Alia Sabbagh Psychotherapeute

08/06/2026

مش لازم تنطروا الأزمة الكبيرة حتى تطلبوا مساعدة.
مش كل علاقة بتوصل للعلاج الزوجي بسبب خيانة أو حديث عن الانفصال…
أوقات بتبلّش المسافة بين الزوجين بأمور صغيرة:
• كل الحكي صار عن الشغل والأولاد والمسؤوليات
• نفس المشاكل عم تتكرر وما عم تلاقوا حلول
• كل واحد حاسس إنو مش مسموع أو مش مفهوم
• العلاقة صارت روتين واختفت اللحظات الحلوة بينكن
العلاقة الزوجية بدها اهتمام ورعاية، متل أي شي مهم بحياتنا.
طلب المساعدة مش ضعف، وما بيعني إنو العلاقة فاشلة…
بالعكس، هو خطوة واعية لتحافظوا على علاقتكن قبل ما تكبر المشاكل.
📞 للاستشارة وحجز المواعيد:
+961 3 012965 ، ، ، ، و

08/06/2026

من 13 سنة، احتفلنا بتخرّج ابننا علي، وحملنا له الكثير من الأحلام والأمنيات التي كانت تشبه أحلامه وطموحاته. واليوم، نحن كعائلة، ومع إخوته، سعداء وفخورون بأن نراه طبيباً يرفع اسم عائلته وبلده، ويتسلّم جائزة ASCO Annual Meeting Merit Award 2026، وهي من الجوائز المهمة التي تمنحها مؤسسة Conquer Cancer التابعة لـ ASCO تقديراً للتميّز العلمي.
مبروك للدكتور علي صباغ هذا الإنجاز المستحق، الذي هو ثمرة سنوات من الاجتهاد والإصرار، وانطلاقته في خدمة المرضى والعلم.
فخورين فيك يوم تخرّجك، وفخورين فيك اليوم أكتر، وإن شاء الله تبقى دائماً مصدر فخر لإلنا. ❤️
ألف مبروك يا حبيبنا دكتور علي، وإن شاء الله تحمللك الأيام المزيد من النجاح والإنجازات.

16/05/2026

⁨ بس تطلع من البيت بتكون مبسوط… أول ما ترجع عالبيت بتصير تعبان.”
أوقات المراهق ما بيكون عم “يمثّل” برا…
بيكون فقط عم يستهلك كل طاقته ليقدر يكمّل نهاره.ولمّا يرجع عالبيت،
ينزل التعب الحقيقي.
مش لأنو ما بيحب البيت…يمكن لأن البيت هو المكان الوحيد يلي بيقدر يرخّي فيه دفاعاته شوي #المراهقة #تربية وعي_نفسي العلاقات_العائلية التعب_النفسي الاحتواء التربية_الواعية مشاعر العائلة المراهق psychology mentalhealth parenting teenager familydynamics -⁩

24/04/2026

أوقات “الهدوء” ما بيكون راحة…
بيكون مرحلة بين مرحلتين.
مرحلة ما خلصت،
ومرحلة بعدها ما بلّشت.
وبهالمساحة…
العقل ما بيرتاح.
بيضل يسأل، يتوقّع، يحلّل، ويخاف.
يمكن مش لأنو في شي عم بصير…
بس لأنو ما عم نعرف شو رح يصير.
وهيدا بحد ذاتو مُرهِق.
إذا حسّيت حالك عم تتعب بهالفترة،
عم تفكّر زيادة،
أو مش قادر تهدّي راسك…
هيدا مش ضعف.
هيدا عقل عم يحاول يحميك… بطريقته.
بس أوقات،
منحتاج نهدّي هالمحاولة،
مش نزيدها.
📍فيك تحكي.
📍فيك تفهم شو عم بيصير جواك.
📍وفيك تلاقي طريقة تمشي بهالفترة بدون ما تستهلكك.
جلسات دعم نفسي — أونلاين أو حضوري
لأنو وجود مساحة آمنة… بيفرق أكتر مما منتخيّل.
#القلق #وعي #لبنان جلسات_أونلاين

31/03/2026

أوقات…
أكتر شي الولد بحاجة يسمعو من بيّه
مش نصيحة…
ولا تصحيح…
بس: “أنا معك” 💛
لأنو بين الضغط والدعم…
في خط رفيع كتير.
وفي كتير ولاد
ما بيكبرو تحت التوجيه…
بيكبرو تحت الخوف من خيبة الأمل.
✨ لما الولد يحس إنو مقبول
حتى وهو عم يغلط…
هون بيبلّش يبني حاله عنجد‎
ChildDevelopment EmotionalHealth ParentChildRelationship

23/03/2026

ليش الدقيقة بالحرب… ما بتقطع؟
لأنو جسمك بوضع “خطر” ودماغك عم يبطّئ الوقت ليحميك.
إذا حسّيتها تقيلة… جرّب ترجع لنفَسك وتذكّر:
إنت مش ضعيف… إنت عم تتحمّل شي كتير تقيل. 💛

19/03/2026

بالنزوح… مش بس البيت بيتغيّر،
الأدوار كمان بتتهز.
ولما الأدوار تتلخبط…
المشكلة مش بالناس،
المشكلة إنو النظام القديم ما عاد ينفع…
والجديد بعدو مش واضح.
بهالفترة،
كل واحد عم يحاول يحمي مكانه…
بطريقته.
💛 يمكن أهم شي ننتبه له:
مش مين الصح ومين الغلط…
بل كيف فينا نترك مساحة صغيرة لكل شخص
يحس إنو بعد عندو “مكان”.
✨ إذا عم تعيشوا هالتجربة…
شو أصعب شي عم تواجهوه بهالموضوع

12/03/2026

بالحرب والنزوح، كبار السن ما بيخسروا بس بيت…
أوقات بيخسروا عالم كامل عاشوا فيه سنين.
بهالعمر، الأمان ما بيجي من المكان…
بيجي من العلاقة، من شخص مألوف، ومن إيد حدّهم. 🕊️
لأنّ التعلّق ما بيخصّ الأطفال بس…
بيرافقنا طول العمر.


#الحرب
#التعلّق

07/03/2026