ផ្នែកសម្ភពនៃមន្ទីរពេទ្យកុមារជាតិ Maternity ward of NPH

04/07/2026

វិបត្តិនៃការមានបុត្រ!

ការលំបាកមានកូនក្លាយជាវិបត្តិមួយដែលពិភពលោកកំពុងតែព្រួយបារម្ភ ដែលមានអត្រា ១០ទៅ១៥% នៃគូស្វាមីភរិយាទាំងឡាយ។

ក) តើអ្វីទៅជាវិបត្តិនៃការមានបុត្រ (Infertility)?
វិបត្តិនៃការមានបុត្រ (Infertility) គឺជាបរាជ័យក្នុងការមានបុត្រក្នុងរយៈពេល៦ខែ ទោះបីជាមានការរួមភេទទៀងទាត់ដោយពុំមានប្រើមធ្យោបាយពន្យាកំណើត។

ខ) តើមានមូលហេតុអ្វីខ្លះ?
មូលហេតុអាចប្រភពមកពីភាគីស្រ្តី ឬភាគីបុរស ឬអាចទាំងពីរនាក់។
១. ភាគីស្រ្តី 34% ៖ បញ្ហាផលិតមេជីវិតញី ស្ទះដៃស្បូន ដុះសាច់ក្នុងស្បូន គីសដៃស្បូន ពិសារស្រាឬជក់បារី និងជំងឺក្រពេញអរម៉ូន
២. ភាគីបុរស 20% ៖ បញ្ហាផលិតមេជីវិតឈ្មោល បញ្ហាស្ទះផ្លូវបញ្ចេញមេជីវិតឈ្មោល ជំងឺក្រពេញអរម៉ូន ពិសារស្រាឬជក់បារី
៣. ភាគីបុរសនិងស្រ្តី 38%
៤. មូលហេតុផ្សេងៗដែលពុំអាចពន្យល់បាន 8%

គ) តើមានការរោគវិនិច្ឆ័យដូចម្តេច?
ការធ្វើរោគវិនិច្ឆ័យមានដូចជា ការធ្វើតេស្តឈាមមើលអរម៉ូនបុរសស្រ្តី ការថតអេកូសាស្រ្ត ការថតដៃស្បូន និងការវិភាគមេជីវិតបុរស

ឃ) តើមានការព្យាបាលដែរឬទេ?
ការព្យាបាលអាស្រ័យទៅតាមមូលហេតុមួយៗដែលរកឃើញ ដែលក្នុងនោះរួមមាន
១. ការប្រើថ្នាំភ្ញោចមេជីវិតញី (ovulation induction)
២. ការចាក់បញ្ចូលមេជីវិតឈ្មោលទៅក្នុងស្បូនស្រ្តី (Intra-uterine insemination)
៣. ការបង្កកំណើតដោយជំនួយវេជ្ជសាស្រ្ត (In-vitro Fertilization)

ដូច្នេះប្រសិនបើបងប្អូនប្រជាពលរដ្ឋមាន បញ្ហាលំបាកមានកូន ដូចបានជម្រាបជូនខាងលើ សូមអញ្ជើញមកពិគ្រោះជាមួយគ្រូពេទ្យជំនាញ ដើម្បីស្វែងរករោគវិនិច្ឆ័យ និងធ្វើការព្យាបាល ឲ្យទាន់ពេលវេលាដោយបច្ចេកទេសទំនើបប្រកបដោយប្រសិទ្ធភាពខ្ពស់។
Tel: 012 44289, 096 6685155, 089 669035

