31/05/2026
នាព្រឹកថ្ងៃទី ៣១ ឧសភា ឆ្នាំ២០២៦ ឯកឧត្តមសាស្រ្តាចារ្យ កេតុ វណ្ណសិទ្ធ៍ និងឯកឧត្តម កេតុ វណ្ណសេង សហការជាមួយអាជ្ញាធរ ស្រុកភ្នំស្រុក ខេត្តបន្ទាយមានជ័យ បានប្រារព្ធកម្មវិធីសប្បុរសធម៌ដល់ក្រុមគ្រួសារ និងប្រជាជននៅក្នុងតំបន់ប្រមាណ ១០០ នាក់។ អំណោយសប្បុរសធម៌ដែលទទួលបានក្នុងមួយនាក់រួមមាន៖ អង្ករមួយបាវ ទឹកបរិសុទ្ធមួយកេស មីមួយកេស ទឹកស៊ីអ៊ីវមួយយួរ ថវិកា និងអំណោយផ្សេងៗមួយចំនួនទៀតផងដែរ។ តាមរយ:មតិស្វាគមន៍របស់អាជ្ញាធរគ្រប់ជាន់ថ្នាក់ អមជាមួយនឹងការសំណេះសំណាលជាមួយបងប្អូនប្រជាពលរដ្ឋ បានធ្វើអោយកម្មវិធីសប្បុរសធម៌នេះប្រព្រឹត្តទៅគួរជាទីមោទកក្នុងនាមជាជនជាតិខ្មែររស់នៅក្រោមម្លប់សន្តិភាព ដូចនឹងពាក្យមួយឃ្លាដែលគេនិយាយថា “ខ្មែរស្រលាញ់ខ្មែរ ខ្មែរជួយខ្មែរ”។ ស្នាមញញឹម របស់បងប្អូនប្រជាពលរដ្ឋនាក្នុងថ្ងៃនេះគឺជាកម្លាំងចិត្ត សេចក្តីសុខ និងជាក្តីសង្ឃឹមដល់សង្គមជាតិយើងទាំងមូល។ សូមបងប្អូនប្រជាពលរដ្ឋជួបប្រទះតែនឹងពុទ្ធពរទាំងបួនប្រការ កុំបីឃ្លាងឃ្លៀតឡើយ។
