17/06/2026
للي لسة محتارين حول ما يسمى نظام الطيبات.
بعيدا عن اني مش فاهمة كيف الناس المحترمة تنازلت تسمع اراء شخص كمية الاساءات و قلة الاحترام في حواراته كافية تقطع علاقتك بأي شخص بيدافع عنه!!!
انا كخبيرة تغذية تابعت اكتر من 1400 حالة ، جزء منهم التزموا ببرنامج غذائي بيعتمد على البيض و الدجاج بشكل اساسي بسبب مشاكل صحية كانوا يعانوا منها، و النتيجة تحسن كبييير بصحتهم بفضل الله.
و هون اراء المشتركين للي بيحب يشوف:
https://www.instagram.com/s/aGlnaGxpZ2h0OjE4MDE1NjM5MjU0NTgzNzI0?story_media_id=3865671486019363407_51820473125&igsh=bXN2emJ1d2RtNnBh
و الي بيسأل كيف بيتحسنوا على نظام الطيبات، راح اشرحلك اهم الاسباب:
١ اصلا ما عم يلتزموا بالنظام بحذافيره، كل واحد اخد من هذا النظام الي بيعجبه و خفف اكل.
٢ البعض كان عندهم مشاكل مناعية و تحسسات من نوع خاص، صادف ان تحسن لما منع كل الاصناف الممنوعة ، بس فعليا هو موهوم، يعني ممكن يكون تحسن لانه بيتحسس من صنف معين بينما هو حرم نفسه من اصناف أخرى بدون داعي.
٣ تأثير البلاسيبوا خصوصا ان هالنظام بيعطي شعور بالراحة لما اتدخن و تاكل حلويات بدون اي احساس بالذنب و عقلك مقتنع انك عم تعمل انجاز لمجرد انك منعت البيض و الدجاج!!
٤ منع الخبز الأبيض حتما بيحسن صحة اي شخص، و هذا من زمان معروف و مش حصري لهذا النظام.
٥ تخفيف الاكل، راحة مؤقتة، لسة ما اكتشفوا شو راح يصير معهم على المدى البعيد، يعني على أقل تقدير الاعتماد على تناول اللحوم الحمراء راح يرفع عندك الكولسترول الضار و اليوريك اسيد، على عكس الدجاج.
هدول اهم النقاط الي بعرف ان ما حدا من المشجعين على نظام الطيبات راح يعجبه كلامي، لان صار عندهم تبعية لطريقة تفكير اعجبتهم!!!، و اقتنعوا ان الطب و الادوية هم العدو!! حتى كل قصص الحالات المتضررة من اتباع هذا النظام بسبب وقف الادوية او غيره ما اثرت فيهم!!!، فعليا في ناس توفت و برضة لسه في ناس بتدافع عن نظام الخبيثات !!
و انا مش مهتمة ان اي شخص من هدول يقتنع, انا كلامي موجه للناس المحتارة في هذا الموضوع من كتر ما انحكى فيه
انتم لو تسمعوا حوارات صاحب النظام راح تفهموا انه انشهر لانه مثير للجدل و مش لان النظام مفيد.
14 Stories. Latest story added on 12 June 2026. See insider moments and handpicked daily stories you won't find anywhere else.
