09/06/2021
عادةً بكون استبدال الخبز الأبيض بالأسمر أول الخطوات اللي بيتبعها الأشخاص لما يطبقو نظام غذائي صحي سواء كانوا مرضى سكري أو أصحاب وزن زائد أو حتى من المهتمين بنمط الحياة الصحية ...
بس يا ترى شو مدى صحة هالأعتقاد وهل فعلاً الخبز الأسمر هو خيار صحيح بأي كمية وبأي نوعية؟؟
علماً انو كتير بسمع أشخاص بيحكوا " انو انا ما باكل الخبز بكل أنواعو لان عاملة دايت و قاطعة الخبز و الرز 🍞🥖لان بسمن و مو صحي " !!
مع الأسف انو هي المعتقدات خاطئة و صار لازم نعرف شو الحقيقة وشو الضار وشو النافع 😊
🔺الخبز الأسمر 🍞🥖و الخبز الأبيض تقريبًا فيهم نفس السعرات الحرارية و حتى الخبز الأسمر اكتر من الأبيض بنسبة بسيطة .
🔺عاملة دايت او حمية هاد ما بيعني انو ما ناكل خبز و نقطع كلشي كاربوهيدرات "نشويات"🥔🍞🥖🥯🍝🍚🍠
أكل النشويات ما بخوف و لا بسمن ولا مضر اذا اكلناها بكمية محدودة بتتناسب مع حاجات الجسم
فينا ناكل بطاطا ورز و معكرونة 🍚🍝 و يضل الوزن عم ينزل او ما نسمن "حسب الهدف و الكمية".
🔹 طيب شو الفرق بين نوعين هالخبز⁉️⁉️
الفرق بين هدول النوعين انو الخبز الأسمر يحتوي على نسبة ألياف أعلى يعني سهولة و سرعة في عملية الهضم و يساعد على الشعور بالشبع.
🔹 الخبز الأسمر "شرط حبوب القمح الكاملة ١٠٠٪" هو خيار أحسن لأن يحتوي على عناصر غذائية أكتر و ألياف اكتر بالتالي مارح يصير ارتفاع سريع بنسبة السكر بالدم( ينصح به لمرضى السكري).
🔷باختصار اختاروا الخبز يلي بتحبوه لان في شغلات أهم من الخبز ندقق عليها خلال الدايت او لنعيش حياة صحية بس بنصح بتناول الخبز ومو بس الخبز ... بكل النشويات بشكل عام انو ناكل الحبوب الكاملة واذا ما منحب الخبز الاسمر مالها نهاية العالم فينا ناكل الخبز الأبيض و ناكل الخضار بنسبة أكبر للحصول على الألياف 🩺🍏👩🏼⚕️
💙
