月曜日 08:00 - 15:00 火曜日 08:00 - 15:00 水曜日 08:00 - 15:00 木曜日 08:00 - 15:00 金曜日 08:00 - 15:00 土曜日 08:00 - 11:00

Япон дахь эмнэлэг холболт, зөвлөх үйлчилгээ, Yoshida Building, 1-15/3, Monzennakacho (2026)

25/03/2026

🧠 Танд эсвэл таны дотны хэн нэгний хувьд:

✦Доорх асуултууд танил, ойрхон санагдвал:
✦Түүнчлэн бодитоор ажил кареер, сурлага хөдөлмөрт тань хүндрэл үүсээд,
✦Таны албаны болоод хувийн амьдралд хүн хоорондын харилцааны асуудал, бэрхшээл тасрахгүй байвал,
✦Үргэлж өөртөө сэтгэл хангалуун бус, юу ч хийсэн, яаж ч хичээсэн үргэлж ойр тойрныхныхоо сэтгэлийг гонсойлгож, санааг зовоодог бол бидэнд хандаарай.
🔬 Шинжлэх ухааны evidence нотолгоонд суурилсан, хамгийн сүүлийн үеийн анагаах ухааны шийдлийг бидэнтэй зөвлөлдөөрэй.

📝 Ажлын тайлан, албаны бичиг, и-мэйл эсвэл гэрээний заалт зэрэг анхаарал шаардсан зүйлс дээр хайнга гэмээр алдаа гаргах хандлагатай юу?

⏳ Урт хугацааны хурал, лекц эсвэл ном унших үед анхаарал тань амархан сарнидаг уу?

💭 Хүн тантай юм ярьж байхад эхний хэдэн минут сонсоод л өөр юм бодоод явчихдаг уу? Хүн тантай шууд харьцаж байхад анхаарал чинь өөр газар байгаа мэт санагддаг уу?

👀 Ярилцаж байгаа хүнийхээ нүд рүү нь харж байгаа мөртлөө юу хэлснийг нь огт тогтоож чадахгүй өнгөрөх үе бий юу? Эсвэл хүний нүд рүү ойроос харахад танд амаргүй байдаг уу?

🚀 Ажлыг эрч хүчтэй эхлүүлдэг ч дуусгаж чадалгүй орхих, эсвэл өөр шинэ ажил руу үсрэх хандлагатай юу? Гэрийн ажлыг байсан ч олон юм эхлүүлдэг, дуусгаагүй ажил овоороод замбараагүй байдал үүсдэг тал бий юу?

📅 Цаг төлөвлөх, ажлын багаж хэрэгсэл, файлаа цэгцлэхэд хүндрэлтэй байдаг уу? Их хоцордог уу?

🪑 Сууж байхдаа гар хөлөө савчих, үзэг эргүүлэх, эсвэл хөлөө чичигнэх зэргээр өөрийгөө бусадтай харьцуулахад илүү хөдөлгөөнтэй байгаа мэт санагддаг уу? Зүгээр хөдөлгөөнгүй суухаар нэг л тухгүй санагддаг уу?

🗣️ Хэт их ярих, ярьсныхаа дараа ярих шаардлагагүй зүйл ярив гэж харамсах эсвэл хүний яриаг дуусгалгүй дундуур нь тасалж ярих тохиолдол гардаг уу?

🚦 Дараалалд зогсох, замын түгжрэлд орох зэрэг хүлээх шаардлагатай үед хэт их бухимддаг уу?

🛑 Зарим өдрүүдэд гэнэт юу ч хийж чадахгүй мэт санагдах эсвэл зүгээр л гацчихдаг уу? Ажлыг эхлүүлэхэд хэт их хүчин чармайлт, мотивац, кофе уух зэргээр шаардагддаг уу?

📱 Утсаа байнга гүйлгэж үзэж "оролддог" уу?

📩 Хэрвээ тийм гэх хариулт олон байвал та бидэнд хандаж зөвлөлдөх боломжтой.

21/02/2026

Сар шинийн үндэсний уламжлалт, гэр бүл, элгэн садны халуун дотно баяр наадамтай зэрэгцэн өвлийн олимп олон гайхалтай үйл явдлуудаар дүүрэн болж өндөрлөж байна. Энэ дундаас онцлох, олон хүнд урам, итгэл найдварыг түгээсэн inspiring тамирчдын нэг бол яалт ч үгүй Alysa Liu (American figure skater) байлаа.

Алиса Лью: "Миний ADHD (мэдрэлийн хөгжлийн эмгэг -> анхаарал дутмагшил хэт хөдөлгөөнтөх эмгэг) бол миний хүч"

Америкийн уран гулгалтын супер од Алиса Лью (Alysa Liu) өөрийн ADHD оношоо нээлттэй зарлаж, энэхүү мэдрэлийн онцлог байдал нь түүнд хэрхэн "допамин" болон эрч хүч бэлэглэдэг тухай хуваалцаж олон хүнд итгэл найдвар түгээсэн сэтгэл хөдөлгөм түүхэн үйл явдал болсныг бид онцолмоор байна.
Neurodivergent/ Нейродивергент (ADHD, аутизм, сурахцн бэрхшээл, оюуны чадамж хэл ярианы бэрхшээл г.м) хүүхэд, насанд хүрэгчид албан ёсоор, мэргэжлийн эмчид цогц оношлуулж, өөрийгөө ойлгох нь бол маш чухал. Учир нь оношоор дамжуулан маш олон хүмүүс “Сэтгэлийн амар амгалан”-г олдог. "Би яагаад өөр байна вэ?" гэх амьдралынхаа туршид асуусан асуултдаа хариулт олж, өөрийгөө байгаагаар нь хүлээн зөвшөөрөхөд хамгийн чухал алхам болж өгдөг. Түүнчлэн “Жинхэнэ эрх чөлөө”-г өөртөө болон гэр бүлдээ олгодог. Маш олон хүүхдүүд, хүмүүс оношоо авсны дараа бусдад ойлгогдохгүй байх мэдрэмжээс ангижирч, өөртөө итгэлтэй болдог нь нууц биш. Хамгийн гол нь өөрийн бүрэн дээд потенциал, чадамжаа нээх нь байна. Онош бол хязгаарлалт, тор биш. Харин өөрийнхөө давуу талыг ашиглаж, амжилтад хүрэх түлхүүр юм.
🇲🇳🇯🇵Танд асуулт байвал бидэнтэй чөлөөтэй холбогдоорой.

