28/08/2026
តើនៅក្នុងបរិបទសង្គមខ្មែរពាក្យថា “រក្សាមុខមាត់ឲ្យគ្រួសារ” ជាការរារាំងដល់ការស្វែងរកជំនួយផ្នែកសុខភាពផ្លូវចិត្តដែរឬទេ?
វាជារបាំងខ្មៅងងឹតដែលផ្តាច់យើងដាច់ចេញពីសង្គមពិត ជាគំនាបវប្បធម៌ដែលមាន ពាក្យស្លោកខ្មែរមួយលើក ឡើងថា «ភ្លើងក្នុងកុំនាំចេញក្រៅ ភ្លើងក្រៅកុំនាំចូលក្នុង» គឺជាទស្សនៈមួយ ដែលមានឥទ្ធិពលខ្លាំងសំដៅលើទំនាស់ក្នុងគ្រួសារ ដែលវាមានន័យថាទំនាស់នៅក្នុងគ្រួសារ កុំនិយាយប្រាប់អ្នកក្រៅ។
វាក៏មានគុណសម្បតិ្តល្អផងដែរ ជាការរក្សាឯកជនភាព កិត្តិយសគ្រួសារ ហើយដោះស្រាយដោយសម្ងាត់ និងថ្លៃថ្នូរបំផុត។ មិនមានទំនាស់ពាក់ពន្ធ័វែងឆ្វាយដល់សាច់ញាតិ សាច់ថ្លៃ និងសាច់បង្កើត។
ប៉ុន្តែបើក្នុងករណីដែលគ្រួសារជួបបញ្ហាធ្ងន់ធ្ងរ ដូចជាការប្រើប្រាស់អំពើហិង្សាក្នុងគ្រួសារ ការបំពានទាំងផ្លូវចិត្ត ផ្លូវកាយ សំពាធផ្លូវចិត្តរ៉ាំរៃ វិបត្តិដោះស្រាយមិនចេញ។ បើយើងនៅតែប្រកាន់ខ្ជាប់ពាក្យថា «ភ្លើក្នុងកុំនាំចេញក្រៅ» ឧទាហរណ៍ថា ភ្លើងឆេះសម្រាប់ធ្វើអាហារនោះវាពិតជាមានប្រយោជន៍ ហើយភ្លើងរាលដាលខ្លះក៏យើងពន្លត់បាន តែបើភ្លើងឆេះទំហំធំហើយ យើងត្រូវទៅរកអ្នកដ៏ទៃជួយពន្លត់ ឬហៅឡានទឹកមកពន្លត់។ បើយើងប្រឹងពន្លត់ តើចំនេញអ្វី? នោះយើងក៏រត់ យកតែខ្លួនឲ្យផុតពីភ្លើងនឹងឯង។
ដូចគ្នាទំនាស់ខ្លះវាមានប្រយោជន៍៍ជួយយើងឲ្យរីកចម្រើន យល់ចិត្តគ្នាលើសមុន តែទំនាស់ខ្លះវាឈ្លោះខាតពេលវេលា លុយកាក់ ក្តីស្រឡាញ់តែបើគ្រប់គ្រងបានក៏ពន្លត់ទៅ។ តែបើគ្រងគ្រងមិនបាគឺវាធ្ងន់ធ្ងរ ត្រូវទៅស្វែងរកការសង្រ្គោះបន្ទាន់ ទៅរកគ្រួសារ សាច់ញាតិ ឬមិត្តភក្តិដែលយើងទុកចិត្តដើម្បីពិភាក្សាគ្នា ហើយរក្សាខ្លួនឯងឲ្យសុវត្ថិភាព។
ខ្ញុំថែមពាក្យថា «ពន្លត់ភ្លើងបើនៅពន្លត់បាន» កុំទុកឲ្យក្លាយជា «ភ្លើងឆេះផ្ទះ» តែបើគ្មានសមត្ថភាពពន្លត់ទេគឺវាមិនអន់ទេ ទៅហៅគេឲ្យមកជួយពន្លត់ឲ្យទាន់ពេលទៅ យ៉ាងហោចក៏សល់ទ្រព្យសម្បតិ្តខ្លះ។
ការរក្សាឯកជនភាពគឺជារឿងល្អ ប៉ុន្តែកុំឲ្យឯកជនភាពនោះក្លាយជា ទ្រុងនៃសេចក្តីទុក្ខ ឬសេចក្តីវិនាសមកបំផ្លាញយើង។
គាំទ្រដោយ Mental Library
វីដេអូពេញនៅខាងក្រោម។
🧑🎓 លោកស្រី ហាន វុទ្ធី | អ្នកចិត្តសាស្ត្រជាន់ខ្ពស់
✅ សេវាសុខភាពផ្លូវចិត្ត • ប្រឹក្សាផ្លូវចិត្ត
📲 សូមធ្វើការណាត់ជួបជាមុន https://t.me/hanvuthy
_______________________________
#សុខភាពផ្លូវចិត្ត #គូជីវិត #គ្រួសារ #សាលារៀន
