ពុទ្ធមណ្ឌលវិបស្សនាធុរៈ នៃព្រះរាជាណាចក្រកម្ពុជា, ពុទ្ធមណ្ឌលវិបស្សនាធុរៈ នៃព្រះរាជាណាចក្រកម្ពុជា, Oudong (2026)

29/08/2026

សូមអនុមោទនា សទ្ធាជ្រះថ្លា ទាយក-ទាយិកា ទទួលកាន់វេនឧបត្ថម្ភចង្ហាន់បិណ្ឌបាត្រ និងរាប់បាត្រ ប្រគេន-ជូនព្រះសង្ឃ សីលវន្ត និងសីលវតី ជាសទ្ធាជ្រះថ្លាកុសលញាណសម្បយុត្តរបស់៖ Madame Kusuma Kong ,devotee from Malaysia ត្រូវជាសិស្សគណព្រះមុនីចរិយាវង្ស ហ៊ុន ខេមរា ប្រធានស្តីពុទ្ធមណ្ឌលវិបស្សនាធុរៈ នៃព្រះរាជាណាចក្រកម្ពុជា។

ដោយអានុភាពនៃអាមិសទាន និងកុសលចេតនាដ៏បរិសុទ្ធនេះ សូមកុសលផលបុណ្យទាំងឡាយ ជូនដល់បុព្វការីជន ញាតិកាទាំង ៧សន្តាន និងសព្វសត្វ បានចម្រើនកើតមាន ប្រកបដោយសុខភាពល្អ សេចក្តីសុខ សេចក្តីចម្រើនលើ និងប្រាជ្ញាវាងវៃ នឹងទទួលបាននូវមង្គលពរទាំង ៤ ប្រការគឺ៖ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ។
━━━━━━━━
ថ្ងៃសៅរ៍ ១រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៩ ខែសីហា ឆ្នាំ២០២៦
#ពុទ្ធមណ្ឌល #ហ៊ឹមប៊ុនធឿន #វិបស្សនា #សមាធិ #កម្ពុជា

29/08/2026

ចូរកុំសោកស្តាយនូវអំពើល្អដែលអ្នកបានធ្វើហើយ ដល់បុគ្គលណាមួយឱ្យសោះ ទោះបីបុគ្គលនោះភ្លេចសេចក្តីល្អរបស់អ្នក តែអំពើល្អដែលអ្នកបានធ្វើនោះ មិនដែលភ្លេចអ្នកឡើយ តែងនៅក្នុងដួងចិត្ត ហើយរក្សាអ្នកឱ្យរីករាយ ស្រស់ថ្លាជានិច្ច។ មានតែមនុស្សល្ងង់ទេដែលតែងតែសោកស្តាយ ខឹងនឹងអំពើល្អដែលខ្លួនបានធ្វើនោះ ដូចជាទេវតាមួយមានចិត្តមេត្តា ដល់សត្វដង្កូវ រស់នៅក្នុងលាមក សុីតែលាមក ហើយក៏អាណិតចង់ជបឱ្យក្លាយជាមនុស្ស ដង្កូវក៏សួរថា ឱ្យខ្ញុំមកកើតជាមនុស្ស តើលាមកទាំងអស់នោះត្រូវបានមកជារបស់ខ្ញុំ? ទេវតាតបថាទេ មនុស្សលែងត្រូវការលាមក ជារបស់មិនស្អាតនោះទៀតហើយ ដង្កូវឆ្លើយយ៉ាងរហ័សថា សូម្បីតែលាមកលែងជារបស់ខ្ញុំ ហើយខ្ញុំសុីមិនបានផង តើចង់ឱ្យខ្ញុំកើតជាមនុស្សមានប្រយោជន៍អ្វី! ដូច្នេះមានតែមនុស្សល្ងង់ទេដែលសោកស្តាយអំពើបាប អាក្រក់ លាមកនោះ ហើយមិនចង់ធ្វើអំពើល្អ ជាបុណ្យកុសល ដែលបណ្ឌិតតែងសរសើរនោះ។ ចូរមានស្មារតី រីករាយធ្វើអំពើល្អ ជាកុសលឱ្យរឿយៗ ទើបរក្សាខ្លួនរបស់អ្នកឱ្យបានសេចក្តីសុខ រួចចាកទុក្ខបាន។
ភិក្ខុធម្មត្ថេរោ

(នេះជាសំណេរចាស់ផុសសារឡេីងវិញ)