21/01/2026

👶IVF буюу Үр шилжүүлэн суулгах эмчилгээ🧬

IVF буюу Үр шилжүүлэн суулгах эмчилгээний механизм, үргүйдлийн шалтгаан болон Япон дахь IVF эмчилгээний онцлогуудын талаарх мэдээллийг энэ удаа бэлтгэн хүргэж байна. 📝

Үргүйдэл гэж юу вэ? (Infertility)

Анагаах ухааны одоогийн тодорхойлолтоор, нөхөн үржихүйн насны хосууд ямар нэгэн жирэмснээс хамгаалах эм, хэрэгсэл хэрэглэлгүйгээр, тогтмол бэлгийн харилцаанд орсноос хойш 1 жилийн дотор жирэмслэхгүй байхыг үргүйдэл (Infertility) гэж үздэг. Хэрэв эмэгтэй хүний нас 35-аас дээш бол энэ хугацааг 6 сар гэж тооцдог.

Үргүйдлийн маш олон шалтгаанууд бий. Зарим нь сайн судлагдсан, зарим нь хараахан тодорхой, бүрэн судлагдаагүй байгаа. 🔍

Үргүйдлийн үндсэн шалтгаанууд:

🌸 Эмэгтэй хүнээс шалтгаалах: Өндгөвчний үйл ажиллагааны алдагдал (Ovulatory dysfunction), Үр дамжуулах гуурсан хоолойн бөглөрөл (Fallopian tubal factor), умайн салстын эмгэг (Endometriosis) гэх мэт.
🔹 Эрэгтэй шалтгаант: Эр бэлгийн эсийн тоо, хөдөлгөөн эсвэл хэлбэр дүрсийн өөрчлөлт (Male factor infertility).
❓ Шалтгаан тодорхойгүй: Нийт тохиолдлын 10-15%-д эрүүл мэндийн оношилгоогоор тодорхой өөрчлөлт илэрдэггүй (Unexplained infertility) бөгөөд анагаах ухааны одоогийн хөгжлийн хувьд үргүйдэл бүрэн судлагдаж дуусаагүй байгаа нь практикт бодит факт юм.

IVF буюу Үр шилжүүлэн суулгах эмчилгээ хэрхэн явагддаг, зарчим?🔬

IVF (In Vitro Fertilization) гэдэг нь биеийн гаднах орчинд үр тогтоох ажилбар юм.

Үе шатууд:

1. 💉 Өндгөвч сэдээлт (Ovarian Stimulation): Гормоны тариаг маш нарийвчилсан тун, системтэйгээр бодож хэрэглэх бөгөөд сарын тэмдгийн шинэ мөчлөгийг зохицуулж өндгөн эсийн боловсрох процесс-г дэмждэг.
2. 🧪 Боловсорсон өндгөн эсийг соруулах (Egg Retrieval / Oocyte Pick-up): Хэт авиан хяналтан дор өндгөвчнөөс боловсорсон өндгөн эсүүдийг соруулж авна.
3. 🧫 Үр тогтоох процесс (Fertilization):
Ø Конвенциональ буюу стандарт IVF (cIVF): Лабораторийн хяналттай орчинд боловсорсон өндгөн эсийг эр бэлгийн эсүүдтэй хамт өсгөвөрлөж, өөрөөр нь үр тогтоох эмнэлгийн ажилбар юм.
Ø ICSI (Intracytoplasmic S***m Injection): Лабораторийн нөхцөлд микро-манипуляцийн техник ашиглан морфологийн хувьд хамгийн чадамжтай эр бэлгийн эсийг сонгож, боловсорсон өндгөн эсийн цитоплазмд (cytoplasm) шууд тарьж оруулан үр тогтоох өндөр нарийвчлалтай бичил мэс ажилбар юм.
4. 🐣 Үр хөврөл өсгөвөрлөх (Embryo Culture): Үр тогтсон өндгөн эсийг лабораторид өсгөвөрлөж, Бластоцист (Blastocyst) шатанд хүргэнэ.
5. 🏠 Үр хөврөл шилжүүлэн суулгах (Embryo Transfer): Сонгон шалгаруулсан үр хөврөлийг умайн хөндийд шилжүүлэн суулгана.

Япон дахь IVF эмчилгээний онцлог ба давуу тал🌟

Технологийн нарийвчлал: ⚙️ Японы лабораториудын технологийн стандарт, үр хөврөлийг хянах Time-lapse incubator (үр хөврөлийг incubator-с гаргаж ирэлгүйгээр 24 цаг камераар хянах төхөөрөмж бүхий өсгөвөрлөх технологи бөгөөд үр хөврөлийг инкубатороос гаргаж стресстүүлэхгүйгээр, 24 цаг тасралтгүй хянадгаараа онцлог юм) зэрэг системүүд нь үр тогтоолтын хувийг өндөрсгөдөг. Түүнчлэн Time-lapse Imaging нь хамгийн эрүүл үр хөврөлийг сонгох боломжийг олгодгоороо давуу талтай.

"Minimal Stimulation" буюу Зөөлөн сэдэлтийн арга: 🍃 Японы эмнэлгүүд үйлчлүүлэгчтэй сайтар зөвлөлдсөний үндсэн дээр эмэгтэй хүний биед ирэх дааврын ачааллыг багасгах зорилгоор маш бага тунгаас эхэлж өндгөвч-д сэдээлт өгөх аргыг голчлон баримталдаг. Энэ нь чанартай өндгөн эс гаргаж авахад ч мөн түлхэц өгдөг.

