عيادة د.عبدالفتاح رفعت للأطفال وحديثي الولاده

23/07/2026

Mother's kiss (قبلة الأم)
الأطفال دايما بيميلوا للاستكشاف اللي في كتير من الأحيان بيكون مؤذي🧟‍♀️🧟‍♀️..
زي مثلا إنهم بيحاولوا يستكشفوا الأنف" طب أنا لو حطيت الخرزه في الفتحه دي هتجري تروح فين"🤪🤪
فتلاقي الباشا يحط حباية فاصوليا ،مكسرات، حتة مناديل، قطن .
طبعا مش الخطوره بس في انسداد الأنف وتكون روائح كريهه وحدوث عدوي ثانويه في الأنف
الخطوره الأكبر في إن الطفل ده يستنشق جامد والحاجه دي تدخل مجري الجهاز التنفسي وتشرقه🚨🚨🚨..
لو ده حصل نعمل ايه؟
👈لو طفل مستجيب وواعي: نضغط بالاصبع علي فتحة الأنف السليمه ونطلب من الطفل النفخ بقوه من الفتحه المصابه.
👈لو طفل صغير: mother's kiss ..الأم تحط فمها علي فم الطفل مع كامل الالتصاق وتقفل الأنف السليمه وتنفخ بقوه ولفتره وجيزه في فم الطفل..

14/07/2026

🚨🚨ممنوع لب ومكسرات للأطفال أقل من ٥ سنوات🚨
حدث بالفعل:
أب بيكلمني، بنتي سنتين شرقت إمبارح في لب قعدت تكح ولونها اتغير وبعدين بقت كويسه صحيت من النوم بتنهج شوية.
البنت كانت كويسه قبل الشرقه ماكنش ظاهر عليها أي اعراض برد او كحه فجأه كده البنت بتنهج وبفحص الطفله الهواء ماكنش مسموع كويس علي الرئه مع بدايه ظهور افرازات علي الرئه مع سرعه في النفس.
الحل 🚑🚑الطفله دي لازم يتعملها منظار استكشافي لو الحبايه موجوده بتتشال بالمنظار فورا.
👈للأسف الاشعه العاديه مالهاش اي لازمه لأنها مش هتبين المكسرات
👈وماينفعش نقعد ندي في علاجات ولا جلسات لأن ده هيأخرنا في الوقت وتبدأ تعمل التهابات علي الرئه.
نتصرف إزاي لو ده حصل معانا في البيت؟؟
زي مافي الصوره تحت👇👇لو أقل من سنتين بنقلبوا علي ظهره ونخبط جامد علي الظهر
لو فوق سنتين بنحضن الطفل مع وضع اليدين علي الجزء السفلي من عضمه القص.
الخلاصه 🙏🙏ممنوع إعطاء الأطفال أقل من ٥ سنين اي مكسرات حبوب كامله لازم تكون مطحونه كويس.
الحمد لله البنت توجهت للطوارئ ودخلت منظار وتبين بالفعل وجود حباية لب واتشالت وخرجت الحمد لله بالسلامه.
حفظ الله أطفالنا من كل سوء.

22/04/2026

المعضلة الكبري💤..والسؤال اللي بيحير تقريبا كل الأمهات👩‍💻👩‍💻 ومافيش طفل مش بيعدي عليه🧑‍🌾..
أدخل أكل🥑 لابني أمتي؟ وأدخل إزاي؟وأبدأ بإيه؟؟
هنجاوب في البوست ده عن السؤال الأول..
💫اختلف الأطباء في تحديد الوقت اللي بندخل فيه الأكل للطفل بالظبط، ولكنهم اتفقوا علي إنه ممنوع إدخال الأكل للطفل أقل من ١٧ أسبوع يعني مش قبل تطعيم الاربع شهور..
🫲طيب إيه هوه أفضل وقت ادخل فيه الأكل؟
أفضل وقت هوه حوالين الشهر السادس وإن كان بعض الأطفال بيكون عندهم استعداد لدخول الأكل قبل كده..
👎يعني احنا بنعتمد علي عمر الطفل في إدخال الطعام!!!
لأ.إحنا بنعتمد علي تطور الطفل واستعداده اكتر من الاعتماد علي عمره .
✌️طيب إيه هيه العلامات اللي أقدر أقول بيها ابني عنده استعداد ياكل؟؟
👈 يكون بيقدر يقعد سواء مسنود او لوحده وصالب راسه مش واقعه منه.
👈فيه تناغم بين العين والفم والإيدين..يعني ممكن يبص علي الحاجه ويشيلها يحطها في بقه.
👍يعني لو طفلي بعد ال ٤ شهور لقيت التطور بتاعه كويس ممكن أبدأ ادخل أكل..( طبعا اللي بيحدد مدي تطور الطفل هوه الدكتور مش ستو 🫣)
🤛إنما لو ٦ شهور مثلا ولسه مش صالب راسه او مش مدرك الأشياء من حوله ماينفعش ندخل أكل...

06/04/2026

السمسم..
فوائده لا حصر لها👇👇
🦴🦷الكالسيوم اللي فيه اكتر من اللي موجود في الحليب علشان كده هوه مهم للتسنين والعظام والتطور الحركي للطفل خصوصا الأطفال اللي عندهم حساسيه ألبان.
🍽🥄فاتح للشهيه وسعراته عاليه فبيزود الوزن في الأطفال
🧠غني بالدهون الصحيه وده مهم للذاكره ونمو المخ والذكاء
👍👍ممكن نبدأ ندخله عند ٦ شهور يتحمص تحميصه خفيفه ويتطحن كويس ونزود منه ملعقه صغيره علي الوجبه مره او اتنين في اليوم ممكن عالزبادي او الرز او الشوفان او الخضار..
🤌🤌طبعا زي ما احنا متعودين في أول الإدخال لازم ندخله بكميات بسيطه جدا علشان نعرف الطفل عنده حساسيه منه ولا لأ..

17/02/2026

10/01/2026

علامات لو لاقيتيها في بنتك ماتقلقيش

06/01/2026

هتدخلي لبن صناعي🫣🫣

05/01/2026

هتوقفي اللبن الصناعي..
.

03/01/2026

ابنك مش قزم..
#قصرالقامه #التقزم #الطول

31/12/2025

٨ نصائح لتقليل العدوي..
الجزء الثالث..