មន្ទីរពេទ្យខេត្តកំពង់ចាម /Kampong Cham Provincial Hospital

05/08/2026

ក្រុងកំពង់ចាមៈ​
នាព្រឹកថ្ងៃពុធ ៧រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៥ ខែសីហា ឆ្នាំ២០២៦
លោកសាស្ត្រ.​ យិន​ សុីណាត​ ប្រធានមន្ទីរពេទ្យខេត្តកំពង់ចាម​ បានដឹកនាំមន្រ្តីរាជការ​ ចូលរួមគោរពវិញ្ញាណក្ខន្ធ​ និងរំលែកទុក្ខ​ដ៏ក្រៀមក្រំជាមួយ​ឯកឧត្តម​វេជ្ជបណ្ឌិត​ កែវ​ វណ្ណ:​ និង​ក្រុមគ្រួសារព្រមទាំងញាតិមិត្តទាំងអស់​ ដែលបានបាត់បង់ម្តាយ​ ជីដូន​ ជាទីស្រឡាញ់ជារៀងរហូត។
​ យើងខ្ញុំពិតជាមានក្តីរន្ធត់តក់ស្លុតក្រៀមក្រំក្នុងចិត្តយ៉ាងជ្រាលជ្រៅបំផុតនៅពេលបានទទួលដំណឹងថាឧបាសិកា មិន ស៊ីហ៊ាប បានទទួលមរណភាពនៅថ្ងៃអង្គារ ៦រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៤ ខែសីហា ឆ្នាំ២០២៦ វេលាម៉ោង០៧ និង៤៥នាទី ក្នុងជន្មាយុ ៧៧ឆ្នាំ ដោយរោគាពាធ។

សូមឧទ្ទិសបួងសួងដល់ វិញ្ញាណក្ខន្ធឧបាសិកា មិន ស៊ីហ៊ាប ដែលបានចែកឋានទៅនោះ​ សូមឲ្យបានទៅសោយសុខក្នុងសុគតិភពកុំបីឃ្លៀងឃ្លៀតឡើយ​ 🙏🙏🙏

29/07/2026

29/07/2026

29/07/2026

នារសៀល​ ថ្ងៃពុធ​ ១៥កេីត​ ខែទុតិយាសាឍ​ ឆ្នាំមមី​ អដ្ឋស័ក​ ព.ស​ ២៥៧០​ ត្រូវនឹងថ្ងៃទី​ ២៩​ ខែកក្កដា​ ឆ្នាំ២០២៦​ ថ្នាក់ដឹកនាំ​ និងមន្ត្រីរាំជការនៃមន្ទីរពេទ្យបង្អែកខេត្តកំពង់ចាម​ ដឹកនាំដោយសាស្រ្ត.​ យិន​ សុីណាត​ ប្រធានមន្ទីរពេទ្យខេត្ត បានចូលរួមស្តាប់ព័ត៌មានត្រឡប់​ ក្រោយពីការចុះអភិបាល​ និងគាំទ្រ​ជុំទី២​ រយៈពេលពេញមួយថ្ងៃ​ របស់​ឯកឧត្តម​ សាន់​ សាប់អី​ រដ្ឋលេខាធិកាក្រសួងសុខាភិបាល​, ឯកឧត្តម​ ម៉ាន​ តេីរ៉មីហ្សី​ អនុរដ្ឋលេខាធិកា,​ ដោយមានការចូលរួមពីលោក​វេជ្ជ.​ វ៉ា​ សាវុធ​ ប្រធានមន្ទីរសុខាភិបាលនៃរដ្ឋបាលខេត្តកំពង់ចាម​,​ លោកឱសថ​ ប៊ិ​ បូរ៉ាឌី​ ប្រធានការិយាល័យនិយ័តកម្មមន្ទីរសុខាភិបាល​ ផងដែរ។ ក្នុងពេលនោះឯកឧត្តមរដ្ឋលេខាធិកាបានផ្តល់នូវព័ត៌មានត្រឡប់មួយចំនួន​ ក្នុងការកែលម្អមន្ទីរពេទ្យបន្ថែមទៀត​ ដូចជាអនាម័យ​, ការត្រួតពិនិត្យការចម្លងរោគ, បុគ្គលិកត្រូវមានភាពរួសរាយរាក់ទាក់ នឹងមានក្រមសីលធម៌​វិជ្ជាជីវៈ​។ ឯកឧត្តមរដ្ឋលេខាធិកា​ ក៏បានលេីកយកប្រសាសន៍របស់ឯកឧត្តមសាស្ត្រាចារ្យរដ្ឋមន្ត្រី​ "កុំអាងតែជំងឺច្រេីន​ អនាម័យធ្លាក់ចុះ​ កុំអាងតែជំងឺច្រេីន​ គុណភាពធ្លាក់ចុះ"​ មករំលឹកដល់បុគ្គលិកទាំងអស់​ និងបាននាំយកនូវការថ្លែងអំណរគុណដល់មន្ត្រីសុខាភិបាលទាំងអស់ដែលបានផ្តល់សេវាល្អដល់អតិថិជន​ និងសូមអោយបន្តអ្វីដែលល្អស្រាប់នេះអោយកាន់តែល្អបន្ថែមទៀតដេីម្បីសុខមាលភាពប្រជាពលរដ្ឋរបស់យេីង។