Micro-TESE: 💪 Түүнчлэн эрэгтэй шалтгаант хүнд хэлбэрийн үргүйдлийн үед Micro-TESE (Microsurgical Testicular S***m Extraction) бичил мэс ажилбараар үр тогтоох боломжийг практик дээр 92% хүртэл амжилттай хэрэгжүүлсээр байна.

Япон улсад үргүйдлийн эмчилгээ нь олон нийтийн даатгалын системд хамрагдаад нилээд хэдэн жилийг ардаа үдэж буй тул эмчилгээ хийлгэсэн клиникийн case-үүд, үр дүнтэй тохиолдлууд өмнөх жилүүдтэй харьцуулахад хурдацтай нэмэгдсээр байгаа. 📈 Энэхүү үр тогтоох эмчилгээний хууль эрхзүйн зохицуулалт, улсын хэмжээний бодлого нь практикын давуу туршлагыг Японы IVF буюу Үр шилжүүлэн суулгах эмчилгээний салбарт өгч, эл салбарын хувьд жигд хурдацтай хөгжиж буй орон юм. 🏛️
(Япон улсад үргүйдлийн эмчилгээ нь 2022 оны 4-р сараас бүх нийтийн даатгалын системд бүрэн нэвтэрсэн нь салбарын хөгжлийг шинэ шатанд гаргасан.)

📞 Та IVF буюу Үр шилжүүлэн суулгах эмчилгээтэй холбоотой нэмэлт мэдээлэл авахыг хүсвэл бидэнтэй холбогдоорой🇲🇳🇯🇵

16/01/2026

🇯🇵Япон улсад нүдний болор солиулах мэс заслыг (Cataract Surgery) сонирхож хүмүүс манайх руу ихээр холбогддог түүнчлэн Японд болороо солиулаад бодит үр дүн гараад маш өндөр сэтгэгдэлтэй байгаа хүмүүс олон бий тул НҮДНИЙ БОЛОР СОЛИУЛАХ мэс заслын талаар мэдээлэл хүргэе. 🏥👀

Нүдний болор солих мэс засал гэдэг нь зөвхөн "цайсан болор"-г авч солих төдий биш, таны цаашдын амьдралын харааны чанарыг (Quality of Vision) тодорхойлох маш чухал ажилбар юм. ✨ Япон улс нь энэ чиглэлээр дэлхийн хамгийн өндөр стандарт, технологийн нарийвчлалыг санал болгодог гэдгээрээ олон улсад хэдийн нэртэй. Голлох давуу талуудаас сонирхуулъя:

1. Микроны хэмжээст нарийвчлал бүхий мэс заслын технологи: Фемтосекунд лазер (FLACS)
Уламжлалт аргаар бол мэс заслын гар зүсэлт хийдэг бол Японы тэргүүлэх эмнэлгүүд Фемтосекунд лазерыг (Femtosecond Laser-Assisted Cataract Surgery - FLACS) ашигладаг. Лазер нь хүний гараас илүү нарийвчлалтай (микроны хэмжээст) зүсэлт хийж, болорын гэрийг (Capsulorhexis) төгс дугуй хэлбэрээр нээдэг. Энэ нь суулгасан хиймэл болор нүдний төв хэсэгт яг байрандаа, хазайлтгүй байрлах нөхцөлийг бүрдүүлдэг бөгөөд эдгэрэлтийг түргэсгэж, хүндрэлээс сэргийлдгээрээ ихээхэн давуу талтай.

2. Хагалгааны явц дахь хяналт: ORA систем
Энэ бол маш гайхалтай, чухал алхам юм. Японы нүдний мэс заслын анагаах ухааны практик хэрэглээний томоохон төлөөлөл болсон технологи бол Хагалгааны явц дахь аберрометр (Intraoperative Aberrometry - ORA System) юм.

Нүдний болор солиулах мэс заслын өмнө хийсэн Хиймэл болрын IOL power тооцоолол хагалгааны явцад бага зэрэг тохирохгүй (Refractive surprise) магадлал практик дээр байдаг. ORA систем нь хуучин болрыг авсны дараа, шинийг суулгахаас өмнө нүдний хугалах хүчийг (Refractive power) мэс заслын ширээн дээр буюу шууд мэс заслын дундуур дахин хэмждэг технологи юм. Ингэснээр таны харааг 100% тэглэх (0.0 диоптр болгох) магадлалыг эрс нэмэгдүүлдгээрээ Нүдний болор солих мэс заслын практикт маш чухал алхам болж өгдөг.

3. Болрын баялаг сонголттой: Дэлхий бүх тэргүүлэх брендүүд бий
Японы тэргүүлэх эмнэлгүүдэд дэлхийн хамгийн сүүлийн үеийн Хиймэл болруудын (Intraocular Lens - IOL) бүх төрөл бэлэн байдаг.

Ø Олон фокустай (Trifocal/Multifocal): Хол, дунд, ойр гэсэн гурван зайд коррекцгүй буюу шилгүй харах боломжийг олгодог.

Ø EDOF (Extended Depth of Focus): Фокусын цэгийг уртасгаж өгдөг учраас таны хараа хол зайнаас эхлээд дунд зай хүртэл тасралтгүй буюу байгалийн мэт жигд тод хардаг (хол болон дунд компьютерийн зайд).

Ø Цэнхэр гэрэл шүүгч (Blue-light filtering): Нүдний торлогийг (Retina) хамгаалах тусгай шар пигменттэй болрууд нь Японы стандартын нэг хэсэг юм.

4. Нарийвчилсан оношилгоо: "Биометр"
Японд мэс заслын өмнөх маш олон төрлийн нүдний хэмжилтүүдийг хамгийн сүүлийн үеийн багаж төхөөрөмжөөр, маш найдвартай, чамбай хийдэг.
Биометр (Biometry): AI (Хиймэл оюун ухаан) дээр суурилсан хамгийн сүүлийн үеийн технологийн дэвшилтэт тооцооллыг ашиглан нүдний бүх хэмжилтүүдийг нарийвчлалтай гаргадаг. Энэ нь болрын мэс заслын дараа хараа дутуу засагдах (Refractive surprise) эрсдэлийг хамгийн бага түвшинд барих боломжийг олгодгоороо давуу талтай.

