មូលនិធិគន្ធបុប្ផាកម្ពុជា - Cambodia Kantha Bopha Foundation

  • Home
  • Cambodia
  • Phnom Penh
  • មូលនិធិគន្ធបុប្ផាកម្ពុជា - Cambodia Kantha Bopha Foundation

មូលនិធិគន្ធបុប្ផាកម្ពុជា - Cambodia Kantha Bopha Foundation មូលនិធិគន្ធបុប្ផាកម្ពុជា
Join Channel telegram: https://t.me/cambodiakanthabophafoundation

01/09/2026

ត្រឹមតែមួយខែសីហា ឆ្នាំ២០២៦ កុមារ ១៤៧ ៧២៦ នាក់ ត្រូវបានមន្ទីរពេទ្យគន្ធបុប្ផាពិនិត្យ និងព្យាបាល។ ក្នុងនោះមាន ៩ ៦៣១ ជាជំងឺគ្រុនឈាម។

កុមារម្នាក់លេបក្រវិលកំប៉ុង និងកុមារម្នាក់ទៀតលេបដងស្ករគ្រាប់ ត្រូវបានសង្រ្គោះទាន់ពេលនៅមន្ទីរពេទ្យគន្ធបុប្ផាសៀមរាប។នៅថ្ងៃន...
31/08/2026

កុមារម្នាក់លេបក្រវិលកំប៉ុង និងកុមារម្នាក់ទៀតលេបដងស្ករគ្រាប់ ត្រូវបានសង្រ្គោះទាន់ពេលនៅមន្ទីរពេទ្យគន្ធបុប្ផាសៀមរាប។

នៅថ្ងៃនេះមន្ទីរពេទ្យគន្ធបុប្ផាសៀមរាប ឬមន្ទីរពេទ្យជ័យវរ្ម័នទី៧ បានប្រកាសពីការជួយសង្រ្គោះជីវិតកុមារអាយុ៨ ឆ្នាំ ពីររូបដែលបានលេបក្រវិលកំប៉ុង និងដងកាន់ស្ករគ្រាប់ចូលក្នុងពោះ។

មន្ទីរពេទ្យគន្ធបុប្ផា បានស្នើអាណាព្យាបាលទាំងអស់យកចិត្តទុកដាក់ឱ្យបានខ្ពស់លើកុមារ ជាពិសេសដាក់ឱ្យផុតពីដៃកុមារចំពោះវត្ថុ ឬ របស់ណាដែលអាចបង្កគ្រោះថ្នាក់។

លោកជំទាវ សាយ សោភា និង ឯកឧត្តម ភឺន ផល្លា បរិច្ចាគថវិកា ៤០ លានរៀល ជូនមូលនិធិគន្ធបុប្ផាកម្ពុជា ដើម្បីទ្រទ្រង់កិច្ចដំណើរការស...
29/08/2026

លោកជំទាវ សាយ សោភា និង ឯកឧត្តម ភឺន ផល្លា បរិច្ចាគថវិកា ៤០ លានរៀល ជូនមូលនិធិគន្ធបុប្ផាកម្ពុជា ដើម្បីទ្រទ្រង់កិច្ចដំណើរការសង្គ្រោះជីវិតកុមារ
===^^^===
​សកម្មភាពមនុស្សធម៌ និងស្មារតីនៃការចែករំលែកក្នុងសង្គមជាតិយើងនៅតែបន្តផុសឡើងគួរឱ្យសរសើរ, លោកជំទាវ សាយ សោភា អគ្គនាយិការសាលាអន្តរជាតិវើលដ៍កម្ពុជា និង ឯកឧត្តម ភឺន ផល្លា ជំនួយការផ្ទាល់របស់សម្តេចតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា បាននាំយកថវិកាចំនួន ៤០ ០០០ ០០០ រៀល មកបរិច្ចាគជូន មូលនិធិគន្ធបុប្ផាកម្ពុជា។

​ថវិកាឧបត្ថម្ភដ៏មានអត្ថន័យនេះ នឹងត្រូវរួមចំណែកយ៉ាងសំខាន់ក្នុងផ្នែកហិរញ្ញវត្ថុរបស់មន្ទីរពេទ្យគន្ធបុប្ផា ដើម្បីធានាថាទារក និងកុមារកម្ពុជារាប់លាននាក់បន្តទទួលបាន សេវាពិនិត្យ ព្យាបាល ដោយឥតគិតថ្លៃ គ្មានការរើសអើង និងប្រកបដោយគុណភាពខ្ពស់។

