មន្ទីរពេទ្យបង្អែកខ្សាច់កណ្តាល

16/08/2026

គណៈគ្រប់គ្រងមន្ទីរពេទ្យបង្អែកខ្សាច់កណ្ដាល សូមគោរពថ្លែងអំណរគុណយ៉ាងជ្រាលជ្រៅជូនដល់ ឯកឧត្តម គួច ចំរើន អភិបាលនៃគណៈអភិបាលខេត្តកណ្តាល ដែលបានបន្តជួយផ្ដល់គ្រែពេទ្យស្តង់ដា និងទំនើប ១០បន្ថែមទៀតដល់មន្ទីរពេទ្យ​សម្រាប់​បម្រើ​សេវា​សុខភាព​ជូន​ប្រជាពលរដ្ឋ​។ ក្នុង​នាមថ្នាក់ដឹកនាំ ម​ន្ទីរពេទ្យ​ មន្រ្តីរាជការ និងប្រជាពលរដ្ឋដែលមកទទួលសេវានៅមន្ទីរពេទ្យបង្អែកខ្សាច់កណ្ដាលទាំងអស់ សូម​លើកដៃ​ បួងសួង​ដល់​អស់​ទេព្ដា និង​វត្ថុ​ស័ក្តិ​សិទ្ធិ​ ក្នុងលោក​ពិសេស​បារមី​ព្រះអង្គ​ វត្ត​ព្រះវិហារ​សួគ៌ សូម​តាម​អភិបាល​ ឯកឧត្តមអភិបាលខេត្តនិងក្រុម​គ្រួសារ​ សូម​ទទួលបាននូវពុទ្ធពរទាំង៤ប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ🙏🙏🙏

15/08/2026

សូមគោរពថ្លែងអំណរគុណយ៉ាងជ្រាលជ្រៅជូនចំពោះ លោក​ ចេង​ ឌីណា​ អភិបាល​ស្រុក​ខ្សាច់កណ្ដាល​ដែល​តែង​តែ​យក​ចិត្ត​ទុក​ដាក់​ គិត​គូរ ដល់​សុខទុក្ខ របស់​អ្នក​ជំងឺ​ទោះបី​ជា​មមាញឹក​ក្នុង​ការងារ​ក៏ដោយ​ ក្នុងនាម ថ្នាក់ដឹកនាំនិងមន្ត្រីមន្ទីរពេទ្យទាំងគ្នា 🙏🙏🙏សូមជូនពរ ដល់ លោកអភិបាលនិងក្រុមគ្រួរសារ ព្រមទាំងសហការីទាំងអស់គ្នា សូមសមប្រកប នូវពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ​…

07/08/2026

ខ្សាច់កណ្ដាល៖ ថ្ងៃសុក្រ​៩រោចខែទុតិយាសាឍ​ឆ្នាំ​ មមី អដ្ឋស័ក ព.ស ២៥៧០ ត្រូវនឹងថ្ងៃទី៧ខែ សីហា​ ឆ្នាំ២០២៦ ក្រុម​គ្រូ​ពេទ្យ​នៃ​មន្ទីរ​ពេទ្យ​គន្ធបុប្ផា​ដឹកនាំ​ដោយ​លោក​ស្រី​សាស្ត្រាចារ្យ ងួន យ៉ាណែត​អនុប្រធាន​មន្ទីរ​ពេទ្យ​គន្ធបុប្ផា​ រួមជាមួយ កម្មវិធី​ជាតិ​ប្រយុទ្ធ​ប្រឆាំង​ជំងឺ​គ្រុន​ចាញ់​-គ្រុនឈាម ក្រុម​ការ​ងារ​មន្ទីរសុខាភិបាលខេត្តកណ្ដាល បានអញ្ជើញចុះ​មកបណ្ដុះបណ្ដាល​ស្ដីពី ការ​ធ្វើ​រោគវិនិច្ឆ័យ​និងការ​គ្រប់គ្រង​ថែទាំ​អ្នក​ជំងឺ​គ្រុនឈាម​នៅមន្ទីរពេទ្យបង្អែកខ្សាច់កណ្ដាល ក្រោមឱវាទ មន្ទីរសុខាភិបាល នៃរដ្ឋបាលខេត្ត កណ្ដាល។

គោលបំណងនៃ​ការ​បណ្ដុះបណ្ដាល​ ផ្តោតលើចំណុចសំខាន់ៗរួមមាន៖
១.បទ​បង្ហាញ​ខ្លី​ស្ដីពី​ការ​ធ្វើ​រោគវិនិច្ឆ័យ​ការ​ព្យាបាល​និងការ​ថែទាំ​ជំងឺ​គ្រុនឈាម​ដោយផ្ទាល់​ដល់​ក្រុម​គ្រូ​ពេទ្យ​មន្ទីរ​ពេទ្យ​បង្អែក​ខ្សាច់កណ្ដាល​និង​តាម ប្រព័ន្ធ​ហ្សូម​ដល់​ក្រុម​គ្រូ​ពេទ្យ​ទូទាំង​ខេត្ត​កណ្តាល​
២.ចុះ​ពិនិត្យ​អ្នក​ជំងឺ​ផ្ទាល់​ដែល​កំពុង​សម្រាក​ព្យាបាល​ជំងឺ​នៅ​មន្ទីរ​ពេទ្យ​បង្អែក​ខ្សាច់កណ្ដាល
៣.ពិភាក្សា​ផ្ដល់អនុសាសន៍បទ​ពិសោធន៍​ផ្សេង​ៗ​ក្នុង​ការ​ថែទាំ​តាម​ដាន​ជំងឺ​គ្រុនឈាម​។​