5. Найдвартай байдал ба Хүндрэлээс сэргийлэх стандарт өндөр:
Япон улс нь хагалгааны дараах халдвараас сэргийлэх дэлхийн хамгийн хатуу стандартыг мөрддөг. Хагалгааны өрөөний агааржуулалт, багаж хэрэгслийн ариутгал болон хагалгааны дараах хяналтын нарийн хуваарь нь эрсдэлийг тэг рүү дөхүүлдгээрээ давуу талтай.

🤝 Тиймээс та нүдний болор солиулах заалттай хаана хийлгэхээ шийдэж чадахгүй байгаа бол бидэнтэй зөвлөх боломжтой. Бид ямарваа нэг тухайлсан эмнэлэг эсвэл клиникт баригдалгүй таны биеийн ерөнхий эрүүл мэнд, нүдний онош, хүсэлтээс хамааран эмнэлэгт холбож өгдөг байгаа.

Учир нь нүдний болор солих гэдэг нь нэг л мэс заслын талаар яриад байгаа юм шиг боловчиг дээр дурдсанчлан нүдний нөхцөл байдлаас хамааран хэрэглэх технологи, мэс ажилбарын аргачлалын төрөл, хиймэл болрын сонголт зэрэг нь хүн бүрт ялгаатай тул тухайлсан хүн бүрийн case өөр байдаг. 📋 Зарим жишээг татахад:

- Таны нүдний онцлогт ямар төрлийн хиймэл болор хамгийн тохиромжтой вэ

- Мэс заслын дараа шил зүүх шаардлагатай эсэх

- Архаг өвчин тухайлбал чихрийн шижин эсвэл даралт ихсэх өвчинтэй бол нэмэлт шинжилгээ хэрэгтэй бөгөөд мэс заслын анхаарал шаардлагатай болдог 🩺

- Мэс заслын дараах хяналтад хэр удаан хамрагдаж чадах зэрэг юм.

Нүдний хиймэл болрын төрөл, мэс заслын аргачлалаас хамааран тодорхой хэмжээний давуу болон хязгаарлагдмал байдлын сонголтууд бий болдог тул таны амьдрал, ажлын хэв маягийн онцлогуудаас хамааран аль нэгийг нь шийдэх шаардлагатай байдаг.
Та компьютер хэр хэрэглэдэг эсвэл жижиг үсгийн фонттой ном илүү уншдаг уу. Спортоор хэр хичээллэдэг. Машин барих шаардлага хэр гардаг гэхчлэн таны ажил амьдралын хэв маягийн онцлогоос харгалзан сонголт хийх шаардлага гардаг нь дэлхийн хамгийн тэргүүлэх нүдний эмнэлэг байсан ч одоогийн анагаахын ололт дэвшлийн хүрээнд бодит нөхцөл байдал юм.

Нүд гэдэг маш эмзэг бөгөөд чухал эрхтэн. Тиймээс та зөвхөн харах биш, харин өөрийн нүдний дээд потенциалаар харахыг хүсэж байвал Япон улсын нүдний мэс заслын эмнэлгүүд танд хамгийн найдвартай, технологийн өндөр шийдлийг санал болгож чадна. Энэ нь таны нүдний эрүүл мэнддээ хийж буй урт хугацааны, маш үнэ цэнэтэй хөрөнгө оруулалт юм. ❤️

📞 🇲🇳🇯🇵Дэлгэрэнгүй мэдээлэл авахыг хүсвэл бидэнтэй холбогдоорой~

14/01/2026

YWB олон улсын эмнэлгийн зөвлөх үйлчилгээний компани нь Японы эмч нарын туршлагад үндэслэсэн найдвартай, аюулгүй, дэвшилтэт технологийн тусламж үзүүлж, 24 цагийн яа....

13/01/2026

🇯🇵 Япон дахь ХАВДРЫН эмчилгээ, урьдчилан сэргийлэлтийн боломжууд 🧬

🌍 Дэлхий даяар хавдрын тохиолдол нэмэгдсээр..
Гэсэн ч хүн төрөлхтөн хавдарт бууж өгөх биш харин ч шинжлэх ухааны дэвшилтэт технологи, инновац-н тусламжтайгаар хавдартай улам үр дүнтэй, улам оновчтой тэмцдэг болсоор байна.
Хавдар оношлогдоно гэдэг одоо үед төгсгөл биш. Харин ч удаан хугацаанд хянаж болдог архаг өвчин болгон хавдрыг өөрчлөх чиг хандлага эрүүл мэндийн салбарт хүч түрсээр байна.

🛡 Хавдраас урьдчилан сэргийлэх, эмчлэх боломжуудын нэг бол дархлааны системд тулгуурласан эмчилгээ (immune system) юм.

🧪 Орчин үеийн анагаах ухаанд хавдрыг мэс засал, хими, туяагаар эмчилж, устгахаас гадна тухайн хүний биеийн өөрийн дархлаагаар хавдрын эсийг таниулж, устгуулах вакцин суурьтай дархлаа эмчилгээ хэрэглэж эхлээд, үр дүнгээ тэлсээр олон жилийг ардаа үдэж байна.

🧬 Энэхүү дархлаа эмчилгээ нь хавдрын эсийн гадаргуу дээрх өвөрмөц антигенийг (tumor-specific antigen) ашиглан дархлааны эсүүдэд хавдрын эсийг “дайсан” гэж таниулж сургаснаар, өндөр үр дүнтэйгээр өөрийн дархлааг ашиглан хавдрыг эрт үед нь устгах, хүндрэлээс сэргийлэх, хавдрын дахилтаас сэргийлэх, бусад хавдрын эмчилгээний үр дүнг нэмэх, гаж нөлөөг бууруулах байдлаар өргөн хүрээнд ашиглагдсаар байна.