#ពុទ្ធមណ្ឌល #ហ៊ឹមប៊ុនធឿន #វិបស្សនា #សមាធិ #កម្ពុជា

28/08/2026

នារសៀល ថ្ងៃសុក្រ ១៥កើត នៅលើឧបដ្ឋានសាលា ពុទ្ធមណ្ឌលវិបស្សនាធុរៈ នៃព្រះរាជាណាចក្រកម្ពុជា ព្រះសង្ឃ សីលវន្ត សីលវតី ឧបាសក និងឧបាសិកា បាននិមន្ត និងអញ្ជើញជួបជុំគ្នាដោយសទ្ធាជ្រះថ្លា ប្រកបដោយបរិយាកាសដ៏ស្ងប់ស្ងាត់ ។

ប្រក្រតីរៀងរាល់ថ្ងៃបកតិឧបោសថ កិច្ចវត្តនមស្ការព្រះរតនត្រ័យ សូត្រស្វាធ្យាយព្រះបរិត្ត និងស្តាប់ធម្មីកថា ដើម្បីជាផលានិសង្សដល់ខ្លួនឯង និងដល់សព្វសត្វ ព្រមទាំងបង្កើតនូវបរិយាកាសស្ងប់ស្ងាត់ សមស្របសម្រាប់ការប្រតិបត្តិអប់រំ ទូន្មានកាយ វាចា ចិត្ត និងការរីកចម្រើនក្នុងព្រះធម៌វិន័យ។ បន្ទាប់ពីបានស្តាប់ធម្មីកថា ដែលប្រទានដោយព្រះរតនវិទូ អ៊ុំ ប៊ុនណា អនុប្រធានពុទ្ធមណ្ឌលវិបស្សនាធុរៈ នៃព្រះរាជាណាចក្រកម្ពុជា។ ធម្មីកថា ប្រៀបដូចជាពន្លឺប្រទីបបំភ្លឺផ្លូវក្នុងទីងងឹង បានពិចារណាឃើញនូវសច្ចធម៌ ស្គាល់គុណតម្លៃនៃកុសលាកុសលកម្ម ចម្រើនក្នុងសីល សមាធិ បញ្ញា ប្រព្រឹត្តទៅក្នុងផ្លូវសម្មាបដិបទាមគ្គ ។
ការជួបជុំប្រកបដោយសទ្ធា មានកិច្ចនមស្សការ សូត្រស្វាធ្យាយព្រះបរិត្ត និងការស្តាប់ព្រះធម៌ នាពេលនេះ មិនត្រឹមតែជាកិច្ចប្រតិបត្តិធម៌ប៉ុណ្ណោះទេ ប៉ុន្តែជាការរួមចំណែកដ៏មានតម្លៃ ក្នុងការបណ្តុះសតិស្មារតី សាមគ្គីភាព ឯកភាព ឱ្យកាន់តែចម្រើនក្នុងកុសល ជាមាគ៌ានៃបដិបទាមគ្គទៀតផង។
━━━━━━━━━━━━
ថ្ងៃសុក្រ ១៥កើត ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៨ ខែសីហា ឆ្នាំ២០២៦

#ពុទ្ធមណ្ឌល #ហ៊ឹមប៊ុនធឿន #វិបស្សនា #សមាធិ #កម្ពុជា

28/08/2026

នាព្រឹកថ្ងៃសុក្រ ១៥កើត ខែស្រាពណ៍ ឯកឧត្តមបណ្ឌិត ពេជ សោភ័ន ទេសរដ្ឋមន្ត្រី និងលោកជំទាវ ម៉ុក ប៉ូប៊ុនរិទ្ធ ព្រមទាំងបុត្រ និងសហការី មានសទ្ធាជ្រះថ្លា អញ្ជើញនមស្ការបូជាគ្រឿងសក្ការៈថ្វាយបង្គំ ព្រះបរមសារីរិកធាតុ និងព្រះបរមកេសធាតុចេតិយ និងបានចាត់ចែងចង្ហាន់បិណ្ឌបាត្រ ទេយ្យទាន មកវេរប្រគេនព្រះសង្ឃ និងជូនសីលវន្ត សីលវតី នៅពុទ្ធមណ្ឌលវិបស្សនាធុរៈ នៃព្រះរាជាណាចក្រកម្ពុជា។

