Lighterstyle by Ghena Sandid

Call Directions Contact the practice

Lighterstyle by Ghena Sandid �Registered dietitian.
�Over 10 years of clinical experience
�Media dietitian. Email: [email protected].
� Beirut:01867486.
� Saida: 07751444.

13/10/2026

مكسرات نية مكسرات نية كل النهار النصائح بتقول مكسرات نية…
تعو نشوف بسلسلة بتفرق او ما بتفرق إذا فعلاً المكسرات النية افضل من المحمصة

١- في تحميص على الهوا او بدون زيت و هون الوحدات الحرارية ما بتفرق بس التحميص ممكن يخسر المكسرات شوية غذا…

٢- في تحميص بالزيت الوحدات الحرارية بال ١٠٠ غ بتفرق من ٥٠-١٠٠ وحدة حرارية
حتى هون بالكمية المسموحة يومياً الفرق مش كبير
المكسرات مصدر دهون و ما بتشرب زيت كثير

انتبهو بس على كمية الملح الموجودة خصوصاً لمرضى الضغط… و كيف ما اخذتو المكسرات المهم تنتبهو عالكمية

#مكسرات

12/10/2026

لما منشوف هلقد تفاعل على هيك نوع محتوى منعرف انه الناس مقتنعة بهالشي و بتحب هالشي و عقلها بيصدق هالشي

ما في سر لخسارة الوزن
و ما في حدا مخبى عليكن شي
و ما في وصفة سحرية ولا مكون حارق خارق

لنعتبر انه هالتمرين بيحرق ١٠ مرات اكثر من التمرين العادي
و بيحرك الجهاز المفاوي ١٠٠ مرة اكثر من العادي
بس هل هالشي كفيل انه ينزل الوزن و بأسبوع؟
طب و الاكل؟ نوعيةً و كميةً؟
طب النوم؟ التوتر؟ الحالة الصحية؟ الادوية؟ الأمراض؟ الهرمونات؟
هول كلهن مننساهن؟

حبيت ضوي على هالموضوع لان ما حدى رح ياخذ الموضوع بطريقة شخصية لانه محتوى اجنبي بس للاسف عشرات و مآت الفيديوهات الي عم تنتشر بشكل يومي و بتلاقي تفاعل كبير و بتخلي توقعاتكم خيالية و بالاخر المتضرر الوحيد انتو…
كل شي رح يفيد … شرب الماء مفيد المشي الحركة الرياضة البروتين الالياف الغذاء… بس ما في شي لوحده هو الي رح يعمل المعجزات

09/10/2026

شو افضل نوع طناجر؟
- التيفلون ❌❌❌مع الحرارة بيطلع مواد كيميائية خصوصاً إذا انجرح
- ⁠الألومينيوم ❌❌❌ بيتفاعل مع الاكل خصوصاً إذا حمضي و بيطلع مواد مضرة
- ⁠النحاس ✅✅✅ بيتحكم بالحرارة
- ⁠الحديد ✅✅✅ بيزيد من كمية الحديد بالاكل و بيحفظ الحرارة
- ⁠الزجاج ✅✅✅ شكلة حلو م ما في مواد مضرة
- ⁠الستاينلس ستيل ✅✅✅ خيار ممتاز ما بيتفاعل مع الاكل و ما بيتقشر و بيضاين سنين

كل هالطناجر و غيرها موجودة ب Karaca Lebanon

و هلق خبروني شو الطناجر الي عم تستخدموها ؟

07/10/2026

هي مزحة
بس المزحة نصها جد
كثار بيعانو بالدايت من الجوع و بيقضوها ناطرين الوجبة الجاي
و هالشي اله سبب او اسباب اكيد

* البروتين قليل
* الألياف قليلة
* حجم الوجبات صغير حتى لو سعراتها محسوبة
* الدهون الصحية قليلة جداً
* الوقت بين الوجبات طويل
* أكل كتير سريع الهضم وقليل بالشبع
* نومك مش كافي
* نشاطك وحركتك عالية
* النظام مقيّد زيادة ومخليك تفكر بالأكل طول الوقت

