06/08/2026
اليوم رح نكمل المنشور السابق ونحكي عن الروتين المناسب للمحافظة على حاجز البشرة
للبشرة الدهنية في فصل الصيف
الروتين الصباحي :
هون احنا بنركز على الحماية بشكل أساسي بالإضافة إلى ترطيب خفيف للبشرة
بالبداية بنستخدم غسول للوجه متوازن الحموضة وخالي من الكبريتات لحتى ما تنشف البشرة ويتكون عنا قشور على البشرة او حدوث تهيج واحمرار
الخطوة الثانية لازم نستخدم اشي مثل النياسينامايد لانه
بنظم افراز الدهون وبقوي حاجز البشرة لانه بحفز انتاج السيرامايد اللي هو المادة الاساسية في تكوين حاجز البشرة بالاضافة الى انه بقلل ردات الفعل الالتهابية والاحمرار اللي ممكن يحدث على البشرة
استخدام مرطب على شكل جل او كريم - جل خالي من الزيوت
اخيرا استخدام واقي شمس يكون على شكل جل او
كريم - جل خالي من الزيوت لحماية البشرة من أشعة الشمس الضارة
الروتين المسائي
هون احنا بنحكي عن ترميم وتجديد الخلايا ولكن بشكل معتدل
يمكن مسح الوجه ب ميسيلر( ماء تنظيف الوجه من المكياج) أو زيت او منظف مزدوج يحتوي على ماء وزيت
قبل غسل الوجه ب غسول الوجه اللى حكينا عنه بالبداية
تقشير ليلي مرتين أسبوعيا لحتى ننظف المسام ونمنع توسعها مع الايقاف الفوري عند ظهور اي علامات تحسس او تهيج بالبشرة وهون ممكن نستخدم سيرامات بتحتوي
على الريتينول او الساليسليك اسيد
اخيرا الترطيب والترميم المسائي وهون احنا بنتكلم عن سيرمات او جل او كريم - جل بتحتوي على فيتامين B5 لترميم وترطيب البشرة بشكل فعال
المنشور التالي رح نحكي عن الأمور اللي لازم نتجنبها
لحتى نحافظ على حاجز بشرة قوي ومثالي
زورونا لمعرفة المزيد
الخالدية- الشارع العام-بجانب مسجد شعيب
ام الجمال - مقابل الآثار
في خدمتكم
0786567335-0795340930
