TPO Cambodia

28/07/2026

នៅថ្ងៃទី២៧ ខែកក្កដា ឆ្នាំ២០២៦ លោកស្រី ផន កែវផុន អនុប្រធានមន្ទីរ និងមន្ត្រី ១រូបបានចូលរួមសម្របសម្រួលវគ្គបណ្ដុះបណ្ដាលស្ដីពី ការផ្ដល់ការគាំទ្រចិត្តសង្គមដល់ជនរងគ្រោះដោយអំពើហិង្សាទាក់ទងនឹងយេនឌ័រ សម្រាប់អ្នកផ្ដល់សេវាថែទាំសុខភាព និងGBV ក្នុងគោលបំណង ពង្រឹងចំណេះដឹង ជំនាញ និងសមត្ថភាពក្នុងការផ្ដល់សេវាប្រកបដោយគុណភាព ដែលមានអ្នកចូលរួមចំនួន ២៩នាក់ ស្រី ១៩នាក់ នៅសាលប្រជុំសាលាស្រុកជាំក្សាន្ត រៀបចំ និងសហការ៖ មន្ទីរសុខាភិបាលខេត្តព្រះវិហារ និងមន្ទីរកិច្ចការនារីខេត្តព្រះវិហារ ក្រោមជំនួយមូលនិធិពី៖ រដ្ឋាភិបាល កាណាដា និងអង្គការ អាដ្រា កម្ពុជា (ADRA Cambodia)
អនុវត្តគម្រោង និងជំនួយបច្ចេកទេសដោយ៖ អង្គការ TPO កម្ពុជា
#មន្ទីរកិច្ចការនារីខេត្តព្រះវិហារ

27/07/2026

កុមារខ្លះបានបាត់បង់ឱកាសសិក្សាទៀងទាត់ ដោយសារតែសាលានៅឆ្ងាយពីផ្ទះ។

តែថ្ងៃនេះ កុមារ 150នាក់ ដែលរស់នៅ “ភូមិរងចាំ” លែងចាំបាច់ត្រូវដើរទៅសាលា​រៀនទៀតឡើយ។ ពួកគេអាចជិះកង់ទៅទទួលយកការសិក្សា ដើម្បីកាត់បន្ថយផលលំបាកក្នុងការធ្វើដំណើរ។ ពួកយើងសង្ឃឹមថា ជំនួយតិចតួចនេះនឹងជួយលើកទឹកចិត្តពួកគាត់ឲ្យបន្តការសិក្សាទោះនៅក្នុងកាលៈទេសៈបែបណា។

អរគុណដល់អង្គការ TPO Cambodia ចំពោះគម្រោងនេះ និងប្រជាជនកម្ពុជាសម្រាប់ការបរិច្ចាគ។

បើអ្នកចង់ចូលរួមក្នុងការផ្តល់កង់បន្ថែមសម្រាប់កុមារ សូមធ្វើការបរិច្ចាគដោយផ្ទាល់ទៅ TPO Cambodia។ ❤️

27/07/2026

ខេត្តបន្ទាយមានជ័យ​ ថ្ងៃទី​២៧ ខែកក្កដា ឆ្នាំ២០២៦

អង្គការធីភីអូ​កម្ពុជា និង​ Think with PingAnn គិតជាមួយប៉េងអានបានប្រើប្រាស់​ថវិកា​សប្បុរជន​ទិញ​កង់ ចំនួន​១៥០​​កង់ ជូន​ដល់​សិស្សានុសិស្ស​ដែលកំពុង​សិក្សា​ក្នុងភូមិ​រង់​ចាំ (​ផ្ទះបៃតង) ឃុំ​ស្លក្រោម ស្រុកស្វាយចេក ខេត្ត​បន្ទាយ​មានជ័យ។

​​សិស្សានុសិស្ស​ទាំង​១៥០នាក់ទទួល​បានកង់​ពីក្រុមការងារ​ដោយ​​ទឹកមុខរីករាយ និងត្រេកអរ។​ តំណាង​កុមារ​ម្នាក់​បាន​ថ្លែង​អំណរគុណចំពោះ​អង្គការ និង​សប្បុរជនដោយក្តី​រំភើប ប៉ុន្តែ​ក៏នៅ​មាន​កុមារ​តូចៗជាច្រើន​ទៀតដែល​នៅ​មិន​ទាន់​ទទួល​បាន។

