Dr. RathViriya Vuthy

06/01/2026

29/12/2025

ប្រទេសកម្ពុជាយើង មានពេទ្យដែលធ្វើមាតិការមិនច្រើនទេ ទើបតែប៉ុន្មានឆ្នាំចុងក្រោយនេះទេ ដែលមានខ្លះហ៊ានឡើងចេញមកធ្វើមាតិកាចែករំលែក។ ហើយភាគច្រើនសុទ្ធតែជាសារល្អៗ និងមានប្រយោជន៍សម្រាប់ប្រជាជនទូទៅ។

ពេលរៀនចំណេះដឹងទូទៅ មេរៀនពីបញ្ហាសុខភាពពិតជាមានតិចខ្លាំងណាស់ ប្រជាជនយើងយល់ដឹងពីបញ្ហាសុខភាពក៏នៅមានកម្រិតខ្លាំងដែរ។ បើសិនជាគ្មានគ្រូពេទ្យចេញមាតិកាអប់រំខ្លីៗងាយយល់ ងាយស្វែងរកដូចសព្វថ្ងៃទេនោះ ខ្ញុំគិតថាពិតជាលំបាក។

ការធ្វើមាតិកាមិនមែនងាយស្រួលទេ មុននឹងក្រុមគ្រូពេទ្យចេញមួយវីដេអូៗនៅកម្ពុជាយើង គាត់គិតខ្លាំងណាស់ ស្តាប់ហើយស្តាប់ទៀត ព្រោះបើនិយាយខុស នឹងមានការវាយប្រហារយ៉ាងខ្លាំង បើនិយាយត្រូវ តែមិនសូវពូកែវោហាសព្ទ ឬមិនទាន់ចេះតិចនិចក្នុងការនិយាយជាសាធារណៈ ឬតិចនិចក្នុងការធ្វើវីដេអូក្នុង social media ទេ នោះនឹងមិនសូវមានអ្នកមើល ធ្វើឲ្យបាក់ទឹកចិត្ត ឈប់ផលិតបន្ត
ទម្រាំតែមានគេមើលមួយៗ មិនងាយទេ
ឥឡូវបែរជាមានការរឹតបណ្តឹងបែបនេះទៀត វាកាន់តែធ្វើឲ្យគ្រូពេទ្យលិចមុខបាត់ពីសង្គម ចំណេកឯបុគ្គលផ្សេងៗដែលមិនមានចំណេះដឹងពីសុខភាព ហើយនិយាយតែរឿងមិនពិត កាន់តែឡើងចាង បានដៃ និយាយរឿងដែលមិនសូវត្រូវ នាំឲ្យប្រជាជនកាន់តែយល់ខុស

ពេទ្យដែលធ្វើមាតិកាមិនច្រើនទេ ក៏មិនងាយខុសដែរ បើមានខុសមួយៗ ហៅគាត់អប់រំបន្តិចទៅ

ការស្នើរសុំ រាល់វីដេអូ ហើយយ៉ាងតិច 3ខែ ទៀត
នេះពិតជាហួសហេតុហើយ មិនទាន់សភាពការណ៍ក្នុងការចេញ content នោះទេ 🥲🙏🏻 សូមមេត្តាពិចារណាឡើងវិញផងចាស 🙏🏻