Learn with Danah

Learn with Danah Contact information, map and directions, contact form, opening hours, services, ratings, photos, videos and announcements from Learn with Danah, Therapist, Kuwait City.

أنا دانة، مختصة بتطور الطفل والتواصل❤️أشتغل مع الأهالي والمتخصصين عشان يفهمون التواصل، وتنظيم المشاعر، والسلوك عند الأط...
17/05/2026

أنا دانة، مختصة بتطور الطفل والتواصل❤️

أشتغل مع الأهالي والمتخصصين عشان يفهمون التواصل، وتنظيم المشاعر، والسلوك عند الأطفال بطريقة أعمق من “التصرف”.

كل سلوك..رسالة - ودوري أساعدكم تفهمون الرسالة بدال لا نركز بس على الظاهر.

هني نربط بين العلم والحياة اليومية، بطريقة بسيطة، واقعية، وسهلة للتطبيق❤️

10/05/2026

الضحك، العفسة واللعب..هاللحظات اهي اللي يكون فيها الشغل صجي - أكثر من الأنشطة المنظمة. تواصل طبيعي، استجابة عفوية، وفرص حق تطوير اللغة والتنظيم الذاتي.

09/05/2026

اللغة التحليلية:
🟢 الطفل يتعلم اللغة كلمة بكلمة
🟢 الطريقة التقليدية لاكتساب اللغة
🟢 الطفل يستفيد من تبسيط الكلمات ويتعلمها بشكل مباشر

اللغة الكليّة (او الgestalt):
🟡 الطفل يتعلم اللغة على شكل جمل أو مقاطع كاملة
🟡 نشوفها وايد عند أطفال التوحد
🟡 الطفل يستفيد أكثر من اللعب والتواصل الطبيعي - مو من التعليم المباشر

✨️مو كل الأطفال يتعلمون اللغة بنفس الطريقة - لازم نفهم شلون الطفل يكتسب اللغة عشان نقدم الدعم المناسب له.✨️

07/05/2026

الشطارة مو بعدد الشهادات..لإنها مو فارقة مع الطفل بالجلسة. الطفل يحس بمنو صادق معاه ومنو يتصنّع - هذا اللي يحدد نجاح العلاقة والتقدّم بالجلسات. البرستيج نحطه عند الباب لما نبدي الجلسات عادي ونتفاعل مثل ماكنا واحنا صغار (مع الحدود اللي محتاجينها بكل جلسة طبعا). مو بس الطفل اللي يستشعر هالشي..حتى الأهل.

27/04/2026

التأتأة مو بس شنو طريقة الكلام اللي قاعد يطلع منا..لها جوانب وايد نحتاج نكتشفها عشان الشخص يقدر يبني مرونة نفسية بدون لا يحاول يسيطر على التأتأة. لما نزيد الوعي الذاتي مع نهج ACT (العلاج بالقبول والالتزام) ممكن نشوف تغييرات ايجابية بشكل أفضل.

18/04/2026

متابعة من سنييين ولما شفت منزله كذا ورشة هالفترة على طول سجلت بدون تفكير. يمكن مالقى أحد كبير مسجل؟ عادي. يمكن أصير بس مع يهالو؟ عادي. واذا أحد مر وشافني؟ عادي. أصلا يمكن بيحترون لإن ودهم بس مستحين😂

تمارا عجيبة واسلوبها وشرحها مبسط حق الكل. سويت الدونت مالتي وحطيتها بالدوام مع الألعاب الصغيرة حق صندوق الرمل بغرفة العلاج باللعب عشان الكل يقدر يلعب فيها🍩

تجربه لازم أكررها انشاالله❤️

17/04/2026

لو الطفل ياخذ ١٠ جلسات نطق ولغة بالاسبوع..اذا الأخصائيين "يمنعون" حضور الأهل..شالفايدة؟ التطور الملحوظ بيصير بس بالجلسات ومو فالبيت. اتفهم اذا في أهل مايقدرون لان عندهم التزامات..لكن لما المنع يكون من الاخصائي/ة..ترى في شي غلط.

العجيبين شكرا عالاستضافة❤️

17/04/2026

اكو فئة منسية نوعا ما بالتعليم عن بعد..طلاب ذوي الاحتياجات الخاصة اللي محتاجين تواصل وتفاعل مباشر مع أقرانهم بالصف. شفنا التعثر بفترة كورونا..وللأسف قاعد نشوف نفس الانتكاسات الحين. أتمنى الوضع يرد طبيعي حق الكل أول ما الظروف تسمح انشاالله.

Online learning is not suitable for everyone. Some of our kiddos need real life interactions to develop theor communication skills and social skills. We saw the changes during the pandemic..and we're seeing the same changes in emotional regulation now. Hopefully things will change as soon as the situation is declared to be safe.

07/04/2026

ماتوقعت إني بحط اللمسات النهائية على رسالة الماجستير اللي عن الغزو وتراكماته من الناحية التربوية والنفسية على جيل ما لحق على الغزو..واحنا بحرب ثانية💔 تحليلات النتايج قاعد أشوفها من منظور مختلف الحين..مالي مهنة الا أكتب تالي الليل بعز الشطة والقلق..والظهر مافهم وجهة نظر دانة الليل فأمسح اللي كتبته. وثاني يوم نفس الشي. اليوم مسحت يمكن صفحتين من الكتابة..اللي خذت مني كذا ساعة عشان أكتبها. ماكو تركيز. الحمدلله على كل حال🙏🏼

Never would I have thought that I'd finish up my dissertation on Gulf War intergenerational trauma..during another war. Editing with a new layer of trauma that's completely shifting my perspective. What I analyze and write up ar night..doesn't make sense to me the next day..so I delete it. Then I remember my train of thought in the night but I'm missing a piece of the puzzle so it still doesn't make sense. It doesn't get added back..but the essence still lingers in the hopes that I'll figure it out.

Active students who are getting zero support from their unis but expected to stick to the deadlines..I feel you.

02/04/2026

الوعي مو بتوزيع ستيكرات وكب كيك عليه صورة قطعة puzzle اللي ناس وايد تستخدمها كرمز للتوحد. أتمنى نشوف وعي صجي..مبادرات للتمكين..دعم للأهل..تثقيف باجي الأطفال بتقبل أقرانهم من ذوي التوحد..تفهّم للإختلافات الفردية..عشان نشوف تغيّر بالمجتمع.

Address

Kuwait City

Website

Alerts

Be the first to know and let us send you an email when Learn with Danah posts news and promotions. Your email address will not be used for any other purpose, and you can unsubscribe at any time.

Shortcuts

Share

Category