ការប្រគេនចង្ហាន់នេះ ត្រូវបានរៀបចំជាប្រចាំខែរៀងរាល់ថ្ងៃ ១៥កើត និងថ្ងៃដាច់ ក្នុងមួយខែចំនួន ២ដង ប្រកបដោយសទ្ធាជ្រះថ្លា និងវត្តប្រណិប័តន៍ដ៏ខ្ជាប់ខ្ជួន ក្នុងនាមជាពុទ្ធសាសនិកដ៏គំរូ។ សូមឧទ្ទិសកុសលជូនបុព្វការីជន ញាតិក្នុងសង្សារវដ្ដ និងវីរជនដែលបានពលីជីវិតការពារជាតិ សូមបានទៅកាន់សុគតិភព ។

ដោយអានុភាពនៃអាមិសបូជា និងធម្មបូជា សូមឱ្យឯកឧត្តមបណ្ឌិត លោកជំទាវ ព្រមទាំងបុត្រ និងសហការី មានសុខភាពល្អបរិបូរណ៍ សម្រេចជោគជ័យគ្រប់ភារកិច្ច និងទទួលបាននូវមង្គលពរទាំង ៤ ប្រការគឺ៖ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ។

ថ្ងៃសុក្រ ១៥កើត ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៧៨ ខែសីហា ឆ្នាំ២០២៦
#ពុទ្ធមណ្ឌល #ហ៊ឹមប៊ុនធឿន #វិបស្សនា #សមាធិ #កម្ពុជា

28/08/2026

នាព្រឹកថ្ងៃឧបោសថសីល៖
សីលវន្ត សីលវតី ឧបាសក និងឧបាសិកា ជួបជុំគ្នានមស្ការព្រះរតនត្រ័យ សមាទានឧបោសថសីល និងទទួលសីល

ព្រឹកប្រក្រតីថ្ងៃឧបោសថ៖
អគ្គមហាឧបាសក អ៉ឹង ម៉េងឡាយ និងអគ្គមហាឧបាសិកា វ៉ាន់ ស៊ីវ ព្រមទាំងបុត្រ ចៅ និងក្រុមញាតិ បានបំពេញវត្តប្រណិប័តន៍ដ៏ខ្ជាប់ខ្ជួន និងជាពទ្ធសាសនិកគំរូ សមាទានឧបោសថសីល ប្រគេនចង្ហាន់ បិណ្ឌបាត បច្ច័យ៤ និងទេយ្យទានដល់ព្រះសង្ឃ សីលវន្ត និងសីលវតី ប្រកបដោយសទ្ធាជ្រះថ្លាក្នុងព្រះពុទ្ធសាសនា និងមានប្រក្រតីចម្រើនអប់រំចិត្ត តាមរយៈការអនុវត្តសមថ-វិបស្សនាកម្មដ្ឋាន ដើម្បីបណ្តុះសមាធិ និងបញ្ញា ឱ្យចិត្តមានភាពស្ងប់សុខ។

ព្រះបរមសាស្តាបានត្រាស់សម្តែងថា អានិសង្សនៃការឱ្យទានមាន ៥យ៉ាងគឺ៖
- ជាទីស្រឡាញ់ គាប់ចិត្តនៃមនុស្សច្រើន
- សប្បុរសជន រមែងរាប់អាន គប់រក
- មានកិត្តិសព្ទល្អខ្ចរខ្ចាយ
- មិនប្រាសចាកធម៌របស់គ្រហស្ថ
- លុះអស់អាយុ រមែងទៅកើតក្នុងសុគតិសួគ៌ទេវលោក។
ព្រះពុទ្ធក៏បានសម្តែងទៀតថា អ្នកឱ្យទាន រមែងជាទីស្រឡាញ់របស់មនុស្ស ដើរតាមគន្លងនៃសប្បុរស និងព្រហ្មចារី ដែលមានចិត្តស្ងប់។ ពួកព្រហ្មចារីទាំងនោះ ប្រកបដោយធម៌ជាគ្រឿងបំបាត់ទុក្ខ ដឹងច្បាស់ក្នុងធម៌ គ្មានអាសវៈ និងឈានដល់ព្រះនិព្វាននៅទីបំផុតនៃជីវិត។

ថ្ងៃសុក្រ ១៥កើត ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៨ ខែសីហា ឆ្នាំ២០២៦
#ពុទ្ធមណ្ឌល #ហ៊ឹមប៊ុនធឿន #វិបស្សនា #សមាធិ #កម្ពុជា

