Rabih El Hourani

21/06/2026

27/05/2026

أضحى مبارك

16/04/2026

كرمالنا وكرمال ولادنا وأحلامُن وأحلامنا ومستقبلنا كلّنا وبلدنا.
خلّونا ننتصر عالحرب وعالموت مرّة كلّنا سوى.
#لبنان
#الحرب

13/04/2026

الحرب الأهلية ما بتخلّص بس يوقف المدفع والرصاص.
بتكمّل جوّات الناس… سنين... وأجيال.
بتخلّي الخوف هو القاعدة،
وبتحط الشكّ محل الثقة،
وبتكسّر الإحساس بالأمان حتى مع أقرب الناس.
على مستوى الفرد: قلق، توتّر، إكتئاب، مشاكل نفس-جسدية، نوبات هلع، ...
وعلى مستوى الجماعة: انقسام، كراهية، وخوف مزمن من الآخر، وغياب القدرة على بناء بلد ...
كرمال هيك، الوقاية النفسية بتبلّش من هلّق:
نشتتغل بمجتمعنا لنخفف التوتر، ونرفض الحرب،
نخاطب الآخر بطريقة ولو فيها عتاب بس فيها التقاء،
نحذر من مخاطر الحرب،
ما نغذّي خطاب الكراهية،
ما ننجرف ورا التحريض،
ننتبه شو عم نشارك وننشر بلا ما نقمع رأينا،
ونرجع نذكّر حالنا إنو الاختلاف مش تهديد.
فينا نختلف… بدون ما ندمّر بعض.
رفض الحرب مش موقف سياسي بس،
هو كمان موقف نفسي… لحماية حالنا وحتى الأجيال يللي بعدنا.

25/03/2026

يمكن ما فينا نوقف الحرب، بس فينا نوقف جزء من أثرها النفسي علينا لأن الخسارات النفسية منرجع ندفع حقها غالي بعد الحرب ولو مش حاسين فيها هلق.
حافظوا على أمانكن النفسي متل ما عم تحافظوا على أمانكن الجسدي.
الاهتمام بحالكن بنفسيتكن بجهازكن العصبي – وخاصة بهل فترة – مش رفاهية – مش أنانية… بالعكس أكتر من ضرورة.
#حرب

21/03/2026

ينعاد عليكنّ بأمان وصحة وفرح وإهتمام بالذات

15/03/2026

المشاعر ما بتنقاس بالمسافة، والجهاز العصبي ما بيعرف المسافات.
مش ضروري تكونوا جوات الحرب أو نازحين بسببها أو مأثرين بالمباشر ليحقلكن تقلقوا أو تزعلوا أو تتوتروا.
هل مشاعر طبيعية وانتو طبيعين، حترموا مشاعركن وقبلوها واهتموا بحالكن كمان بلا ذنب.
وإذا طولت هل مشاعر أو صارت كتير قوية ما تترددوا انو تطلبوا المساعدة.


#حرب

12/03/2026

لما ولادكن يخافوا من صوت الطيارات والقصف، أول خطوة لتروقوهن مش التطمين السريع أو رفض خوفن، أول خطوة قبول مشاعرن وقبول الخوف لأنو طبيعي.
لما الطفل بيحس إنو خوفه مفهوم،
جسمه وعقله بيبلشوا يهدوا.
بعدن طمنوهن، قلولن إنكن معن وحدن، وما تضلوا عالأخبار خلقوا روتين معهن لعبوا معن تحدثوا وجاوبوا على تساؤلاتن.
وما تنسوا بكل هل ظروف إنو تهتموا بحالكن
#الأطفال #تربية #حرب

23/02/2026

وركشوب ممتع وشيّق مع الاتحاد النسائي بمنطقة حاصبيا.
بلّشنا نحكي عن ، “جائحة العصر”، شو هووي وكيف عم يأثّر على حياتنا اليومية، علاقاتنا، و والجسدية. التفاعل كان صادق، عميق، ومليان حب للمعرفة. والصبايا أخدونا لأسئلة حقيقية ومواضيع حساسة بكل وعي وجرأة.
كلّي أمل إنو هاللقاء يكون خطوة صغيرة بإفادة حقيقية تعكس هالتفاعل الرائع.
كل الشكر للاتحاد على فتح المساحة لهالمواضيع الأساسية، ولـحاصبيا المميّزة باستضافتها ودفا ناسها.