مش عطول القصة ارادة
خبروني تجربتكن مع هالشي

05/10/2026

كثار الناس الي بتاكل رز بسمتي بكميات عالية لانه اخف و بيسموه رز دايت

مقارنةً بالرز الابيض كل ١٠٠ غ مطبوخ بتفرق بس ٩ وحدات حرارية و ٣ غ نشويات و كمية الالياف تقريباً نفس الشي

الفرق الوحيد المؤشر الغلايسيمي افضل بالباسمتي يعني بيرفع السكر بطريقة ابطىء لهيك إذا عندك مشكلة سكري او مقاومة إنسولين هو خيار صحي

بس هي ما كثير بتفرق
خصوصاً انه سعره ٣ مرات اغلى

#بسمتي

02/10/2026

من اكبر الأغلاط الي منعملها منروح على الشغل او الدوام ما معنا شي… و منفكر انه ما رح ناكل و الي بيصير عكس هيك يا منكون من الجوع بالشغل و مناكل شو ما كان سناكات مش صحية سكر و اكل جاهز يا منوصل عالبيت ميتين من الجوع و بيبطل شي يشبعنا و منقضيها حلو و مالح لحد ما ننام…

هول شوية افكار لسناكات إذا ما بدكن وجبات بتتسخن صحية و بتشبع و فيها الياف و بروتينات

١- تفاح + جبنة شيدر+ زبدة الفستق
٢- لبن يوناني + فريز و توتيات+ غرانولا
٣- حمص بطحينة من .snack حمص بطحينة محضّر بمكوّنات معصورة على البارد و لهيك بيحافظ على الطعمة و بدون طعمات مصنعة و مواد حافظة مناسب للنباتيين و بيجي على كذا طعمة و في حصص بتكفي لاستخدامه مرة واحدة
٤- خيار و جزر مع لبنة او جبنة و فيكن تزيدولها شوية زعتر و زيتون مفروم و شوية مكسرات مطحونة كمان او بزور

المهم تكونو جاهزين للجوع
خبروني بتاكلو بالشغل او لا؟ و شو بتاكلو؟

30/09/2026

وصفة صحية للاولاد الي بيحبو الحلو:

- حمصو ٢،٥ كوب سمسم (بدون زيت)
- ⁠سخنو كوبين دبس خروب طبيعي
- ⁠زيدو ملعقتين اكل طحينة
- ⁠و السمسم الي تحمص
- ⁠مدوهن على ورق زبدة و عالبراد ساعتين او اكثر
- ⁠قطعوهم و هيك بيطلع معكن اطيب حلو صحي
> ممتاز للإمساك
> مليان كالسيوم حديد ماغنيسيوم
> دهون صحة و مضادات اكسدة
> طاقة سريعة للاولاد

و بعرف رح تسألو…

الوصفة كلها ٤٠٠٠ وحدة حرارية بتعمل ٣٠ قطعة يعني ١٣٠ وحدة بالقطعة
و صحة و هنا

28/09/2026

هالفيديو عمل انهيار سابقاً بتمنى نحافظ على أعصابنا هالمرة…

كثار ناس قالو بيزيدو ٣ كيلو باسبوع إذا أكلو هيك … أنا مستعدة وقف شغل إذا هالشي مزبوط… الناس بتحس هيدا الاكل كثير بس هالاكل فيه ١٥٠٠ وحدة حرارية ولا ممكن إنسان يزيد ٣ و ٤ و ١٠ كيلو على هالاكل
الانسان الي بيزيد يا اما:
- بياكل ٥٠٠٠ وحدة و هو مش عارف، مش عارف انه ملعقة الزيت الاكل ١٣٥ وحدة و مش عارف انه كمشة الكسرات و كمشة البزر حتى لو بلا ملح و العصير حتى لو طبيعي و و و بيجمعو
- ⁠عنده مشكلة صحية مش عارف فيها
- ⁠معود جسمه على اكل كثير قليل و بالتالي الاكل الطبيعي صار بينقز جسمة