Tr

27/05/2026

03/05/2026

កាចាក់វ៉ាក់សាំងផ្ដាសាយចំពោះស្រ្ដីមានផ្ទៃពោះ

ការចាក់វ៉ាក់សាំងបង្ការជំងឺគ្រុនផ្ដាសាយត្រូវបានណែយ៉ាងខ្លាំងក្នុងអំឡុងពេលមានផ្ទៃពោះគ្រប់ដំណាក់កាល
ដើម្បីការពារទាំងអ្នកម្តាយ និងទារកពីជំងឺធ្ងន់ធ្ងរ ការសម្រាកនៅមន្ទីរពេទ្យ និងផលវិបាកផ្សេងៗដូចជាការសម្រាលកូនមិនគ្រប់ខែជាដើម។
ព័ត៌មានសំខាន់ៗ ៖
- សុវត្ថិភាព (Safety): វ៉ាក់សាំងគ្រុនផ្ដាសាយប្រភេទចាក់ គឺមានសុវត្ថិភាពខ្ពស់សម្រាប់ស្ត្រីមានផ្ទៃពោះ។
- អត្ថប្រយោជន៍ (Benefits): វាជួយកាត់បន្ថយហានិភ័យនៃជំងឺធ្ងន់ធ្ងរ និងការពារទារកទើបនឹងកើតបានរហូតដល់ ៦ ខែក្រោយសម្រាល។
- ពេលវេលា (Timing): អ្នកអាចចាក់វ៉ាក់សាំងនេះបាននៅគ្រប់ដំណាក់កាលនៃការមានផ្ទៃពោះ។
● ប្រភេទវ៉ាក់សាំង (Type): គួរប្រើប្រភេទ វ៉ាក់សាំងចាក់ (Inactivated flu shot) ចៀសវាងការប្រើប្រភេទបាញ់តាមច្រមុះ (Nasal spray)។

● ហេតុអ្វីត្រូវចាក់វ៉ាក់សាំង?
ការមានផ្ទៃពោះធ្វើឱ្យប្រព័ន្ធភាពស៊ាំចុះខ្សោយ ដែលធ្វើឱ្យស្ត្រីងាយប្រឈមនឹងគ្រោះថ្នាក់ពីជំងឺគ្រុនផ្ដាសាយ ដូចជាជំងឺរលាកសួត។

● ការចាក់វ៉ាក់សាំងជួយកាត់បន្ថយហានិភ័យនៃ៖

- ការឈឺធ្ងន់ធ្ងរដែលបណ្តាលមកពីគ្រុនផ្ដាសាយ។
- ការរលូតកូន ឬទារកស្លាប់ក្នុងផ្ទៃ។
- ការសម្រាលកូនមិនគ្រប់ខែ ឬកូនកើតមកមិនគ្រប់គីឡូ។

● ផលរំខាន (Side Effects)ផលរំខានជាទូទៅមានសភាពស្រាលដូចជា ៖
- ការឈឺចាប់នៅកន្លែងចាក់
- គ្រុនក្ដៅតិចតួច ឬ
- រោយខ្លួនប្រាណ
Tel: 012 442893, 096 6685155,
089 669035

27/03/2026

1️⃣ តើអ្វីទៅ ជាជំងឺស្វាយ?
✍️ ជំងឺ ស្វាយ (Syphilis) ជា ជំងឺ ងាយ ឆ្លង បំផុត បង្ក ឡើង ដោយ មេរោគ ឈ្មោះ Treponema pallidum ដែលជាមេរោគឆ្លងតាមរយៈការរួមភេទ តែក្នុងករណីកម្រខ្លះវាអាចឆ្លងតាម ការប៉ះផ្ទាល់លើឈាម ឫដំបៅអ្នកជំងឺស្វាយ ។

