28/05/2026
هل كلّ ما أكلنا… منكون عن جدّ جوعانين؟ 🥺
أوّل شي بدّي أشكر كلّ يلّي شاركوني رأيُن ❤️ وبدّي قول وبكلّ صراحة للأسف لا...
لا، مش كلّ ما أكلنا منكون عن جدّ جوعانين.
أكيد في كتير أوقات مناكُل عن جوع بالفعل…
بس في كتير أوقات كمان مناكُل لأنّا مضغوطين، تعبانين، ومش قادرين نحكي أو مش راضيين على كتير إشيا بحياتنا.
أو كمان، لأن الأكل هو الشي الوحيد يلّي بيعطينا لحظة نرتاح فيها وندلّل نفسنا وننسى صعوبات الحياة…
وفي ناس... بتاكُل بعد كلمة جرحتها.
أو لمّا بتخاف أو لما بتحسّ بالفراغ.
وأغلب الأوقات… بدون حتى ما تنتبه ليش أو شو عم تاكُل.
العلم اليوم بيأكّد إنو الأكل ما بيتعلّق بس بالجوع الجسدي،
بل كمان بالمشاعر، التوتر، العادات، ودواير المكافأة بالدماغ.
لهيك…
مش كل شخص بياكُل زيادة يعني “ما عندو إرادة” ❌
أوقات الجسم بيكون شبعان…
بس النفس أو المشاعر هنّي التعبانين 💔
أخيرًا، رح إنشر قريبًا جدًا معلومات بتساعدنا نعرف نفرّق بين
🍎 الجوع الحقيقي
و
🧠 الأكل الناتج عن التوتر والتعب والزعل
لأن فهم السبب… هو أول خطوة للتغيير ❤️