ក្នុង​នាម ថ្នាក់ដឹកនាំមន្ទីរពេទ្យ និងមន្រ្តីក្រោមឱវាទ ក៏ដូចជា​គ្រូ​ពេទ្យ​ទូទាំង​ខេត្ត​កណ្តាល សូម​ថ្លែង​អំណរគុណ​យ៉ាង​ជ្រាលជ្រៅ​ដល់​លោក​ស្រី​សាស្ត្រាចារ្យ​ងួន យ៉ាណែត​និង​សហការី​ កម្មវិធី​ជាតិ​ប្រយុទ្ធ​ប្រឆាំង​ជំងឺ​គ្រុន​ចាញ់​-​គ្រុនឈាម​ ក្រុម​ការ​ងារ​មន្ទីរ​សុខា​ភិ​បាល​ខេត្ត​កណ្តាល​ដែល​បានចំណាយ​ពេល​វេលា​ដ៏​មាន​តម្លៃ​មកជួយបណ្ដុះបណ្ដាល​ដល់​ក្រុម​គ្រូ​ពេទ្យ​យើង​ខ្ញុំ​។​
🙏🙏🙏សូម​គោរព​ជូន​ពរ​ដល់​លោក​ស្រី​សាស្ត្រាចារ្យ​និង​សហការី​ និង​ក្រុម​ការងារ​ទាំងអស់​សូម​ជួប​តែ​ពុទ្ធ​ពរ​ទាំង​បួន​ប្រការ​កុំបី​ឃ្លៀងឃ្លាតឡើយ។

29/07/2026

🙏🙏🙏💖💖💖

03/06/2026

ខ្សាច់កណ្ដាល៖ ថ្ងៃពុធ៣រោចខែជេស្ឋឆ្នាំ មមី អដ្ឋស័ក ព.ស ២៥៧០ ត្រូវនឹងថ្ងៃទី៣ខែ មិថុនា ឆ្នាំ២០២៦ ឯកឧត្តមសាស្ត្រាចារ្យ ធា គ្រុយ និង លោកជំទាវ វេជ្ជបណ្ឌិត ប៉ែន រិកស៊ី រដ្ឋលេខាធិការក្រសួងសុខាភិបាល រួមជាមួយ លោកវេជ្ជបណ្ឌិត ឡូត សុខខឿន អនុប្រធានមន្ទីរសុខាភិបាលខេត្តនិង លោកវេជ្ជបណ្ឌិត លីម ផល្លា ប្រធានការិយាល័យសុខាភិបាលស្រុកប្រតិបត្តិខ្សាច់កណ្ដាល បានអញ្ជើញចុះត្រួតពិនិត្យនិងកែលម្អ គុណភាពសេវានៅមន្ទីរពេទ្យបង្អែកខ្សាច់កណ្ដាល ក្រោមឱវាទ មន្ទីរសុខាភិបាល នៃរដ្ឋបាលខេត្ត កណ្ដាល។

គោលបំណងនៃបេសកកម្ម ផ្តោតលើប្រាំពីរចំណុចសំខាន់ៗរួមមាន: ១.ហេដ្ឋារចនាសម្ព័ន្ធ និងរថយន្តគិលានសង្គ្រោះ ២.ធនធានមនុស្ស និងបណ្តុះបណ្តាល ៣.សេវាគ្លីនិក (ផ្នែកសង្គ្រោះបន្ទាន់ ផ្នែករូបភាពវេជ្ជសាស្ត្រ ផ្នែកមន្ទីរពិសោធន៍ ផ្នែកវះកាត់តូច ផ្នែកសម្ភព-រោគស្រ្តី និងផ្នែកសុខភាពមាត់-ធ្មេញ) ៤.ឱសថ ឧបករណ៍ សម្ភារបរិក្ខារពេទ្យ ៥.ការបង្ការ និងការត្រួតពិនិត្យការចម្លងរោគ ៦.ការលើកកម្ពស់គុណភាពសេវា និង ៧.លក្ខខណ្ឌច្បាប់ និងរដ្ឋបាល។