មូលនិធិគន្ធបុប្ផាកម្ពុជា សូមថ្លែងអំណរគុណយ៉ាងជ្រាលជ្រៅចំពោះទឹកចិត្តសប្បុរសធម៌ ព្រមទាំងការគិតគូរខ្ពស់ពីសំណាក់ លោកជំទាវ និង ឯកឧត្តម ដែលបានចូលរួមក្នុងការលើកកម្ពស់សុខុមាលភាពកុមារកម្ពុជា។

​ស្មារតីនេះគឺជាកម្លាំងចលករដ៏មានតម្លៃបំផុតក្នុងការបន្តជួយសង្គ្រោះជីវិត និងផ្តល់ក្តីសង្ឃឹមថ្មីដល់អនាគតទំពាំងស្នងឫស្សីរបស់ប្រទេសជាតិយើង!

សូមចូលរួមបរិច្ចាគតាមរយៈតំណនេះ ៖ https://epayment.acledabank.com.kh/wRx1Z4Gzqzi8zMDq/pay

ប្រធានក្រុមប្រឹក្សាភិបាលពហុកីឡដ្ឋានជាតិ នាំយកថវិកាចំនួន ៧៩ ៥៥៥ ដុល្លារអាម៉េរិក មកប្រគល់ជូនមូលនិធិគន្ធបុប្ផាកម្ពុជា។===នៅ...
28/08/2026

ប្រធានក្រុមប្រឹក្សាភិបាលពហុកីឡដ្ឋានជាតិ នាំយកថវិកាចំនួន ៧៩ ៥៥៥ ដុល្លារអាម៉េរិក មកប្រគល់ជូនមូលនិធិគន្ធបុប្ផាកម្ពុជា។
===
នៅព្រឹកថ្ងៃទី២៨ ខែសីហា ឆ្នាំ២០២៦, ឯកឧត្តមបណ្ឌិត ឈន សុភាព រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមប្រឹក្សាភិបាលពហុកីឡដ្ឋានជាតិ បានដឹកនាំក្រុមការងារពហុកីឡដ្ឋានជាតិ រួមជាមួយក្រុមហ៊ុន Nano Sound , Kirisan Family, ក្រុមហ៊ុន STADIUM X, ក្រុមហ៊ុន STMARKET, តំណាងក្រុមរាំ និងតារាចម្រៀងជាច្រើនរូប នាំយកថវិកាចំនួន ៧៩ ៥៥៥ ដុល្លារអាម៉េរិក បានមកពីការលក់សំបុត្រចូលរួមទស្សនាការប្រគុំតន្រ្តីសប្បុរសធម៌ បេះដូងមួយ សំនៀងមួយ ដើម្បីគន្ធបុប្ផា មកប្រគល់ជូនមូលនិធិគន្ធបុប្ផាកម្ពុជា។

ព្រឹត្តិការណ៍នៃការប្រគុំតន្រ្តីនេះ បានរៀបចំធ្វើឡើងកាលពីពេលថ្មីៗកន្លងទៅ នៅពហុកីឡដ្ឋានជាតិមរតកតេជោ ដោយលក់សំបុត្របានចំនួន ១៦ ២៣៨ សន្លឹក។