27/08/2026

សូមអនុមោទនា ថ្ងៃឧបោសថសីល
ចូរមានសេចក្តីព្យាយាមដ៏ប្រសើរដែលជាគ្រឿងដុតកំដៅនៃកិលេសដោយការ
_សង្រួមកាយ គឺសីល
_រក្សាចិត្ត គឺសមាធិ
_ចម្រើនបញ្ញា គឺ វិបស្សនាបញ្ញា
ដើម្បីលះបង់កិលេសគ្រឿងសៅហ្មងនៃចិត្តតាមលំដាប់គឺ
_វិតក្កមកិលេស គឺ រាគៈ ទោសៈ មោហៈ ជាកិលេសគ្រោតគ្រាត នាំឱ្យកាយ វាចា ចិត្ត ប្រព្រឹត្តអំពើទុច្ចរិត
_សង្កិលេស គឺនីវរណៈ៥មានកាមឆន្ទៈជាដើម ជាកិលេសនាំឱ្យចិត្តរាយមាយ សៅហ្មង មន្ទិល ស្រអាប់ ងងឹត ធ្វើឱ្យចិត្តប្រព្រឹត្តមិននឹងន៎ តាំងមាំ ក្នុងកុសល
_អនុស័យកិលេស គឺ កិលេសដ៏ល្អិតដេកត្រាំសំងំក្នុងចិត្ត មានកាមានុស័យជាដើម ដែលនាំឱ្យចិត្តប្រកាន់ខុសពីការពិត។
បើយើងយល់ព្រះធម៌ហើយមានសេចក្តីព្យាយាមចម្រើនអប់រំចិត្តរឿយៗ រមែងញ៊ាំងកិលេសទាំងអស់នេះ ឱ្យសាបសូន្យទៅបន្តិចម្តងៗរហូតនាំឱ្យចិត្តរបស់យើងស្អាតបរិសុទ្ធ ផូរផង់ រីករាយក្នុងព្រះធម៌វិន័យ ដែលជាគ្រឿងរក្សាជីវិតប្រចាំថ្ងៃឱ្យមានសេចក្តីស្ងប់ សុខ។
ភិក្ខុធម្មត្ថេរោ
(នេះជាសំណេរចាស់ផុសសារឡេីងវិញ)

#ពុទ្ធមណ្ឌល #ហ៊ឹមប៊ុនធឿន #វិបស្សនា #សមាធិ #កម្ពុជា

27/08/2026

នាព្រឹកនេះ៖
ក្រុមគ្រួសារកូនចៅ ធម្មសិរីរតនវង្ស មហាឧបាសក ហ៊ុយ ហ៊ន ឧបាសិកា បាន រ៉ុង រួមជាមួយក្រុមញាតិ និងពុទ្ធបរិស័ទជិតឆ្ងាយ មានសទ្ធាជ្រះថ្លាទទួលកាន់វេនប្រគេន-ជូន ចង្ហាន់បិណ្ឌបាត្រ នឹងរាប់បាត្រដល់ព្រះសង្ឃ សីលវន្ត និងសីលវតី ប្រចាំខែ នៅរៀងរាល់ថ្ងៃទី២៧ តាមសុរិយគតិ។

សប្បុរសឱ្យទានដោយសទ្ធា មេត្តា និងចិត្តបរិសុទ្ធ មិនរំពឹងផលតបស្នង ជាការចែករំលែកក្តីស្រឡាញ់ និងក្តីសុខដល់អ្នកឱ្យ និងអ្នកទទួល។

សូមឧទ្ទិសកុសលជូនបុព្វការីជន ញាតិក្នុងសង្សារវដ្ដ និងវីរជនដែលបានពលីជីវិតការពារជាតិ សូមបានទៅកាន់សុគតិភព និងសូមជូនពរក្រុមគ្រួសារ ក្រុមញាតិ និងពុទ្ធបរិស័ទ ទទួលបាននូវមង្គលទាំង ៤ ប្រការគឺ៖ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ។

ថ្ងៃព្រហស្បតិ៍ ១៤កើត ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៧ ខែសីហា ឆ្នាំ២០២៦
#ពុទ្ធមណ្ឌល #ហ៊ឹមប៊ុនធឿន #វិបស្សនា #សមាធិ #កម្ពុជា