🛡 Ингэснээр бие өөрөө хавдрыг тасралтгүй хянаж, устгах дархлааны хамгаалалтын систем-тэй болдог.

🌱 Энэ төрлийн дархлааны вакцин эмчилгээ нь биед гаж нөлөө бага. Учир нь биеийн өөрийн дархлааг идэвхжүүлдэг. Тиймээс гаж нөлөө маш бага. Энэхүү эмчилгээний ачаар олон олон хавдартай хүмүүс ажлаа хийж, хэвийн амьдралаа үргэлжлүүлсээр хавдрын эмчилгээгээ хийлгэсээр байна.

🔮 Хавдрын ирээдүй

Бид хавдраас хэзээ ч зугтаж чадахгүй. Хэрэв хүн бүр хангалттай урт насалж чаддаг байсан бол бидний төгсгөл хавдар л байна. Тиймээс хавдраас урьдчилан сэргийлэх, хүндрэлээс сэргийлж хянах нь одоогийн анагаах ухааны үндсэн чиг баримжаа болоод байна. Хавдрыг хүний биеэс бүрэн устгаж чадахгүй байлаа ч дархлаагаар тогтвортой хянах шинэ стратеги давамгайлж байна гэсэн үг.

🧬 Дархлаанд суурилсан хавдрын вакцин нь:
🔹 Урьдчилан сэргийлэх
🔹 Мэс заслын дараах хавдрын дахилтаас сэргийлэх
(Хавдрын мэс заслын дараах дахилтаас сэргийлэхэд хавдрын дархлаа эмчилгээг хийх нь үр дүнтэй → Хавдрын мэс заслын дараа хэдийгээр харагдах хавдрыг авсан ч биед үлдэгдэл хавдрын эсүүд үлдсэн байх эрсдэлтэй байдаг.)
🔹 Хавдрын бусад эмчилгээний дэмжлэг: гэсэн гурван чиглэлд ашиглагдаж байна.

👨‍👩‍👧‍👦 Хэрэв та:

✔ Хавдрын оноштой бол
✔ Эсвэл ойрын гэр бүлийн гишүүдийн хавдрын түүхтэй бол
✔ Эсвэл мэс заслын дараах хавдрын хяналтад байгаа бол: дархлаанд суурилсан урьдчилан сэргийлэх болон дэмжих эмчилгээг судлаад үзээрэй.

🇯🇵📩 Дархлааны вакцин эмчилгээ нь хавдрын тавиланг бодитоор өөрчилсөөр байгаа бөгөөд дэлгэрэнгүй мэдээлэл авахыг хүсвэл бидэнтэй холбогдоорой.

09/01/2026

🧠 Мэдрэлийн хөгжлийн эмгэгүүд (Neurodevelopmental Disorders, NDD)

📘 DSM-5 (The Diagnostic and Statistical Manual of Mental Disorders, Fifth Edition)-д мэдрэлийн хөгжлийн эмгэгүүд (Neurodevelopmental Disorders, NDD)-ийг дараах байдлаар тодорхойлдог.

> 📝 Мэдрэлийн хөгжлийн эмгэгүүд нь хөгжлийн эхэн үеэс илэрдэг бүлэг эмгэгүүд бөгөөд ихэвчлэн хүүхэд сургуульд орохоос өмнө илэрч эхэлдэг. Эдгээр эмгэгүүд нь хөгжлийн бэрхшээлээр тодорхойлогддог буюу хувь хүний өдөр тутмын амьдрал, нийгмийн харилцаа, академик/сурлагын гүйцэтгэл болон мэргэжлийн үйл ажиллагаанд саад учруулдаг.

🌍 DSM-5 нь одоогийн байдлаар олон улсын хэмжээнд хамгийн өргөн хэрэглэгдэж буй оношилгооны удирдамж юм.

---

📂 DSM-5-д багтсан Мэдрэлийн хөгжлийн эмгэгүүд (NDD)

🧠 Оюуны хөгжлийн эмгэгүүд (Intellectual Disorders)：

🔵 Оюуны чадвар (IQ)
🔵 Дасан зохицох чадвар (adaptive functioning) хязгаарлагдмал байдлаар илэрнэ.

---

🗣 Харилцааны эмгэгүүд (Communication Disorders)：

🔵 Хэл яриа, дуу авиа, хоолойны өнгөний илэрхийлэл, ойлголтын алдагдал
🔵 Хэл ярианы хоцрогдол, авиа дуудах бэрхшээл, нийгмийн харилцаанд хэлний хэрэглээний бэрхшээл үүсэх байдлаар илэрдэг.

---

♾ Аутизмын спектрийн эмгэг (Autism Spectrum Disorder, ASD)：

🔵 Нийгмийн харилцаа, харилцан ойлголцлын алдагдал
🔵 Хязгаарлагдмал, давтагдмал зан үйл, сонирхол
👶 Хүүхэд наснаас илэрнэ.

---

⚡ Анхаарал дутмагшил, хэт хөдөлгөөнтөх эмгэг (Attention-Deficit/Hyperactivity Disorder, ADHD)：

🔵 Анхаарал төвлөрөл сул
🔵 Хэт хөдөлгөөнтөх, импульсив зан авир
📚 Академик/сурлагын гүйцэтгэл, ажил, нийгмийн харилцаанд саад учруулдаг.

