13/08/2026
الأخصائي النفسي بتعاطف و بتفهم بس اكيد ب حدود ..
لأن الـ Therapist مش دوره يكون الشخص اللي يوافقك على كل شيء، أو يطمنك على كل فكرة، أو يبرّر كل تصرّف و شعور و يقلك معك حقك ، بجوز معك حق بشعورك دون احكام ، لكن التصرف بناء على الشعور مو ok دايماً ..
التعاطف لا يعني الموافقة ، بقدر أتعاطف و اتفهم و بحدود الاحترام و الخصوصية لكل حاله و مهنية عالية ،
بفهم مشاعرك، و بحترم تجربتك، و بسمع افكارك و بحلاها و بكون موجودة معك فيها… بدون ما أوافق على كل أفكارك أو سلوكياتك.
الـ Therapeutic Alliance الحقيقية مش مبنية على إنك تطلع من كل جلسة حاسس إن الـ Therapist قلك كل مرة «معك حق».
هي مبنية على الأمان، الثقة، الصدق، والقدرة على مواجهة الأشياء الصعبة بدون إصدار أحكام حتى لو كانت صعبة و فيها مواجهة ، و مش دايما رح تطلع من الجلسة العلاجية مرتاح ، بس اكيد شاعر بأمان و متطمن
أحيانًا دوري مش إني أطبطب عليك…
دوري إني أساعدك تشوف الشيء اللي يمكن ما كنت قادر تشوفه لحالك.
التعاطف ≠ الموافقة.
والعلاج ≠ الطبطبة. 🤍