على كل مش موضوعنا
هول خيارات مش يعني بدنا نأكلهم كل يوم عم بعطي مثال عن كيف فينا من اكل البيت نوصل لحاجة جسمنا من البروتين بدون ما نزيد كثير بالوحدات الحرارية

مثال عن يوم:
- ٢ توست اسمر ٤٠ غ
جبنة حلوم ٦٠ غ
خيار و بندورة

كوب لبن يوناني
٨٠ غ فريز
١/٢ ملعقة صغيرة عسل

١٥٠ غ صدر دجاج مطبوخ
كوب رز عدجاج مطبوخ
كوب سلطة مشكلة

٤٠ غ حمص بطحينة
١٠٠ غ جزر

١٠٠ غ تون مصفى من الزيت
٧٠ غ معكرونة مسلوقة
الصوص: ٥٠ غ لبن يوناني ‘حامض’ خردل و رشة ملح
كوب خضار

هول ١٥٠٠ وحدة حرارية
١٢٠ غ بروتين
١٤٥ غ نشويات
٣٥ غ دهون

و بعتقد انه اكل طبيعي
و إذا انت بتاكل ربع هالاكل و عندك وزن زيادة يعني في شي غلط اكيد

25/09/2026

لكثير ناس ٣$ كثير بعرف
و يا ريتني مسؤولة عن الاسعار و الوضع المعيشي
بس فكرو فيها وين عم نصرف اكثر من هيك على اكل بلا طعمة و مليان امراض

شو تجيبو؟
١- فواكة ، أنا بنوع و بقلل كمية، بشتري تفاحتين ، كم حبة خوخ، موزتين ، حبة منغا، شوية عنب (قبل الهجوم جبت هالكمية لأقدر احسب كلفة الانشبوكس…) انتو جيبو قد ما بيلزمكن

٢- الخضار منجيب خيار بندورة كرزية فليفلة خضرا و صفرا مقتى … و كمان جبت كمية على قد الانشبوكس لأقدر احسب الكلفة

٣- خبز، فينا ابيض افرنجي مرقوق توست طري… أنا جبت خبز بيكفي اسبوعين (لان في أنواع الحصة فيها كبيرة و ما عندي غير حل)

٤- شوية لبنة و شوية جبنة حلوم و قشقوان و شوية زعتر …

٥- و جبت سناكات بسكوت و مقرمشات و كيك … و هول كمان بيكفو اكثر من اسبوعين

و الفاتورة طلعت ٣٦$ و فينا ننزل فيها كمان إذا حبينا لان مثل ما قلتلكن في أشياء مثل مثلاً قالب الحلوم او علبة البسكوت او كيس التوست الطري كمياتهم بتكفي اكثر من اسبوعين …
٣٦$ للبنتين يعني ١٨$ للبنت الواحدة يعني معدل ٣$ بالنهار
برجع بذكركن حق المنقوشة و الكرواسان و المشروبات الغازية و العصاير و التشيبس و الشوكولا و و و اكثر بكثير
والي اغلى لحصيات الدكاترة و فواتير المستشفيات و الادوية الله لا يقدر
لهيك جربو قد ما فيكن تختارو أشياء صحية و بينبسطو فيها الاولاد

Grocery from Al Forno

#لانشبوكس #صحي

23/09/2026

🤣🤣🤣🤣
No comment
بس أنا متأكدة انه حصل
اعترفو 🤣🤣🤣

Address

Verdun
Beirut
00961

Opening Hours

Monday 08:00 - 18:00
Tuesday 08:00 - 18:00
Wednesday 08:00 - 18:00
Thursday 08:00 - 18:00
Friday 08:00 - 18:00

Telephone

+9611867486

Website

Alerts

Be the first to know and let us send you an email when Lighterstyle by Ghena Sandid posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Lighterstyle by Ghena Sandid:

Shortcuts

Share

Category