18/06/2026
🌱 АУРУ БАСТАЛМАЙ ТҰРЫП ДЕНЕ ҚАНДАЙ БЕЛГІ БЕРЕДІ?
Жылдар бойы адамдарды бақылап жүріп бір нәрсені түсіндім.
Ауру бір күнде келмейді.
Оған дейін дене ұзақ уақыт сөйлеседі.
Бірақ көп адам оның тілін тыңдамайды.
14–24 жас аралығында адамдардың денсаулығын бақылап жүріп, ауру басталмай тұрып дене бірнеше белгі беретінін байқадым.
Көбіне:
🌱 ұю
🌱 сыздау
🌱 тартылу
🌱 қақсау
🌱 түйілу
🌱 шаншу
🌱 ісіну
🌱 қызу
Басында бұл белгілердің мағынасын түсінбейтінмін.
Бірақ бір нәрсе қайталана беретін.
Әкем мен анам белгілі бір жерінің тартылып тұрғанын немесе қақсап тұрғанын айтатын.
Ал бірнеше күннен кейін дәл сол жерде ауру пайда болатын.
Сол кезде мені бір сұрақ мазалай бастады:
> Ауру қай жерден басталады?
Мен аурудың өзін емес, оған дейінгі жолын іздеуге кірістім.
Неге дәл осы жер?
Неге дәл осы уақыт?
Неден басталды?
Сол сұрақтар мені бақылауға үйретті.
🌱
Бала кезімде түсімде сүйектерді жиі көретінмін.
Қаңқаны.
Жекелеген сүйектерді.
Олардың байланысын.
Сұраған сайын әкем көрсетіп, түсіндіріп отыратын.
Бір сүйекті ғана емес, оның жалғасқан жолын үйрететін.
Бір күні маған:
> “Сен сүйекті ғана емес, оның толық байланысын үйренесің.”
деген еді.
Қазір ойласам, сол сөздің мәнін өмірдің өзі түсіндіріпті.
🌱
Жылдар өте келе бір нәрсені анық түсіндім:
Ауру — соңғы нүкте.
Ал оған дейін дене талай рет белгі береді.
Сұрақ тек біреу:
> Адам оны тыңдай ма?
Әлде:
> “Өтіп кетер...”
> “Әлі шыдаймын...”
> “Қазір уақытым жоқ...”
деп жүре бере ме?
🌱
Бүгінде мен адамның мәселесіне емес,
оның Негізіне қарауға тырысамын.
Өйткені дене көбіне біз көрмеген нәрсені көрсетіп тұрады.
Ал жылдар бойы түсінген ең маңызды байқауым:
> Дене ешқашан жау емес.
Дене әрқашан хабаршы.
✨ Ал келесі бөлімде мен мына сұраққа тоқталамын:
*Ең жиі қайталанатын қателік қандай болды?*
Міне, осы сұрақтың жауабы мені адамның ойлау жүйесіне, сеніміне және санасына алып келді...
🌱 Жалғасы бар...
#Негіз #ӨзінТану #ДенеТілі #Денсаулық #бақылау