2️⃣ បើម្ដាយមានជំងឺស្វាយ តើកូនក្នុងផ្ទៃអាចឆ្លងជំងឺនេះ ដែរឺទេ?
✍️ អំឡុង ពេល កំពុង ពពោះ មេរោគ នេះ អាចឆ្លង ពី ម្ដាយ ទៅ កូន ក្នុងផ្ទៃ តាម រយៈ សុក ហើយអាចប៉ះពាល់ធ្ងន់ធ្ង ដល់ ទារក គ្រប់ ដំណាក់កាល ទាំង អស់ ។
✍️ពេលពិនិត្យផ្ទៃពោះ ស្ត្រីគ្រប់រូបគួរតែត្រូវបានតេស្តឈាម រកមេរោគនេះ អោយបានឆាប់ និង ទទួលការព្យាបាលប្រសិនជា តេស្តឈាមរកឃេីញវិជ្ជមាន
✍️ ជំងឺនេះ អាចព្យាបាលជាសះស្បើយ និងការពារឆ្លងទៅកូនបាន បើយើងដឹងទាន់ពេលវេលា និង ព្យាបាលបានត្រឹមត្រូវ ។

3️⃣ តើទារកដែលឆ្លងមេរោគស្វាយពីម្ដាយ អាចមានផលប៉ះពាល់អ្វីខ្លះ?
✍️ ទារកដែលម្តាយមានមេរោគស្វាយមិនបានព្យាបាល អាចប្រឈមនឹង ៖
- ការរលូតដោយឯកឯង បេីគ៌ភនៅអាយុតិច (Avortement)
- ទារកមិនគ្រប់គីឡូ/ មិនឡេីងគីឡូ (IUGR)
- ទារកស្លាប់ក្នុងពោះ/ស្លាប់ពេលកើត (Stillbirth)
- កើតមិនគ្រប់ខែ (premature)
- ទារកកេីតមកជាមួយបញ្ហាសុខភាពពីកំនេីត (Congenital syphilis) ដូចជា ភ្នែកឡេីងបាយ, ថ្លង់, ប្រកាច់ញឹកញាប់ ឬ អាចស្លាប់ក្នុងពេលបន្ទាប់។

4️⃣ តើរោគសញ្ញា ជំងឺស្វាយ មានអ្វីខ្លះ ?
✍️ រោគសញ្ញា ជំងឺស្វាយ ប្រែប្រួលតាម ដំណាក់កាលនៃជំងឺនេះ ៖
ដំណាក់កាលទី 1 : មានចំណុចដំបៅមួយ តែមិនឈឺចាប់ នៅលើស្បែក ហើយវាក៏អាចវិវត្តទៅជាដំបៅច្រើន។
ដំណាក់កាលទី 2 : កន្ទួល លើ ស្បែក មានដំបៅក្នុងមាត់ ទ្វារមាស ឬរន្ធគូថ ហើមកូនកណ្តុល ស្រកទម្ងន់ ជ្រុះសក់
គ្រុន ឈឺ ក និង រោគ សញ្ញា ដូច ផ្ដាសាយ។
ដំណាក់កាលទី 3 : ជាដំណាក់កាលធ្ងន់ធ្ង ហើយរោគ សញ្ញា ពាក់ព័ន្ធ សរសៃ ប្រសាទ បេះដូង និង សរសៃ ឈាម តែម្តង។

5️⃣ ដើម្បីធ្វើរោគ វិនិច្ឆ័យ ជំងឺ ស្វាយ តើត្រូវធ្វើដូចម្តេច?
✍️ សំរាប់ស្រ្តីមានផ្ទៃពោះ ពេលខ្លះ គ្មានសញ្ញាអ្វីទាំងអស់ តែយើងអាចដឹងតាមរយះ ការធ្វើតេសឈាម ។
✍️ ការធ្វើតេសឈាមរកមេរោគស្វាយនេះ យកល្អត្រូវធ្វើនៅត្រីមាសដំបូង ពេលមកពិនិត្យផ្ទៃពោះ
✍️ ព្រោះបើដឹងថាមាន មេរោគស្វាយ យើងអាចព្យាបាលបានទាន់ពេលវេលា មិនសូវបង្កបញ្ហាដល់កូនក្នុងផ្ទៃ។