27/08/2026

សកម្មភាពព្រះសង្ឃ សីលវន្ត និងសីលវតី បោសសម្អាត ការថែរក្សាសោភ័ណភាព អនាម័យ និងបរិស្ថាន ទីធ្លាបរិវេណ ពុទ្ធមណ្ឌលវិបស្សនាធុរៈ នៃព្រះរាជាណាចក្រកម្ពុជា ។

ព្រះសង្ឃ សីលវន្ត និងសីលវតី ពុទ្ធមណ្ឌលវិបស្សនាធុរៈ ចូលរួមបោសសម្អាត ថែរក្សាសោភ័ណភាព អនាម័យ និងបរិស្ថានជុំវិញពុទ្ធមណ្ឌល និងបូជនីយដ្ឋាន ដោយស្មារតីស្ម័គ្រចិត្ត និងសាមគ្គីភាព ។ សកម្មភាពនេះ ជាផ្នែកមួយនៃការអនុវត្តធម៌ ការគោរពទីកន្លែងសក្ការៈរបស់ពុទ្ធសាសនិក បរិយាកាសស្អាត ស្ងប់ស្ងាត់ សមរម្យសម្រាប់ការគោរពបូជា និងសិក្សាព្រះធម៌។

ការសម្អាត គឺសម្អាតចិត្ត; ថែរក្សាបរិស្ថាន គឺថែរក្សាជីវិត និងជាការបណ្តុះស្មារតីទទួលខុសត្រូវចំពោះវត្តអារាម ក៏ដូចជាសង្គមជាតិ។ សូមរួមគ្នាចាប់ផ្តើមពីខ្លួនឯង មិនចោលសម្រាម មិនបំផ្លាញធម្មជាតិ និងចូលរួមថែរក្សាទីអារាម ដើម្បីបន្សល់ទុកភាពស្អាត សោភ័ណភាព និងមត៌កបរិស្ថានដ៏ល្អប្រសើរ សម្រាប់កូនចៅជំនាន់ក្រោយ រួមគ្នាថែរក្សាបរិស្ថានថ្ងៃនេះ គឺរួមគ្នាបន្សល់ទុកភាពស្រស់ស្អាតសម្រាប់ថ្ងៃស្អែក ។

ថ្ងៃព្រហស្បតិ៍ ១៤កើត ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៧ ខែសីហា ឆ្នាំ២០២៦
#ពុទ្ធមណ្ឌល #ហ៊ឹមប៊ុនធឿន #វិបស្សនា #សមាធិ #កម្ពុជា

26/08/2026

មេរៀនព្រះពុទ្ធទោះបីមើលទៅរាងស្ងប់ស្ងាត់បន្តិចមែន ប៉ុន្តែមានតម្លៃសុីជម្រៅ ពោរពេញដោយសេចក្តីធម៌មេត្តា និងសន្តោសបំផុត ធ្វើឱ្យមនុស្សនៅក្នុងពិភពលោក តែងតែកោតសរសើរមិនដាច់ពីមាត់ ព្រោះការអប់រំនោះអាចកែប្រែមនុស្សពីអាក្រក់ កាចសាហាវ ឃោរឃៅ ក្លាយមកជាមនុស្សល្អស្លូតបូត មានចិត្តមេត្តា យល់ដឹង ខ្ពង់ខ្ពស់។ ព្រះធម៌បានបង្រៀនយើងឱ្យយល់ដឹងថា មនុស្សយើងទោះបីធ្លាប់មានប្រវត្តិមិនល្អ ធ្វើខុស អាក្រក់កំរិតណាក៏ដោយ ប៉ុុន្តែសំខាន់បំផុតត្រង់ចេះដឹងកំហុសខ្លួនឯង និងចេះកែខ្លួនឯងឡើងវិញ ។ ដូចជាការរស់នៅរាល់ថ្ងៃនេះ ជួនកាលយើងធ្វើទង្វើមិនល្អ ឬប្រើពាក្យសំដីអាក្រក់ ប្រមាទ មើលងាយ ជេរស្តី ចំពោះមនុស្សនៅជុំវិញខ្លួន ព្រោះតែចង់ឈ្នះចាញ់រៀងៗខ្លួន យ៉ាងណាក្តី តែមេរៀនព្រះធម៌របស់ព្រះអង្គ តែងបានដាស់តឿន ក្រើនរំលឹក យើងគ្រប់គ្នារឿយៗថា ការឈ្នះដោយបំផ្លាញ ធ្វើបាបគេឱ្យកើតទុក្ខលំបាកវេទនា ឈឺចាប់ វាមិនមែនហេតុនាំឱ្យមានសេចក្តីសុខ ដែលយើងចង់បានពិតប្រាកដនោះទេ ឯចំណែកការឈ្នះដ៏អស្ចារ្យ ដែលមានតម្លៃបំផុត គឺការយកឈ្នះទង្វើអាក្រក់ និងចិត្តកាចសាហាវរបស់ខ្លួនឯង ហើយកែប្រែក្លាយទៅមនុស្សល្អ ជាទីស្រឡាញ់ និងការចេះយោគយល់ អត់ឱនគ្នា ដោយចិត្តមេត្តាធម៌នោះទេ ទើបអាចបង្កើតសុខសន្តិភាព ពិតប្រាកដ ដែលស្ថិតនៅក្នុងដួងចិត្ត និងនៅក្នុងសង្គមជាតិ បានធ្វើឱ្យមានការរីកចម្រើន រុងរឿង រឹងមាំ ស្ថិតស្ថេរ យូរអង្វែង។
ភិក្ខុធម្មត្ថេរោ
(នេះជាសំណេរចាស់ផុសសារឡេីងវិញ)

