មន្ទីរពេទ្យគន្ធបុប្ផាភ្នំពេញ

21/08/2026

ទូលព្រះបង្គំយើងខ្ញុំទាំងអស់គ្នាសូមគោរពថ្លែងអំណរព្រះរាជគុណដ៏ជ្រាលជ្រៅជាទីបំផុតថ្វាយព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ប្រោសព្រះរាជទាននូវព្រះរាជទ្រព្យដ៏ឧត្តុង្គឧត្តម ចំនួន ១០ម៉ឺន ដុល្លារអាម៉េរិក ដល់ការចូលរួមរក្សានិរន្តរភាពនៃកិច្ចដំណើរការរបស់មន្ទីរពេទ្យគន្ធបុប្ផា ដែលកំពុងទទួលពិនិត្យ និងព្យាបាលកុមារដោយឥតគិតថ្លៃ មិនរើសអើង និងប្រកបដោយប្រសិទ្ធភាព។

ទូលព្រះបង្គំយើងខ្ញុំទាំងអស់គ្នា សូមបួងសួងដល់វត្ថុស័ក្តិសិទ្ធិក្នុងលោកប្រទានព្រះពរព្រះអង្គប្រកបតែនឹងសិរីសួស្តី ជ័យមង្គល ព្រះបរមសុខគ្រប់ប្រការព្រះរាជសុខុមាលភាពដ៏ល្អបរិបូរណ៍ ព្រះកាយពលមាំមួន និងមានព្រះជន្មាយុយឺនយូរជារយព្រះវស្សា ដើម្បីគង់ប្រថាប់នៅជាមហាម្លប់ដ៏ត្រជាក់ត្រជុំ សុខដុមរមនាដល់ព្រះរាជាណាចក្រកម្ពុជា និងជនរួមជាតិជាកូន ចៅ ចៅទួតរបស់ព្រះអង្គជាដរាបតរៀងទៅ៕

14/08/2026

08/08/2026

3rd -7th August 2026@KBH
Stewardship@MoH
=====
#តបតាមអនុសាសន៍ដ៏ខ្ពង់ខ្ពស់របស់ ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល #មន្ទីរពេទ្យគន្ធបុប្ផាភ្នំពេញ បានរៀបចំការបណ្តុះបណ្តាល និងការអនុវត្តផ្ទាល់ស្តីពីការគ្រប់គ្រង ការព្យាបាល និងការថែទាំអ្នកជំងឺគ្រុនឈាម នៅមន្ទីរពេទ្យគន្ធបុប្ផា ក្នុងវគ្គទី១ ចាប់ពីថ្ងៃទី ៣ ដល់ថ្ងៃទី៥ ខែសីហា ឆ្នាំ២០២៦

#ការបណ្តុះបណ្តាលនេះបានផ្តល់បទពិសោធន៍ដល់ក្រុមគ្រូពេទ្យ និងគិលានុបដ្ឋាក-គិលានុបដ្ឋាយិកា មកពីខេត្តកណ្តាល ព្រៃវែង កំពង់ស្ពឺ កំពង់ឆ្នាំង និងត្បូងឃ្មុំ ដើម្បីពង្រឹងចំណេះដឹង និងបង្កើនសមត្ថភាពក្នុងការគ្រប់គ្រងថែទាំអ្នកជំងឺគ្រុនឈាម ឱ្យកាន់តែមានប្រសិទ្ធភាព និងសុវត្ថិភាពដល់អ្នកជំងឺ

#បន្តពីវគ្គបណ្តុះបណ្តាលក្នុងរយៈពេលបីថ្ងៃនេះ #ថ្នាក់ដឹកនាំ និងក្រុមគ្រូពេទ្យនៃមន្ទីរពេទ្យគន្ធបុប្ផាភ្នំពេញ ចំនួន២ក្រុម បានបន្តបេសកកម្មពិនិត្យព្យាបាលនិងបណ្តុះបណ្តាលផ្ទាល់ ចាប់ពីថ្ងៃទី ៦ ដល់ថ្ងៃទី៧ ខែសីហា ឆ្នាំ២០២៦ នៅតាមមូលដ្ឋានសុខាភិបាលមួយចំនួន រួមមាន មន្ទីរពេទ្យខេត្តកំពត មន្ទីរពេទ្យខេត្តកែប និងមន្ទីរពេទ្យបង្អែកខ្សាច់កណ្តាល ខេត្តកណ្តាល