ហេតុដូចនេះ ​​​យើង​ខ្ញុំ​នឹងបន្តទទួលថវិកាគាំទ្រ​ពី​សប្បុរជន ដើម្បី​មាន​លទ្ធភាពបន្ត​បេសកម្ម​ទិញ​កង់បន្ថែមចំនួន​៣៥០កង់ សម្រាប់​ចែក​ជូនកុមារ​ទៅសាលារៀន។ យើងខ្ញុំ​​សង្ឃឹម​ថា ការចូលរួម​របស់​លោកអ្នក គឺជាកម្លាំងជម្រុញដ៏​ធំធេងក្នុងការសម្រេចក្តី ស្រម៉ៃ​កុមារ ទទួលបានអារម្មណ៍រីករាយ​ និងពង្រឹងសុខុមាលភា​ពផ្លូវចិត្តក្នុងការសិក្សា

លោកអ្នកអាចបរិច្ចាគមកកាន់QRcode អង្គការ​ធីភីអូ​ កម្ពុជា​ ។ ដោយក្តីគោរព​ និងដឹងគុណ🙏

24/07/2026

ខេត្តព្រះវិហារ, ថ្ងៃទី២៣ ខែកក្កដា ឆ្នាំ២០២៦

ក្រោមការគាំទ្រថវិកាពីអង្គការ UNFPA និងសហការរៀបចំ ដោយអាជ្ញាធរស្រុកគូលែន អង្គការធីភីអូកម្ពុជា និងគណៈកម្មាធិការជាតិគ្រប់គ្រងគ្រោះមហន្តរាយ បានដឹកនាំ និងផ្តល់វគ្គបណ្តុះបណ្តាល ស្តីពី ការណែនាំបង្ហាញអំពី អំពើហិង្សាទាក់ទងនឹងយេនឌ័រក្នុងគ្រាអាសន្ន សម្រាប់អ្នកផ្តល់សេវានៅក្នុងភូមិតាកឹងបៃតង ដើម្បីពង្រឹងសមត្ថភាពក្នុងកិច្ចការពារ និងការឆ្លើយតបចំពោះអំពើហិង្សាទាក់ទងនឹងយេនឌ័រ រួមទាំង មានលទ្ធភាពផ្តល់ការគាំទ្រផ្លូវចិត្ត និងធ្វើការបញ្ជូនជនរងគ្រោះទៅរកសេវាសមស្រប។ សិក្ខាកាមចំនួនសុរប ៣០រូប ស្រី១៧រូប ដែលមានសមាសភាពដូចជា អ្នកស្មគ្រ័ចិត្ត មេភូមិ តំណាងប្រជាពលរដ្ឋ មន្រ្តីនគរបាល មន្រ្តីសង្គមកិច្ច សមាជិកក្រុមការងារយេនឌ័រថ្នាក់ឃុំនិងថ្នាក់ស្រុក មន្ត្រីអប់រំ និងមន្ត្រីពាក់ព័ន្ធក្នុងមូលដ្ឋាន។ វគ្គបណ្ដុះបណ្ដាលនេះប្រព្រឹត្តទៅរយៈពេល ៣ថ្ងៃ គឺថ្ងៃទី២១ ដល់ ២៣ ខែកក្កដា ឆ្នាំ២០២៦ ស្ថិតនៅភូមិតាកឹងបៃតង ឃុំថ្មី ស្រុកគូលែន ខេត្តព្រះវិហារ ។