---

📖 Суралцахуйн эмгэгүүд (Specific Learning Disorders)：

🔵 Унших (dyslexia)
🔵 Бичих
🔵 Тооцоолох зэрэг тодорхой чадваруудын тогтвортой хүндрэл

---

🧩 Хөдөлгөөний эмгэгүүд (Motor Disorders)：

🔵 Хөдөлгөөний координац / зохицуулалтын алдагдал
🔵 Зориуд бус хөдөлгөөн, Stereotypic Movement Disorder
🔵 Хөдөлгөөний хөгжлийн хоцрогдол

---

🔁 Тик эмгэгүүд (Tic Disorders)：

🔵 Түр зуурын эсвэл тогтвортой тик эмгэгүүд
🔵 Tourette syndrome багтана

---

🧠 Тархины саажилт (Cerebral Palsy)：

🔵 Тархины хөгжлийн эрт үеийн гэмтлээс үүдэлтэй
🔵 Хөдөлгөөн, тэнцвэр, булчингийн хяналтын алдагдал
🔵 Оюуны чадамжийн алдагдал заавал хавсарсан байдаггүй

---

🎯 Дүгнэлт

Мэдрэлийн хөгжлийн эмгэгүүд (NDD) нь

> 👶 хүүхдийн тархи, мэдрэлийн тогтолцооны хөгжлийн явцад үүсдэг,
> ⏳ эрт илрэл бүхий, урт хугацааны нөлөөтэй эмгэгүүд багтдаг.

Эндээс бидний ойлгож авах шаардлагатай цөм ойлголт бол Мэдрэлийн хөгжлийн эмгэгүүд (NDD)-ийг:

✅ Эрт илрүүлэх
✅ Зөв оношлох (ялган онош, хам оношийг багтаах шаардлагатай)
✅ Олон салбар мэргэжилтнүүдийн хамтарсан дэмжлэгийг (эмч, хөгжлийн мэргэжилтнүүд, багш, сэргээн засах баг гэхчлэн) авах нь хамгийн чухал.

📩 Танд нэмэлт мэдээлэл хэрэгтэй бол бидэнтэй холбогдоно уу🇲🇳🇯🇵

12/11/2025

Хорт хавдрын эрт илрүүлэлт, Дэвшилтэт урьдчилан сэргийлэх анагаах ухаан, Шингэн биопси (liquid biopsy) гэж юу вэ? 🧬💉

2024 оны хорт хавдрын тайлангаар Монгол улсад 8169 хорт хавдрын шинэ өвчлөл оношлогдсон байна. Монголын Хавдар судлалын үндэсний төвийн 2024 оны хорт хавдрын өвчлөлийн бүтцийг хүйсээр задлавал:
◆ Эрэгтэйчүүдэд элэгний хорт хавдар нэгдүгээрт (32%), ходоодны хорт хавдар хоёрдугаарт (22.1%), уушги, гуурсан хоолойн хорт хавдар гуравдугаарт (10.2%), бүдүүн шулуун гэдэсний хорт хавдар дөрөвдүгээрт (5%), улаан хоолойн хорт хавдар тавдугаарт (5%);
◆ Эмэгтэйчүүдэд элэгний хорт хавдар нэгдүгээрт (25.9%), умайн хүзүүний хорт хавдар хоёрдугаарт (12.8%), ходоодны хорт хавдар гуравдугаарт (10.3%), хөхний хорт хавдар дөрөвдүгээрт (9.8%), бүдүүн шулуун гэдэсний хорт хавдар тавдугаарт (5.1%) зонхилж байна.

Нийт хүн амын 4 хүн тутмын 1 нь тодруулбал, 3 эрэгтэй тутмын 1, 4 эмэгтэй тутмын 1 нь хорт хавдарт өртөх эрсдэлтэй байна.
🔬 2024 оны статистикаас харахад харамсалтай нь Монголд хорт хавдар дунджаар эрэгтэй 60 настайд, эмэгтэй 59 настайд оношлогджээ.

Хавдрын төрөл, шинж чанар, тухайн хүний бие махбодийн онцлог, амьдралын нөхцөл байдлаас хамааран хавдар харилцан адилгүй хугацаанд үүсч бий болох ч бидний зүгээс хийж чадах хамгийн ач холбогдолтой алхам бол хавдрын эрт оношлогоо, урьдчилан сэргийлэлт юм.

Уламжлалт буюу нотолгоонд суурилсан, оношийн өндөр ач холбогдолтой шинжилгээнүүд болох дотрын дуран (эндоскоп), биопси, CT, MRI зэрэг дүрс оношлогоо, паталогийн шинжилгээнүүд нь практикт хэрэгжээд яваа хэдий ч хавдрын масс үүсээгүй эсвэл хавдар хэтэрхий жижиг хэмжээтэй байгаа тохиолдолд хавдрыг оношлох боломж бага байдаг төдийгүй хавдрын урьдчилан сэргийлэлт бол бүр яагаад ч болохгүй юм. Тиймээс хавдрын урьдчилан сэргийлэлт, эрт оношлогоонд дэвшилтэт анагаах ухааны шийдлүүдийг өндөр хөгжилтэй орнууд практикт өргөн нэвтрүүлээд яваа билээ.

Үүний хамгийн гол бөгөөд том төлөөлөгч бол анагаахын дэвшилтэт технологит суурилсан, шинжлэх ухааны evidence-based шинжилгээ болох ШИНГЭН БИОПСИ (liquid biopsy) юм. Энэхүү шинжилгээ нь бие махбодод ачаалал багатай бөгөөд хорт хавдрыг эрт илрүүлэх, урьдчилан сэргийлэх боломжийг олгодог. Хэрэв тухайн хүнд хавдар (хавдрын байрлалаар буюу эрхтэн өвөрмөц хавдар үүсгэх генүүдийг үздэг тул мэдээлэл өндөртэй шинжилгээ) үүсэх эрсдэл өндөр гэж шинжилгээнд гарвал цаашдын алхмууд болох шаардлагатай нарийвчилсан шинжилгээнүүдийг төлөвлөх, амьдралын хэв маяг бусад зөвлөгөөнүүдийг өгөх түүнчлэн хавдар үүсэхээс урьдчилан сэргийлэх чиглэлд эмчилгээг чиглүүлээд явдаг.