#សកម្មភាពចុះបណ្តុះបណ្តាលនេះមានគោលបំណងចែករំលែកចំណេះដឹង បច្ចេកទេស និងបទពិសោធន៍ជាក់ស្តែង ព្រមទាំងពង្រឹងកិច្ចសហការរវាងមន្ទីរពេទ្យគន្ធបុប្ផា និងមន្ទីរពេទ្យនៅតាមបណ្តាខេត្ត ក្នុងការគ្រប់គ្រង ព្យាបាល និងថែទាំអ្នកជំងឺគ្រុនឈាម #ជាពិសេសការកំណត់សញ្ញាព្រមានទៅរកសភាពធ្ងន់ធ្ងររបស់អ្នកជំងឺ ការតាមដានស្ថានភាពអ្នកជំងឺ និងការគ្រប់គ្រងករណីធ្ងន់ឱ្យបានទាន់ពេលវេលា
=========
# #សូមចូលរួមការពារ-កម្ចាត់ជំងឺគ្រុនឈាមទាំងអស់គ្នា!
#បំបាត់ជម្រកមូសខ្លា@ការពារបុត្រធីតាពីមូសខ្លាខាំ@កម្ចាត់មូសខ្លាដែលហោះហើរជុំវិញផ្ទះរបស់លោកអ្នក!...សូមចូលរួមទាំងអស់គ្នា!!
=====
-@មន្ទីរពេទ្យគន្ធបុប្ផា Dr.med.BeatRichner since 1993

07/08/2026

05/08/2026

ថ្ងៃពុធ ៧រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៥ ខែសីហា ឆ្នាំ២០២៦
August 5, 2026
==========
#នៅក្នុងឱកាសដ៏មហានក្ខត្តឫក្សចម្រើនជន្មាយុ គម្រប់៧៤ ឆ្នាំ ឈានចូល ៧៥ឆ្នាំ (៥ សីហា ១៩៥២ - ៥ សីហា ២០២៦) របស់សម្តេចអគ្គមហាសេនាបតីតេជោ "ហ៊ុន សែន" ប្រធានព្រឹទ្ធសភានៃព្រះរាជាណាចក្រកម្ពុជា
#ខ្ញុំបាទ-យើងខ្ញុំជាថ្នាក់ដឹកនាំ -បុគ្គលិក មន្រ្តីរាជការ ជាកូនចៅ នៅមន្ទីរពេទ្យគន្ធបុប្ផាភ្នំពេញ និងមន្ទីរពេលពេទ្យជ័យវរ្ម័នទី៧ ក្នុងខេត្តសៀមរាប #សូមលើកហត្ថប្រណម បួងសួងដល់គុណបុណ្យព្រះរតនត្រ័យ វត្ថុស័ក្តិសិទ្ធិក្នុងលោក ព្រមទាំងទេវតាទាំងមួយម៉ឺនលោកធាតុ សូមប្រោសប្រទានសព្ទសាធុការពរ សិរីសួស្តី ជ័យមង្គល វិបុលសុខបវរមហាប្រសើរគ្រប់ប្រការ ជូនចំពោះសម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែនព្រមទាំងបុត្រា-បុត្រី ចៅប្រុស-ចៅស្រី ជាទីស្រឡាញ់ និងសូមជួយបីបាច់ថែរក្សាសម្តេចអគ្គមហាសេនាបតីតេជោ ហ៊ុន សែន សូមទទួលបាននូវសុខភាពល្អបរិបូរណ៍ កម្លាំងមាំមួន បញ្ញាវាងវៃ ជន្មាយុយឺនយូរ ដើម្បីជាម្លប់នៃសុខសន្តិភាព និងភាពសម្បូរសប្បាយរុងរឿងដល់ប្រជាជន និងប្រទេសជាតិទាំងមូល៕
#សូមអរគុណ និងដឹងគុណសម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន #ស្ថាបនិកមូលនិធិគន្ធបុប្ផាកម្ពុជា
=========
-@មន្ទីរពេទ្យគន្ធបុប្ផាភ្នំពេញ@សៀមរាប-----