23/07/2026

[English below]
ការិយាល័យកណ្តាលអង្គការធីភីអូកម្ពុជា ថ្ងៃទី២៣ ខែកក្កដា ឆ្នាំ២០២៦៖
ជំនួបពិភាក្សាស្តីពីវឌ្ឍនភាពគម្រោងកាន់តែរឹងមាំ (STRONGER Project) ក្រោមការគាំទ្រថវិកាពីរដ្ឋាភិបាលកាណាដា និង តាមរយៈអង្គការ ADRA កម្ពុជា។
កិច្ចប្រជុំនេះបានពិភាក្សាអំពីវឌ្ឍនភាពរបស់គម្រោង ការៀនសូត្រ និងកិច្ចសហការរវាងដៃគូពាក់ព័ន្ធ ក្នុងការពង្រឹងគុណភាពសេវាគាំទ្រជនរងគ្រោះពីអំពើហិង្សាផ្អែកលើយេនឌ័រ (GBV) នៅខេត្តព្រះវិហារ និងខេត្តស្ទឹងត្រែង។ក្នុងឱកាសនេះ លោកស្រី តាំង សុភាព នាយិការង អង្គការធីភីអូកម្ពុជា បានស្វាគមន៍ប្រធានគម្រោងលោកស្រី សាន់យ៉ា ហ្រ្វាស័រ Sonja Fraser មកពីអង្គការអាដ្រា នៃប្រទេសកាណាដា ដែលបានអញ្ជើញមកទស្សនកិច្ច ពង្រឹងកិច្ចសហការ រៀនសូត្រ ក្នុងការអនុវត្តគម្រោង កាន់តែរឹងមាំ ឱ្យកាន់តែមានប្រសិទ្ធភាព។

A progress review meeting for the STRONGER Project, supported by the Government of Canada and ADRA Cambodia, was held at the TPO Cambodia Head Office on July 23, 2026.
The meeting focused on the project's progress, lessons learned, and how partners could collaborate more effectively to improve the quality of gender-based violence (GBV) survivor support services in Preah Vihear and Stung Treng provinces.
During the meeting, Ms. Taing Sopheap, Deputy Director of TPO Cambodia, warmly welcomed Ms. Sonja Fraser, Project Director from ADRA Canada, during her field visit. She reaffirmed the shared commitment to strengthening collaboration and ensuring the effective implementation of the STRONGER Project.

10/07/2026

(English below)
លើកកម្ពស់ការអភិវឌ្ឍប្រកបដោយបរិយាបន្ននៅកម្ពុជា តាមរយៈកម្មវិធី ACCESS 2

🇦🇺 អូស្ត្រាលីប្តេជ្ញាធានាថាស្ត្រី និងជនមានពិការភាពអាចទទួលបានសេវា ប្រកបដោយគុណភាព ឱកាសនិងការគាំទ្រដែលពួកគេត្រូវការ។

តាមរយៈកម្មវិធី ACCESS 2 ដែលជាកម្មវិធីវិនិយោគដ៏សំខាន់របស់អូស្ត្រាលីក្នុងការលើកកម្ពស់សមភាពយេនឌ័រ បរិយាបន្នពិការភាព និងការស្តារលទ្ធភាពពលកម្មនៅកម្ពុជា ថ្មីៗនេះភាគីពាក់ព័ន្ធនៅថ្នាក់ជាតិ និងថ្នាក់ក្រោមជាតិបានជួបជុំគ្នា ដើម្បីពិនិត្យវឌ្ឍនភាព ចែករំលែកបទពិសោធន៍ និងកំណត់អាទិភាពសម្រាប់ការងារបន្ត។

សិក្ខាសាលាទាំងនេះបានផ្តល់អនុសាសន៍ជាក់ស្តែង ដើម្បីពង្រឹងបរិយាបន្នជនមានពិការភាព បញ្ចប់ការរៀបចំផែនទីបង្ហាញផ្លូវសម្រាប់ឆ្នាំទី៤ ស្តីពីការឆ្លើយតបនឹងអំពើហិង្សាទាក់ទងនឹងយេនឌ័រ និងកំណត់សកម្មភាពអាទិភាពដើម្បីលើកកម្ពស់សេវាស្តារលទ្ធភាពពលកម្មក្នុងប្រព័ន្ធសុខាភិបាលរបស់កម្ពុជា។

កិច្ចពិភាក្សាទាំងនេះកំពុងជួយរៀបចំផែនការសកម្មភាពសម្រាប់ឆ្នាំទី៤ របស់កម្មវិធី ACCESS 2 និងពង្រឹងការប្តេជ្ញាចិត្តរួមក្នុងការជំរុញការអភិវឌ្ឍប្រកបដោយបរិយាបន្ន ងាយស្រួល ក្នុងការទទួលបានសេវា និងផ្តោតលើតម្រូវការរបស់ប្រជាពលរដ្ឋ។

🔗 ស្វែងយល់បន្ថែម៖ https://access2cambodia.org/

------------------

Shaping a More Inclusive Cambodia Through ACCESS 2

🇦🇺 Australia is committed to ensuring women and people with disability can access quality services, opportunities and support

Through ACCESS 2, Australia’s flagship investment in gender equality, disability inclusion and rehabilitation in Cambodia, national and sub-national stakeholders recently came together to review progress, share lessons, and identify priorities.