Хавдар гэдэг эдгэрдэггүй, үхлийн өвчин гэдэг байдлаар мэдээлэл нийгэмд түгсэн байдаг ч үнэндээ хавдар гэдэг ямар эсийн гаралтай гэдгээс эхсүүлээд маш олон хүчин зүйлээр тодорхойлогдож, хүн бүрт ялгаатай илэрдэг бөгөөд цаашдын намжил, эдгэрлийн талаар ч яригдах боломжтой тохиолдлууд олон бий. Хамгийн гол нь хавдрын урьдчилан сэргийлэлт, хавдрын эрт оношлогоо юм. Учир нь хавдрын үе шат хавдартай хүний хувь заяа, өвчний тавиланг тодорхойлдог гол хүчин зүйл болж явдаг.
Тиймээс хэдий чинээ эхэн үе шатанд хавдрыг илрүүлнэ, сэжиглэнэ, төдий чинээ сайн байх нь ээ.

Дэлгэрэнгүй мэдээллийг бидэнтэй холбогдоод авч болно оо. 💬📞

03/11/2025

Үүдэл эс гэж их асууж холбогддог боллоо.

Сүүлийн үеийн дэвшилтэд анагаах ухаанд хамгийн өндөр үр дүнтэй гэж хэлэгддэг нь өөрийн эсийг баяжуулаад буцаагаад өөрт нь хийх арга юм.

Японд хүйсний хажуугийн өөхнөөс авч, өөрийн тань цусаар баяжуулаад 4 долоо хоногийн дараа дахин бие рүү тань дуслаар тарих арга нь нийтлэг ашиглагддаг.

Гоо сайхан, өвдөг нурууны гэмтэл гэх зэрэгт хэсэгчлэн тарих арга байдаг ч би бол олон жилийн туршлагаар шууд өөрийн судсаар гүйлгэх нь ашигтай гэж үздэг.

Та бүхэн японд үүдэл эс сонирхож байгаа бол дараах зүйлийг сайн анхаараарай.

1. ✅Хувь хүнээр дамжиж болохгүй. Ямар нэг албан ёсны эрхтэй байгууллагаар дамжин холбогдож мэргэжлийн өндөр түвшний тайлбар аван хийж болох, болохгүй ямар эрсдэл байгаа зэргээ сайтар ойлгоод хийх эсэхээ шийдээрэй. Хувь хүнээр дамжин өндөр үнэтэй үйлчилгээг авах нь олон cул талтай. Эрсдлийн хариуцлага, төлбөр мөнгөний хахиуцлага, цаашдын хяналтын хариуцлага гэх мэтийг цогцоор нь шийдэж чадахгүй тул та бүхэн зөвхөн албан ёстой эрхтэй коипаниар дамжин үйлчилгээ аваарай. Хэн нэгэн алдартан, олны танил хүний танилцуулга гэх мэтэд автаж болохгүй. Танилцуулсан хүн болгон хувь хүртдэг, сүлжээ үүссэн эмнэлгүүд хүртэл байдаг юм шүү.

2. ✅ Хийлгэх гэж байгаа эмнэлэг чинь өөрсдөө дотроо лаборторитай байна уу. Энэ маш их чухал. Зарим эмнэлгүүд өөрсдөө баяжуулдаггүй. Гадны лаборторид баяжуулаад хөлдөөгөөд, гэсгээгээд хийдэг. Энэ нь маш өндөр эрсдэл дагуулдаг. Зөөж тээвэрлэх явцад амьд эсүүд амьгүй болж, эсийн ширхэг өөрчлөгдөн дуслаар хийх явцад хялгасан судсанд бөглөрөл үүсэн хүний амь эрсэдсэн осол хүртэл гарсан. Маш аюултай тул та бүхэн хийлгэх эмнэлгээ маш сайн судлах хэрэгтэй. Өөрсдөө дотроо лаборторигүй бол больсон дээр гэж зөвлөмөөр байна.

3. ✅ Эмчтэйгээ зөвлөх явцад хийлгэ, танд ашигтай сайн гээд шахаад байвал больсон дээр. Ямар эерэг үр дүн, ямар сөрөг үр дүн байгааг эмч тодорхой хэлэх ёстой. Хийлгэх хийлгэхгүйг та өөрөө шийдэх хэрэгтэй. Хийлгэх итгэл төрөхгүй бол шууд татгалзах хэрэгтэй. Сэтгэлд хүрсэн газраа олтлоо хэд ч татгалзсан таны дур тул өөр эмнэлэгт очиж болно.

4. ✅ Яг адилхан баяжуулалтын процесс явагдаж, таниас авсан эсийг яг адилхан хадгалалтын процессоор явуулж байгаа ч үнийн асар их ялгаатай эмнэлгүүд зөндөө байна. Үнийн зөрүү нь бүүр 2 дахин өөр газрууд ч оршиж байна. Юунд тэр үнийн зөрүү явагдаж байгааг сайтар лавлаж ойлгосоны үндсэн дээр үйлчилгээгээ аваарай. Миний хувьд зөндөө олон үүдэл эсийн эмнэлгээр явж, симинаруудад нь суусан. Үнэндээ адилхан лаборитори, адилхан хадгалалт хийж байгаа ч үнийн зөрүүгээ өөрсдийн тогтоосон үнэ гэдгээс өөрөөр тайлбарлаж чадахгүй байсан шүү.

Манай компани мэдээж үүдэл эсийн эмнэлэгтэй хамтарч ажилладаг. Манай дарга энэ эрүүл мэндийн салбарт 25 жилийн туршлагатай маш няхуур хүн байдаг юм. Манайхаар үйлчлүүлдэг хүмүүс маань мэдэж л байгаа. Ямар мундаг, зөв хүн байдаг болохыг 😆Бид олон газраар явж, судалгаа хийсний эцэст нэг газартай тогтмол харилцаатай болсон. Үнэ, чанар, эмчийн туршлага, байршил орчин гээд яг л байх ёстой стандарттай гайхалтай хамт олонтой баг болон ажиллаад 4 дөх жилийн нүүрээ үзэж байна. Бид үүдэл хийлгээрэй ийм юм байдаг шүү гэж нэг ч удаа олонд мэдэгдэж байгаагүй ч хийлгэсэн үйлчлүүлэгчид маань найз нөхөд гэр бүлээ танилцуулсаар, бидэнд итгэд хүлээлгэсээр бид чамгүй олон монголчуудыгаа хариуцаж ажиллажээ.