លោកជំទាវ ប៉ែន សុបភា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាអនុប្រធានប្រតិបត្តិនៃក្រុមប្រឹក្សាបរធនបាលនៃមូលនិធិគន្ធបុប្ផាកម្ពុជា បានថ្លែងអំណរគុណយ៉ាងជ្រាលជ្រៅជូនពហុកីឡដ្ឋានជាតិ, ក្រុមហ៊ុន Nano Sound និងភាគីពាក់ព័ន្ធ រួមទាំង Kirisan Family, ក្រុមហ៊ុន STADIUM X, ក្រុមហ៊ុន STMARKET,ក្រុមរាំ និងតារាចម្រៀងទាំងអស់ ចំពោះការចូលរួមធ្វើឱ្យការប្រគុំតន្ត្រីសប្បុរសធម៌នេះទទួលបានជោគជ័យ។ បន្ថែមលើនេះ, លោកជំទាវ ក៏សូមថ្លែងអំណរគុណ ពុកម៉ែ បងប្អូនទាំងអស់ ដែលបានទិញសំបុត្រចូលទស្សនាការប្រគុំតន្ត្រីសប្បុរសធម៌នេះ ដើម្បីបង្ហាញពីការចូលរួមលើកកម្ពស់ស្មារតី “ខ្មែរជួយខ្មែរ” ជាពិសេស ដើម្បីរួមគ្នានាំក្តីសង្ឃឹម និងភាពញញឹមដល់ទារក កុមារ និងស្ត្រីមានផ្ទៃពោះនៅកម្ពុជា។

ព័ត៌មានស្តីពីចំនួនទារក កុមារនិងស្ត្រីមានផ្ទៃពោះ មកសម្រាក ពិនិត្យនិងព្យាបាលនៅមន្ទីរពេទ្យគន្ធបុប្ផា ក្នុងមួយខែកក្កដា ឆ្នាំ...
25/08/2026

ព័ត៌មានស្តីពីចំនួនទារក កុមារនិងស្ត្រីមានផ្ទៃពោះ មកសម្រាក ពិនិត្យនិងព្យាបាលនៅមន្ទីរពេទ្យគន្ធបុប្ផា ក្នុងមួយខែកក្កដា ឆ្នាំ២០២៦

⚠️ ក្រសួងសុខាភិបាល៖ សូមប្រយ័ត្ន! ជំងឺពងបែកដៃ ជើង និងមាត់ កំពុងមានការកើនឡើងក្នុងចំណោមកុមារ ជាពិសេសកុមារអាយុក្រោម ៥ឆ្នាំ។ឪ...
22/08/2026

⚠️ ក្រសួងសុខាភិបាល៖ សូមប្រយ័ត្ន! ជំងឺពងបែកដៃ ជើង និងមាត់ កំពុងមានការកើនឡើងក្នុងចំណោមកុមារ ជាពិសេសកុមារអាយុក្រោម ៥ឆ្នាំ។

ឪពុកម្តាយ និងអាណាព្យាបាល សូមកុំមើលរំលងរោគសញ្ញា!

សូមយកចិត្តទុកដាក់ចំពោះសុខភាពកុមារ និងស្វែងរកការពិនិត្យព្យាបាល ជាពិសេស នៅពេលកុមារមាន រោគសញ្ញាគ្រោះថ្នាក់ ដែលតម្រូវឱ្យបញ្ជូនទៅមន្ទីរពេទ្យជាបន្ទាន់។

📞 ព័ត៌មានបន្ថែម សូមទាក់ទងលេខ ១១៥។

20/08/2026

សប្បុរសជនបានចូលរួមបរិច្ចាគទាំងអស់ជាម្ចាស់នៃធនធាន ក្នុងការរួមគ្នារក្សានិរន្តរភាពនៃកិច្ចដំណើរការរបស់មន្ទីរពេទ្យគន្ធបុប្ផា ដែលកំពុងមានបេសកកម្មសង្រ្គោះជីវិត ទារក និងកុមារទាំងអស់នៅកម្ពុជា។

19/08/2026

កុមារមានជំងឺគ្រុនឈាម ៤ ៤៧៥ នាក់ ត្រូវបានមន្ទីរពេទ្យគន្ធបុប្ផាព្យាបាល ក្នុងរយៈពេល ៦ខែ ឆ្នាំ២០២៦។

ទូលព្រះបង្គំយើងខ្ញុំទាំងអស់គ្នាសូមគោរពថ្លែងអំណរព្រះរាជគុណដ៏ជ្រាលជ្រៅជាទីបំផុតថ្វាយព្រះបាទសម្តេចព្រះបរមនាថ នរោត្តម សីហមុន...
17/08/2026