23/07/2026

ថ្ងៃព្រហស្បតិ៍ ៩កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៣ ខែកក្កដា ឆ្នាំ២០២៦ នៅបន្ទប់ប្រជុំផ្នែករដ្ឋបាលនៃមន្ទីរពេទ្យបង្អែកខេត្តកំពង់ចាមបានរៀបចំកិច្ចប្រជុំក្រុមការងារលើកកម្ពស់គុណភាពសុខាភិបាល តាមរយៈប្រព័ន្ធ ZOOM ក្រោមអធិបតី ភាពរបស់ឯកឧត្តមសាស្ត្រាចារ្យ យីត ស៊ុនណារ៉ា រដ្ឋលេខាធិកាក្រសួង សុខាភិបាល ដោយមានការសម្របសម្រួលពីលោកសាស្ត្រាចារ្យ យិន ស៊ីណាត ប្រធាន​មន្ទីរពេទ្យបង្អែកខេត្តកំពង់ចាម ។

កម្មវិធីប្រជុំត្រូវបានរៀបចំឡើងក្នុងគោលបំណងដើម្បី ពិនិត្យមើលឡើងវិញពីវឌ្ឍនភាពនៃការផ្តល់សេវានិងពិនិត្យមើលពីវឌ្ឍនភាពនៃការងារលើកកម្ពស់គុណភាពសេវានៅក្នុងអង្គភាពសុខាភិបាល ។

សមាសភាពចូលរួមក្នុងកិច្ចប្រជុំរួមមាន ÷ 1-លោក លោកស្រី ប្រធាន អនុប្រធាន និងសមាជិក សមាជិកា គណៈកម្មការលើកកម្ពស់គុណភាព ទាំងអស់
2- លោកស្រី ប្រធាន និង​អនុប្រធាន ផ្នែកមន្ទីរពិសោធន៍ 3- លោក លោកស្រី ប្រធាន អនុប្រធាន សមាជិក សមាជិកា គណៈកម្មការត្រួតពិនិត្យតាមដានការបង្ការការ ចម្លងរោគ(IPC)
4- លោក លោកស្រី ប្រធាន អនុប្រធាន សមាជិកសមាជិកា ក្រុមការងារសុវត្ថិភាពអ្នកជំងឺ 5- លោក លោកស្រី ប្រធាន អនុប្រធាន បច្ចេកទេស និងសមាជិក សមាជិកា គណៈកម្មការបច្ចេកទេស
6- លោក លោកស្រី គ្រូពេទ្យព្យាបាលគ្រប់ផ្នែកទាំងអស់ ដែលមិនយាមប្រចាំការ (ប្រធានផ្នែកជាអាទិភាព)

