MengLakkina Mart

10/09/2026

Nutramigen LGG
✅បញ្ឍប់បញ្ហាអាលក្សីប្រូតេអុីនទឹកដោះគោ CMPA យ៉ាងឆាប់រហ័ស ហើយកាត់បន្ថយហានិភ័យនៃអាឡែកហ្សីនាពេលអនាគតនៅថ្ងៃនេះ

09/09/2026

ពាក្យចាស់ពោលថា
មានទៅមានមក តែហេតុអី
លុយដែលចេញទៅ ហើយមិនឃើញមកវិញចឹង?

06/09/2026

ពេលខ្លះចែកអត់ដាច់រវាង ៖

•ខំរកទុកផងទាន់ខ្លួននៅក្មេង
•ដើរអោយហើយទៅ ទាន់នៅមានកម្លាំង

25/08/2026

ចាស់ទុំហើយ ទើបយល់ថា មិនមែនគ្រប់រឿងត្រូវតែឆ្លើយតប មិនមែនគ្រប់មនុស្សត្រូវតែពន្យល់ មិនមែនគ្រប់ការឈឺចាប់ត្រូវតែបង្ហាញ។ ពេលខ្លះ ការស្ងៀមស្ងាត់ ការលែងខ្វល់ និងការដើរចេញ គឺជាវិធីដែលចាស់ទុំបំផុត ក្នុងការការពារសេចក្តីសុខរបស់ខ្លួន

19/08/2026

19/08/2026

ខ្ញុំងាយនឹងយល់ព្រមចំពោះរឿងមិនសមបំណងទាំងឡាយរបស់ជីវិត។
មិនមែនខ្ញុំកេីតមកសម្រាប់តែ​ ទទួលយកការខកចិត្ត​ ឬ​ ភាពមិនសមបំណងណាមួយឡេីយ។
តែព្រោះខ្ញុំយល់ថា​ នេះជាដំណេីររបស់ជីវិត​ ហេីយវាជាអ្វីដែលខ្ញុំនឹងជួប។ ខ្ញុំយល់បានថា​ កាន់តែងាយទទួលយករឿងមិនសមបំណង​ កាន់តែលឿន​ ខ្ញុំកាន់តែឆាប់ធូរស្រាលពីទម្ងន់ទុក្ខនោះ។
នៅយប់មួយនោះ​ ពេលដែលខ្ញុំប្រឹងប្រកែកប្រឆាំងនឹងរឿងខកចិត្ត​ ហេីយសួរដេញដោលថា​ ហេតុអីជាខ្ញុំ? ខ្ញុំទទួលដឹងភ្លាមថា​ របួសនេះកាន់តែធំ​ និង​ មុតកាន់តែជ្រៅ​ ការឈឺចាប់កាន់តែរីកមាឌ​ និង​ ឈឺកាន់តែខ្លាំង។
វិធីសាស្ដ្រតែមួយគត់ដែលខ្ញុំជ្រេីសរេីសដេីម្បីបន្ធូបន្ថយការឈឺចាប់គឺ​ ព្រមទទួលយកថាវាអុីចឹង! គឺព្រមទទួលយកភាពមិនសមបំណង​ និង​ រៀនរស់នៅជាមួយការខកចិត្តដោយរីករាយ។ ដំបូងខ្ញុំគិតថានេះជាការលួងលោមខ្លួនឯងដ៏ល្អមួយ​ តែក្រោយមកទៀត​ខ្ញុំដឹងថាវាមិនមែនជាលួងលោមទៀតទេ​ តែវាជាសេចក្ដីពិត​ ដែលចូលមកបិតប៉ះគ្រប់របួស​ ហេីយយេីងក៏បានស្គាល់រសជាតិជីវិតដ៏ពេញលេញមួយ។ អាចរីករាយគ្រប់ខណៈពេលនៃជីវិត​ និង​ អនុញ្ញាតឱ្យគ្រប់យ៉ាងដែលគួរកេីត​ បានកេីតឡេីងទៅតាមរបៀបដែលវាគួរមាន។ ពេលវាបានកេីតឡេីងមកតាមហេតុ​ និង​ ផលរបស់វា​ ដល់កាលវេលារបស់វា​ វាក៏នឹងរលត់ទៅវិញជាធម្មតា។
មកទល់នឹងពេលនេះខ្ញុំយល់បានថា​ ការខកចិត្ត​ ភាពឈឺចាប់​ រួមទៅដល់ទឹកភ្នែករាប់ពាន់ដំណក់​របស់ខ្ញុំ គឺជាអាវក្រោះរបស់ជីវិត​ ដែលបានបំពាក់ឱ្យខ្ញុំ​ ដេីម្បីការពារខ្ញុំ​ ពីសមរភូមិជីវិតមួយនេះ។
តេីអ្នកដឹងទេថា​ ពេលយេីងចេះរស់នៅក្នុងទុក្ខលំបាក​ គ្មានការលំបាកណាមួយ​ អាចធ្វេីឱ្យយេីងរងទុក្ខបានទៀតនោះទេ។
ដោយក្ដីស្រលាញ់ពីខ្ញុំ៖​ #ស្រទន់មន្ដស្នេហ៍