Rapha Clinic រ៉ាហ្វាគ្លីនិក

26/08/2026

ថែរក្សាសុខភាពថ្លើមរបស់អ្នកផង កុំចាំដល់ពេលក្រិនថ្លើមទាចទឹកឬកើតមហារីក ទើបមករកពេទ្យនោះគឺយឺតពេលហើយ

25/08/2026

16/08/2026

15/08/2026

ថ្នាំចាក់ GLP-1/GIP ពិតជាមានប្រសិទ្ធភាព និងត្រូវបានអនុម័តឱ្យប្រើប្រាស់ផ្លូវការដោយ US FDA (សហរដ្ឋអាមេរិក) និង
EMA (សហភាពអឺរ៉ុប) សម្រាប់ព្យាបាលជំងឺមេតាបូលិក (ទឹកនោមផ្អែម និងជំងឺធាត់)។
សូមជួបពិនិត្យពិគ្រោះយោបល់ជាមួយវេជ្ជបណ្ឌិតជាមុន មុននិងប្រើប្រាស់ថ្នាំព្យាបាល 👨‍⚕️👨‍⚕️🩺🩺

14/08/2026

#ថ្លើម គឺជាសរីរាង្គដ៏សំខាន់បំផុតមួយនៅក្នុងរាងកាយ ដែលប្រៀបដូចជា🏭 «រោងចក្រចម្រោះជាតិពុល និងផលិតថាមពល» សម្រាប់ទ្រទ្រង់ជីវិត។ ប្រសិនបើថ្លើមខូចខាត រាងកាយទាំងមូលនឹងត្រូវប៉ះពាល់យ៉ាងធ្ងន់ធ្ងរ។
- - - - -
I. តួនាទីសំខាន់ៗរបស់ថ្លើម
⚙️ចម្រោះជាតិពុល៖ បណ្តេញជាតិពុលពីចំណីអាហារ គ្រឿងស្រវឹង និងថ្នាំសង្កូវផ្សេងៗ។
⚙️ផលិតទឹកប្រមាត់៖ ជួយរំលាយ និងបឺតស្រូបជាតិខ្លាញ់។
ស្តុកថាមពល និងសារធាតុចិញ្ចឹម៖ រក្សាកម្រិតស្ករ វីតាមីន និងរ៉ែ សម្រាប់ប្រើប្រាស់ពេលចាំបាច់។
⚙️បង្កើតប្រូតេអ៊ីនសំខាន់ៗ៖ ជួយដល់កំណកឈាម និងប្រព័ន្ធការពាររាងកាយ។
- - - - -
II. ដំណាក់កាលនៃការខូចខាតថ្លើម (ដែលត្រូវប្រុងប្រយ័ត្ន)
ជំងឺថ្លើមភាគច្រើន «មិនសូវបង្ហាញរោគសញ្ញានៅដំណាក់កាលដំបូងឡើយ» ដែលធ្វើឱ្យមនុស្សភាគច្រើនមើលរំលង៖
1. ថ្លើមមានខ្លាញ់រុំ (Fatty Liver)៖ កើតឡើងពីការហូបចុកជាតិស្ករ/ខ្លាញ់ច្រើនពេក ឬគ្រឿងស្រវឹង។
2. រលាកថ្លើម (Hepatitis)៖ កើតពីវីរុស (ថ្លើម B, C...) គ្រឿងស្រវឹង ឬថ្នាំ។
3. ស្នាមសម្លាក/ឡើងរឹង (Fibrosis) និងក្រិនថ្លើម (Cirrhosis)៖ ថ្លើមចាប់ផ្តើមបាត់បង់មុខងារ។
4. មហារីកថ្លើម (Liver Cancer)៖ ដំណាក់កាលធ្ងន់ធ្ងរចុងក្រោយ
- - - - -
III. វិធានការការពារ និងថែរក្សាថ្លើម

«ការការពារ ប្រសើរជាងការព្យាបាល» — ដើម្បីរក្សាថ្លើមឱ្យមានសុខភាពល្អ សូមអនុវត្តដូចខាងក្រោម៖

👉កាត់បន្ថយ ឬឈប់ពិសាគ្រឿងស្រវឹង៖ គ្រឿងស្រវឹងជាសត្រូវលេខ១ របស់ថ្លើម។
👉ចាក់វ៉ាក់សាំងការពារ៖ ជាពិសេសវ៉ាក់សាំង រលាកថ្លើមប្រភេទ ប៊ី (Hepatitis B)។
👉ហូបចុកប្រកបដោយអនាម័យ និងតុល្យភាព៖ កាត់បន្ថយអាហារផ្អែមខ្លាំង ខ្លាញ់ច្រើន និងអាហារផ្អាប់ ឬផ្អូម គ្រាប់ធុញ្ជាតិឬគ្រឿងទេស (ដែលមានដុះផ្សិត វាមានផុកជាតិពុលAflatoxin)
👉កុំប្រញាប់ប្រើថ្នាំផ្តេសផ្តាស៖ ជៀសវាងការទិញថ្នាំ ឬថ្នាំបំប៉នញ៉ាំដោយគ្មានការពិគ្រោះជាមួយគ្រូពេទ្យ។
👉ពិនិត្យសុខភាពជាទៀងទាត់៖ ពិនិត្យឈាម និងអេកូថ្លើម ឬ ពិនិត្យដោយម៉ាសុីន (FIBROSCAN) យ៉ាងហោចណាស់ ១ ឆ្នាំម្តង ដើម្បីដឹងពីស្ថានភាពថ្លើមបានទាន់ពេលវេលា។

14/08/2026

#ខ្លាញ់រុំថ្លើមស្ងាត់ស្ងៀម គ្មានរោគសញ្ញាអោយយើងចាប់អារម្មណ៍នោះទេ តែវាអាចធ្វើអោយថ្លើម វិវត្តរឹងក្រិន និងទៅជាមហារីកបានប្រសិនបើយើងពុំបានដឹង និងដោះស្រាយព្យាបាលអោយបានទាន់ពេលវេលា។
- - - - -
ធ្វើដូចម្តេចទើបដឹងថាយើងមានខ្លាញ់រុំថ្លើមក្នុងកម្រឹតណា ដែលត្រូវចាប់ផ្តើមព្យាបាល? គឺត្រូវជួបពិគ្រោះជាមួយវេជ្ជបណ្ឌិតជំនាញ និងធ្វើការពិនិត្យដោយម៉ាសុីន ហ្វៃប្រូស្កេន(FIBROSCAN ឬហៅថា Transient Elastography) ដែលវាអាចបង្ហាបរិមាណខ្លាញ់រុំថ្លើមបានច្បាស់លាស់ជាក់លាក់ និង បង្ហាពីកម្រឹតរឹងក្រិននៃសាច់ថ្លើមចាប់តាំងពីដំណាក់កាលដំបូង