The workshops delivered practical recommendations to strengthen disability inclusion, finalised the Year 4 gender-based violence roadmap, and identified priority actions to improve rehabilitation services within Cambodia’s health system.

These discussions are helping shape ACCESS 2’s Year 4 action plan and reinforce a shared commitment to inclusive, accessible and people-centred development.

🔗 Learn more: https://access2cambodia.org/

09/07/2026

រសៀលថ្ងៃព្រហស្បតិ៏ ១០រោច ខែបឋមាសាឍ ឆ្នាំមមី អដ្ឋស័ក ព.ស. ២៥៧០
ត្រូវនឹងថ្ងៃទី០៩ ខែកក្កដា ឆ្នាំ២០២៦ 🇰🇭🇰🇭🇰🇭
==========================
មន្ទីរសុខាភិបាលនៃរដ្ឋបាលខេត្តស្ទឹងត្រែង៖

ឯកឧត្តមវេជ្ជបណ្ឌិត អ៊ុង សូវៀត ទីប្រឹក្សាក្រសួងសុខាភិបាល និងជាប្រធានមន្ទីរសុខាភិបាលនៃរដ្ឋបាលខេត្តស្ទឹងត្រែង និង
ឯកឧត្តមវេជ្ជបណ្ឌិត គួង ឡូ ទីប្រឹក្សាក្រសួងសុខាភិបាល និងជាប្រធានមន្ទីរសុខាភិបាល​នៃរដ្ឋបាលខេត្តព្រះវិហារ បានអញ្ជើញជាអធិបតីក្នុងពិធី​បិទវគ្គបណ្តុះបណ្តាលគ្រូបង្គោល ស្តីពី ការផ្តល់ការគាំទ្រផ្នែកចិត្តសង្គមដល់ជនរងគ្រោះដោយអំពើហិង្សាទាក់​ទងនឹងយេនឌ័រ សម្រាប់មន្ត្រីសុខាភិបាល និងមន្ត្រីទទួលបន្ទុកការងារយេនឌ័រ។

វគ្គបណ្តុះបណ្តាលនេះ មានការចូលរួមពីតំណាងក្រសួងកិច្ចការនារី លោកស្រីអនុប្រធានមន្ទីរកិច្ចការនារីខេត្តស្ទឹងត្រែង មន្ត្រីតំណាងអង្គការអាដ្រាកម្ពុជា ប្រធានការិយាល័យបង្ការ និងគ្រប់គ្រងជំងឺ ប្រធាន និងអនុប្រធានការិយាល័យសុខាភិបាលស្រុកប្រតិបត្តិ គ្រូបង្គោលកម្មវិធីសុខភាពផ្លូវចិត្ត គ្រូបង្គោលការងារយេនឌ័រ មន្ត្រីមន្ទីរសុខាភិបាលនៃរដ្ឋបាលខេត្តស្ទឹងត្រែង និងមន្ទីរសុខាភិបាលនៃរដ្ឋបាលខេត្តព្រះវិហារ ព្រមទាំងតំណាងមន្ទីរ-អង្គភាពពាក់ព័ន្ធ និងតំណាងអង្គការដៃគូអភិវឌ្ឍន៍។

វគ្គបណ្តុះបណ្តាលនេះ រៀបចំដោយ អង្គការចិត្តសង្គមអន្តរវប្បធម៌កម្ពុជា (TPO Cambodia) និងបានប្រព្រឹត្តទៅរយៈពេល ៣ថ្ងៃ ចាប់ពីថ្ងៃទី៧ ដល់ថ្ងៃទី៩ ខែកក្កដា ឆ្នាំ២០២៦ ដោយមានគោលបំណងពង្រឹងសមត្ថភាពគ្រូបង្គោល និងមន្ត្រីពាក់ព័ន្ធ ក្នុងការផ្តល់ការគាំទ្រផ្នែកចិត្តសង្គមប្រកបដោយប្រសិទ្ធភាព ដល់ជនរងគ្រោះដោយអំពើហិង្សាទាក់ទងនឹងយេនឌ័រ។

