Sawa clinics عيادات سوا

16/11/2020

إذا انتو أهالي لأطفال عندن توحّد، يعني أكيد عندكن تجربة مع نوبات الغضب والسّلوكيّات غير المرغوبة عندن. متل مثلًا الصّراخ بس تلبسوهن كنزة غير كنزتن المفضّلة!

بهيدا المنشور رح نتعرّف على طرق بتسهّل علينا ضبط السّلوكيّات غير المرغوبة وتخفيف احتمال حصول نوبات غضب عند هيدول الأطفال.

خلّونا #سوا نخلق بيئة محفّزة، داعمة وإيجابيّة لأولادنا، حتى نساعدن يتكيّفوا مع محيطهن!

05/07/2020

22/05/2020

لمحة عن دور المعالج اللغوي مع الأشخاص ذوي ضعف السمع

22/05/2020

شو دور الأهل بالبيت مع الولاد يلي عندن ضعف بالسمع؟ 🦻🏼
نتأكد من انو لابسين سماعات الاذن لأكثر وقت ممكن بالبيت 🏠
نتحدث مع بعض نحن وبنفس الغرفة🗣
نتجنب انو نتحدث كلنا بنفس الوقت👥👤
ما ناكل نحن وعم نتحدث معن بنفس الوقت متل العلكة🍬
نتفقد السماعات دايماً الصبح كروتين صباحي ونخلّي بطاريات احتياط🔋
نخصص وقت للأنشطة منزليّة لنعملها سوا👨‍👩‍👦

09/05/2020

العلاقة بين اللغة المكتوبة و المحكية

01/05/2020

أكيييييييد فينا! و ما تستغربوا. اكيد الولد بهيك عمر رح يجرّب يتعرّف على الصفحات بتمّو😁😁 بس نحنا منكون عم نفتح عالم جديد و كتير حلو لولادنا!😍
بدراسة نعملت على ولاد بعمر الست أشهر 👶🏼👦🏻لحتى عمر الحضانة ٣ سنوات تقريباً، طلبوا من الأهل يقروا سوا مع ولادن قصص على فترة طويلة📖
نتيجة كانت انو هالولاد فرجوا تطوّر على مستوى فهم الكلام وكمان استعماله🗣🧠
كان في فوائد تانية غير بموضوع اللغة منها:زيادة بمدة التركيز والإنتباه👀👂🏼تأثير إيجابي على العلاقة بين الولد والأم👩‍👦


#سوا

27/04/2020

كيف فينا نساعدن بالبيت؟🤔
🤝 نتعاون مع المدرسة لنتأكد من كتابة كل الفروض المنزليّة
⬇️ تقليل عدد الدروس قدر الإمكان بحسب قدرات الولد بالتعاون مع المختصّين
➗ نقسّم و نظم وقت الدرس ويكون الوقت ثابت ويكون في اوقات استراحة
🤓 نعطي التعليمات ونسألن بشكل بسيط وسهل
😌 نكون صبورين مع ولادنا بهالأمور ونتذكر انو عم يعطوا قد ما بيقدروا
💪🏼نشجع الولد دايماً بكل خطوة بيعملها

24/04/2020

🎯 شو هنّي أبرز العلامات يلي بتدل انو التلميذ ممكن يكون عندو صعوبات تعلّميّة؟

22/04/2020

هي الصعوبة بإكتساب و استعمال المهارات الاكاديمية، متل القراءة📖، الكتابة✏️، و الحساب📐.
امتين معقول تبيّن؟
⏰هالصعوبات ممكن تبلّش تبيّن بصفوف الروضة ثالثة، او الصف الأول، يعني لما يبلّشوا الولاد يتعلّموا كتابة وقراءة الأحرف.
📍من بعد هالمرحلة، ممكن هالصعوبات تكبر و تزيد، فاحتمال نصير نلاحظ بعض العوارض يلّي لازم تفتّح عيوننا عليهن👀

06/04/2020

ليش ما منحكي كمان عن قدرات الأشخاص الإيجابية عن الأشخاص يلي عندن توحّد 🧩
📍من المهم ننتبه انو هول القدرات مش كلن دايماً موجودين عند الشخص.
و هيدا الشي كتير حلو لإنو بيفرجينا كيف كل حدا مميّز بطريقتو الخاصة✨

02/04/2020

كنتوا بتعرفوا إنو مسلسل "شارع سمسم" عمل شخصيّة سمّاها Julia، و كانت بنت عندها توحّد؟
بهالطريقة الكتير مميّزة قدر المسلسل يفتح باب التوعية عن التوحد عند الولاد الزغار💙

01/04/2020

🌀التقليد عند الولاد يعتبر من اهم المهارات يلي بتحضر الولد ليكتسب اللغة المحكية، و بيبلش يتطور على عمر ٨ أشهر تقريباً👶🏻

🌀التقليد موجود بشكل أساسي بحياة الولد من اللفظ🗣، لطريقة اللعب🧸، لإكتساب المهارات الاجتماعية متل يضحك للتانيين 😃او يسلم عليهن🤝

🌀الولد رح يبلش يقلد جسدياً قبل ما يوصل لمرحلة التقليد بالصوت🤸🏻 طب ليش؟🤔

🌀لإنو المهارات الجسدية عند الولد بتتطور أسرع (يدبدب ع الأرض، يهدّي قنينة الحليب لحالو، يكمش الالعاب و يتحسسها بتمّو، يلوّح بإيدو باي باي...) 👋👋

🌀من بعد ما هوّي خاض هالتجارب و صار يقلدها و يعملها بشكل طبيعي و مستمر و فهم ليش هوي عم يلوّح باي، بيصير ينتبه سمعيّاً 👂الأهل شو عم يقولوا بنفس الوقت، و هيك بيصير يكتسبن شوي شوي🤓

📝 أنشطة بتساعد لتطوير التقليد الجسدي:
- نعمل بإيدنا باي👋🏼
- نزقّف👏🏼
- نبتسم و نضحك😊
- ندل على أعضاء جسمنا (راسنا منخارنا تمنا...)

📝 أنشطة بتساعد لتطوير التقليد الصوتي:
- نعمل مممم بس ناكل اكلنا 🍎
- بس ندوس شي مسقع او سخن شوي نقول أحححح🙊
- نزيد أصوات ع كل أفعال يلي منعملها📣
- نقول بيب بيب بس نلعب بالسيارة 🚗
- نقلد أصوات الحيوانات 🐮
- نغني و نعمل حركات بإيدنا (the wheels of the bus 🚌 )

#سوا ّرة_للغة_المحكية