Faten fawaz

13/10/2026

بعرف شو لازم آكل... بس ما عم بقدر التزم."

كم مرة قلتي هالجملة؟

بعد أكتر من 18 سنة بشغلي كأخصائية تغذية، صرت شوف إنه كتير نساء مش ناقصهن معلومات عن الأكل.

بيعرفوا شو هو البروتين، وشو الأكل المتوازن، وأهمية الحركة.

بس بين المعرفة والتطبيق، في حياة كاملة.

في تعب، ضغط، جوع، عادات قديمة، وأوقات علاقة مع الأكل مبنية على سنين من الحرمان.

وإذا كل مرة ما قدرتي تكملي، رجعتي لمتي حالك وبلشتي دايت أقسى، يمكن عم تعيدي نفس الدوامة.

خسارة الوزن مش بس إنك تعرفي شو تاكلي.

هي كمان إنك تتعلمي كيف تطبقي هالمعرفة بحياتك الحقيقية، حتى بالأيام اللي مش كل شي فيها ماشي متل ما بدك.

خبريني، شو أصعب شي بالنسبة إلك؟

إنك تعرفي شو لازم تعملي؟ أو إنك تقدري تكملي فيه؟

Follow me إذا بدك تخسري وزن من دون دايت وحرمان 🤍

11/10/2026

أول شي بعمله لما فوت عبيت ماما؟ بفتح البراد 😂

حتى لو مش جعانة.

بس فكرت قديه علاقتنا بالأكل مرتبطة بطفولتنا وببيوت أهلنا.

قديه ذكريات عنا حوالين السفرة، طبخة ماما، الحلويات، واللمة.

ومن نحنا وصغار، ممكن نكون تعلمنا نربط الأكل بالحب، بالاهتمام، بالمكافأة، وبالراحة.

ويمكن كرمال هيك، أوقات منلاقي حالنا عم ناكل أكتر ببيت أهلنا، حتى لو مش جعانين جسديا.

مش بالضرورة لأننا فقدنا السيطرة، بل لأن هالمكان بيحرّك فينا عادات وذكريات ومشاعر قديمة.

وأكيد مش كل أكل للمتعة هو emotional eating أو مشكلة لازم نصلحها.

بس إذا عم تلاحظي إنك بتاكلي تلقائيا من دون ما تنتبهي، جربي تسألي حالك: شو عم دور عليه هلأ؟

لأنه أوقات، حتى نغيّر علاقتنا بالأكل، بدنا نفهم من وين بلشت.

خبريني، إنت كمان أول ما بتفوتي عبيت أهلك بتفتحي البراد؟ 😂

09/10/2026

3 شغلات مستحيل إعملهن قبل غدا العيلة:

1. ما بجوّع حالي من الصبح
ما بوقف ترويقة كرمال وفّر للغدا. باكل طبيعي وبوصل عالغدا وأنا جعانة جوع طبيعي، مش ميتة من الجوع.

2. ما بقرر من قبل شو ممنوع عليي آكل
باكل بوعي، وببلش بالبروتين وبحرص آخد كمية كافية منه، بعدين باكل النشويات اللي بحبها وبستمتع فيها. وإذا في حلو، باكله بعد الوجبة.

ما في أكل ممنوع، بس في طريقة باكل فيها بتساعدني أشبع واستمتع بنفس الوقت.

3. ما بحضّر خطة تعويض لتاني نهار
ما في صيام إجباري، ولا رياضة عقاب، ولا حرمان يوم التنين. برجع لروتيني الطبيعي.

بعد أكتر من 18 سنة كأخصائية تغذية، تعلمت شغلة:

غدا العيلة مش هو اللي بيخرب خسارة الوزن. العادات اللي منعملها قبله وبعده هي اللي ممكن تصعّب علينا الطريق.

Follow me إذا بدك تخسري وزن بدون dieting أو restriction 🤍

09/10/2026

أنا بحسد نور ستارز... بس مش للسبب اللي ممكن تفكري فيه.

بحب الثقة اللي بتبين بحضورها، وجرأتها إنها تلبس وتتصور وتعيش حياتها من دون ما تخبي جسمها.

وبتعرفوا شو كمان؟

تعبنا من فكرة إن كل امرأة لازم تكون نحيفة كتير حتى تكون حلوة.

الجسم المليان حلو كمان. والجسم النحيف حلو.

مش كلنا لازم نوصل لنفس الشكل، ولا لازم نعتبر أجسام المشاهير هي المقياس اللي نقارن حالنا فيه.

وبفكر بقديه نساء مأجلين حياتهن لوقت يضعفوا.

بس إضعف رح إلبس هيدا الفستان. بس إضعف رح إتصور. بس إضعف رح إرتاح بحالي.

بس ليه؟

فيكي تحبي جسمك، تهتمي بصحتك، تخسري دهون وتبني عضلات إذا هيدا هدفك.

بس مش لازم تكون خسارة الوزن شرط حتى تسمحي لحالك تعيشي.

يمكن الشي اللي ناطرتيه مش النحف نفسه، بل الثقة والحرية والقبول اللي مفكرة إنه رح يعطيكي ياه.

وكل هول مش لازم يكونوا مكافأة بعد خسارة الوزن.

Follow me إذا بدك تخسري وزن من دون ما تخسري حالك بالطريق. 🤍

08/10/2026

قديه مرة حسيتِ إنك مضطرة تبرري وزنك لحدا؟

تبرري إنك عم تجربي، إنك تعبانة، إنك ما عم تقدري تلتزمي، أو إنك عم تمرقي بمرحلة صعبة.

كأنك لازم تقدمي تقرير عن كل شي عم تعمليه حتى يقتنعوا إنك مش مهملة حالك.

بعد أكتر من 18 سنة بشغلي كأخصائية تغذية، شفت نساء كتير تعبوا مش بس من محاولات خسارة الوزن، بل من نظرة العالم إلهن.

وبدي قلك شغلة:

فيكي تكوني بدك تخسري وزن، وتشتغلي على صحتك وجسمك، وبنفس الوقت ترفضي إن حدا يحكم عليكي بسبب وزنك.

ما لازم تثبتي إنك عم تحاولي حتى تستحقي الاحترام.

إذا هالكلام عبّر عن شي حسيتي فيه، ابعتيه لوحدة بحاجة تسمعه اليوم 🤍

08/10/2026

اكتبيلي "ترويقة" بالتعليقات لابعتلك الطريقة مع كمية البروتين

07/10/2026

01/10/2026

30/09/2026

قديش من حياتك مأجلتيها لوقت تضعفي؟
وإذا هيدا الوقت ما إجا... قدي بعد بدك تنطري؟
أنا بعمر 41 بعدني بهتم بجسمي
بعدني بحب كون بأحلى shape
وبحب كون قوية وأبني muscle
بس في فرق كبير
ما بقى بدي أوصل لجسم بحبه
على حساب حياة بحبها
ما بدي استنى أضعف كرمال ألبس
أتصور
سافر
اطلع عالعشا
آكل cake وشوكولا
أو حس إني منيحة كفاية
لأنه الحياة ما كانت ناطرتني أضعف
كانت عم تمرق وأنا اللي كنت ناطرة
اليوم بدي ال٢
بدي اهتم بجسمي وعيش حياتي
ويمكن هيدا أكبر شي تغير فيي بعمر 41 🤍

إذا في وحدة إجت عبالك وانتي عم تقري هيدا
ابعتيلا ياه
يمكن هي كمان بطّل لازم تستنى