ទូលព្រះបង្គំយើងខ្ញុំទាំងអស់គ្នាសូមគោរពថ្លែងអំណរព្រះរាជគុណដ៏ជ្រាលជ្រៅជាទីបំផុតថ្វាយព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ប្រោសព្រះរាជទាននូវព្រះរាជទ្រព្យដ៏ឧត្តុង្គឧត្តម ចំនួន ១០ម៉ឺន ដុល្លារអាម៉េរិក ដល់ការចូលរួមរក្សានិរន្តរភាពនៃកិច្ចដំណើរការរបស់មន្ទីរពេទ្យគន្ធបុប្ផា ដែលកំពុងទទួលពិនិត្យ និងព្យាបាលកុមារដោយឥតគិតថ្លៃ មិនរើសអើង និងប្រកបដោយប្រសិទ្ធភាព។

ទូលព្រះបង្គំយើងខ្ញុំទាំងអស់គ្នា សូមបួងសួងដល់វត្ថុស័ក្តិសិទ្ធិក្នុងលោកប្រទានព្រះពរព្រះអង្គប្រកបតែនឹងសិរីសួស្តី ជ័យមង្គល ព្រះបរមសុខគ្រប់ប្រការព្រះរាជសុខុមាលភាពដ៏ល្អបរិបូរណ៍ ព្រះកាយពលមាំមួន និងមានព្រះជន្មាយុយឺនយូរជារយព្រះវស្សា ដើម្បីគង់ប្រថាប់នៅជាមហាម្លប់ដ៏ត្រជាក់ត្រជុំ សុខដុមរមនាដល់ព្រះរាជាណាចក្រកម្ពុជា និងជនរួមជាតិជាកូន ចៅ ចៅទួតរបស់ព្រះអង្គជាដរាបតរៀងទៅ៕

មូលនិធិគន្ធបុប្ផាកម្ពុជា សូមថ្លែងអំណរគុណយ៉ាងជ្រាលជ្រៅជូន SME Bank of Cambodiaចំពោះការផ្តល់ការគាំទ្រយ៉ាងពេញទំហឹង ក្នុងការ...
13/08/2026

មូលនិធិគន្ធបុប្ផាកម្ពុជា សូមថ្លែងអំណរគុណយ៉ាងជ្រាលជ្រៅជូន SME Bank of Cambodia
ចំពោះការផ្តល់ការគាំទ្រយ៉ាងពេញទំហឹង ក្នុងការចូលរួមផ្សព្វផ្សាយ អំពីយុទ្ធនាការ “១ម៉ឺនរៀល ១ម៉ឺននាក់” ឆ្នាំ២០២៦ របស់មូលនិធិគន្ធបុប្ផាកម្ពុជា ឱ្យកាន់តែទូលំទូលាយ និងផុសផុល ដល់សាធារណជនគ្រប់ទិសទី។
ការចូលរួមផ្សព្វផ្សាយរបស់ SME Bank of Cambodia បានធ្វើឱ្យយុទ្ធនាការ “១ម៉ឺនរៀល ១ម៉ឺននាក់” ឆ្នាំ២០២៦ ទទួលបានលទ្ធផលជោគជ័យគួរជាទីមោទនៈ ទាំងក្នុងទិដ្ឋភាពថវិកា និងចំនួនសប្បុរសជនចូលរួមបរិច្ចាគ ក្នុងស្មារតី “ខ្មែរជួយខ្មែរ” ដើម្បីរួមគ្នារក្សានិរន្តរភាពនៃកិច្ចដំណើរការរបស់មន្ទីរពេទ្យគន្ធបុប្ផា ក្នុងការបន្តបេសកកម្មសង្រ្គោះជីវិតទារក កុមារ និងស្ត្រីមានផ្ទៃពោះនៅកម្ពុជាដោយឥតគិតថ្លៃ ប្រកបដោយគុណភាព និងមិនមានការរើសអើង។

Address

ក្រសួងសេដ្ឋកិច្ច និងហិរញ្ញវត្ថុ, ផ្លូវលេខ៩២, សង្កាត់វត្តភ្នំ ខណ្ឌដូនពេញ
Phnom Penh

Telephone

+85561701111

Website

Alerts

Be the first to know and let us send you an email when មូលនិធិគន្ធបុប្ផាកម្ពុជា - Cambodia Kantha Bopha Foundation posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to មូលនិធិគន្ធបុប្ផាកម្ពុជា - Cambodia Kantha Bopha Foundation:

Shortcuts

Share