✅រដ្ឋបាលខេត្តស្ទឹងត្រែង
✅មន្ទីរសុខាភិបាលនៃរដ្ឋបាលខេត្តស្ទឹងត្រែង
✅អរគុណសន្តិភាព 🙏❤️🇰🇭

07/07/2026

ព្រឹកថ្ងៃអង្គារ ៨រោច ខែបឋមាសាឍ ឆ្នាំមមី អដ្ឋស័ក ព.ស. ២៥៧០
ត្រូវនឹងថ្ងៃទី០៧ ខែកក្កដា ឆ្នាំ២០២៦ 🇰🇭🇰🇭🇰🇭
==========================
មន្ទីរសុខាភិបាលនៃរដ្ឋបាលខេត្តស្ទឹងត្រែង៖

ដោយមានការអនុញ្ញាតពី ឯកឧត្តមវេជ្ជបណ្ឌិត អ៊ុង សូវៀត ទីប្រឹក្សាក្រសួងសុខាភិបាល និងជាប្រធានមន្ទីរសុខាភិបាលនៃរដ្ឋបាលខេត្តស្ទឹងត្រែង លោកស្រី សាស្ត្រាចារ្យជំនួយ ឃុត សុធីណា អនុប្រធានមន្ទីរសុខាភិបាលនៃរដ្ឋបាលខេត្តស្ទឹងត្រែង បានអញ្ជើញជាអធិបតីក្នុងពិធីបើកវគ្គបណ្តុះបណ្តាលគ្រូបង្គោល ស្តីពីការផ្តល់ការគាំទ្រផ្នែកចិត្តសង្គមដល់ជនរងគ្រោះដោយអំពើហិង្សាទាក់ទងនឹងយេនឌ័រ សម្រាប់មន្ត្រីសុខាភិបាល និងមន្ត្រីទទួលបន្ទុកការងារយេនឌ័រ។
រៀបចំដោយ អង្គការចិត្តសង្គមអន្តរវប្បធម៌ កម្ពុជា(TPO) ដែលប្រព្រឹត្តទៅចាប់ពីថ្ងៃទី៧-៩​ ខែកក្កដា​ ឆ្នាំ២០២៦​ ។

វគ្គបណ្តុះបណ្តាលនេះ មានការចូលរួមពីតំណាងក្រសួងកិច្ចការនារី លោកស្រីអនុប្រធានមន្ទីរកិច្ចការនារីខេត្តស្ទឹងត្រែង មន្ត្រីតំណាងអង្គការអាដ្រាកម្ពុជា ប្រធានការិយាល័យបង្ការ និងគ្រប់គ្រងជំងឺ ប្រធាន និងអនុប្រធានការិយាល័យសុខាភិបាលស្រុកប្រតិបត្តិ គ្រូបង្គោលកម្មវិធីសុខភាពផ្លូវចិត្ត គ្រូបង្គោលការងារយេនឌ័រ មន្ត្រីមន្ទីរសុខាភិបាលនៃរដ្ឋបាលខេត្តស្ទឹងត្រែង និង
ខេត្តព្រះវិហារ ព្រមទាំងតំណាងមន្ទីរ-អង្គភាពពាក់ព័ន្ធ និងតំណាងអង្គការដៃគូអភិវឌ្ឍន៍។

វគ្គបណ្តុះបណ្តាលនេះ រៀបចំឡើងក្នុងគោល​បំណងពង្រឹងសមត្ថភាពគ្រូបង្គោល និងមន្ត្រីពាក់ព័ន្ធ ឱ្យមានចំណេះដឹង និងជំនាញក្នុងការផ្តល់ការគាំទ្រផ្នែកចិត្តសង្គមប្រកបដោយប្រសិទ្ធភាព ដល់ជនរងគ្រោះដោយអំពើហឹង្សាទាក់ទងនឹងយេនឌ័រ សំដៅលើកកម្ពស់គុណភាពសេវាសុខាភិបាល និងការការពារសិទ្ធិជនរងគ្រោះ។
មន្ទីរសុខាភិបាលនៃរដ្ឋបាលខេត្តស្ទឹងត្រែង សូមថ្លែងអំណរគុណចំពោះក្រសួងសុខាភិបាល ក្រសួងកិច្ចការនារី អង្គការអាដ្រាកម្ពុជា និងដៃគូអភិវឌ្ឍន៍ពាក់ព័ន្ធ ដែលបានសហការគាំទ្រក្នុងការរៀបចំវគ្គ
បណ្តុះបណ្តាលនេះ ប្រកបដោយជោគជ័យ។