Надаас хамгийн их авирдэг асуулт үнэ нь хэд байдаг вэ ?

Манай хамтарч ажилладаг эмнэлэг 2 удаагийн үүдэл эсийн баяжуулалт хийж 2 удаа хийлгэх, 2 удаагийн цусны нарийвчилсан шинжилгээ, эсийг 5 жил хадгалах хөлс, 3 удаагийн орчуулга болон зөвлөх үйлчилгээ, цаашдын эрүүл мэндийн зөвлөгөөө бүгд ороод 4 сая 100 мянган иэн ( монгол төгрөгөөр 99 сая төгрөг) байдаг.

Одоогоор бүх шаардлагыг хангаад 2 удаа эсээ баяжуулж хийлгэхэд 98 сая төгрөг гэж байгаа нь энэ салбартаа хамгийн боломжийн үнэ юм. Угаасаа үүдэл эсийн эмчилгээ тэнгэрт тулсан үнэтэй байдаг тул сонирхож байгаа болон хийлгүүлж байсан хүмүүс бол үнийн баримжаа байдаг.

16/09/2025

🌱 Бусдаас нэг л өөр...

🤔 Энэ мэдрэмж танд төрж байсан уу?
Эсвэл эргэн тойрноос энэ үгийг сонсож байсан уу?

👶 Таны хүүхэд бусдаас нэг л өөр... Гэхдээ хаана хандах, ямар эмнэлэг сонгох, тэр байтугай ямар нарийн мэргэжлийн эмчид үзүүлэх вэ гэдгээ сайн мэдэхгүй байгаа бол та энэ постыг болон цуврал бусад постыг манай хуудаснаас уншаад үзээрэй.

📢 Гадуур маш олон төрлийн мэдээлэл явдаг. Зарим нь нотолгоонд суурилсан шинжлэх ухааны мэдээлэл байхад зарим нь зөвхөн бараа, бүтээгдэхүүн, үйлчилгээгээ зарах гэсэн хаа хамаагүй юмыг хүртэл холбоод танд санал болгох нь бий.

📚 Бид танд товч бөгөөд тодорхой, нотолгоонд суурилсан мэдлэгийн дээжээс эмхэтгэн хүргэе.

🧠 Neurodevelopmental Disorders гэж юу вэ?

Neurodevelopmental disorders буюу мэдрэлийн хөгжлийн эмгэгүүд гэдэг нь тархи, мэдрэлийн тогтолцооны хөгжлийн үйл ажиллагаатай холбоотой бүлэг эмгэгүүд бөгөөд ихэвчлэн хөгжлийн эрт үед илэрдэг, танин мэдэхүй, сэтгэл хөдлөл, зан үйл, нийгмийн харилцаанд нөлөөлдөг эмгэгүүдийг хэлдэг.

📊 АНУ-ын хүүхдийн мэдрэлийн хөгжлийн эмгэгүүдийн тархалт

(📍Манай улсын хувьд нарийн статистик хангалтгүй тул АНУ-ын Үндэсний Эрүүл Мэндийн Статистикийн Төвийн (National Center for Health Statistics) жил бүрийн судалгааны дүнгээр төлөөлүүлэн ойлголт авъя):

👫 5–17 насны хүүхдүүдийн дундах тархалт (2019 он):

⚡ 9.9% – Анхаарал дутмагшил, хэт хөдөлгөөнтөх эмгэг (ADHD)
📖 7.1% – Суралцахуйн бэрхшээл
🧩 1.2% – Аутизм
💡1.7% – Оюуны хөгжлийн бэрхшээл (Intellectual disability) гэж оношлогджээ.

🌍 Дэлхийн олон оронд хийсэн тархалтын судалгаанаас харахад яс үндэс, улс орны байршил, эдийн засгийн боломжоос үл харгалзан Neurodevelopmental disorders буюу мэдрэлийн хөгжлийн эмгэгүүдийн тархалтын хувьд улс орнуудад нэг их зөрүү гардаггүй. Тиймээс бид энэхүү статистикаас юуг харах боломжтой вэ гэвэл барагцаалвал 100 хүүхэд тутмын 10 нь анхаарал дутмагшил, хэт хөдөлгөөнтөх эмгэгтэй (ADHD)-тэй, 1 нь аутизмтай гэхчлэн оношлогддог байх нь ээ. Энэхүү тархалтын судалгаанууд тэхдээ үнэмлэхүй тоог илэрхийлэх боломжгүй. Далд буюу эдгээр статистик-н тооноос хавь илүү хүүхдүүд оношлогдоогүй, шаардлагатай тусламж, үйлчилгээг авч чаддаггүйг хөгжлийн мэргэжилтнүүд байнга онцолдог.

--Үргэлжлэлийг дараагийн постуудаас та уншаад яваарай--
Мөн дэлгэрэнгүй мэдээлэл авах, Японд оношлуулах хүсэлтэй бол бидэнтэй page-н хувь чатаар холбогдож лавлах боломжтой.

Япон дахь эмнэлэг холболт, зөвлөх үйлчилгээ

25/03/2026

21/02/2026

21/01/2026

16/01/2026

14/01/2026

13/01/2026

09/01/2026

12/11/2025

03/11/2025

16/09/2025

住所

営業時間

ウェブサイト

アラート

ショートカット

共有する

カテゴリー

掲載情報の削除リクエスト

月曜日	08:00 - 15:00
火曜日	08:00 - 15:00
水曜日	08:00 - 15:00
木曜日	08:00 - 15:00
金曜日	08:00 - 15:00
土曜日	08:00 - 11:00