نَفسِيِّة

26/08/2026

وضوح الكلام، والإشارات بين الطرفين هو من أهم عوامل نجاح أو فشل أي علاقة.. والوضوح بالدرجة الأولى عشاننا قبل ما يكون عشان غيرنا..
مهم نحكي، نتفاهم، نحاول نوصل لحل وتكون غمازاتنا واضحة للطرف التاني ومفهومة.

الفيديو الثالث من سلسلة كان إلها فترة طويلة ببالي، وإلي وقت بشتغل عليها لحتى أحاول أقدمها متل ما كنت بحب 🙆🏽‍♀️.. إنجوي.. 🚘

22/08/2026

وجود مسافة الأمان، والحدود، شيء ضروري وأساسي.. حمايةً لأنفسنا من الآخرين، وللآخرين منّا! وعلى مدى قرب الأشخاص بتتشكل مسافات الأمان بيننا وبينهم، مش الكل إلهم نفس المسافة ولا الكل إله نفس الامتيازات..

18/08/2026

-أحياناً كتير بنظلم حالنا لأنه إنجازاتنا بتكون تراكمية صغيرة بس ما بننتبهلها ولا بنشوفها لأنه باعتقادنا إنه التغيير لازم يكون كتير كبيير، وهاد مش دايماً صح!

الجبال انعملت من تراكم الحصى 💁🏽‍♀️.

-الفيديو الأول من سلسلة كان إلها فترة طويلة ببالي، وإلي وقت بشتغل عليها لحتى أحاول أقدمها متل ما كنت بحب 🙆🏽‍♀️.. إنجوي.. 🚘

09/08/2026

العلاقات الصحية شيء مهم وضروري بالحياة، أكيد فيها مشاكل لكنها بالنهاية شيء جداً جميل.. بس نعرف نختار صح ونكون نحنا الناس الصح وما نرضى باشي كاذب 😉

11/07/2026

مهم نحدد وقت لمتابعة الأخبار عموماً، نحدد مصادر معينة نتابع منها
ونحاول نتعامل مع مشاعرنا ونفرغها أولاً بأول، قبل ما نوصل لمرحلة من الـ burnout نبطل قادرين حتى نحس فيها..

24/06/2026

اليوم انتهينا بحمد الله من 4 أيام مكثفة من التدريب والتحضير المستمر استعداداً لإطلاق منصة أمل- العيادة الإلكترونية لليافعات والأمهات، قريباً جداً! 🚀💻

تدريبنا كان بهدف إنه نوفر لليافعات والأمهات مساحة رقمية آمنة، مريحة، وفيها أعلى معايير الخصوصية والسرية.

​ممتنة للمحاضرين الأفاضل: أ.د.محمد اليحيى، أ.د. نهاية الشياب، ودكتورتي العزيزة أ.د.فداء أبو الخير، ولكل زميلاتي الأخصائيات على مشاركاتهم ومداخلاتهم.. ولكل خطوة قربتنا من هذا الهدف. رحلة التجهيز انتهت، والآن العد التنازلي للانطلاق الرسمي بدأ! ⏳✨
​🔔 خليكم قريبين وفعلوا التنبيهات.. تفاصيل الانطلاق والمواعيد رح نعلن عنها بالأيام الجاية!

21/06/2026

-كل صفة فينا بتشبه مكونات الكيكة.. العبرة بطريقة التوظيف! 🍰.

​لقطة عفوية من اليوم الأول لتدريب مكثف استعداداً لإطلاق مشروع العيادة الإلكترونية في جامعة العلوم والتكنولوجيا قريباً! 🚀
​خلال النقاش مع زملائي الأخصائيين عن تمرين "من أنا"، حبيت أشاركهم تشبيه بسيط بستخدمه دائماً مع مراجعيّ في العيادة النفسية. 💁🏽‍♀️😁

15/06/2026

12/06/2026

بهاد الموضوع الدور مش بس عالرجل. الله يعينه شو بده يتحمل ليتحمل هو كمان! 😅
صدقيني بكون مهتم بس مستحيل يعرف لحاله.. الحوار والنقاش كتير مهم بهيك مواضيع..

نعمل فيديو نحكي فيه عن الصحة النفسية للرجال؟
شو رأيكم؟