✅រដ្ឋបាលខេត្តស្ទឹងត្រែង
✅មន្ទីរសុខាភិបាលនៃរដ្ឋបាលខេត្តស្ទឹងត្រែង
✅អរគុណសន្តិភាព 🙏❤️🇰🇭

06/07/2026

01/07/2026

[English below]
ចាប់ពីថ្ងៃទី ២២ ដល់ថ្ងៃទី ២៦ ខែមិថុនា ឆ្នាំ២០២៦ អង្គការធីភីអូកម្ពុជា បានបន្តអនុវត្តសកម្មភាព «ការព្យាបាលផ្លូវចិត្តតាមបែបសក្ខីកម្ម (Testimonial Therapy)» ជូនដល់ជនរងគ្រោះពីរបបខ្មែរក្រហមចំនួន ០៥ រូប បន្ថែមទៀត ដែលត្រូវបានផ្តល់ទីតាំងអនុវត្តសកម្មភាព នៅក្នុងវត្តម្រោម ឃុំម្រោម ស្រុកអង្គរជ័យ ខេត្តកំពត ។ នៅក្នុងឱកាសនោះដែរ ក៏មានការអញ្ជើញចូលរួមស្តាប់ការចែករំលែកសាច់រឿងសក្ខីកម្មពីលោកមេឃុំម្រោម លោកមេភូមិ ព្រះសង្ឃ សហគមន៍មូលដ្ឋានដែលជាអ្នករស់រានមានជីវិតផ្សេងៗក្នុងភូមិ និងសិស្សានុសិស្សយ៉ាងច្រើនកុះករ ដើម្បីស្វែងយល់ និងចូលរួមចំណែកក្នុងការផ្តល់តម្លៃ កិត្តិយស ផ្សះផ្សាខាងផ្លូវចិត្ត និងបទពិសោធន៍ដ៍សោកសង្រេងពីសម័យខ្មែរក្រហម។
គម្រោងមួយនេះត្រូវបានអនុវត្តរួមគ្នារវាងអង្គការធីភីអូកម្ពុជា និងអង្គការក្តីករុណា ដោយទទួលបានការគាំទ្រថវិកាពីមូលនិធិសម្រាប់អ្នករស់រានមានជីវិតសកល (Global Survivors Fund - GSF) ក្រោមគម្រោងឈ្មោះថា «វិធានការសំណងក្រៅប្រព័ន្ធតុលាការ (Interim Reparative Measures - IRM)»។
យើងខ្ញុំសូមថ្លែងអំណរគុណដល់ម្ចាស់ជំនួយ អាជ្ញាធរដែនដី និងសហគមន៍នៅទីនោះដែលតែងតែគាំទ្រសកម្មភាពរបស់យើង។
From June 22 to 26, 2026, TPO Cambodia continued implementing Testimonial Therapy (TT) for five additional survivors of the CRSV in the Khmer Rouge regime. The activities were conducted at Marom Pagoda, located in Mrom Commune, Angkor Chey District, Kampot Province.
On this occasion, the event welcomed the participation of the Marom Commune Chief, the Village Chief, venerable monks, local community members (including fellow survivors), and numerous students. They gathered to listen to the shared testimonials, fostering deep understanding while contributing to honoring, restoring dignity, providing psychological healing, and recognizing the agonizing experiences endured during the Khmer Rouge era.
This initiative is jointly implemented by TPO Cambodia and Karuna Organization, with generous financial support from the Global Survivors Fund (GSF) under the Interim Reparative Measures (IRM) project.
We would like to express our deepest gratitude to our donor, the local authorities, partners, and the community for their continuous and unwavering support of our activities.