6️⃣ តើស្រ្តីមានផ្ទៃពោះដែលតេស្តឈាមរកឃេីញវិជ្ជមានមេរោគស្វាយ ត្រូវធ្វើដូចម្ដេច?
✍️ជាទូទៅសំរាប់ស្រ្តីមានផ្ទៃពោះដែលតេស្តឈាមរកឃេីញវិជ្ជមានមេរោគស្វាយ (Syphilis-TPHA positive ៖
- ត្រូវព្យាបាលអោយបានឆាប់ បន្ទាប់ពីតេសឃើញភ្លាមដើម្បីកាត់បន្ថយការចំលងមេរោគ តាមឈាមពីម្តាយទៅទារកក្នុងផ្ទៃ ។
- ដោយចាក់ Penicillin G (IM) 3 doses
- តេស និង ព្យាបាលទាំង 2នាក់ ប្ដី ឬ ដៃគូ
- ការរួមរស់បន្តត្រូវការពារ ដោយប្រើស្រោមអនាម័យ (Condom use)
✍️បើម្ដាយមិនបានព្យាបាល ត្រូវអោយថ្នាំផ្សះដល់ទារក បន្ទាប់ពីសម្រាល (នៅផ្នែកទារក)
✍️ ជាទូទៅ គេ Control (RPR titers) ក្រោយចាក់ Pénicilline 3-6 ខែក្រោយ
✍️ បើម្ដាយមានមេរោគស្វាយ គួរទៅសម្រាលនៅមន្ទីពេទ្យណាដែលមាន វេជ្ជបណ្ឌិត ទាំងឯកទេសសម្ភព និង ឯកទេសកុមារ(ផ្នែកទារក) ។
✍️ សូមអ្នកម៉ាក់ៗ ទាំងអស់ចាំថា ស្វាយជាមេរោគ ដែលមិនអាចមើលស្រាលបាន ហើយកំពុងតែមានការផ្ទុះឆ្លងច្រើន
កុំភ្លេចតេសរកមេរោគនេះ អោយបានគ្រប់គ្នា តាំងពីត្រីមាសដំបូង ទោះជាធ្លាប់ព្យាបាលពីមុនហើយក៌ដោយ។
Tel: 012 442893, 096 6685155, 089669035

18/03/2026

ការរៀបចំផែនការគ្រួសារ ដើម្បីសុភមង្គល និងអនាគតដ៏ភ្លឺស្វាង! 👨‍👩‍👧‍👦
ការប្រើប្រាស់មធ្យោបាយពន្យាកំណើត មិនត្រឹមតែជាការការពារការមានផ្ទៃពោះដោយចៃដន្យប៉ុណ្ណោះទេ ប៉ុន្តែវាផ្ដល់អត្ថប្រយោជន៍យ៉ាងច្រើនដូចជា៖
* សុខភាពមាតា៖ ទុកពេលឱ្យរាងកាយម្ដាយរឹងមាំឡើងវិញ។
* ការថែទាំកូន៖ កូនៗទទួលបានការស្រលាញ់ និងការថែទាំបានដិតដល់។
* សេដ្ឋកិច្ចគ្រួសារ៖ ជួយឱ្យយើងអាចគ្រោងទុកនូវចំណាយបានច្បាស់លាស់។
មធ្យោបាយពេញនិយមមានដូចជា៖ ថ្នាំលេប, ថ្នាំចាក់, ការប្រើស្រោមអនាម័យ, ការដាក់កងក្នុងស្បូន ឬកងក្រោមស្បែក។ សូមពិភាក្សាជាមួយគ្រូពេទ្យជំនាញ ដើម្បីជ្រើសរើសវិធីសាស្ត្រដែលស័ក្តិសមបំផុតសម្រាប់អ្នក! ❤️ Tel : 012 442893,
096 6685155, 089 669035

06/02/2026

Ge***al prolapse : ជាការស្រុតផ្នែកណាមួយនៃសរីរាង្គ ដែលមានក្នុងអាងត្រកៀកស្រ្តី លានចេញតាមទ្វារមាសស្រ្តី ដែលអាចជា ស្បូន ប្លោកនោម រឺ ពោះវៀនធំ

ភាគច្រើនឃើញជួបលើ :
- ស្រ្តីអស់រដូវ
- ធ្លាប់សំរាលកូនច្រើនដង
- សំរាលកូនគីឡូធំ រឺសំរាលដោយប្រើឧបករណ៏ជំនួយ
- ការខ្សោយនៃសាច់ដុំអាងត្រកៀក .ល.