ក្នុងឱកាសបំពេញបេសកកម្មនេះដែរ ឯកឧត្តមសាស្រ្តចារ្យនិងលោកជំទាវ វេជ្ជបណ្ឌិត បានផ្តាំផ្ញើ ដល់បុគ្គលិកសុខាភិបាលទាំងអស់ ត្រូវបន្តស្មារតីសាមគ្គីភាពផ្ទៃក្នុង គោរពវិន័យការងារ ប្រកាន់ភ្ជាប់នូវក្រមសីលធម៌វិជ្ជាជីវៈសុខាភិបាល ពង្រឹងសមត្ថភាពការងារ និយាមវិជ្ជាជីវៈ ការបដិសណ្ឋារកិច្ចល្អ មានឥរិយាបថទន់ភ្លន់ រួសរាយរាក់ទាក់ ក្នុងការបម្រើសេវាជូន ប្រជាពលរដ្ឋប្រកបដោយប្រសិទ្ធិភាព គុណភាព សុវត្ថិភាព។

ក្រោយចុះត្រួតពិនិត្យវាយតម្លៃ ក៏មានកិច្ចប្រជុំបូកសរុបការងារ និងផ្តល់ព័ត៌មានត្រឡប់ជូន ថ្នាក់ដឹកនាំមន្ទីរពេទ្យបង្អែក និងមន្រ្តីក្រោមឱវាទ ដើម្បីពិភាក្សា ដោះស្រាយបញ្ហាប្រឈម និងផ្ដល់ឣនុសាសន៍កែលម្អលើចំណុចដែលខ្វះខាត ហើយលើកផែនការបន្តអភិវឌ្ឍន៍មន្ទីរពេទ្យ ធ្វើយ៉ាងណាឱ្យមានការរីកចម្រើន ដើម្បីបម្រើសេវាជូនប្រជាជនប្រកបដោយគុណភាព សុវត្ថិភាព ស្របតាមគោលនយោបាយអាទិភាព របស់រាជរដ្ឋាភិបាល៕

01/05/2026

26/03/2026

រដ្ឋបាលស្រុកខ្សាច់កណ្តាល សហការជាមួយ សម្ព័ន្ធគ្រូពេទ្យសហភាពសហព័ន្ធយុវជនកម្ពុជា បានរៀបចំកម្មវិធីពិនិត្យ និងព្យាបាលជំងឺដោយឥតគិតថ្លៃជូនប្រជាពលរដ្ឋក្នុងមូលដ្ឋានស្រុកខ្សាច់កណ្តាល ខេត្តកណ្តាល។

សូមអញ្ជើញពុកម៉ែ ពូមីង បងប្អូនប្រជាពលរដ្ឋ កម្មករ កម្មការិនី នៅក្នុងស្រុកខ្សាច់កណ្តាល ខេត្តកណ្តាល ទាំងអស់ អញ្ជើញមកពិនិត្យ និងព្យាបាលជំងឺគ្រប់ប្រភេទដោយឥតគិតថ្លៃ

-ថ្ងៃទី២៨ ខែមីនា ឆ្នាំ២០២៦
-ចាប់ពីម៉ោង ៧ព្រឹក រហូតដល់ម៉ោង ១២ថ្ងៃត្រង់
-ទីតាំងស្ថិតនៅក្នុងវត្តសុវណ្ណវតី (ហៅវត្តព្រែកតាមាក់) ភូមិព្រែកតាមាក់ ឃុំព្រែកតាមាក់ ស្រុកខ្សាច់កណ្តាល ខេត្តកណ្តាល
📍 https://maps.app.goo.gl/3HikCrovG2JJTdSaA?g_st=ic

10/03/2026

សូមអញ្ជើញប្រជាពលរដ្ឋទាំងអស់​ ដែលមានបញ្ហាភ្នែក​ អាចមកពិនិត្យព្យាបាល និង វះកាត់ ដោយឥតគិតថ្លៃ ពីថ្ងៃទី០៩ ដល់ ថ្ងៃទី១៣ ខែមីនា ឆ្នាំ២០២៦ ដោយក្រុមគ្រូពេទ្យ​ផ្នែកចក្ខុរោគ នៃ នៃមន្ទីរពេទ្យមិត្តភាពខ្មែរ-សូវៀត​ នៅមន្ទីរពេទ្យបង្អែកខ្សាច់កណ្តាល ខេត្តកណ្តាល​។

03/03/2026

មន្ទីរពេទ្យបង្អែកខ្សាច់កណ្ដាល សូមជម្រាបជូន​ប្រជាពលរដ្ឋទាំងអស់​នៅក្នុងមូលដ្ឋានស្រុកខ្សាច់កណ្តាល​ ដែលមានបញ្ហាភ្នែក​ អាចមកពិនិត្យព្យាបាល និង វះកាត់ ដោយឥតគិតថ្លៃ នៅថ្ងៃទី០៩ ដល់ ថ្ងៃទី១៣ ខែមីនា ឆ្នាំ២០២៦ ដោយក្រុមគ្រូពេទ្យ​ផ្នែកចក្ខុរោគ នៃ នៃមន្ទីរពេទ្យមិត្តភាពខ្មែរ-សូវៀត​ នៅមន្ទីរពេទ្យបង្អែកខ្សាច់កណ្តាល ខេត្តកណ្តាល​។ 
សូមអរគុណ