16/07/2026
🩺 «Кіші буын қызметкерлері күні» – «Таза орта – қауіпсіз ем»
Атырау облыстық инфекциялық ауруханасында Кіші буын қызметкерлері күніне арналған «Таза орта – қауіпсіз ем» атты мерекелік іс-шара ұйымдастырылды.
Бұл мереке аурухана әкімшілігінің бастамасымен 2024 жылы Ұжымдық шартқа енгізіліп, содан бері жыл сайын шілде айының үшінші жексенбісінде аталып келеді. Оның басты мақсаты – кіші буын қызметкерлерінің еңбегін дәріптеп, медицина саласындағы маңызды рөлін айқындау.
Іс-шара барысында аурухана директоры Н.А.Үкібаев ұжым мүшелерін кәсіби мерекемен құттықтап, көп жылғы еңбегі үшін зейнеткерлікке шыққан қызметкерлерге құрмет көрсетті. Атап айтқанда, кір жуу бөлімінің қызметкері Бисенова Гүлшат Өндірісқызы, жұқпалы ішек аурулар бөлімшесінің тазалықшысы Кабиева Жұпар Мұғалімқызы және бактерио-серологиялық зертхананың тазалықшысы Кереева Баян Ғалымқызының еңбегі ерекше аталып өтті.
Сондай-ақ, өз ісіне адалдығымен, жауапкершілігімен ерекшеленген бірқатар кіші буын қызметкерлері аурухана әкімшілігінің Алғыс хаттарымен марапатталды.
Мерекелік бағдарлама бөлімшелер арасындағы тартысты сайыстармен жалғасты. Қатысушы командалар дезинфекциялық режим, аса қауіпті инфекциялар, обаға қарсы қорғаныш киімін дұрыс кию және қауіпсіздік кодтарын орындау бойынша кәсіби білімдері мен дағдыларын көрсетті.
Сайысқа әділ бағасын берген қазылар алқасының құрамында:
🔹 Бисекенова Роза Игалиевна – Атырау жоғары медициналық колледжінің бөлім меңгерушісі;
🔹 Есмағамбетова Жанат Жанабаевна – «Алғыс» сауатты науқас мектебінің жетекшісі, ҚР Денсаулық сақтау министрлігі Қоғамдық кеңесінің мүшесі;
🔹 Сағналиева Салима Жұмажановна – «Парыз» мейіргер ісі мамандарының республикалық қоғамдық бірлестігінің Атырау облыстық филиалының жетекшісі, Атырау облыстық балалар ауруханасының мейіргер ісі бойынша координаторы;
🔹 Қизатова Нұрфия Төлемісқызы – медициналық қызмет сапасын бақылау жөніндегі директордың орынбасары.
🏆 Қазылар алқасының шешімімен сайыс қорытындысы:
🥇 І орын – «Ақ ниет» командасы (Жұқпалы ішек аурулар бөлімшесі);
🥈 ІІ орын – «Бірлік» командасы (Кеңес-диагностикалық бөлім және госпитальдық фармация бөлімшесі);
🥉 ІІІ орын – «Сенім» командасы (Жіті респираторлық вирустық инфекциялар бөлімшесі).
Бұл іс-шара – күн сайын ауруханадағы тазалық пен инфекциялық қауіпсіздікті қамтамасыз етіп, пациенттердің сауығуына зор үлес қосып жүрген кіші буын қызметкерлерінің еңбегіне көрсетілген шынайы құрметтің көрінісі.
Барлық қатысушыларға, қазылар алқасына алғысымызды білдіреміз!
💙 Таза орта – қауіпсіз ем!
💐 Кіші буын қызметкерлері күні құтты болсын!
Денсаулық Сақтау Басқармасы Атырау
