسية لنظام إدارة الجودة في المختبر الطبي.
💬 اكتبوا QMS بالتعليقات ليصلكم الملف.
خلّينا نفهم الجودة… ونطبقها بثقة

16/10/2026

نقطتين ورا بعض برّا الـ 2SD؟ 👀
لا، هاي مش صدفة ولا "سوء حظ اليوم" 😅

لما قراءتين متتاليتين من الكنترول يطلعوا برّا الـ 2SD على نفس الجهة، هاي قاعدة 2-2s من قواعد Westgard، ومعناها رفض الـ run.
وغالبًا السبب خطأ منتظم (Systematic Error)، مش عشوائي.

🔍 وين بندوّر؟
✔ المعايرة: متى آخر مرة؟ وهل نجحت؟
✔ الكواشف: لوت جديد؟ انفتحت من زمان؟ انحفظت صح؟
✔ الكنترول نفسه: لوت جديد؟ تحضيره وتخزينه مضبوطين؟
✔ الجهاز: صيانة، حرارة، لمبة…

📈 وانتبه لشكل المخطط قبل ما يوصل للرفض:
النقاط اللي عم تطلع درجة درجة (Trend) أو اللي قاعدة على جهة وحدة من المتوسط (Shift) عم تحكيلك إنه في إشي عم يتغيّر.

💡 الكنترول ما بيكذب.. إحنا اللي أحيانًا بنبرّر.
وبدل ما تعيد الكنترول لحد ما "يزبط"، دوّر على السبب وصلّحه، وبعدين راجع نتائج المرضى من آخر كنترول مقبول.

صار معك 2-2s قبل؟ وشو كان السبب؟ احكيلنا بالتعليقات 👇

📌 للاستفسار عن دورات ضبط الجودة، راسلونا.

#الكنترول WestgardRules LeveyJennings QualityControl MedicalLaboratory LabQuality ISO15189

15/10/2026

لو كانت رحلتي مع الجودة مسلسل Netflix، فالعنوان رح يكون: **«وراء كل نتيجة… مسؤولية»** 🎬

سنوات من العمل في المختبرات والتقييم علّمتني إن الجودة مش بند في مواصفة، ولا شهادة معلّقة على الحائط.

الجودة هي قرار صحيح، وإجراء مُطبّق، وموظف كفؤ، ونتيجة نقدر نثق فيها.

ومع كل تقييم، بتأكد أكثر إن دور المُقيّم مش البحث عن الكمال الشكلي، بل التحقق من كفاءة النظام وقدرته على تقديم نتائج موثوقة تدعم رعاية المريض.

رحلة الجودة مستمرة… وكل يوم فيها قصة ودرس جديد.

**سمر سعد الدين | ISO 15189 Technical Assessor & Trainer**

13/10/2026

رحلة مهنية غيّرت نظرتي للجودة والتقييم.

مع الوقت، تعلّمت إن دور الـ Assessor مش إنه يفتّش على الأخطاء، بل إنه يتأكد إن النظام قادر فعلاً يضمن جودة النتائج.

لأنه ببساطة… المقيّم مش مفتش، المقيّم رسول المعيار. 🎯

وهون بتبدأ قصصي من المختبرات الطبية… بعين المقيّم. 🔬

تابعوني بالريلز الجاي، عندي قصص ومواقف من رحلتي مع ISO 15189، وكل قصة وراها درس يستحق نوقف عنده. 💙

12/10/2026

08/10/2026

هل بتعرفوا شو العلاقة بين Quality Control (QC) و Quality Management System (QMS)؟ 🤔

وهل ضبط الجودة نظام مستقل، والا جزء من منظومة إدارة الجودة في المختبر؟ ☂️💙

خلينا نفهم العلاقة بينهم، وليش ما بنقدر نفصل ضبط الجودة عن باقي عناصر المنظومة.

تابعوا السلايدات واحكولي رأيكم بالتعليقات 👇