រោគសញ្ញា
- មានអារម្មណ៍រំខាន ឬអ្វីមួយលានចេញតាមទ្វារមាស
- ឈឺចាប់ទៅខ្នងផ្នែកខាងក្រោម
- ពិបាកនោម នោមមិនអស់ ឬហៀរទឹកនោមពេលប្រឹងធ្វើអ្វីមួយ (ឧទារហ៏: ក្អក រឺប្រឹងក្បាលពោះ…)
- ឈឺពេលរួមភេទ
- ឈឺលើថ្ងាស់ .ល.

ដូច្នេះ Ge***al prolapse ជាបញ្ហាជួបញឹកញាប់នៅស្ត្រីសម្រាលកូនច្រើនដង ហើយច្រើនកើតលើស្រ្តីវ័យចំនាស់ នឹងក្រោយអស់រដូវ។ ការធ្វើរោគវិនិច្ឆ័យឆាប់ និងការព្យាបាលត្រឹមត្រូវ អាចជួយបង្កើនគុណភាពជីវិតអ្នកជំងឺបានយ៉ាងច្រើន។

សូមមកពិគ្រោះជាមួយវេជ្ជបណ្ឌិតជំនាញនៃមន្ទីរពេទ្យកុមារជាតិ ដើម្បីធ្វើរោគវិនិច្ឆ័យជំងឺស្រុតស្បូន ឱ្យបានច្បាស់លាស់ និងទទួលបាននូវការព្យាបាល ត្រឹមត្រូវប្រកបដោយប្រសិទ្ធភាព។

🏥ផ្នែកសម្ភពនិងរោគស្ត្រីនៃមន្ទីរពេទ្យកុមារជាតិមានផ្តល់សេវាពិនិត្យថែទាំផ្ទៃពោះ ពិនិត្យរោគស្រ្តី សេវាពន្យាកំណើត សេវាក្នុងការសំរាលបុត្រ ( ដោយធម្មជាតិ/សម្រាលដោយធម្មជាតិគ្មានការឈឺចាប់/ និង សម្រាលដោយការវះកាត់) រួមទាំងការវះកាត់ផ្នែករោគស្រ្តីដោយវេជ្ជបណ្ឌិតជំនាញផ្នែកសម្ភព និង រោគស្ត្រី នឹង វេជ្ជបណ្ឌិតជំនាញផ្នែកទារក។

☎️☎️☎️ 096 66 85 155/ 089 66 90 35

02/01/2026

🔷កាថែររក្សាទឹកដោះ ក្រោយច្របាច់រួច
មានម៉ាក់ៗមួយចំនួន តែងតែយល់ច្រឡំថា ការច្របាច់ទឹកដោះទុកយូរ ធ្វើអោយជូរផ្អូម បណ្ដាលអោយកូនគាត់ រាគរូស លូតលាស់មិនល្អ ។ ការយល់ឃើញនេះមិនមានការ សិក្សាច្បាស់លាស់ គ្រាន់តែជាការគិត និង និយាយតគ្នាប៉ុណ្នោះ

👉ដំណោះស្រាយ មាននៅរូបដូចខាងក្រោម ដែលមានការសិក្សាច្បាស់លាស់ សូមឈប់អោយម៉ាក់ៗ កុំមានការយល់ខុសទៀត និងជាសារដាស់តឿន។
សូមម៉ាក់ៗ អញ្ចើញមកសម្រាលបុត្រ នៅមន្ទីរពេទ្យកុមារជាតិ ដើម្បីទទួល នូវការប្រឹក្សា កាន់តែលំអិត🙏🙏🙏