21/07/2026

ថ្ងៃអង្គារ ៧កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២១ ខែកក្កដា ឆ្នាំ២០២៦ លោកសាស្ត្រាចារ្យ យិន ស៊ីណាត ប្រធានមន្ទីរពេទ្យបង្អែកខេត្តកំពង់ចាមបានចុះពិនិត្យនិងសិក្សាពីស្ថានភាពជាក់ស្តែងនៃអ្នកជំងឺដែលបាននិងកំពុងសម្រាកព្យាលបាលជំងឺនៅផ្នែកជំងឺកុមារ នៃមន្ទីរពេទ្យបង្អែកខេត្តកំពង់ចាម ដែលមានអ្នកជំងឺចូលសម្រាកពេទ្យមានការកើនឡើងគួរឲ្យកត់សំគាល់ ។ នៅក្នុងឱកាសនោះដែរលោកសាស្ត្រាចារ្យ ប្រធានមន្ទីរពេទ្យក៏បានពិនិត្យ និងបំពេញបន្ថែម នូវតម្រូវការផ្សេងៗរួមមាន គ្រែអ្នកជំងឺ ជើងសេរ៉ូម ព្រមទាំងសម្ភារបរិក្ខាពេទ្យផ្សេងៗទៀតផងដែរ ។

20/07/2026

ថ្ងៃចន្ទ ៦កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២០ ខែកក្កដា ឆ្នាំ២០២៦ ក្រុមការងារមន្ទីរពេទ្យបង្អែកខេត្តកំពង់ចាមសម្របសម្រួលដោយ លោកសាស្ត្រាចារ្យ យិន ស៊ីណាត ប្រធានមន្ទីរពេទ្យបង្អែកខេត្តកំពង់ចាម បានទទួលស្វាគមន៍ និងធ្វើបដិសណ្ឋារកិច្ចចំពោះក្រុមការងារមកពីសកលវិទ្យាល័យវិទ្យាសាស្ត្រសុខាភិបាល និងអង្គការ សុខភាពពិភពលោក (WHO) ដើម្បីចុះសិក្សាស្រាវជ្រាវជំងឺផ្លូវចិត្ត នៅមន្ទីរពេទ្យបង្អែកខេត្តកំពង់ចាម ។

16/07/2026

នៅថ្ងៃទីដប់ប្រាំមួយ ខែកក្កដា ឆ្នាំពីរពាន់ម្ភៃប្រាំមួយ វេលាម៉ោងប្រាំបួន និងសូន្យនាទីព្រឹក ក្រុមការងារមន្ទីរពេទ្យបង្អែកខេត្តកំពង់ចាមក្រោមការសម្របសម្រួល របស់លោកវេជ្ជ. ម៉ី មុនីបូរិន្ទ អនុប្រធានមន្ទីរពេទ្យ បានទទួលស្វាគមន៍ និងពិភាក្សាការងារជាមួយ ក្រុមការងារបេឡាជាតិសន្តិសុខសង្គម (បសស) ក្នុងគោលបំណងដើម្បីពិនិត្យ និងផ្ទៀងផ្ទាត់ លើភាពជាក់ស្តែងនៅនឹងមូលដ្ឋានសុខាភិបាលមានលទ្ធភាពអាចអនុវត្តនៃរាល់លក្ខណៈវិនិច្ឆ័យ និងធាតុវាស់វែង ដែលមាននៅក្នុងឧបករណ៍តាមដាន ព្រមទាំងប្រមូលធាតុចូល និងមតិយោបល់បន្ថែមសម្រាប់យកមកធ្វើបច្ចប្បន្នភាព ឧបករណ៍តាមដានឱ្យកាន់តែមានភាពច្បាស់លាស់ សមស្រប និងពេញលេញ ក្នុងការឈានទៅដល់ការអនុវត្តនឹងប្រកាស ដាក់ឱ្យប្រើប្រាស់ជាផ្លូវការនូវឧបករណ៍តាមដាន និងលើកកម្ពស់គុណភាពសេវាជូនសមាជិក ប.ស.ស. ចំពោះ មូលដ្ឋានសុខាភិបាលដែលបានចុះកិច្ចព្រមព្រៀងជាមួយបេឡាជាតិសន្តិសុខសង្គម។

13/07/2026

ឱកាសការងារជាមន្ត្រីកិច្ចសន្យាប្រើប្រាស់ថវិកាហិរញ្ញប្បទានមន្ទីរពេទ្យ

11/07/2026