11/06/2026
تعرفوا إنه أحيانًا جسمنا بيحكي عن نفسيتنا أكثر مما بنحكي إحنا؟
يمكن تقول:
"أنا بخير..."
بس جسمك يكون عم يحكي قصة مختلفة تمامًا.
إذا صرت تحس بتعب مستمر رغم إنك نايم،
أو صداع متكرر بدون سبب طبي واضح،
أو شدّ بعضلات الرقبة والكتفين،
أو خفقان مفاجئ،
أو مشاكل بالمعدة كل ما تمر بضغوط...
ممكن هاي ما تكون مجرد أعراض جسدية.
ممكن تكون رسائل.
رسائل من نفسيتك بتحاول تقولك:
"في شي جواتك محتاج انتباه."
القلق أحيانًا ما بيجي على شكل أفكار فقط...
بيجي على شكل أرق.
والحزن أحيانًا ما بيظهر دموع...
بيظهر على شكل إرهاق وفقدان طاقة.
والغضب المكبوت أحيانًا ما يطلع بكلمات...
بيطلع على شكل توتر مزمن بالجسم.
المشكلة إن كثير من الناس بصيروا يعالجوا الرسالة...
وينسوا يسمعوا المرسل.
فكل مرة جسمك يكرر نفس الإشارة،
اسأل نفسك:
شو الشعور اللي عم حاول أتجاهله؟
وشو الشي اللي جسمي عم يحاول يقوله إلي من زمان؟
لأن الجسم نادرًا ما يكذب...
لكنه كثيرًا ما يتكلم بلغة لا نفهمها.
#صحة #نفسية #إكسبلورر
