19/06/2025
بعض من صور وجبات المشتركات معي والملتزمات بنظام حياة صحي بعيد كل البعد عن الجوع والحرمان 😍♥️
هالبوست مارح يكون بس عبارة عن صور وجبات مثالية لكن حيكون فيه كلام من القلب لانه العامل النفسي هو جزء لا يتجزأ من خطتنا التغذوية والعلاجية بمرحلة نزول الوزن او اي هدف ثاني تم على اساسه تخطيط الحمية الغذائية حسب الوضع الصحي .
هالجملة تميزت فيها ودائماً بحكيها ل مشتركاتي المبدعات لو خبصوا شوي بيومهم واجو فضفضولي لانهم حسوا بتأنيب الضمير !
ألوم عليهم وأعمل حالي عليهم انسانة مثالية لإني أخصائية تغذية ؟
لا طبعاً لكن بريح نفسيتهم يلي اصلاً ما وصلوا لهالمرحلة الا بسبب تأثير عامل نفسي هيك برأيي ف من واجبي
اساعدهم ع تهذيب تصرفاتهم وسلوكياتهم واحكيلهم ك التالي :
"اتركوا هدفكم ماشي نحو حياة صحية بعيداً عن الندم وجلد الذات وتأنيب الضمير في حال خبصنا بشي معين ف هدفنا هو الاستمرارية بالتركيز ع الهدف وليس مثالية مطلقة"!!✨
-خصوصاً لو اكلنا سكريات او نشويات زيادة عن احتياجنا،
ع طول كونوا اذكياء ودخلوا معهم مصدر دهون صحية زي اللوز الني او جوز القلب او بذور القرع /اليقطين
او ابسط شي متاح
مصدر من مصادر الالياف زي اي نوع خضار متوافر "
او اي مصدر من مصادر البروتين المفضلة ♥️
طبعاً ما حكيت هيك الا لحتى يلي بقرأ البوست ولسا خايف من فكرة الالتزام ف الشغلة بدها ارادة نحو التغيير
لكن الالتزام اموره بسيطة جداً ومافي اسهل منها مدام بتلاقوا حدا يدعمكم نفسياً ويشجعكم مش ناس تحبطكم وتثبط عزيمتكم وارادتكم ل يكونوا احسن منكم أبداً !
لهيك اختاروا ناسكم ومحيطكم يلي بتتأثروا فيه بعناية كبيرة ♥️♥️✨
ودمتم بخير وصحة وعافية دائماً 😍♥️