#ពុទ្ធមណ្ឌល #ហ៊ឹមប៊ុនធឿន #វិបស្សនា #សមាធិ #កម្ពុជា

26/08/2026

កិច្ចបដិបត្តិសមាធិប្រចាំថ្ងៃរបស់ព្រះសង្ឃ សីលវន្ត និងសីលវតី គង់សំណាក់បដិបត្តិព្រះធម៌វិន័យ នៅពុទ្ធមណ្ឌលវិបស្សនាធុរៈ នៃព្រះរាជាណាចក្រកម្ពុជា

កិច្ចបដិបត្តិសមាធិ គឺជាដំណើរនៃការបណ្តុះ សីល សមាធិ និងបញ្ញា ដើម្បីឱ្យចិត្តស្ងប់ មានសតិ និងឃើញសភាពពិតនៃជីវិត។ នៅពុទ្ធមណ្ឌលវិបស្សនាធុរៈ ការដើរ ឈរ អង្គុយ ដកដង្ហើម និងកិច្ចប្រចាំថ្ងៃ សុទ្ធតែជាឱកាសសម្រាប់ការរស់នៅដោយមានសតិ និងការដឹងខ្លួន។

សមាធិ មិនមែនមានត្រឹមភាពស្ងប់ប៉ុណ្ណោះទេ ប៉ុន្តែជាគ្រឹះឱ្យបញ្ញាកើតឡើង។ ពេលចិត្តមានសតិ និងសមាធិ អ្នកបដិបត្តិអាចឃើញថា សភាវធម៌ទាំងឡាយកើតឡើង តាំងនៅ និងរលត់ទៅតាមហេតុបច្ច័យ ហើយបន្តយល់ឃើញនូវ អនិច្ចំ ទុក្ខំ និងអនត្តា។ ការឃើញតាមការពិតនេះ ជាបេះដូងនៃវិបស្សនា និងជាផ្លូវឆ្ពោះទៅរកការកាត់បន្ថយការប្រកាន់ជាប់ និងទុក្ខ។

ការគង់សំណាក់ព្រះធម៌វិន័យ ក៏ជាការហាត់រៀនរស់នៅដោយសាមញ្ញ មានវិន័យ អត់ធ្មត់ មេត្តា និងមិនធ្វេសប្រហែស។ ព្រះធម៌ដែលបានសិក្សា មិនគួរឈប់ត្រឹមចំណេះដឹងទេ ប៉ុន្តែត្រូវប្រែក្លាយជាការបដិបត្តិ រហូតក្លាយជាគុណធម៌នៅក្នុងជីវិតពិត។
━━━━━━━━
ថ្ងៃពុធ ១៣កើត ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៦ ខែសីហា ឆ្នាំ២០២៦
#ពុទ្ធមណ្ឌល #ហ៊ឹមប៊ុនធឿន #វិបស្សនា #សមាធិ #កម្ពុជា

ពុទ្ធមណ្ឌលវិបស្សនាធុរៈ នៃព្រះរាជាណាចក្រកម្ពុជា

29/08/2026

29/08/2026

28/08/2026

28/08/2026

28/08/2026

27/08/2026

27/08/2026

27/08/2026

26/08/2026

26/08/2026

Address

Website

Alerts

Contact The Practice

Shortcuts

Share

Category

Listing takedown request